السلام عليكم ورحمة الله وبركاته


فندق رحاب المروة 1
فندق قريب من الحرم و نظيف ورخيص

كنت ابحث قبل مدة عن فندق بهالمواصفات

* قريب " ممكن الوصول له بالمشي وفي مدة قصيرة "
* ورخيص " يعني سعره مقبول ومقدور عليه "

* نظيف "لا وجود للحشرات ونظافة عامة ارضيه مفارش"
لكن للأسف كل مادقينا فندق
قالوا الحجز عن طريق موقع بوكينق
او بعضهم مغلق للصيانه ..
لذا صار الحجز مباشرة بوقت وصولنا لمكة المكرمة
وللاسف اضطرينا ناخذ اقرب فندق وصلنا له
بس ماتذكر اسمه لكن عليه لافته :
" فندق حجاج الحملة التايلندية لعام 1434"
* سعر الغرفة 100 ريال
* والغرفتين مع بعض ب 200 ريال
غرفة فيها 5 اسرة وفيها ثلاجة وتلفزيون .
والغرفة الثانية 6 اسرة .
ودورتين مياة و مطبخ مايوجد به غير مجلى .
لكن عيبه ( الحشرات ) صرصور من كل جهة يطلع عليك
ولا صارو يطلعون الا بعد مادفعنا كنهم متفقين
ولما كلمناهم قالوا عادي كل الغرف كذا ..!

-----------------------------------------

طلعنا من هذا الفندق
والحمدلله توفقنا في فندق نظيف

فندق " رحاب المروة 1 "

كان عددنا سته اشخاص
اخذنا سويت يتكون من غرفتين نوم
غرفة ب سريرين
والغرفة الثانية اربع اسرة
ودورة مياة لكل غرفة .
* الليلة ب 300 ريال ..

شوفوا الصور ..










وبس هذي الصور اللي عندي نسيت اصور الغرفتين بالكامل
لكن حبيت افيدكم بما اني جربت هالفندق
وعلى فكرة قريب من الحرم مو يعني بتطلعون تشوفون الحرم
لا بس ياخذ منكم مشي 10 دقايق او ربع ساعه
اقل اكثر ع حسب مشيكم ..
ومافيه متاهات بالطريق ..
ويوصلكم مباشرة على جهة السعي " المروة "

هذا العنوان والكروكي





الحمد لله رب العالمين اللي يسر لنا روحة مكة .


اللهم اغفر للمسلمين والمسلمات والمؤمنين والمؤمنات
الاحياء منهم والأموات ..


واعذروني لو طولت عليكم

السلام عليكم ورحمة الله وبركاته

افضل فندق في مكة المكرمة قريب من الحرم

مواضيع عشوائيه ممكن تكون تعجبك اخترناها لك: