الموضوع: كوينز تاون وش قصتها

السلام عليكم ورحمة الله وبركاتة

انا والشباب اللي معاي ناوين نروح كوينز تاون الويك اند هذا
لكن مو عارفن وش قصتها
حنا ناوين نستأجر سيارة ونروح

عاد ابي اعرف الانشطه اللي فيه
و وش الانشطة اللي تنصححوني آخذها

يعني عطوني اللي عندكم الله لا يهينكم

وجزاكم الله خــير

مواضيع عشوائيه ممكن تكون تعجبك اخترناها لك:

• عمله نيوزلندا م هي ؟
• أسئلة عن نيوزيلاندا
• استفسار يا أصحاب الخبـرة
• طلب المايسترو
• افيدوني في الابتعاث الى نيوزلندا
• لسه جاي من نيوزلندا
• بعد إنخفاض الدولار النيوزلندي
• انا شخصياً
• الرحـــــــــــــلة المنتظــــــــــــــــرة
• ياهل الخير الي في نيوزلاندا
• ريان في جنوب الأرض لم يكتمل
• ألــــف ميلــون مبروووووك لـ حسّاس سميني بفسك
• نرجو النصيحة قبل التوهيقة
• الذهاب إلى نيوزلندا بدون حجز سكن استفسار ؟
• شهر العسل في نيوزلندا
• هل راتب الاءبتعاث كافي؟
• رحلتي لنيوزيلندا بعد اسبوع واحتاج مساعدتكم يا ابطال
• جايتك بعثه للخارج وانت موظف الآن وماتدري وش تسوي أدخل أبيك شوي
• مذا سافعل بها
• كل هذه المسافة حراممممممم

هلا عزيزي
الشباب كانوا فيها الاسبوع اللي فات
ويقول انشطتها لا تعد ولا تحصى
بس يقول اغلب الاماكن اللي جانبها مغلقه بسبب الثلوج

ياسلام عليك اخووي حسااس..

دايماً مكفي وموفي..ليت كل الاعضاء زيك وانا اولهم..

وازود على كلامك من وجة نظري..المدينة أو القرية بمعنى اصح قرية سياحية..

حلووة ومبيااانة بالمحلااات واغلبهاا ماركات او زي الماركات من حيث الفخامة..بس انتبه البلد غاالي..

ولا تنسى تتطلع للثلج فوق الجبل..وزي ماسويت طلعت وتعلمت كيف اتزلج يعني زي ماتقول كورس صغير مدته يمكن 3-4 ساعات والباقي اذا اتقنته لك لساعة معينة لوقت الباص..طبعاً تطلع الجبل بالباص ما أنصحك ابداً تطلع بسيارة لان الطريق جداً خطييير..

بالتووفيق يالغااالي..

مشكورين وماقصرتو
انا الان فيها ورحت للبنجي و للثلج لكن ما تزلجت الشباب ما ودهم لكن جربت التيوبنج

يمنك اتزلج بكريست تشيرتش


والف شكر

أجل الله لا يهينك عطنا المفيد دامك رحت لها :24:

إحنا ان شاء الله طالعين لها الويك اند هذا وبنجلس فيها 3 او 4 ايام

ابي اعرف وش الأماكن اللي ما تتفوت فيها واذا عندهم ملاهي كبيره او شي هيك ياليت تكتبهم بالتفصيل الممل :24:
واذا فيها سوق سنعه مو زي اسواق كريست شيرش لأن ما فيها فاتح العين خبرك الحرّيم يحبن الأسواق :109:
متشكرين يا فندم :113:

معليييش ما انتبهت لطلبك

وشكلك رحت

عموما اتمناء انك استمتعت