الموضوع: ساعدوني بالاختيار لاهنتوو

السلام عليكم ورحمة الله وبركاته
انا من المتابعين لهذا المنتدى واستفدت منه كثير في سفراتي السابقه
الان قررنا السفر في اجازة الحج بأ ذن الله وانتم تعرفون لابد من الترتيب المسبق والمبكر للسفر
بس حصل اختلاف في وجهة السفر زوجي يقول اندونيسيا وانا اقول ماليزيا
ابغاكم تشورون علي الافضل وين ماليزيا والا اندونيسيا مع العلم المسافرون انا وزوجي وبنتي 9 سنوات وولدي 5 سنوات وبنتي الرضيعه 6 شهور مدة السفر المقترحه 10 ايام والميزانيه 18 الف بدون التذاكر طبعا ... ياليت تفيدوني من خبرتكم وتجاربكم الوجهه الافضل لسفرنا وبكون شاكره لكم

مواضيع عشوائيه ممكن تكون تعجبك اخترناها لك:

• استفسار عن فندق
• محتارمساعدة
• ترتيب امكان لشهر العسل
• أرجوا المساعده من أهل الخبره والمعرفه
• أفضل فنادق نجمة واحدة في لانكاوي
• أفضل فنادق خمسة نجوم في ملقا
• رحلتي شهر ابريل تم الترتيب والحجز رأيكم
• ممكن تساعدوني في ترتيب جدول حلو ومميز وفنادق لماليزيا
• استفسار لأهل الخبرة عن الجوالات في كوالا لمبور
• سؤال عن اماكن الطيران الشراعي في ماليزيا
• فندق
• الفزعة شهر عسل في اواخر ديسمبر حتى يناير
• أسئلة عن بعض المناطق في امس الحاجة
• مساعده عاجله بخصوص فندق في كوالامبور
• شهر عسل صيف
• عريس واول سفره لي خارج السعوديه
• هل يوجد حل؟
• أريد مساعتكم في ترتيب رحلة شهر العسل لو سمحتوا
• عريس وأبغاكم تساعدوني رحلة إلى ماليزيا ؟؟؟
• ماليزيا يوم للعائلات

عليكم السلام ورحمة الله
بما أن عدد الأيام قليله ( 10 أيام ) والميزانيه مرتفعه ( 18 الف ريال ) فالوجهه المناسبه لكم هي ماليزيا ... أما اندونيسيا فتحتاج الى عدد أيام أكثر ( 15 يوم على الأقل للعوائل)

موفقين

حياك عزيزتي ..


ماليزيا

لكن لو تزودون المدة يكون أفضل ..

هلا أختي الكريمة ...

من رأيئ المتواضع ... ماليزيا أجمل وأنسب لكم من كل النواحي

وأنصحك بالتقسيم هذا :

يومين سلانجور ..

ثلاثة أيام لنكاوي ...

يومين جنتنغ ...

ثلاثة أيام كوالا ...

http://img444.imageshack.us/i/8888xp.png/

مشكورين على الردود والمساعدة بس اخوي اللي اقترح زيادة المده ماراح نقدر لانه مرتبطين بالدوام والمدارس ...اخوي وافي اشكرك على الجدول والتقسيم الحلو هذا بالضبط نفس تقسيمي ومن خلال ردود كم أتخيل راح يقع الاختيار على ماليزيا وراح يرضخ بوالعيال 😊 آّنـ♥ـْآ لقيت حجز مبدئي على العمانية بسعر مره حلو مجموع التذاكر 8990 ريال ياليت تقول لي كيف السعر مٓـ❧•ـنّاسب والا ألاقي انسب وكيف العمانيه في السفر ياليت تفيدوني ...راح ارجع لكم بأسئله كثيره وياليت تتحملوني 😊😁 من الموبايل

هلا أختي ...

أعتقد جدولي هو الأنسب لكم من كل النواحي ..

وطيران العمانية ( ممتاز ) لكن عيبه الترانزيت ... حاولي تشوفي طيران ( دايركت ) أفضل

وإذا مافي أرخص .. أعتمدي الطيران العماني

http://img850.imageshack.us/i/39430257.png/

مشكور اخوي على ردك بس الترانزيت وقته قصير يعني من ساعه الى ساعتين تقريبا وما عندنا مشكله بالانتظار..بس انا حاولت الحجز عن طريق حواله بنكيه بس موقع العمانيه ماقبل الا فيما او ماستر كارد انا ما بغى من الان ادفع كاش لهم هل فيه طريقة ثانيه للحجز بدون دفع كامل المبلغ ياليت تفيدني اخوي .. شاكره لك سعة صدرك من الموبايل

هلا فيك اختي
بالنسبه للطيران العماني واحد من اصحابي جربه من اسبوعين كذا من الدمام ويمدحه صراحه فخامه وحلو واسعاره حلوه كثير والترنزيت كان ساعه وخمسين دقيقه وانا اشوف تعتمدين
وبالنسبه للحجز راجعي اي مكتب لهم وسوي الحجز عن طريقه وادفعي هناك

شارع جرير, حي الملز, الرياض
ص.ب :52660, الرمز البريدي : 11573
هاتف: 4733133 01 فاكس: 014762518
اتصلي عليهم واسئلي عن الطريقه او مكانهم يوم الجمعه يكون مغلق

يالبى قلبك ياسالم ... والله وفيت وكفيت ... الله يسعدك يارب

وأنصحك أختي الكريمة ... تأخذين برأي أخوي ( سالم ) ... نِعم الرأي والشور والله

http://img10.imageshack.us/i/86436803.png/

المشاركة الأصلية كتبت بواسطة salem1985
http://www.arabtravelersforum.com/tr...2/#post7736852

هلا فيك اختي
بالنسبه للطيران العماني واحد من اصحابي جربه من اسبوعين كذا من الدمام ويمدحه صراحه فخامه وحلو واسعاره حلوه كثير والترنزيت كان ساعه وخمسين دقيقه وانا اشوف تعتمدين
وبالنسبه للحجز راجعي اي مكتب لهم وسوي الحجز عن طريقه وادفعي هناك

شارع جرير, حي الملز, الرياض
ص.ب :52660, الرمز البريدي : 11573
هاتف: 4733133 01 فاكس: 014762518
اتصلي عليهم واسئلي عن الطريقه او مكانهم يوم الجمعه يكون مغلق





مشكور اخوي سالم ومثل ماقال الاخ وافي كفيت ووفيت جواب وافي وشافي انا بعد سمعت كثير عن جودة الطيران العماني وفخامتها وهذا اللي شجعني اشوف الحجوزات وفعلا لقيت انسب سعر عندهم بالمقارنه مع الخطوط الاخرى مثل السعوديه والاماراتيه واتحاد الامارات والقطريه... شكرا لكم جميعاا ولي عوده اخرى

ماليزيا جميلة
لكن المده قصيرة والميزانية ممتازة وتكفي لاسبوعين

عموما رحلة موفقة

المشاركة الأصلية كتبت بواسطة تلومني الدنيا
http://www.arabtravelersforum.com/tr...6/#post7737546

ماليزيا جميلة
لكن المده قصيرة والميزانية ممتازة وتكفي لاسبوعين

عموما رحلة موفقة



تسلم اخوي وياليت نقدر نزيد مدة الاقامة هناك بس مرتبطين بالدوامات والمدارس
بس تبقى تجربه وان شاء الله نعيد الزياره لها ويكون الوقت اطول
شرفت موضوعي وتشرفت بردك علي

اخواني اخواتي بالمنتدى اتشرف بطرحكم لي اسماء فنادق مقترحه وتكون مناسبه بالسعر ونظيفه ووسائل التنقل من مدينه لاخرى حسب توزيع الاخ وافي للجدول
يومين سلانجور ..

ثلاثة أيام لنكاوي ...

يومين جنتنغ ...

ثلاثة أيام كوالا ...

هلا والله


اقترح التالي


سلانجور فندق صن واي بيراميد


لنكاوي بلانجي بيتش


جينتينق اكيد بختار فرست وورلد عرفه كلوب


كوالالمبور تريدرز او رويال شولان

المشاركة الأصلية كتبت بواسطة AL3DNI
http://www.arabtravelersforum.com/tr...0/#post7737640

هلا والله


اقترح التالي


سلانجور فندق صن واي بيراميد


لنكاوي بلانجي بيتش


جينتينق اكيد بختار فرست وورلد عرفه كلوب


كوالالمبور تريدرز او رويال شولان

تسلم يدك اخوي على الاختيارات الحلووه بس ياريت ارخص شوي

هلا أختنا الكريمة

ماقصر أخوي ( العدني ) أعطاك أجمل الفنادق .. وإذا بغيتي أرخص وأنسب ... تفضلي :

سلانجور ( فندق إمباير )

لنكاوي ( فندق الهوليدي فيلا )

جنتنغ ( فندق الفيرست وورلد )

كوالا ( فندق الدورسيت ريجنسي )

أما طريقة التنقلات بهذه الطريقة :

* من سلانجور إلى لنكاوي ... طيران لكوالا ( 50 دقيقة )

* من لنكاوي إلى جنتنغ ... طيران لكوالا ( 50 دقيقة ) ومن المطار لجنتنغ تاكسي ( ساعة )

* من جنتنغ إلى كوالا ... تاكسي بسعر 100 رنقت والمسافة 50 دقيقة

الله يسلمك اختي ويسلم اخوي وافي علي المدح والثناء هذا من واجبي تجاه هالمنتدي الي استفدت منه كثير مع اني باقي ماسافرت بس احس اني رسمت خريطتي بناءا علي اعضاء المنتدي الموقرين

اتمني انه لما تجربين الطيران العماني تحكين لنا عن هالتجربه كيف كانت وتفيدين الاعضاء وانا اول واحد فيهم لانه لقيت سعرها حلو من الموبايل

أبشر اخوي سالم وكل اعضاء هالمنتدى الراقي باااحلى تقرير بعد العوده من السفر بأذن الله وراح احكي لكم كل شي صار وتجربة الخطوط العمانية لاني متعوده دووم في سفراتنا على الخطوط السعوديه
بس هالمره بنغير لانه الاسعار احلى بكثير عند العمانيه
بصرااحه حمستووووووووووووني حيل للروحه بس باقي كثير
شكرا لردودكم الراقيه جميعا ولي عوده لك اكيد ومزيد من الاستفسارات لسه ماخلصنا اسئله