الموضوع: الكرسمس في اوكلاند

السلام عليكم ورحمه الله وبركاته

اخباركم

انا لي تقريبا في اوكلاند اسبوعين
ابدرس لغه لمده تقريبا 6 شهور

بس المشكله الي كنت منزل كل شي عن نيوزلاندا بشكل عام في سي دي والمشكله مع الخبصه وانا ازين شنطتي نسيته في الرياض

والا كنت مرتب الطلعه على سي دي

المهم ماعلينا

زي مانتم عارفين تبي تجي اجازه اسبوعين

وانا صراحه ودي استغلها بشي

لانه صراحه اسبوعين في اوكلاند ممله

يعني صراحه ديره يسكر كل شي الساعه 7

وتفتح البارات وانا رجال(ن) مانب حق شراب يعني ازهق لاجت الويكند

وساكن مع عايله تتكون من ام وولدها الام الله يستر عليها كل يوم باليل طالعه مع ابو جيرانا

والولد ينام بدري

وانا وحداني :110:


وعند في البيت تايوانيه لغتها قويه بس الله يهديها لاتتكلم لاني مافهم وش تقول


الاو تقولها ار والار تقولها مدري كيف هم مدري وشلون
يتكلمون لغتهم صعب فهمها

يعني هم في القرمر فلته بس لايتكلمون

فزي ماقلنا سابقا انه اجازه اسبوعين واوكلاند الي كثيرين مدحوها الصراحه ماشوف فيها شي يجذب


فقالولي الشباب للي في المعهد انه فيه جزر في الشمال

bay of islands and cape reinga trip

اظن كذا اسمها

طبعا العرض 5 ايام تقريبا 400 دلاور نيوزلاندي شامل الافطار والتنقل والسكن فقط

وش رايكم هل تنصحون فيها؟

هل هي زينه لاني دورت صور صراحه داخ راسي في المنتدى

واذا فيه شي يسويه الواحد في الكرسمس زين ياليت واحد يقوله

لانه الصراحه الواحد يحاول يتبعد عن السعوديين بس المشكله الكلاس حقي

نصه سعوديين والنص الثانين صنين
ومشكله الصنين ماتعرف وش يقولون

نبي نخاوي اجانب عشان نقوي اللغه بس مافيه الى الحين



ف وش رايكم وش السوات

مواضيع عشوائيه ممكن تكون تعجبك اخترناها لك:

• حساس المحتاس
• الرجاء للضرورة اهل الخير والنخوة
• طلب بخصوص جامعه ويكاتو
• لمحبي السفر ب القطااار
• رحلتي إلى نابيير
• رحلتي غداً بإذن الله وسؤالي الأخير
• ارجوا الدخول لاصاحب الخبرة
• استفسار عن مدينة نيبير؟؟
• إستفسار بخصوص التأمين
• استـــــراليا او نيوزيلاندا
• افضل موضوع كتاب يشرح بتفصيل لك كل ماتحتاجه لسفر الي نيوزيلندا لدراسه او سياحه
• مهم وعاجل للاخوة خبراء نيوزيلندا
• ▒░ خبراء نيوزلندا يجيبون على جميع أسئلتكم من الألف إلى الياء ░▒
• ابي فزعتكم تنصحوني بشهر العسل بنيوزلندا
• ابي مساعدتكم ولكم الدعوة الصادقة
• صور الطبيعة والمناظر الخلابة في نيوزلندا
• شباب نيوزيلندا
• هل تعتقد ان مبلغ الف كافي لشهرين في كرايستشرج ؟؟
• جديد رحلتي للدراسة الى اوكلاند
• ساعدونى الله يجزيكم الجنة

مرحبا أخوي أنا زرت الجزر الشمالية اللي يسمونها البي اوف ايلاند روعه المنطقه هناك بصراحه وفله عالاخر بس يعتمد عالقروب اللي رح يطلعون معاكم .
لا تنسى تسجل اسمك في الرحلة البحريه للهول ان ذا روك منطقه رووعه ولا في الخيال ورح تشوف الدلافين وحيوان الفقمه واليخوت اللي هناك حلوه ووناسه عالاخر تمنياتنا لك برحله ممتعه انشاءلله

بالتوفيييييييييييييييييييييييييييييييييييق

يعطيكم العافيه

وكيف المنطقه هناك يعني وش فيها اصلا

يعني مثلا اسواق وشي زي كذا

والسكن هناك وشو في خيام والا وشو لاني مافهمت النقطه هذي

وهل فيه صور هنا في المنتدى لها لانه دورت وداخ راسي ولاحصلت


يعطيكم ا لعافيه

اقل شئ اسم الموقع ؟؟

مافهمت عليك وشو اسم الموقع

ماعندي خلفيه عنها
لكن هذي بعض الصور لها من النت





















شوف هالموقع واختار رحلتك
http://www.nzescape.com/northland-attractions.html
نصيحتي لك
هذي اجازة
اطلع مع السعوديين وانبسط
المده اللي راح تقعدها حلوه
وراح تعوض

وخصوصا كرحله مثل هذي طويله
لازم يكون معاك سعوديين عشان مع القطه يطيح السعر كثير

المشاركة الأصلية كتبت بواسطة حسّاس
http://www.arabtravelersforum.com/tr...0/#post1724590

ماعندي خلفيه عنها
لكن هذي بعض الصور لها من النت





















شوف هالموقع واختار رحلتك
http://www.nzescape.com/northland-attractions.html
نصيحتي لك
هذي اجازة
اطلع مع السعوديين وانبسط
المده اللي راح تقعدها حلوه
وراح تعوض

وخصوصا كرحله مثل هذي طويله
لازم يكون معاك سعوديين عشان مع القطه يطيح السعر كثير



والله إنك وليده ياحساس وبيض الله وجهك

بس لاتنسى فيلم الأكشن

يعطيكم العافيه
حجزت عليها عن طريق شركه

وان شاء الله تكون رحله موفقه

ان شاء الله ابحطكم الصور اول مارجع منها بعد 3 اسابيع ان شاء الله

اتمنى الي عنده معلومات اكثر يزودنا بها يعطيكم العافيه سي يو

وعليكم السلام:
نصيحتي لك انك تستغل كل لحضة لان هذي الفرصة ما راح تعوض.
الشي الثاني بالنسبة للسعوديين والصينيين الي في الفصل معاك
ما يمنع انك تمارس معهم الغة لانك مستحيل تحصل مثلا امريكان
او بريطانيين يدرسون لغة,بل السعوديين راح يساعدوك كثير. واتمني لك التوفيق...

كلام سليم,,,,,,,,,,,,,,,,,,,,

بسم الله الرحمن الرحيم...

كيف حالك يالغالي ... وكيف queen streetبصراحة الشباب ما قصروا معاك ...

وأنا جديد على المنتدى ............ سبق إني زرت أوكلاند عام 2006 ,,, شهر يوليو ..

أظن الفترة الحالية ... إن الجو ممتاز ..وقتنا كان برد جدا.......
أتمنى إنك تستغل تواجدك هناك تمام الإستغلال ... لاتضيع وقت حتى أثناء المرح امرح صح .:114:

طيب .. وترى السعوديين هناك كثير ::: خاصة من الرياض ...وما حولها ... أنا كان معي في الكلاس 3 طلاب سعوديين ..

لكن أخوك كان شديد ... ما كنت أتكلم معهم أبدا ..بعدين صاروا هم ما عاد يكلمون إلا سلام ..
لكن كانوا يعرفون أن مقصدي هو أن الهدف ما يتحقق إلا كذا...

لا أوصيك رحو info center ولا تستحي أبدا اسأل عن كل شيء ،،عن كل المناطق....
ترى تستفيد من كثر الحكي معهم.... ومع حقين الشركات السياحية ...


ولاتنسى تكون لطيف في كلامك ،،،، خلي دائما على لسانك ....
thank you ................وقبل ما تسأل please....


وأتمنى تتحملني ... أنت وجميع الإخوان .......

فيه جزيرة قريبة من أوكلاند ،،،،،،،،،،،،،،اسمها ((( وايهيكي)))) رووووعة ...زرناها في الشتاء وأظنها في الصيف أحلى ....


لاتفووووتها .............وهناك المزيد إن شاء الله


ما ودي أطيل عليكم ..........