الموضوع: ت ر ش ع فينا زلا لوس ميونيخ

السلام عليكم

يا ريت لو احد يساعدني بتنظيم رحلة شهر العسل

بنسبة لي حصلت الفنادق وكل شي اوكي بس في عيب شرعي
لحد الحين مو عارف كل مدينة شكثر اقعد فيها عندي36 يوم ما ادري شبسوي فيهم

حطيت فيينا 10 ايام

لوسبورغ 10 ايام

وزلامسي 10 ايام

وميونيخ 6 ايام


اتمنى الافادة من اهل الخبرة

مواضيع عشوائيه ممكن تكون تعجبك اخترناها لك:

• زيورخ كونستانز لو سمحتم
• رحلة اوروبا 21 يوم
• الفيزا طولت ياجماعه وش السالفه فيه احد مثلي
• مساااعدة عاجله ، لرحلة علااااج ،،،
• هل يؤثر؟
• حبه حبه يابوعمر ابيك تشرحلي عسى والديك الجنه
• حجزت الفنادق والباقي مساعدتكم
• انا بميونخ وبغيت اروح باجر غارمش يريت احد يعطيني عنوان شاارع السنتر
• فديتكمأول مره أدخل بوابتكمبس أبي روابط مواضيع فرايبورق
• ماهي اقرب قمة ثلجية مناسبة للعائله في الغابة السوداء
• بختصار رحلتي للنمسا ومحطة الوصول هي ميونخ اهم الاماكن السياحية في ميونخ
• بدايتي من فريبورغ أوروبا بارك صيف
• اقتراح برنامج
• استفسار من ذوي الخبره في جدول رحله اتمنى الرد لانا قريب السفره
• النقاب في فرانكفورت
• احتاج المشورة
• دسلدورف او ستراسبورغ
• ابغا اعرف
• معلومات عن تنقلاتي بالقطار
• رحلتنا العائلية الرائعة إلى ألمانيا وسويسرا

36 يوم وهذا فقط كا اخترت ...

هل ممكن نغير بالفنادق والمخطط ؟؟؟

هل البدايه من فينا والنهايه بميونخ ؟؟؟

انت ممكن تلف اغلب المدن والقرى الجميله بأوربا ؟؟؟

ما هي وسيلة المواصلات بين المدن المذكوره


بنتظارك

المشاركة الأصلية كتبت بواسطة ali_q8_77
http://www.arabtravelersforum.com/tr...9/#post3967409

36 يوم وهذا فقط كا اخترت ...

هل ممكن نغير بالفنادق والمخطط ؟؟؟
ممكن
هل البدايه من فينا والنهايه بميونخ ؟؟؟
لا مو شرط
انت ممكن تلف اغلب المدن والقرى الجميله بأوربا ؟؟؟
الصراحة ما اقدر بسبب النغاب
ما هي وسيلة المواصلات بين المدن المذكوره
قطار او طيارة او تكسي
بنتظارك



يعطيك العافية اخوي وشاكرلك على تواصلك

أفهم انك ما حجزت أي شيئ ..

المهم اولا لو تقلل المده بيكون شيئ جيد ,,,, ثانيا ,,, متى السفر ؟؟

المخطط كالاتي

ميونخ 4 ايام سالزبورخ 3 ايام زيلامسي 6 ايام انسبروك 3 ايام لويزرن يومين انترلاكن 5 ايام وجنيف 4 ايام ..


لو ضفنا فينا نحط لها 4 ايام ويكون المخطط فينا ثم سالزبورخ ثم ميونخ ثم زيلامسي ثم انسبروك لويزرن انترلاكن جنيف


تحياتي

المشاركة الأصلية كتبت بواسطة ali_q8_77
http://www.arabtravelersforum.com/tr...6/#post3968106

أفهم انك ما حجزت أي شيئ ..

المهم اولا لو تقلل المده بيكون شيئ جيد ,,,, ثانيا ,,, متى السفر ؟؟

المخطط كالاتي

ميونخ 4 ايام سالزبورخ 3 ايام زيلامسي 6 ايام انسبروك 3 ايام لويزرن يومين انترلاكن 5 ايام وجنيف 4 ايام ..


لو ضفنا فينا نحط لها 4 ايام ويكون المخطط فينا ثم سالزبورخ ثم ميونخ ثم زيلامسي ثم انسبروك لويزرن انترلاكن جنيف


تحياتي

مشكور اخوي على تواصلك

بس بنسبة لي بعد الزواج بيومين بطير

يعني لازم اقلل التنقلات واستقر فترة

بنسبة للفنادق

فيينا 10 ايام Radisson BLU Palais Hotel

زيلا مسي 10 ايام Wellness-, Golf- und Genießerhotel Salzburgerhof

سيلوسبيرغ 10 ايام Hotel Sacher Salzburg

ميونيخ 6 ايام Hotel Königshof


وعذرني على التاخير بالرد الموقع مو راضي يفتح معاي

في مشكله فنيه بالمنتدى .. نفس الامر معاي ..

اخوي المخطط الاول جيد وصحيح في تنقلات لكنه مناسب لقترتك

اذا حاب مخطط قيليل بالتنقلات وجامع لكل شيئ ..

يكون فينا 5 ايام سالزبورخ 4 اايام زيلامسي 5 ايام ميونخ 5 ايام .. 19 يوم .. يعني قلل مدة السفر

بنسبة للسفر تو الناس عليه 25 - 9

بس لازم اضبط كل اموري مبجر

وهل تنصح من فينا اروح التشيك وسلفاكيا ولا ما تسوه لغرب المسافة فيما بينهم يعني اروح الصبح وارجع بليل

وبنسبة لي زيلامسي يمها فينيسيا هل تسوه اروح الصبح وارجع بليل ولا يبيلهم اسكن فيهم احسن

لا ما انصحك في مدن اقرب نمساويه واجمل مثل لينز وغراز ..

فينيسيا بعيده وما ينفع نروح لها ونرجع بنفس اليوم

شتنصح اخوي اي مدينة من الاربع مدن ( فينا - زيلامسي - سلسبورغ - ميونيخ ) اقلل مدتها
وبنسبة لفنيسيا تستاهل جم يوم


والله ادري تعبتك معاي

لا ما في تعب فينيسيا يومين

المدن يعتمد على طلبك .. لانه كل واحده لها طابعها الخاص


تحياتي

توني انتبه للفنادق بسبب المشاكل الفنيه بالمنتدى كلهم ممتازين

وفينا غيره للافضل طالما هذي اختيارتك اختار هذا

DO&CO Hotel Vienna



مع ان رديسون جيد جدا الا انه الي كتبته افضل منه

تحياتي

تم تغيير الفندق الى DO&CO Hotel Vienna

بنسبة للسفر صار فينا 9 ايام

زيلامسي 9 ايام

فنيسيا 3 ايام

سلوسبورغ 9 ايام

ميونيخ 6 ايام

بنسبة لفنيسيا تنصح بفندق

Hotel Danieli

من فينا اروح سلوسبورغ

ولا زيلا مسي


وبنسبة لفنس اروح لها من زيلامسي ولا سولسبورغ

اخوي العزيز كثير عدد الايام على المدن المذكور .. ارجو عدم التسرع والذهاب بهذي الطريقه

سؤالي ليش ما تقلل فترة السفر .. شوس وتخليه 3 اسابيع او 4 اسابيع بالكثير .. لانك راح تمل تقريبا ..

واخيرا ضيف انسبروك بعد سالزبورخ لو 3 ايام كتغير ..

وبعدين فينيسيا بالقطار بعيده بالسياره كما ذكرت سابقا ..

الفندق الى بفينيسيا اسئل عنه ببوابة ايطاليا

تحياتي

اخي .. قلتلك من الاول بارك الله فيك اجمع المانيا والنمسا وسويسرا.

لكن انت تقول ما بي بقلل التنقلات


هذا افضل نخطط

ميونخ 4 ايام سالزبورخ 4 ايام زيلامسي 6 ايام انسبروك 3 ايام زيوريخ 3 ايام انترلاكن 5 ايام وجنيف 5 ايام ..

اي والله انت قايلي

اخوي بقولك شي بس لا تذبحني في تغيير بسيط على المخطة

قول انا وياك للنهايهان شاء الله

بس اخذ بنصيحتي وقلل مدة السفر اشوي . الا اذا تحب تتنقل الى اكثر من دوله ومدينه

تحياتي

فينا 5 ايام - زيلامسي 5 ايام - فينس 3 ايام - ميلان 5 ايام
- جنيف 5 ايام - انترلاكان 5 ايام - زيورخ 5 ايام - ميونخ 5 ايام .

اخوي اتمنى احصل عندك معلومات من خلال زيارتك للسويسرا عن اكثر فندق تنص فيه بجنيف وانترلاكان وزيورخ واذا شايف وهذا السير مو النهائي الا بعد مشورتك .

واذا تنصح بتاجير سيارة ولا اغزرها قطارات رايتك بيضة مشكور وماقصرت على كل شي

حلو المخطط .. اذا لغتك جيده ممكن قطارات واكثر رحله متعبه هي من زيلامسي الى فينيسيا ...

لكن بنصحك بشيئ اخر نقص ايام زيوريخ الى 3 ايام .. وزيد يوم بزيلامسي واخر بأنترلاكن .. لان زيوريخ ما فيها شيئ .. وميلان ممكن لو تزور لوقانو وكومو وغيرها ..لان ايضا كثير 5 ايام ..


عموما اتوقع انك تبي فنادق 5 نجوم بجنيف وانمترلاكن وزيوريخ

جنيف 5 نجوم وعلى البحيره مباشره

http://www.booking.com/hotel/ch/beau...75&aid=1329869

http://www.booking.com/hotel/ch/de-l...75&aid=1329869

http://www.booking.com/hotel/ch/gran...75&aid=1329869

انترلاكن هذا 5 نجوم والافخم

http://www.booking.com/hotel/ch/vict...75&aid=1329869

وهذا 4 نجوم وممتاز
http://www.booking.com/hotel/ch/kreb...75&aid=1329869

زيوريخ 5 نجوم هذوله

http://www.booking.com/hotel/ch/baur...75&aid=1329869

http://www.booking.com/hotel/ch/widd...75&aid=1329869

http://www.booking.com/hotel/ch/alde...75&aid=1329869

ممكن تأجر سياره فقط بزيلامسي وانترلا كن لو تحب ..

ولا تتردد بالسؤال

تحياتي

السلام عليكم

اخوي ali_q8_77 واجهتني شغلة ما كانت على البال بس الي ما يطيع يضيع ادري انك نصحتني حيل فيها بس ما حسيت بقيمتها الا بمكتب السفريات

مخططي كان فينا 3 ايام - زيلامسي 6 ايام - فينيسيا 3 ايام - ميلان 3 ايام - ليون 3 ايام - جنيف 4 ايام - انترلاكن 4 ايام - زيورخ 3 ايام - ميونخ 7 ايام .

مكتب السفريات قالي مخططك حلو بس في مشكلة وحدة من زيلامسي الى فنيسيا 8 ساعات بالقطار ما راح تصلحلك وخصوصا وانت بشهر العسل

هل في منطقة تسوه الزيارة بين زيلامسي وفينيسيا ولها خط قطار دايركت الى فينيسيا بحيث تكون الاقامة فيها 3 ايام سئلت المكتب هل سؤال ما عنده اي جواب يقول لازم يتصل على المكتب بايطاليا وايخذ منه المعلومات وهم يمكن المنطقة الي يختارها يمكن تكون مو زينة فياريت لو القه عندك النصيحة

ومشكور اخوي ali_q8_77 على المساعدة والله يعطيك الف عافيه

بالنيابه عن الاخ علي اقترح عليك مدينة villach


بس لاحظ انك بتيدل قطار الى فيلاخ

و منها الى فينيس دايركت 3 ساعات



رحلتك شكلها متعبه بصراحه مدري ليه مصر عليها !!

المشكلة فكرت بمليون وجهه ولحد الحين قاعد افكر

في البداية كنت بروح كروز في رحلة حلوة 24 يوم
بس فكرت فيها من كل الجوانب صج انها توفر كل وسائل الراحة بس فيها عيوب شرعية
( شرب - اغاني - بكينيات ) باختصار ما تنفع حق متزوجين وخصوصا شهر العسل

بعدين فكرت بدير الي حافظهم اكثر من اسمي لندن - لوس انجلس - بورابورا - لندن فيها تعب سفر كل منطقة بعيدة عن الثانية 6 ساعات بالطيارة تنفع سفرة عادية مو حلوة تكون شهر عسل

بعدين فكرت بهل رحلة

وهل رحلة مقتنع فيها بس مشكلتها طوالة بمكن احصرها على ايطاليا والنمسا وسويسرا وهم طوالة وتعب خصوصا من القطارات وهم متخوف من نظرتهم للنغاب


اخوي mzoon و ALI_Q8_77 اذا عندكم اي ستشارة او مكان تقضلونة بلغوني فيه ما عليكم امر

راسي بينفجر ما بجى مكان على خريطة العالم ما فكرت فيه بس رجاءً ما عليكم امر استبعدو دول اسيا وافريقيا واستراليا
واكون شاكر لكم

اخوي ممكن تقضي 35 يوم في اوروبا بس مو بالشكل هذا ..

لازم تستقر في كل مدينه 5 ايام على الاقل .. و التنقل بالقطار ما يكون اكثر من 5 ساعات لو دايركت ..

و بعض التنقلات الافضل تكون بالطياره ..