الموضوع: مسافر جديد يبحث عن التجديد

اولا: الحقيقة انها اولى مشاركاتى فى منتداكم الرائع
قبل اى شىء اود ان اشكركم على كل ما تقدمونة من خلال منتداكم و اخص بالشكر كل القائمين على نجاح المنتدى من اداريين او مشرفين او اعضاء, جزاكم اللة خيرا عن كل الِمستفيديين من توجيهاتكم و نصائحكم و ارائكم.
ثانيا: انا انوى ان شاء اللة السفر الى مصر انا و زوجتى فى29 يوليو القادم لقضاء عشرة ايام وحبيت انى اجدد المرة دى و اقسم الرحلة ما بين البحر الابيض و الاحمر وتم اختيار الساحل الشمالى 4 ايام و الغردقة 5 ايام (ماكادى باى) و علية ارجو المشورة من اصحاب الخبرة1
1- ما هى افضل القرى فى الساحل و تكون اسعارها معقولة مع العلم انى متزوج من ثلاثة اشهر فقط
2- ماهى الانشطة و خيارات الفسح هناك
3- كم يلزمنى ميزانية تقريبا للاستمتاع بما هو متاح هناك
4- لو امكن اقتراح برنامج للرحلة فى الساحل و الغردقة
5-ارجو النصيحة فى كلامن الساحل و الغردقة لانها ثانى مرة ازور فيها مصرو ليس لى بها خبرة كافية


شكرا لكل من افادنى براى او اقتراح

مواضيع عشوائيه ممكن تكون تعجبك اخترناها لك:

• هيلتون فيروز شرم الشيخ طلب افادة
• اخواني سوووأأأأل واحد بس
• السفتي بوكس حق الفنادق
• مصر تحصد جائزة أفضل مقصد سياحى فى أفريقيا والأهرامات تتربع على عرش المعالم
• مسافر مصر إن شاء الله في شعبان
• مصر اشتقنااااااالك
• تغيير سعر التذكرة
• طلبتكم ابغي برنامج منوع لرحلتي الرمضانيه
• شقق فندقية فى الزمالك
• نخيتكممممممممممم ياعرب وطمنوني
• استفسار عن السفر الى مصر بالسيارة عن طريق العقبة
• اخوكم في ورطه
• بليز ساعدوني شارم الشيخ
• كل مايخــص فندق سميرا ميس
• ارقى فندق في شرم الشيخ
• ارجوا المساعده من اصحاب الخبرة
• بعد ساعه راح اكون في القاهره انقذوني
• أفضل التوصيات؟ مسافر للقاهرة استجمام لوحدي
• مسافر ع إسكندرية ومحتاج مساعدتكم
• المعلمه نونه واجازه العيد في مصر وشرم العجيب

اولا اهلا بك في مصر
بصراحه انا اقدر ادلك وافيدك في الامور التى تخص الساحل مع انى عندي تعليق بسيط على كلامك
انت مجموع ايامك 4+5 يعني 9 ايام قليل جدا بالنسبه للبرنامج الى انت بتقول عليه الا لو كنت ناوي تروح من الاسكندريه الى الغردقه طيران وطبعا التكاليف هتزيد عليك دون الاحساس بمتعه وكمان يوم يضيع في الغردقه ويوم يضيع في الساحل علشان ترتيبات الوصول والاقامه ........ لا طبعا انصحك لو ناوى غردقه واسكندريه زود المده وكمان ناوى غردقه اعلم انك هتصرف في الغردقه ضعف الى هتصرفه في الاسكندريه
بصراحه انا راي تستغل الايام دي في مكان واحد وانا شايف انه الساحل فعلا
اقولك مميزات الساحل الشمالى
قريب جدا من الاسكندريه ...........والاسكندريه بها اماكن كثيره جدا تروحها
وممكن كمان من الساحل تروح القاهرة بين الساحل والقاهرة وقت ساعتين ونص تقريبا
وكمان ممكن تروح مطروح ودي بجد تحفه من تحف السياحه في مصر بس انا شايف ان مطروح مشهورة عند المصرين بس
نجي للمهم بالنسبه للقرى انا العام الماضي رحت قريتين في الساحل كل منهما كان ليها ميزه
بس الى عجبتنى اكترالى اخدنا فيها شاليه لوحدنا دي كان فيها نظام الشاليهات شاليه امامه حديقه صغيره خاصه طبعا هناك شاليهات امامها حديقه وحمام سباحه
وفيه فيلا فيها حديقه وحمام سباحه يعني حسب الاموال يعني طبعا انا واصدقائي زميلنا كان ليه معارف هناك
اخدنا شاليه كان تحفه بصراحه اليوم كان تقريبا ب 360 جنيه الى 400
على فكره انا من الاسكندريه بس الساحل شئ تانى صراحه
يعني ممكن اقترح عليك برنامج يناسب العشرة ايام للساحل بس ياريت هما يكفو
وياريت لو عندك سياره تيجي بيهااااااااااااااااااا هتريح نفسك من حجات كتييييييير ومصاريف كتير

اه صحيح نسيت اقولك حاجه





مبروك يا عريسسسسسسسسسسسس ربنا يكرمك وير زقك الذريه الصالحه ويبارك فيك وفي زوجتك وفي زريتك انشاء الله
منتظر استفساراتك بخصوص الساحل ......

شكرا لاهتمامك يا رحال,,,
اللة يبارك فيك و عقبالك لو كنت مو متزوج لان الزواج شىء جميل
المهم. ان شاء اللة هيكون معايا سيارة للتنقلات فى الساحل
اما بالنسبة لمدة الرحلة انا حددت اربع ايام للساحل بسبب عدم خبرتى بالمكان و كيفية قضاء وقت طويل ممتع فية اما الغردقة فانا زرتها قبل كدة و عارف فيها شوية اما لو فى برنامج ممتع للتسع ايام هتكون فكرتك لقضاء الفترة كلها فى الساحل افضل بكتير
مستنيك تقوللى برنامج ممتع للساحل و كمان لو تسمح سعر الفيلا اللى بها مسبح خاص و مكانها

شكرا

اولا ساحاول ان اكتب لك برنامج مع انه موضوع يتوه انته عاوز تشوف الاسكندريه على انك سائح ويهمك الاماكن السياحية
ولا عاوز تشوفها بيعيونا احنا يعني تعتبر نفسك مصري علشان تحس بكده لازم تشوفها بشورعها القديمة
بمبنيها التحفه بشواطئها الكتير مثلا تروح تاكل حمص من عند عم ابراهيم حبيبي الى على الكورنيش في سيدي بشر وتلاقيه مشغل ام كلثوم يا عينى تتسلطن معاه وانته بتاكل
او تروح عند محمد احمد بتاع الفول الى في محطة الرمل( طبعا هتقولى انا نازل مصر علشان اكل فول) بس لو عاوز تاكل فول صح من عند محمد احمد وكفايه وانته في الاسكندريه لو سالت عيل صغير عن محمد احمد هيقلك عليه ...........وزيه برده (بن البرازيل) لازم لازم تروح المحل ده
محطة الرمل دي وسط البلد في الاسكندريه ولازم تروحها مرحتهاش يبقى انته مرحتش الاسكندريه وفيها كل الخدمات
وياسلام وانته في محطة الرمل تروح تاكل عند الطيب كشري طبعا سيبك من كنتاكي ولا كوك دور ولا بيتزا ومؤمن المطاعم دي موجوده في كل حته وكمان تحضر نفسك للغدي عند (قدوره او زفير او بلبع او سي جل) كل دول سي فود ودول اشهر حد في الاسكندريه
قدوره انا دخلت المحل ده مره واحده ومش هتحصل تاني اتغديت في انا واصحابي كن ثلاثه دفعنا600 جنيه بس كنا عارفين انه غالي بس مش للدرجه
على فكره محل كشري الطيب ده بتاع صحبي وده موجود في محطة الرمل وتنزل محطة الرمل يعني تاكل من عند محمد احمد ده للفطار وتتغدي عند كشري الطيب هتلاقى (شريف الطيب) صحبي هناك ده صاحب المحل
هوا اسود البشره نوبي يعني ..... هوصيه يعمل معاك واجب كرم ضيافه مننا
وبعد الطيب تروح تشرب عصير من عند امل ممكن تلاقيه زحمه بس مش مشكله
او تروح السلسله وتقعد هناك لحد الفجر او تاكل هريسه وبسبوسه من عند احمد حسنين وغيره وغيره وغيره وغيره الحجات الى من غيرها متحسش انك في الاسكندريه وغيره كتير وكتير وكتير هحاول اجمعهملك في برنامج الواحد تاه من كتير الكلام
بس فيه سؤال
السياره الى معاك تبعك ولا ماجرها اولا
وانت لو هتنزل هتنزل على القاهرة ولا الاسكندريه طيران يعني ولا بري

ثانيا : بالنسبه للقرية الى كنت فيها العام الماضي اسمها حورس بس دي كنت داخل تبع صديق ليه يمتلك شاليه هناك
وهوا شغال في شركة تملك 10 شاليهات هناك
هتصل بيه واساله عن ايجار الفيلا وعن اجرائات دخولك القرية لو حبيت تاجر فيها والقريه دي على بعد نص ساعه الاربع تقريبا من وسط البلد الى هيا محطة الرمل
بس عندي نصيحه ليك
انت معاك زوجتك فقط ليش تاجر فيلا انتم منتو كثير وبعدين انته حد جاي يتفسح يعني كل يوم في مكان منت محتاج الفيلا في شئ غير انك تنام فيها
انا راي شاليه قدامه حمام سباحه افضل

لو حبيت تاجر فيها زكرنى اوصفلك طريق يختصرلك الوقت والزحمه يعني نص ساعه تكون في قلب الاسكندريه عن طريقه

انا جبتلك المقطع ده من مقال بيتكلم عن محل بن البرازيل .........
ولاحتساء أفضل قهوة يجب أن تذهب لمقهى «البن البرازيلي» بشارع شريف بالمنشية، حيث تفوح رائحة البن الطازج. ويعد «البن البرازيلي» أقدم محلات القهوة والبن في الإسكندرية، أسسه الخواجة سيدارس عام 1928، ولا يزال البن يأتي من البرازيل وكوبا، ولا تزال ماكينة طحن القهوة التي بدأت دورانها في المحل مع تأسيسه شاهده على تاريخ وحكايات عديدة.
وغيره زي مطعم تريانون المطعم ده تحفه انا كنت فيه مره وفوجئت بسفير ايطاليا هناك طبعا لان سفارت ايطاليا تقع امام المطعم مباشرة
ومن ما كتب عن تريانون
ويقع مطعم تريانون أسفل فندق «متروبول» العريق ليصبح من العلامات المميزة لمحطة الرمل بقلب الإسكندرية، وهو لا يزال محتفظا بديكوراته الكلاسيكية. وهو مكان عشقه الكاتب الكبير توفيق الحكيم ونجيب محفوظ وإبراهيم عبد المجيد