الموضوع: هل راح يكون فيه زحمة ؟

السلام عليكم

اخواني انا جاي البحرين مع العائله قبل العيد بيومين .. وبرد السعودية ثالث العيد

ودي اعرف هل فيه زحمة في هالفترة في البحرين ؟

وكيف الايجارات ؟ غاليه والا عاديه في هالفترة ؟

اخيرا .. انا بجي عن طريق البر .. كيف زحمة المنفذ في الجسر .؟ ومتى انسب وقت لتفادي الزحمة ؟

شكرا لكم

مواضيع عشوائيه ممكن تكون تعجبك اخترناها لك:

• دخول مقيمي السعوديه للبحرين
• اختكم الكويتية تحتاج معلومه
• سي دايموند
• شاليــهـات ومنتـجـع البـنـدر في مملكة البحرين
• استفسار عن فنادق المحرقعاجل
• أين يقع مطعم الأبراج الجديد؟
• قصر عيسى في المحرق عبق التاريخ الحاضر
• فندق الدانه نوفتيل
• الأماكن الترفيهية في البحرين
• شوقتونا لاهلنا في البحرين
• كيف الجو في البحرين؟؟؟
• سؤالي عن مكائن الصرف بالبحرين فيه عموله؟؟؟
• بسررررررررعه افيدوني تكفون
• ضضروري
• أين يقع مطعم فريندا؟
• يومين في البحرين إحساس هاديء
• سؤال عن المباره
• معرض البحرين الدولي للقوارب واليخوت
• عـــيـــدكـــمــ مــبـــاركـــ
• البحرين ليلا البحرين ساعه مطاعم ومقاهي

اخوي هالوقت زحمه غير طبيعيه اولا ان قبل العيد الناس تتقضى اغراض العيد
وبعد العيد الناس تسافر وتغير جو
يعني الله يعينك على الزحمه ومافي حل غير انك تطلع الفير يمكن يكون السيد خفيف
بالنسبه حق الايجارات ترتفع بسبب انه موسم اعياد
وحياك الله

مثل ماتفضلت اختي الماسه الزحمه شي مو طبيعي سواء قبل العيد او فالعيد لان الديره كلها اجازه والاخوان الخليجيين يقضون فترة العيد بعد عندنا وبحكم ان البحرين صغيره والتجمع الاكبر للناس يكون فضاحية السيف لان المجمعات التجاريه اغلبها هناك والكافيهات.. فالزحمه حدث ولاحرج...

اخوي البشمهندس الزحمه في البحرين الفتره هذي من غير اجازات اللهم ياكافي بسبب التعديلات في الشوارع فمابالك ايام العطل او الاجازات الرسميه (لاتعليق) اتوقع السنه هذي زحمة البحرين بتدخل موسوعة جينيس

ومثل ماقالت الاخت الماسه السوداء انك تطلع الفير

مثل ما قالوا الأخوان ويفضل عبورك الجسر من الصباح الى الظهر يكون عبورك سهلا ولا يوجد ازدحام

اخى البشمهندس ....كما تفضلوا الاخوان .....فترة العيد ...زحمه ....لايمكن تصورها ....ابتداء من الجسر .ومجمعات التسوق ..والفنادق والشقق اسعارها اعلى من الايام العاديه لانه موسم ...اما كيف تتفادى الزحمه بحكم انى ساكن فى البحرين والدمام فى نفس الوقت ....ولسنوات طويله .......فاقول ...لو كنت واقفا عند الجمارك السعوديه ... الساعه الخامسه فجرا ....لن تحس بالزحمه ...انتبه اخى... دقائق فقط تعنى الكثير على الجسر ...فهى تعنى الفرق بين ان تستغرق 12 ساعه على الجسر او تستغرق دقائق ...فانا ادخل البحرين الخامسه فجرا ...واخرج منها الخامسه فجرا ....

الاخوة والاخوات

الماسة السوداء

مزون البحرين

عبادي 28

rraed2002

tonga

كثر الله من امثالكم واشكركم على الردود

والظاهر اني هونت وبأجلها لبعد العيد ان شاء الله لاني ببساطه ما احب الازدحام والزحمة

يعطيكم الف عافيه

خير ماسويت اخوي البشمهندس .. وحياك الله في اي وقت في ديرتك الثانيه