الموضوع: استفسارات تبحث عن اجابة اهل الخبرة

[CENTER]السلام عليكم ورحمة الله
في البداية نأسف لازعاجكم ولكن أرغب في نصيحتكم ومساعدتكم
قررنا أنا وزوجي السفر ان شاء الله الى اوروبا في الصيف على الخطوط السعودية سيكون الوصول الى فرانكفورت يوم 18 جولاي ثم ميونخ ونود الذهاب الى يورب بارك بعدها الى انترلاكن ثم جنيف ومنها الى لندن يوم 28 جولاي عن طريق الخطوط british airways والعودة منها الى السعودية في 2 اوقست
المطلوب هل يمكن الذهاب الى ميونخ بعد الوصول مباشرة الى فرانكفورت (بصراحة ماتحمسنا لها بس حدونا عليها!)؟؟
هل يمكن الذهاب ليورب بارك والعودة في نفس اليوم سواء من ميونخ او انترلاكن؟
كم المدة الكافية لاهم الاماكن في ميونخ؟
هل يمكن الذهاب للفوكس تاون في لوقانو والعودة في نفس اليوم سواء من انترلاكن او جنيف؟
أفضل وسيلة للتنقل داخل المدن؟ هل يمكن استئجار سيارة بسائق؟
اسفة للازعاج مرة اخرى واتمنى اللي عنده خبرة يرد علي!![/CENTER

مواضيع عشوائيه ممكن تكون تعجبك اخترناها لك:

• حنا الان في دوسيلدورف وتايهين
• عندي إستفسار بخصوص الرحلة من الرياض إلى إي برلين أو مدينة أخرى أرجو منكم الإفادة
• ضروري اليوم ترجمة الابلكشن
• غيرو فندقنا وتوقهتمن هولدي ان ستي سنت الى شراتون ويست بارك
• انقذوني
• مقترحاتكم لرحلة شهر العسل بين ألمانيا وهولندا ( ضروري جدا )
• المساعدة في رسم خط سير لشهر عسل في نوفمبر
• استفسار لخبراء المانيا
• وصلت ميونخ اليوم وتفاجئت بالإسواق مغلقه العصر
• الله يوفقكم ساعدوني
• يومين في رست الالمانية انتظركم
• حبيت اسافر من ميونخ الى لندن عبر الخطوط الداخليه الاروبيه اي الخطوط تنصحوني فيها
• إستفسار مهم عن الشنغن
• استفسار عن التأشيرة الالمانية
• أول سفره عائليه أوربيه أرجوا من اهل الخبره مساعدتي
• مخطط جديد يبدأ من فرانكفورت
• رحلة يوم نصائحكم بخط سير تبدأ من ميونخ
• ارجو المساعده رحلتي بتاريخ ارجوووكم
• استفسار عن أماكن السكن قرب المناطق السياحية في برلين
• بلييييييز عااجل

السلام عليكم ورحمة الله
في البداية نأسف لازعاجكم ولكن أرغب في نصيحتكم ومساعدتكم




و عليكم السلام .. و مافيه ازعاج ابدا






قررنا أنا وزوجي السفر ان شاء الله الى اوروبا في الصيف على الخطوط السعودية سيكون الوصول الى فرانكفورت يوم 18 جولاي ثم ميونخ ونود الذهاب الى يورب بارك بعدها الى انترلاكن ثم جنيف ومنها الى لندن يوم 28 جولاي عن طريق الخطوط british airways والعودة منها الى السعودية في 2 اوقست



لندن بس 5 ايام ؟؟ حرااام

المده تقريبا 15 يوم .. و المناطق كثيره .. لازم تقللين و لا ماراح تنبسطين ..






المطلوب هل يمكن الذهاب الى ميونخ بعد الوصول مباشرة الى فرانكفورت (بصراحة ماتحمسنا لها بس حدونا عليها!)؟؟



ممكن بالقطار بس تراهي 3 ساعات و بالسياره 4 ساعات .. الافضل تسكنون يوم ..






هل يمكن الذهاب ليورب بارك والعودة في نفس اليوم سواء من ميونخ او انترلاكن؟



من ميونخ بعيده ما ينفع ..من انترلاكن ساعتين و نصف

ك




م المدة الكافية لاهم الاماكن في ميونخ؟



3 ايام تلفين الاماكن المهمه بس ..





هل يمكن الذهاب للفوكس تاون في لوقانو والعودة في نفس اليوم سواء من انترلاكن او جنيف؟



لا ما ينفع ابد ..






أفضل وسيلة للتنقل داخل المدن؟ هل يمكن استئجار سيارة بسائق؟



المترو افضل لكم .. و المدن السويسريه صغيره ما تحتاج مواصلات و لو حابه تطلعين برحلات خارجيه الافضل تاخذين سويس باس لعدد الايام داخل سويسرا علشان تتنقلين داخل المدن على راحتك ..






اسفة للازعاج مرة اخرى واتمنى اللي عنده خبرة يرد علي!!



ان شاء الله اني افدتك ..

بس ما قلتيلي كيف بيكون التقسيم ؟؟ لو حبيتي اساعدك ..

الف شكر لك يااحلى مزووووووووووون
اسفة تأخرت مارديت (مشاكل النت اللي ماتخلص!)
بالنسبة للتقسيم ليلة فرانكفورت و4 ميونخ و2 انترلاكن و3 جنيف وبعدها لندن
هل يصلح هالتقسيم؟ هل ممكن اشيل ليلة من ميونخ وتكون لوقانو بدلها؟

التقسيم مو مضبوط

فرانكفورت ليله
ميونخ ليلتين
انترلاكن 3 ليالي
جنيف ليلتين

و لندن 7

لوقانو بعييده

المشكلة اننا حجزنا طيران من جنيف الى لندن وشرينا التذاكر بهذا التاريخ 28 جولاي ومانقدر نغير!!
ممكن لو نأخر العودة للسعودية اذا حصلنا حجز !! لان حجزنا من شهر بتاريخ 2 اوقست ومازال انتظار!!

طيب وش السواة ؟؟

معليش أشغلتك معي بس اذا ممكن تقترحين لي فنادق مناسبة وأهم الاماكن اللي نقدر نروح لها!!

ابشري بس حددي لي الميزانية .. بكم تبين الليله تكون .. و حددي المدن .. لاني ضعت معك

تسلميييييين ياعسل
عارفة ني دوختك بس تحمليني شوي
فرانكفورت ليلة وميونخ 4 وانترلاكن 2 وجنيف 3 ولندن 5!!
بالنسبة للميزانية ماحددنا بالضبط بس نبغى فنادق حلوة وماتكون غالية مرة ( طرار ويتشرط)
واسفة على الازعاج

فرانكفورت

ياليت تشوفين ردود الاخ علي هو اخبر مني فيها

ميونخ

ميريديان و سوفيتيل 5 نجوم
هيلتون سيتي 4 نجوم
ميركيور التشتاد 3 نجوم بس ممتاز

انترلاكن

كريبس - انترلاكن - ميتروبول 4 نجوم
قولدي - بيلفيو 4 نجوم

جنيف

اوتوال مانوتل - رويال مانوتل - بريستول

لندن

هيلتون ميتروبول - ثيسل ماربل ارش - كمبرلاند .. و فيه غيرهم كثير

الف شكر لك يامزون
باشوف البوكنق وان شاءالله احصل
لو احتجت استفسار بارجع لك تحمليني ياعسل!

رجعت لكم مرة ثانية ( مالنا غنى عنكم!)
شفت الفنادق وابغى رايك فيها ( واذا فيه شيء احسن أو اسعار افضل علميني)
فراكفورت: hotel city zentrum frankfort
ميونخ: محتارين بين hilton munich city او التشتاد! وش رايك؟
انترلاكن: krebs او interlaken?
جنيف: بريستول او اوتوال مانوتل؟
لندن: هيلتون ميتروبول ( هل هو قريب من اكسفورد والا يحتاج مواصلات؟)
(ثيسل ماربل ارش ماحصلته في بوكنق)
هل الوصول لمحطات النقل سهل من هذه الفنادق؟
افضل وسيلة للانتقال من مدينه لاخرى؟ كيف نحجز القطارات من هنا والا اذا وصلنا؟ كم اسعارها؟
الف شكر مقدما! ( عارفة اننا ازعجناك بس تحملينا شوي)

رجعت لكم مرة ثانية ( مالنا غنى عنكم!)
شفت الفنادق وابغى رايك فيها ( واذا فيه شيء احسن أو اسعار افضل علميني)



حياك الله






فراكفورت: Hotel city zentrum frankfort



بسأل لك الاخ علي ..






ميونخ: محتارين بين hilton munich city او التشتاد! وش رايك؟



الاول 4 نجوم و الثاني 3 نجوم
الاول بعيد عن السنتر و الثاني بالسنتر






انترلاكن: Krebs او interlaken?



كريبس افخم و قدامه ماك حبيب الشعب خخخ






جنيف: بريستول او اوتوال مانوتل؟



بريستول اغلا و اقرب للبحيره و اكبر غرف
الثاني مره مرتب و قريب للمحطه و قدامه ماك بعد خخخخخ






لندن: هيلتون ميتروبول ( هل هو قريب من اكسفورد والا يحتاج مواصلات؟)



اول ادجور رود .. تحته خدمات كثيره و محطة مترو كبيره .. الى اكسفورد بالباص 3 دقايق لان ادجور رود و اكسفورد متقاطعين ..






(ثيسل ماربل ارش ماحصلته في بوكنق)



يمكن فل





هل الوصول لمحطات النقل سهل من هذه الفنادق؟



ايه ... انا ما اختار الا فنادق جنبها مواصلات لاني استخدم المواصلات العامه في سفري ..







افضل وسيلة للانتقال من مدينه لاخرى؟ كيف نحجز القطارات من هنا والا اذا وصلنا؟ كم اسعارها؟



بالقطار اريح و اونس .. و الحجز ممكن من هنا قبل السفر من الوكالات او من النت او من هناك اذا وصلتوا كل مدينه تحزون اللي بعدها ..






الف شكر مقدما! ( عارفة اننا ازعجناك بس تحملينا شوي)




عادي يا حبي لك امري بس

و مابي الا الدعاء في حال افدتك في شي

الف شكر لك ياأحلى مزوووووووووون
جزاك الله خيرا ووفقك في الدنيا والاخرة
(والله دعيت لك قبل ماتطلبين يكفي انك ضيعتي جزء من وقتك للرد علينا!! )
الله يجعل عملك هذا في موازين حسناتك ياقمر!

رجعت مرة ثانية
وش رايك في فندق nh frankfurt city
واذا فيه شيء افضل منه واقرب محطة له لاننا بنجلس ليلة وبعدها بنروح ميونخ؟
في ميونخ: هل التشتاد افضل من الهيلتون؟ والهوليدي ان حلو والا لا؟
thanx alot

حياك الله ..


فندق فرانكفورت شكله ممتاز .. بس تراه مو مره قريب للمحطه ...


بالنسبه لميونخ .. التشتات 3 نجوم بس في السنتر

هيلتون و هوليدي ان 4 نجوم بس ابعد .. و عندهم مترو