الموضوع: الفزعه ياشباب نيوزلندا وخاصه اوكلاند

السلام عليكم ورحمة الله وبركاته

اخواني الله يسلمكم انا عندي ولد راح بيدرس بنيوزلندا لغه واذا الله اراد بعد اللغه بيسجل باحدى الجامعات

ولكن واجهته مشكله البنوك مارضوا يفتحون له حساب يقولوا لازم فيزه 6شهور على الاقل والفلوس اللي

معه قربت تخلص طبعا هو له اسبوع هناك تقريبا وسجل بمعهد وقالوا له الفيزه يبيلك تقدم عليها بعد

خمس اسابيع طبعا مااخذ معه بطاقة صراف سعوديه ولا هانت الشغله فياليت احد منكم يدلنا على طريقه

نقدر نرسل له فلوس ---طبعا هو ماخذ معه فلوس كثير لان حسب ماقرينا بالمنتدى انه بكل سهوله تفتح

حساب فبنوكهم ولكن تجري الرياح بمالاتشتهي السفن ---وكل عام وانتم بخير بمناسبة شهر رمضان

مواضيع عشوائيه ممكن تكون تعجبك اخترناها لك:

• هل تأيد دخول طلبه البكالوريس إلى الجامعات الثمان الكبار ؟ارجو التصويت
• في أرض الكيوي
• ودك تعرف حالة الجو قبل لاتسافر
• من فرج عن مسلم فرج الله عنه كربه يوم القيامه المسااااااعده تكفون
• أنــا بـ تــاورنـقـا
• الفزعه الفيزة الترانزيت الأسترالية ما طلعت لي وموعد السفر قرب
• ما رئيكم في معهد
• عدة استفسارات عن نيوزلاندا
• سؤال عن نيوزلندا
• مهم جدا جدا جدا اخواتي واخواني الاعضاء
• عندي كذا سؤال اتمنى الاجابه عنها
• أنتم السبب يا أعضاء بوابة
• من بين كل المدن النيوزيلندية أين يتجه قلبك ؟
• حلمـــتُ بِيكيٍ ولقيــتكــَيٍ أجملُ من أحلامـيٍ نيوزيلنــدا تقريــر مصور لم يكتمل
• استفسار عن يمنع وضع اسماء مكاتب الادارة
• متحير منك يا نيوزلندا
• مساء الخير
• جامعة ومعاهد اللغة المعتمدة
• افضل الدول لدراسة الجامعة لديها
• تجول في نيوزلندا عبر الاقمار الصناعيه

عن طريق تحويل بنك سامبا فرع التحو يل مو الفرع العادي
عطهم اسم البنك اللي تبي ولدك يستلم النقود فيه ويااخذ يوميين


يعديين انا فتحت حساااب بالبنك من دون فيزه خله يجاااول


والله يعينه

انا طالب بنيوزلاند بس عندي اجازه الوقت الحالي بالسعوديه بس اللي اعرفه ان الموضوع سهل اذا سجل باي معهد ياخذ خطاب من المعهد للبنك ويفتح حساب باي بنك بس انا افضل بنك ناشيونال والسلام عليك

الله يجزاكم خير ويرحم والديكم اخوي حساس وخواجه مونس

ابشركم انحلت المشكله وفتح حساب بعد ماداخ وتعب

اسف اخوي سميني بنفسك من كثر ما اقرا لحساس رسخ اسمه براسي هههه

جزاك الله خير اخوي سميني بنفسك

لانني جاي من اوكلاند قبل 4 ايام واقدر افيدك باللي اقدر عليه ...

مع العلم ان لي اصدقاء باوكلاند الان يقدرووون يساعدونك بالي تبي..

وبالنسبه للبنك عندهم بنك منتشر بكل مكان اسم (( National Bank )) ويعتبر من افضل البنوك بخدمته ومرونته .. ويقدر يكلم المعهد الي هو فيه لازم يكونون متعاقدين مع بنك يجي للمعهد كل اسبوع ويفتح حساب عندهم بكل سهوووله ... والخاص بيننا ....

اخوك : محمد الصعب ..[/center]

الحمد لله ان الموضوع انحلّ

فيه بنك كيوي بنك
مايطلب اي شي ولا 6 اشهر

http://www.kiwibank.co.nz/index.asp

[b]السلام عليكم ورحمة الله وبركاته

اخواني شاكر ومقدر لكم جميعا فزعتكم دائما سباقين للخير

ما اقول الا الله يجزاكم خير ويرحم والديكم ويجعلكم من عتقائه

من النار بهذا الشهر الفضيل

اما بخصوص ابني فابشركم بان اموره انحلت وفتح حساب ببنك انز

وارسلنا له حواله ووصلت بحفظ الله ورعايته

وسجل بمعهد فبرونزبي منطقه هاديه وراقيه على حسب قوله

وسكن مع عائله ان شاء الله انها طيبه وحده وولدها توهم جايين من

لوس انجلوس طبعا المرأه من اصل عربي وطول عمرها عايشه هناك

ولغتهم الرسميه الانجليزي وهذا المطلوب وولدها مايفك الحرف

بالعربي وساكن معهم واحد تايلند والشي الحلو ويثلج الصدر

ان المسجد قريب منهم

ودعواتكم له بالتوفيق [/b]

أخووي العزيز..

الحمد لله أن المشكلة أنحلت بس الي شدّني فيك..أسلوب شكرك للأعضاء..ماشاء الله عليك..

دعاء يثلج الصدر..ليت كل الأعضاء زيك وأولهم أنا..وفيهم الخير والبركة إن شاء الله..

رحم الله والديك..وأرجع ولدك سالم غانم..ويتربى في عزك يالغالي..

وإذا عندك أي استفسار أو شئ..لايردك إلا هالبوابة بين أخوانك وربعك..

وبالتوووووفيق ياارب..

السلام عليكم ورحمة الله وبركاته

مشكور على الدعوه الطيبه اخوي سميني بنفسك وجزاك الله خير

اخوي احمد الشباب ماقصروا الله يعطيهم الصحه والعافيه فأقل القليل

اللي نقدر نقدمه لهم هو الدعوه الصادقه ومن القلب بهذا الشهر

الكريم نسأل الله العلي القدير ان يتقبل منا ومنكم صيامه وقيامه

وجزاك الله خير ورحم الله والديك على الدعوه الطيبه ياطيب

ومانستغني عن الطيبين مثلك وشرواك