الموضوع: برنامجي القادم

تقوم الاستعدادات على قدم وساق بالتجهيز للقيام برحله بريه الى ديرتنا الغاليه مملكه البحرين

المده باذن الله ستكون من 5 الى 7 ايام

السكن :
باذن الله في اليت سبا والا حواليه

الهدف من الزياره :
الترفيه


البرنامج :
اليوم الاول ( واصل حدي ومالي خلق احد يكلمني - كل الامور بيد ام العيال هي اللي تتكفل في هالامور )
اليوم الثاني :
مصبح العيال من صباح الله خير لتناول الريوق ، شرط الخبز ايراني والشاي بقلاصات ومايهمني شنو محتويات الريوق بس لابد من الجبن الابيض .
بعد الريوق بآخذ العيال الى محميه العرين واللي اتوقع بنخلص حوالي الثانيه ظهرا.
بعد المحميه نتجه الى مطعم ايراني ويكون اما اللي في العالي او اللي على البحر .
بعد الغدا ... لابد من القيلوله ... قليلا.
حوالي المغرب .... نتجه باذن الله الى العالي للعب الاولاد .. ثم الى الكورنيش للاستراحه واللعب مع العيال كوره والا طرحي
حوالي الساعه العاشره ... لابد لنا ان نلتزم بمقر الاقامه.
اليوم الثالث :
يخصص - بعد الريوق وافضل موقع على البحر - نفتر بالسياره لاكتشاف كل ماهو جديد في شوارع البحرين الغاليه ... ثم الغدا في مجمع السيف يتمشون العيال لقضاء حاجياتهم من المشتريات.
قبل المغرب ... القيلوله وبعد الصلاه الخروج الى سوق المحرق علشان العيال يتمشون وانا اقعد عند احد المحلات واطالعهم من بعيد ..
اليوم الرابع :
بعد الريوق الخفيف.... طبعا الى ******** جنه ديلمون .
وعلى مايخلصون العيال ( متى ما ملوا ) نتجه الى البيت .. وبعد المغرب نطلع انا وام العيال علشان هي تتسوق بسوق المنامه القديم.
اليوم الخامس :
اذا حصلو العيال مني ريوق يكون خير وبركه .. بعدها الى تاجير لنج ويكون بعد صلاه العصر وحتى مغيب الشمس .. يمكن ايحوشنا شويه حداق .. واللي نصيده ام العيال لازم تطبخه لغدا ثاني يوم.
واذا الامور طيبه قعدنا اليوم الثاني والا الغدا بيصير في الكويت .
والا بالليل نروح منتزه عين عذاري .. ونقضي طول الليل هناك .. وحتى العشا بعد هناك
في اليوم السادس - اذا قعدنا - فاخليه للتجول بين الاسوقه والمولات بهدف التشري والهدايا ( هين ).
في اليوم السابع وبعد الريوق باذن الله بمر احد المصانع واخذ حلوى من شويطر وماي لقاح ( لزوم الدوانيه )
وان شاء الله بمطلع اليوم الثامن نكون في الكويت ان الله اراد.
شرايكم في هذا البرنامج السريع ... واللي عنده اي مقترحات ... لايبخل عليناترى كله منكم شوقتوني للبحرين والمواقع اللي حطيتها كلها منكم،

مواضيع عشوائيه ممكن تكون تعجبك اخترناها لك:

• استفسار عن فندق
• سعودي ومتجه للبحرين
• هاني سويتس من اروع السويتات في البحرين تفضلو تقريري المصوّر
• من كثر المواضيع اللي كتبها مالقى له اسم لموضوعه الجديد
• كيف أصل إلى شارع الخليفة ؟؟
• إستفسار عن بعض فنادق المنامة
• شكـــــرآ
• مساعدة في برنامج يومين
• سؤال عن فرايدز البحرين
• زيارة للبحرين ساعات طلب مساعدة
• كوشي باشي والله حرام
• سؤال عن استئجار سياره من المطار
• الله يخلييييكم ساعدوني
• دخول العامله المنزليه للبحرين ضروري
• تقريري عن فندق الريتز كارلتون
• ادا ماعليكم امر دشو واقروا
• مناسبه خاصه
• بحرين المستقبل
• المختصر المفيد في زيارة البحرين مثبت في مواضيع رائعة
• هل توجد شقق او فندق في مدينة عيسى

برنامج رائع :24::24:
ما شاء الله عليك
بالتوفيق ان شاء الله
بس لا تنسو شوربت الروبيان ما تتفوت الحارة
من مرمريز
بس ما عندهم شي طيب غير الشوربة
لان اخترب مش زي اول
:101:

المشاركة الأصلية كتبت بواسطة عذبة الاحساس
http://www.arabtravelersforum.com/tr...8/#post2245528

برنامج رائع :24::24:
ما شاء الله عليك
بالتوفيق ان شاء الله
بس لا تنسو شوربت الروبيان ما تتفوت:101:





كلك ذوق وما قصرت
ولا تحاتين تنظم على القايمه شوربت الربيان
وبدعيلج بعد

هلا ومرحبا فيكم أخوي .... وحياكم الله في ديرتكم البحرين ...بتنور :101:

الله يوصلكم بالسلامة ... البرنامج حلو ومنوع وشامل ماشاء اله .. لكن إذا تسمح لي بضيف عليه بعض التعديلات ..أو بعض الاقتراحات ....

أول شي أخوي ... لازم تتاكد من السكن وتوافره .. وتجي بحجز مؤكد عشان ما تتعذبون .. لأن البحرين وفنادقها ماشاء الله مليانه ...

اليوم الأول: ما عليه كلام ... لازم ترتاحون بعد الطريق .. وإذابتطلعون تقضون أغراض للسكن والشقة من السوبرماركات

اليوم الثاني: فترة الليل ... العالي مافيه ألعاب للأسف .. لكن تقدرون تروحون مجمع الدانه فيه شكازولو لألعاب الأولاد ... وفي ساحة مطاعم .. وفيه لولو هايبرماركت وفيه سينما وشوية محلات ... أو مجمع المارينا مول ... فيه ساحة ألعاب بعد ...

اليوم الثالث: تمام ... ولو ما كفاكم الوقت في السيف تقدرون تكملون يومكم فيه ... أو تدخلون سينما .. تتعشون وترجعون البيت .. وأقترح عليكم مطعم cafe italia مقابل محلات الحواج ...مطعم أكله ممتاز ..

اليوم الرابع: حلو ... وممكن تودي أم العيال مجمع اللولو في المنامة بعد فيه شيلات وجلابيات (دراريع) حلوة ... حق رمضان والعيد ...

اليوم الخامس: حلو ... ولو ما حصلتوا لا سمح الله ... ممكن تزورون متحف البحرين الوطني ... تراه حلو ولابد من زيارته ... واذا بتسكنون اليت ريزورن أند سبا ... بيكون قريب جدا لكم ... 3 دقايق بالسيارة وانتوا فيه ...

اليوم السادس: نتشرف فيكم ... ومنتزه عذاري يستحق الزيارة ... عشان الأولاد يستانسون وانتوا معاهم بعد ..

اليوم السابع: وانتوا رايحين المحرق عشان تاخذون الحلوى ... مروا المحلات اللي جنب محلات الحلوى .. وخل أم العيال تتقضى حق رمضان ... في هالمحلات كل شي ماشاء الله حق رمضان ...

وبعدها تتوكلون على الله ... وبحفظه ... لكن على امل ان شاء الله تنورونا بزيارة مره ثانية لديرتكم البحرين ...:101:

ان شاء الله قدرت افيد .... والاخوان والاخوات هني ما بيقصرون ....وحياكم الله ....

المشاركة الأصلية كتبت بواسطة الغالـــية
http://www.arabtravelersforum.com/tr...4/#post2245584

هلا ومرحبا فيكم أخوي .... وحياكم الله في ديرتكم البحرين ...بتنور :101:

الله يوصلكم بالسلامة ... البرنامج حلو ومنوع وشامل ماشاء اله .. لكن إذا تسمح لي بضيف عليه بعض التعديلات ..أو بعض الاقتراحات ....

أول شي أخوي ... لازم تتاكد من السكن وتوافره .. وتجي بحجز مؤكد عشان ما تتعذبون .. لأن البحرين وفنادقها ماشاء الله مليانه ...

اليوم الأول: ما عليه كلام ... لازم ترتاحون بعد الطريق .. وإذابتطلعون تقضون أغراض للسكن والشقة من السوبرماركات

اليوم الثاني: فترة الليل ... العالي مافيه ألعاب للأسف .. لكن تقدرون تروحون مجمع الدانه فيه شكازولو لألعاب الأولاد ... وفي ساحة مطاعم .. وفيه لولو هايبرماركت وفيه سينما وشوية محلات ... أو مجمع المارينا مول ... فيه ساحة ألعاب بعد ...

اليوم الثالث: تمام ... ولو ما كفاكم الوقت في السيف تقدرون تكملون يومكم فيه ... أو تدخلون سينما .. تتعشون وترجعون البيت .. وأقترح عليكم مطعم cafe italia مقابل محلات الحواج ...مطعم أكله ممتاز ..

اليوم الرابع: حلو ... وممكن تودي أم العيال مجمع اللولو في المنامة بعد فيه شيلات وجلابيات (دراريع) حلوة ... حق رمضان والعيد ...

اليوم الخامس: حلو ... ولو ما حصلتوا لا سمح الله ... ممكن تزورون متحف البحرين الوطني ... تراه حلو ولابد من زيارته ... واذا بتسكنون اليت ريزورن أند سبا ... بيكون قريب جدا لكم ... 3 دقايق بالسيارة وانتوا فيه ...

اليوم السادس: نتشرف فيكم ... ومنتزه عذاري يستحق الزيارة ... عشان الأولاد يستانسون وانتوا معاهم بعد ..

اليوم السابع: وانتوا رايحين المحرق عشان تاخذون الحلوى ... مروا المحلات اللي جنب محلات الحلوى .. وخل أم العيال تتقضى حق رمضان ... في هالمحلات كل شي ماشاء الله حق رمضان ...

وبعدها تتوكلون على الله ... وبحفظه ... لكن على امل ان شاء الله تنورونا بزيارة مره ثانية لديرتكم البحرين ...:101:

ان شاء الله قدرت افيد .... والاخوان والاخوات هني ما بيقصرون ....وحياكم الله ....

مشرفه .. اقدر اقولج لا ... مايصير


تسلمين اختي والله ينور عليج ماقصرت والله


ودي اخلي ام العيال تكتبهم ،، بس اخاف تنتفني بالمصاريف لانها تشتري هدايا وصوغات تكفي فريج


الله يجزاج خير

أفا عليك وأنا اختك .... حاضرة لك والله وللغالية أم العيال ... باللي تامرون .. خلها تتشرى وتستانس عليها بالعافية

بس في تنبيه بسيط أخوي ... اليت ريزورت أند سبا فندق رائع وجميل وموقعه ولا أحلى ...مش في منطقة السيف ....

موقعه على الجسر اللي يربط بين المنامة والمحرق ...

بس حبيت أنبهك لهالنقطة ...

خواتي ما قصروا أخوي وبصراحة بتنور البحرين ..

برامجك وايد حلوة .. وأقترح عليك أخوي في يوم من الأيام تخصصه للتالي :

1. الغدا يكون سريع في مجمع سترة ( ردهة المطاعم تطل مباشرة على خليج توبلي ) وهالخليج كان جنة من خضرة أيام قبل لكن الحين بقى شي بسيط من هالمسطحات الخضراء لكن منظر البحر وانت تاكل في ردهة المطاعم شي جميل جداً ..

2. تخلص من الغدا تاخذ لك مع عايلتك الكريمة لفه سريعة ما راح تزيد عن 15 دقيقة في المجمع ..

3. على بركة الله تتوكل على الله من مجمع سترة باتجاه الجنوب على شارع ( الشيخ جابر الصباح ) مباشرةً إلى منتجع البندر ، وان شاء الله الرابط التالي يفيدك ويفضل حجر شاليه مسبقاً على أساس ترتاحون آخر ارتياح والعيال يستمتعون بالألعاب الشاطئية والأنشطة البحرية ..

http://www.albander.com/

قنوات الاتصال :
تلفون : 17701201
فاكس : 17701491


3. أخوي يومك يمكن يكون متعب شوي وتحتاج منه إلى الراحة ، بس اذا حسيت أنك نشيط مع العايلة الكريمة تقدر تروح فندق بنيان تري تاكل لك أكل حلو مع أحلى عصير في البحرين حسب كلام ثقة أو تقدر تكتفي بالكوفي والقعدة الحلوة في هالفندق الموجود في البر ( يعني تقعد في جو هادي ورومانسي على الآخر ) ، فضلاً عن أن موقع الفندق فوق تلة مرتفعة ..


أوقات سعيدة أخوي ان شاء الله نقدر نفيدك أكثر بس ما شاء الله جدولك مزدحم وايد


..

مرحبا فيكم اخوي بس عندي مداخله بسيطه عن المطعم الايراني اللي عالبحر اذا كنت تقصد كل افشان فسكروه ...
وخل اليوم اللي بتروحون فيه محمية العرين تتغدون فمطعم بنيان تري عندهم ثلاث خيارات مطعم السي فود ومطعم تايلندي والاخير عالمي...
وسوق المنامه ترى اليوم كنا مارين نتمشى وقلت بالمره امر محل صالح الزري اشتري للصغير حق القرقاعون ثياب بس للأسف اغلب الشوارع فيه مسكرينها للصيانه فنصيحتي انكم توقفون السياره بمواقف فندق الرجنسي وتتمشون...
وتقبل مروري

اخوي مسموح اقش برنامجك شكلة عجبني

توجد في حلبة البحرين الدولية حلبة الكارت زون حيث يمكن قيادة السيارات الصغيرة للاطفال والكبار وهي متعة حقا، بس اذا عزمت تروح تاكد من التوقيت من كشك حلبة البحرين الموجود في السيف مقابل ستاربكس.

ايضا يمكنك اخذ رحلة بحرية لمشاهدة الدلافين من نادي اليخوت وهو بعد البندر علي طول، واذا عزمت اتصل عليهم اول للتأكد من التوقيت.

عندك ايضا قلعة البحرين والمتحف الجديد القريب من السيف بس تاكد من التوقيت واذا الاضاءة شغالة قبل لا تروح المغرب.

المشاركة الأصلية كتبت بواسطة مزون البحرين
http://www.arabtravelersforum.com/tr...5/#post2245955

مرحبا فيكم اخوي بس عندي مداخله بسيطه عن المطعم الايراني اللي عالبحر اذا كنت تقصد كل افشان فسكروه ...
وخل اليوم اللي بتروحون فيه محمية العرين تتغدون فمطعم بنيان تري عندهم ثلاث خيارات مطعم السي فود ومطعم تايلندي والاخير عالمي...
وسوق المنامه ترى اليوم كنا مارين نتمشى وقلت بالمره امر محل صالح الزري اشتري للصغير حق القرقاعون ثياب بس للأسف اغلب الشوارع فيه مسكرينها للصيانه فنصيحتي انكم توقفون السياره بمواقف فندق الرجنسي وتتمشون...
وتقبل مروري




اعتمد ان شاء الله
وشكرا اخوي للتوضيح بارك الله فيك

المشاركة الأصلية كتبت بواسطة TAEGAR
http://www.arabtravelersforum.com/tr...2/#post2246822

اخوي مسموح اقش برنامجك شكلة عجبني




ودي اتعزز واقولك ... مابي

بس ما اقدر لان هذا البرنامج من توجيه اخواني وخواتي
وتامر ... امر اخوي ماعندي الا حلالكم

المشاركة الأصلية كتبت بواسطة بلادي البحرين
http://www.arabtravelersforum.com/tr...8/#post2246828

توجد في حلبة البحرين الدولية حلبة الكارت زون حيث يمكن قيادة السيارات الصغيرة للاطفال والكبار وهي متعة حقا، بس اذا عزمت تروح تاكد من التوقيت من كشك حلبة البحرين الموجود في السيف مقابل ستاربكس.

ايضا يمكنك اخذ رحلة بحرية لمشاهدة الدلافين من نادي اليخوت وهو بعد البندر علي طول، واذا عزمت اتصل عليهم اول للتأكد من التوقيت.

عندك ايضا قلعة البحرين والمتحف الجديد القريب من السيف بس تاكد من التوقيت واذا الاضاءة شغالة قبل لا تروح المغرب.




الله محي الخبير
وشكــــــــــــ :24: ـــــــــــــــرا
للاضافات الروعه وبارك الله فيك


وبلادك البحرين .. واحنا نعزكم ياهل البحرين
لكم دوم مواقف ويانا ما ننساها
والله يعزكم