الموضوع: لأول مرة افكر بالزيارة للبحرين

السلام عليكم

اخواني في بوابة البحرين

انا الان امر بحالة تعب من العمل ولم اجد الراحة النفسية

فحبيت اني اخذ رحلة الى البحرين لعطلة نهاية الاسبوع (الاربعاء الخميس الجمعه)

عموما انا قادم من الرياض بالسيارة انا وزوجتي الحبيبة

فهل تتوقعون ان اجد صعوبات في الطرق مثلا

او يمكنني التغلب مشكلة الطرق باستخدام نظام ال gps في موبايل N95

وسؤال آخر اريد فندق يكون رخيص لايزيد عن 400 ريال سعودي

ويكون بعيد عن اجواء الشباب العزوبية


وسؤال آخر هل العملة السعودية تمشي حالها ام لازم اغير العملة الى بحرينية

وشكرا لتعاونكم ..

مواضيع عشوائيه ممكن تكون تعجبك اخترناها لك:

• استفسار للأشقاء اصحاب الخبرة
• افيدوني عن احراءات من بداية الخول الى الخروج
• ابي اسال عن فندق موفنبيك اللي عند المطار
• فندق أربع نجوم
• مسافر للبحرين بعد يومين ان شاء الله
• الى اهلي في البحرين ؟؟؟؟؟ الحقوني
• احلى قصات شعر الرجال في البحرين
• شاليهات البندر في البحرين
• سؤال عن المطاعم الشعبيه البحرينيه
• معرض البحرين الدولي الرابع لليخوت والقوارب
• سباق البحرين للتحمل ساعات والفعاليات المصاحبة له
• برنامج المسافر المتميز من طيران الخليج ينال جائزة سفر العالمية
• محل الشويطر بالبحرين
• ممكن شقه تكون ارضياتها كلها مفروشه بموكيت ؟
• طيران الخليج توشك على الاتفاق لتعديل طلبيات من بوينج وايرباص
• مسجد الخميس
• افتتاح مبنى «عذاري» الرئيسي نهاية العام بكلفة مليون دينار
• سؤال لأهل البحرين أهل الرهش الزين
• نسينا كاميرتنا الفيديو في الفندق وش الحل
• اشلون الجو هالايام بالبحرين

هلا بيك أخوي ... وعليكم السلام ورحمة الله وبركاته ...

أول شي .. نرحب فيك في بلادك البحرين .... وحياكم الله انت والمدام ....:101:

بالنسبة لأسألتك ...






فهل تتوقعون ان اجد صعوبات في الطرق مثلا

او يمكنني التغلب مشكلة الطرق باستخدام نظام ال gps في موبايل N95



أبدا ما بتحصل أي صعوبة ... البحرين بلد صغير ... وحميم .... وممكن تسأل أي حد في أي مكان ... وبتلقى كل الترحيب في إنه يدليك أي مكان ... ولو في بالك مكان معين ... تفضل اسألنا وان شاء الله بندليك بالتفصيل الممل ...






وسؤال آخر اريد فندق يكون رخيص لايزيد عن 400 ريال سعودي

ويكون بعيد عن اجواء الشباب العزوبية



ممكن بهالسعر ... تشوف الشقق الفندقية ... شوف المواضيع والتقارير المصورة عن بعض الشقق الفندقية ... وان شاء الله بتلقى اللي يرضيك ...






وسؤال آخر هل العملة السعودية تمشي حالها ام لازم اغير العملة الى بحرينية



العمله السعودية ماشي حالها أكيد ....

وحياكم الله ...

حياكم الله اخي الكريم في بلدكم الثاني البحرين انت والمدام بالنسبه للطريق الله يسهلها عليكم وبالسوالف ما راح تحسون بالوقت وكلها 5 ساعات وانت في البحرين ومادام عندك gps ما راح تضيعون ,اما بالنسبة للفندق اشوف اليت سويت ناس وايد تمدحه وترى هو فندق عوايل وما فيه خرابيط ولا شيئ وموقعه قريب كثير من المجمعات ((مجمع السيف و مجمع البحرين و مجمع الدانه ومجمع العالي )) وسعره اظن مثل ميزانيتكم .
حياكم الله مرة ثانية

الله يجزاكم خير

والله سعدت بترحيبكم

فعلا قرأت تقارير الان عن اليت سويت واهم شيء عندي يكون بعيد عن خرابيط الشباب الله يهديهم

طيب ممكن رقم هاتف اليت سويت

وشكرا لكم

هلا أخوي الأخت الغالية ما قصرت ،،

بس وينك عن البحرين؟؟

إسأل السعوديين عن البحرين ،،

وبالنسبة لإليت سويتس، نعم لا يوجد به شباب وما شابه والفندق إسلامي حيث لا يوجد نوادي ليلية وبارات ،،

وهذا رقمهم 17558888 ،،

يعطيكم الف عافية

انا الان متواجد في الخبر وصلت امس تعبان حجزت في فندق ليلة

عندي استفسارات

متى افضل وقت اجي للبحريين ؟ من ناحية الزحمة التي على الجسر

ماهي افضل مطاعم في البحرين

وشاكر لكم يا أهل البحرين

((تم تعديل المشاركة من قبل الإدارة))

المشاركة الأصلية كتبت بواسطة Warrior Within
http://www.arabtravelersforum.com/tr...8/#post1880358

هلا أخوي الأخت الغالية ما قصرت ،،

بس وينك عن البحرين؟؟

إسأل السعوديين عن البحرين ،،

وبالنسبة لإليت سويتس، نعم لا يوجد به شباب وما شابه والفندق إسلامي حيث لا يوجد نوادي ليلية وبارات ،،

وهذا رقمهم 17558888 ،،



اتصلت فيهم
وللاسف الفندق فل لاتوجد غرفه فاضية وسعر الغرفة ب 70 دينار

اخي الكريم روح لشقق الفندقية الموجودة في الجفير
اغلى واحد فيه لغرفة بصالة ومطبخ مايطلع عن 350 ريال
دور في المنتدى بخاصية البحث بكلمة الجفير لأن هو الحي الجيد وقريب من شارع المعرض ان بغيت شي منه من مطاعم وبعيد عن الأماكن الغير مرغوب بها للعوائل
الجفير هي المنطقة الموجودة خلف مسجد الفاتح
طريقة الوصول لها بسيط
بعد ماتدخل البحرين من الجسر تروح على طول وتركب الكبري الي يوديك ضاحية السيف ، خليك على طول ماشي وبيجيك مجمع السيف على يسارك واستمر سيده ، بيجيك لوحة مكتوب عليها الحي الدبلوماسي يمين لاتدخل يمين سيد بس بعد الملف بأشارة بالضبط لف يمين ، بيكون الشارع كبير وهو الدايري حق البحرين (اذا مالفيت يمين بيجيك على طول كبري وبيوديك منطقة اخرى اذا غلطت وركبته عود واول ماتنزل عن الكوبري في اول اشارة لف يسار) المهم بتسيد مع الشارع الين يجيك مسجد على يدك اليسار كبير هو مسجد الفاتح اول اشارة بعده لف يسار ،،،،،المنطقة الي على يسارك ويمينك كلها شقق بس لاتروح لأخر الشارع وتلف معه يمين وتدور في المنطقة ذيك لأنها ماتصلح للعوائل في المساء بس ماهيب ذيك الدرجه من الخراب فلاتخشى شئ.
ان بغيت مساعدة على الهواء ارسل لي رقمك الحين على الخاص وبأتصل بك واعلمك لأن شكل وقتك قصير مايميدك
بعدين اطلع للجسر قبل الساعة 2 او بعد الساعة 6 لأن اليوم الخميس

ملاحضة : اذا قال لك راعي الشقه سعر نزل ابوه على طول خمسين ريال واصر وبتمشي امورك ، ماعليك منهم سعرهم ماهوب رسمي وبعضهم ان عرفك اعطاك اياها بسعر 200 بعد بس بعد تكرار الزيارات عليهم

((تم تعديل المشاركة من قبل الإدارة))
الله يستر عليك

الف شكر لك كلهم حلوين

والله استفدت كثير من مشاركتك

وكان ودي ترسل لي رقم هاتفك بس المشكلة نظام المنتدى مقفل خاصية ارسال على الخاص

اخوك Developer10g

اولا اشكر ادارة المنتدى على التصحيح الغوي .....لأني ماشفت شي محذوف يالله لك الحمد
بالنسبة لك يا اخي ماجد ، ارسلت لك اكثر من مره ةالرد يجي كالتالي :
# Majed.Net لم يوافق على استلام رسائل خاصة ، أو ليس لديه صلاحية الاستفادة من هذه الخدمة حتى الآن .
بعدين ماقدر افتح ايميلي لأرسال رسالة لك لأن جهازي عام واخاف ينسرق الباس ورد الخاص بالأيميل

المشاركة الأصلية كتبت بواسطة كلهم حلوين
http://www.arabtravelersforum.com/tr...5/#post1883265

اولا اشكر ادارة المنتدى على التصحيح الغوي .....لأني ماشفت شي محذوف يالله لك الحمد
بالنسبة لك يا اخي ماجد ، ارسلت لك اكثر من مره ةالرد يجي كالتالي :
# Majed.Net لم يوافق على استلام رسائل خاصة ، أو ليس لديه صلاحية الاستفادة من هذه الخدمة حتى الآن .
بعدين ماقدر افتح ايميلي لأرسال رسالة لك لأن جهازي عام واخاف ينسرق الباس ورد الخاص بالأيميل



اشكرك من كل قلبي على مساعدتك

ولله الحمد زرت البحرين من الساعة الثانية ظهر ورجعت الخبر الساعه 12

ولي رجعه اكتب الاحداث اللي حصلت

وشكر لكل من ساعدني ولاهل البحرين خاصة