السلام عليكم ورحمه الله وبركاته
اخباركم
انا لي تقريبا في اوكلاند اسبوعين
ابدرس لغه لمده تقريبا 6 شهور
بس المشكله الي كنت منزل كل شي عن نيوزلاندا بشكل عام في سي دي والمشكله مع الخبصه وانا ازين شنطتي نسيته في الرياض
والا كنت مرتب الطلعه على سي دي
المهم ماعلينا
زي مانتم عارفين تبي تجي اجازه اسبوعين
وانا صراحه ودي استغلها بشي
لانه صراحه اسبوعين في اوكلاند ممله
يعني صراحه ديره يسكر كل شي الساعه 7
وتفتح البارات وانا رجال(ن) مانب حق شراب يعني ازهق لاجت الويكند
وساكن مع عايله تتكون من ام وولدها الام الله يستر عليها كل يوم باليل طالعه مع ابو جيرانا
والولد ينام بدري
وانا وحداني :110:
وعند في البيت تايوانيه لغتها قويه بس الله يهديها لاتتكلم لاني مافهم وش تقول
الاو تقولها ار والار تقولها مدري كيف هم مدري وشلون
يتكلمون لغتهم صعب فهمها
يعني هم في القرمر فلته بس لايتكلمون
فزي ماقلنا سابقا انه اجازه اسبوعين واوكلاند الي كثيرين مدحوها الصراحه ماشوف فيها شي يجذب
فقالولي الشباب للي في المعهد انه فيه جزر في الشمال
bay of islands and cape reinga trip
اظن كذا اسمها
طبعا العرض 5 ايام تقريبا 400 دلاور نيوزلاندي شامل الافطار والتنقل والسكن فقط
وش رايكم هل تنصحون فيها؟
هل هي زينه لاني دورت صور صراحه داخ راسي في المنتدى
واذا فيه شي يسويه الواحد في الكرسمس زين ياليت واحد يقوله
لانه الصراحه الواحد يحاول يتبعد عن السعوديين بس المشكله الكلاس حقي
نصه سعوديين والنص الثانين صنين
ومشكله الصنين ماتعرف وش يقولون
نبي نخاوي اجانب عشان نقوي اللغه بس مافيه الى الحين
ف وش رايكم وش السواتمواضيع عشوائيه ممكن تكون تعجبك اخترناها لك:
- بشرى سارة للمبتعثين
- تصريف العملات
- دراسه اللغه لمده اشهر
- الى المشرفين طالبكم بالله المساعدةخصوصا المايسترو و مسافر متزن
- المايسترو مانستغني عن معلوماتك
- ماهو اللباس الدارج عند السعوديات
- الى خبراء نيوزلندا
- هل بإمكاني العمل والدراسه بنفس الوقت في نيوزلندا؟؟
- سيكل في نيوزيلاندا
- استفسار عن دراسة الغه في نيوزلندا
- تكفون الفزعه
- ابي ادرس في نيوزلندا وابي مساعده تكفون
- هل أحتاج فيزا
- استفسار بخصوص نيوزلندا
- خطوط كاثي سيفيك بعض الاستفسارات
- رحلتي إلى نيوزلندا
- أين هي مناطق تواجد العرب ؟
- السلام عليكم ممكن استفسار
- اسعار معهد نهيورازن نيبيار
- من قلب اوكلاند تحيةوبعض الملاحظات
المفضلات