الموضوع: شنو افضل شقق فندقية في مملكة البحرين قريب من مجمع السيف

المشاركة الأصلية كتبت بواسطة كنكون
http://www.arabtravelersforum.com/tr...5/#post1815590

السلام عليكم
شنو افخم شقق فندقيه( عواااائل ) بجانب مجمع السيف ؟

وشنو المجمعات الى تنصحون فيها غير السيف والعالى ؟

وممكن افخم المطاعم ( للعوائل ) ويفضل فيه كبائن ؟ وارقام تلفوناتهم ؟

وشكرا





الأخ كنكون السلام عليكم،،، بالنسبة للشقق فإليك هذا الرابط

http://www.arabtravelersforum.com/travel92850/

بالنسبة للمطاعم،، هناك مطعم إسمه ملح الزاد ويقع في شارع المعارض وهو عراقي ولكن وجهة نظري الشخصية إنك إذا ما رحت هالمطعم فأنت لم تزر البحرين :101:

ولكن هناك ملاحظة: لا تطلب كباب أو مشويات لأنها عادية جدا ولكن إذا أردت وجبة في قمة الروعة فعليك بكبسة اللحم :36_1_51: .. صحيح ان احنا متعودين على هالنوعية من الاكل ولكن هذا كبسته غير (على مسئوليتي)

وراح أزعل منك إذا ما طلبت كنافة!!!! انت الحين ممكن تتساءل: شنو؟؟؟ كنافة!!!!! إي نعم كنافة ولكنها كنافة غيييييييييييييييييير شكل وغييييييييييييييييير طعم. إطلبها وراح تدعيلي إن شاء الله

هناك مطعم آخر إيراني لم أجربه شخصيا ولكن مدحولي اياه اسمه أصفهاني وهو في شارع المعارض كذلك

أخي السلام عليكم

بالنسبة للمنطقة السيف ما اعرف عنها وايد ,, اما الجفير اقدر اخدمك ,,,
ممكن تروح على شقق مشتان في الجفير عائلية 100% على ضمانتي
بالنسبة للمطاعم ممكن تروح مرمريز او الابراج او بندروزا او كَل أفشان او الاصفهاني
بس على حسب خبرتي ان مرمريز افضلهم من الناحية العائلية والطعم
مجمع البحرين ومجمع الدانة ومجمع العلوي في سترة

نتمنى لك اقامة طيبة بين اهلك وفي ديرتك

تحياتي لك

اخاااك الغدير

((( تم تعديل المشاركة من قبل الإدارة)))

هلا بك أخوي ...

ممكن تجربون اجنحة السيف ... أو ميركور ... او اذا بغيت فندق .. فندق الريتز كارلتون ...

بالنسبة للمطاعم ... مطعم الأبراج له عدة فروع في البحرين ... وفيه قسم للعائلات .. يعني مثل الكباين ...

والاكل عنده متنوع .. بين مشويات تركية ... وبعض الأصناف الأخرى المتنوعة ...

عندك إذا بغيت تنوع .. جنب مواقف مجمع السيف ... مطعم جوني كارينوز .. مطعم إيطالي . على النمط الريفي .. فيه عدة كباين ... بس بين كل كابينة وكابينة فيه زجاج ... بس المطعم جدا عائلي ومحترم ... وأكله جدا جدا طيب ..

ممكن ترجع أخي الكريم لموضوع الأخ المراكشي عن المطاعم .. وهذا الرابط .. http://www.arabtravelersforum.com/travel93087/
وحياكم الله ...

فيه شقق فندقيه اسمها اليت جراند

مشكورين على الردود السريعه والمفيده
فى ناس اذكرولى شقق سيف ريتزنت ترا مو متاكد من الاسم عدل بس اهى خلف فندق الريتز وجنه فى الشقق فيها كوفى خارجى الى عنده معلومات عن الشقه او تلفونها ياليت تحطونه
والف الف الف شكر لهل البحرين