الموضوع: استفسار من المنامة إلى مطار الدمام

السلام عليكم و رحمة الله و بركاته

حبايبي إهل البحرين و لأصحاب الخبرة عندي استفسار بسيط :114:
نهاية هذا الاسبوع ان شاء الله راح نقضي الويكند عندكم و ابغى اعرف كيف؟ و فين ؟ألقى سيارة توصلني من المنامة لمطار الدمام يوم الجمعه بعد العصر؟؟؟ بكم يكلف؟؟:114:
لأني جاية بسيارة احد الأقارب و راجع قبلهم بس اخاف اتورط يومها :110:
يااااريت تدلوني على أفضل طريقة للتنقل من المنامة الى المطار ( مطار الدمام ):106:

مشكورين مقدماً:101:

مواضيع عشوائيه ممكن تكون تعجبك اخترناها لك:

• صور من بلادي البحرين موضوع رائع ومتجدد مثبت في مواضيع رائعة
• السياحة في البحرين
• مبروك لورد الخبر التميز
• فيلا مار البحـريـن تقرير مُصور
• مـــبــاركـــ عــلــيـــكــمـ الـــشــهـــر
• هل الدخول الى البحرين عن طريق الجسر ممنوع؟
• افضل سوبر ماركت سوق
• الملف الإخباري السـيـاحـي الأربعاء مارس
• مجمع سيتي سنتر البحرين
• سؤال يا اهل البحرين
• الجديد في البحرين
• الدخول للبحرين بدون ولي الامر مسموح؟
• مساعدة لو سمحتم
• عنوان سريع لا تتااخرون؟؟
• الرسوم الجديدة لمواقف مطار البحرين
• السلام عليكم ،،،
• شرايكم بشقق الرايه
• اهل البحرين تكفون قولو لي وينه فيه؟
• فندق الميرادور والا فندق الدلمون ؟؟
• الرفوف

يا جماعة الخير ..
15 واحد زار الموضوع ولا كلف على نفسه بكلمة ما اعرف!!
مازلت بانتظار اهل البحرين الحبيبة ..

شوفي لك باصات سابتكو ترجعك الخبر او الدمام

التكاسي و الباصات متواجدة أمام بوابة البحرين في قلب المدينة ..

التكلفة تقريباً 200 ريال للتاكسي و40 ريال للباص حتى محطة الحافلات في الدمام ..

هذه الأسعار قبل خمس سنوات تقريباً وما أدري اذا ارتفعت أولا ..

اهم ما في الأمر الابتعاد عن أوقات الذروة في الجسر لأنه خلال هذه الأوقات يكون الانتظار حتى 4 ساعات ..

مرحبا اختي
اعتقد الكثير من التكاسي ايروحون لي مطار الدمام الدولي واعتقد ان السعر تقريبا في حدود الـ 30دينار بحريني يعني 300 ريال.
بس ان شاء الله أحد الاعضاء ايفيدونك.:101:

مشكوووورين اخواني ما قصرتوا

بس سؤال محطة الباصات فين في الدمام؟ قريبة من المطار؟
وايش تنصحوني اروح بالباص او التاكسي؟

أختي انا ماقدر اقول لج ايهم احسن بس اعتقد تكسي خاص فيج احسن من باص وايكون
فيه وايد ناس واحتمال ايسببون تأخير. بس من ناحية السعر الباص اعتقد ارخص
وتقدرين تدخلين هذي الرابط لمطار البحرين الدولي بالعربي وفيه معلومات راح اتفيدج وايد

http://www.bahrainairport.com/bia/arabic/taxi_ar.htm

وبالتوفيق :101:

المشاركة الأصلية كتبت بواسطة بحريني وفتخر
http://www.arabtravelersforum.com/tr...5/#post2271675

أختي انا ماقدر اقول لج ايهم احسن بس اعتقد تكسي خاص فيج احسن من باص وايكون
فيه وايد ناس واحتمال ايسببون تأخير. بس من ناحية السعر الباص اعتقد ارخص
وتقدرين تدخلين هذي الرابط لمطار البحرين الدولي بالعربي وفيه معلومات راح اتفيدج وايد

http://www.bahrainairport.com/bia/arabic/taxi_ar.htm

وبالتوفيق :101:



مشكوووور اخوي ماقصرت والله وهذا العشم في اهل البحرين ابد ما يتأخروا عن المساعدة
:24:

شركة سابتكو وشركة بحرين ليمو

كنت بساعدك بس طلبتي فزعة اخوانا اهل البحرين بس ....وفعلا هم ماقصروا ومايقصرون على طول
اتمنالك رحلة سعيدة

تحياتي

المشاركة الأصلية كتبت بواسطة ابو فيصل 99
http://www.arabtravelersforum.com/tr...9/#post2271979

كنت بساعدك بس طلبتي فزعة اخوانا اهل البحرين بس ....وفعلا هم ماقصروا ومايقصرون على طول
اتمنالك رحلة سعيدة

تحياتي



لا اخوي لا تزعل اذا عندك اي اقتراح ياااليت تفيدني و اكيد ما نستغني عن اي من اخواننا سواء في البحرين او السعودية او الخليج العربي

ان شاء الله ماتتورطين, في مجله اسمها الوسيط بتلاقينها في كل محل وهي مجانيه طبعا ً , وبتشوفين عروض لا حصر لها بخصوص التوصيلات, ايضا شركات الاجره كثيره وهذا موقع سابتكو وتوجد الاسعار
http://www.sabtco.biz

المشاركة الأصلية كتبت بواسطة عبادي28
http://www.arabtravelersforum.com/tr...9/#post2274209

ان شاء الله ماتتورطين, في مجله اسمها الوسيط بتلاقينها في كل محل وهي مجانيه طبعا ً , وبتشوفين عروض لا حصر لها بخصوص التوصيلات, ايضا شركات الاجره كثيره وهذا موقع سابتكو وتوجد الاسعار
http://www.sabtco.biz



مشكووور اخوي ماقصرت بصراحة افدتني كثير
الوسيط مجلة او جريدة؟ و القاها في البحرين او السعودية؟
لانه عندنا في السعودية جريدة الوسيط بس ما عمري شفت فيها شيء زي كده:114:

العفو
الوسيط مجله مجانيه التوزيع للاعلانات مبوبه.
موجوده في كل مكان بالبحرين السوبر ماركت والبقالات حتى محطة البنزين موجود عندهم, من ضمن الاعلانات الموجوده بتلاقين عروض من محلات او اشخاص للتوصيل.
موقع جريدة الوسيط موجود بمحركات البحث مثل جوجل فقط اكتبي كلمة "الوسيط" وراح يطلع اول اسم ewasset
اول ماتدخلين موقعهم في كلمة "تنزيل" من ثم اختيار الدوله وبعدها بتطلع الاعلانات
ودي اكتب عنوان موقعهم على الانترنت ولكن احتمال مخالف لقوانين المنتدى
والسموحه

المشاركة الأصلية كتبت بواسطة عبادي28
http://www.arabtravelersforum.com/tr...1/#post2274971

العفو
الوسيط مجله مجانيه التوزيع للاعلانات مبوبه.
موجوده في كل مكان بالبحرين السوبر ماركت والبقالات حتى محطة البنزين موجود عندهم, من ضمن الاعلانات الموجوده بتلاقين عروض من محلات او اشخاص للتوصيل.
موقع جريدة الوسيط موجود بمحركات البحث مثل جوجل فقط اكتبي كلمة "الوسيط" وراح يطلع اول اسم ewasset
اول ماتدخلين موقعهم في كلمة "تنزيل" من ثم اختيار الدوله وبعدها بتطلع الاعلانات
ودي اكتب عنوان موقعهم على الانترنت ولكن احتمال مخالف لقوانين المنتدىوالسموحه

أشكرك جزيل الشكر أخي الكريم على حرصك .... والله يكثر من أمثالك ...

موقع الوسيط: http://www.ewaseet.com/

مثل هذه المواقع لا مانع من نشرها أخي الكريم ... وشكرا لك مرة أخرى:101:

الشكر اولا ً واخيرا ً لجِ اخت الغاليه, لحرصج ومتابعتج للقسم, وان شاء لله افيدكم باللي اقدر عليه
لكم كل الود

الطريقة الرخيصة


تكسي من مطار البحرين للخبر بـ 200 ريال ومنها تركبين الباص الخاص اللي يوصل للمطار ( يطلع كل ساعه من الخبر ) بـ 10 ريال

المجموع 210 ريال


الطريقة الاغلى شوي


تكسي من مطار البحرين الى مطار الملك فهد بالدمام بحدود 350 ريال



تقبلي تحياتي

عند مجمع السيف في تكاسي جاهزين تلقى منهم اي واحد يوصلك للمطار بس اسعارهم غاليه يعني قيمه تذكره من الدمام للرياض

صباح الخير أخواني..
ماني عارفة كيف اشكركم فعلا مثل ما اتوقعت منكم و زيادة
بس انا خلاص رحت و رجعت بس للأسف لقينا شخص وصلنا من ش الحكومة للمطار ب 500 ريال !!!!!!!!
غاااااااااااااااااااااااالي جدا جدا بس كنا مضطرين نخاف تفوتنا الرحلة و كنا بنضرب حساب الجسر لايكون زحمة و خصوصا انه يوم الجمعه بس الغريب انه ماشاء الله ماجلسنا في الجسر الا نصف ساعة بس !!!! ان شاء الله على طول زي كده
بس بصراحة زوجي قالي ماااراح اسوي هالحركة مرة ثانية ابدا ابدا لأنه 500 ريال مبلغ جاااامد جدا كان مدانا استأجرنا سيارة من المطار و دخلنا بها البحرين و لا توصل ال300ريال! بس يالله كل دقة بتعليمة و الحياة تجارب

الحمدلله ع السلامه بس سعر 500 ريال مبالغ فيه جداً

المشاركة الأصلية كتبت بواسطة مسافر للماضي
http://www.arabtravelersforum.com/tr...7/#post2286587

الحمدلله ع السلامه بس سعر 500 ريال مبالغ فيه جداً



شايف كيف اخوي والله انه قلبي واجعني على المبلغ حاسة انه انضحك علينا بكل سهوولة:112::110:

تركب سابتكو الى الدمام ب 40 ريال ومن محطة الدمام الى مطار الدمام تقطع تذكره جديده للمطار ب 20 ريال ولا تعجيز ولا اي حاجه طريقه انا مجربها وحلوه ورخيصه ...