الموضوع: ابطلع ماليزيا انا والعائله لكن لا نعرف انجليزي ولا نعرف الاماكن السياحيه فيها

صصباحكم الله بالخير

يآخوان انا والعائله الكريمه بنطلع ماليزيا واول مره نجزم لها او بالاصح نطلع برا الخليج ..
مدة الرحله 19 ليله - الميزانيه 30ألف بالكثير- 6 اشخاص بالغين ولا يوجد اطفال

لكن المشكله ماعندنا احد يتكلم انجليزي + مانعرف شي بماليزيا ولا نعرف الاماكن او مترجم الخخ
يعني بالعربي (بيض)

المطلوب:
ماهي طريقة التنقل !!
هل الماليزين يعرف اغلبهم عربي !! خاصه الكاميرون !
وياليت تعطوني اسماء الامكان السياحيه وكم اقعد فيها !
وياليت لو يتكرم شخص ويزبط لي الرحله يعني مثلا 3 ليالي بالكوالالمبور 3 ليالي بالكاميرون الخخ
وكم اسعار الفنادق المتوسطه يعني تكفي 6 اشخاص ونظيفه بكل المناطق السياحيه
ولا نستغني عن نصايحكمم

مواضيع عشوائيه ممكن تكون تعجبك اخترناها لك:

• رحله لاول مره
• ممكن جدول لقضاء شهر العسل في ماليزيا
• يا خبراء ماليزيا أريد برنامج للتجول في سلانجور تفاصيل الرحلة بالداخل
• حجزت ولم يتم خصم المبلغ من الفيزا
• رحلتي لشهر العسل لماليزيا اكتوبر
• اسئلة مهمه جدا حول ماليزيا ارجوا ان تساعدوني بارك الله فيكم
• محتار بين هالفندقيين في لنكاوي فربت السفرة يا اخوان
• جدول رحلتي الي جزيرة بينانق Penang Island
• استفسار عن موقع حجز الفنادق
• مسافر للماليزيا وارجو تقييم جدولي
• ارجوا المساعدة بسرعة
• استفسار بخصوص الطيران المتعدد
• ذبح الاضحية في كوالالمبور
• موقع الخطوط الماليزية
• لو سمحتو استفسار لاعضاء المنتدى الراقي
• شوركم بالفنادق للعوايل الصغيرة
• الرجاااء المساعده في اختيار فندق في لنكاوي
• افضل الفنادق في كوالالمبور في شارع العرب
• مشورتكم لا هنتم
• استفسار فندق امبيانا وشريحة اتصال وتكاسي

أهلاً أخي .. صباح النور والسرور .. ماليزيا لاتحتاج إلى إنجليزي بإمكانك الإتفاق مع سائق يتكلم العربيه .. في الكاميرون لايوجد سائقين يتكلمون عربي على حد علمي .. هل ال30 ألف شامله حتى التذاكر الدوليه ؟ 19 يوم كثير لكن بعطيك جدول لها:

يومين في سلانجور
4 أيام في لنكاوي
5 أيام في بينانغ
يومين في الكاميرون
6 أيام في كوالا يتخللها يوم لزيارة جنتنغ

بالتوفيق ..

اول شي يعطيك العأفيه على الرد ..
الصدق ريحتني ان الانجليزي ليس اساسي للسفر الى ماليزيا
30ألف من غير التذاكر الدوليه .. 19ليله لانها اول زياره لماليزيا ويمكن اخر زياره .. ودي نفر ماليزيا شبر شبر اذا الله اراد
انت ماقصرت وعطيتني الايام بكل مدينه لكن ماقالتلي ليه هذي قالت 6 ايام وش فيها ؟؟ وهذي ليه يومين وش فيها !! زي كذأ

المشاركة الأصلية كتبت بواسطة alimohammed655
http://www.arabtravelersforum.com/tr...8/#post7562206

صصباحكم الله بالخير

يآخوان انا والعائله الكريمه بنطلع ماليزيا واول مره نجزم لها او بالاصح نطلع برا الخليج ..
مدة الرحله 19 ليله - الميزانيه 30ألف بالكثير- 6 اشخاص بالغين ولا يوجد اطفال

لكن المشكله ماعندنا احد يتكلم انجليزي + مانعرف شي بماليزيا ولا نعرف الاماكن او مترجم الخخ
يعني بالعربي (بيض)

المطلوب:
ماهي طريقة التنقل !!
هل الماليزين يعرف اغلبهم عربي !! خاصه الكاميرون !
وياليت تعطوني اسماء الامكان السياحيه وكم اقعد فيها !
وياليت لو يتكرم شخص ويزبط لي الرحله يعني مثلا 3 ليالي بالكوالالمبور 3 ليالي بالكاميرون الخخ
وكم اسعار الفنادق المتوسطه يعني تكفي 6 اشخاص ونظيفه بكل المناطق السياحيه
ولا نستغني عن نصايحكمم



حياك الله أخي العزيز

بالنسبة للانجليزي لاتخاف أخوي

الشعب الماليزي متعود على الخليجيين

فراح يفهمومك وتفهمهم

بالنسبة للايام توزيعها

اقترح يكون توزيع ايامك كالتالي

2 سلانجور ماعندي فكرة للشقق

4 لنكاوي انصحك بفندق هوليدي فيلا

4 بينانغ ممكن فندق فلامنجو

3 كاميرون هاي لاند ماعندي فكرة في شقق فيه والا لا

6 كوالا يخصص يوم كامل لزيارة جنتنغ
والسكن فيها متاح ومتوفر
الاخوان راح يفيدوك باذن الله

طبعا انصحك في الفنادق تبتعد عنها كون العدد ماشاء الله كثير
واتجه للشقق

تحياتي لك

ابو عبدالرحمن

خذ معك كتاب ترجمه اللغه
ع الاقل تستفيد شي بالسفر
واهم شي اقرا اقرا اقرا اقرا

أختلف مع أخي مجهول نت في عدد أيام الإقامه في الكاميرون 3 أيام كثيره .. الكاميرون هادئه جداً ولاتوجد بها نشاطات كثيره والخدمات والمطاعم محدوده جداً ومايميزها جوها الرائع وطبيعتها الجميله .. توجد مناطق أخرى في ماليزيا يمكنك زيارتها كولاية صباح لكن ماعندي خلفيه عنها لعل الشباب يفيدونك إن شاء الله .. بالتوفيق ..

السلام عليكم

احنا كذا كنا 6 اشخاص كبار وطفله وحده .. وبقولك الفنادق الي خذينها .. وتقريبا كلفتنا الرحله 30 الف غير التذاكر الدوليه والداخليه .. 20 الف مصاريف من تذاكر الاماكن السياحيه والمطاعم والمشتريات .. 10 تقريبا الفنادق بس مدتنا 15 يوم انتم ماشاء الله اكثر بقولك الفنادق الي خذينها ممكن تناسبك

في سلانجور خذينا الامباير ،، غرفه عائليه فيها سريرين كبار وغرفه بريمر للوالد والوالده ..
وفي جنتنق خدينا الفرست ورد غرف كلوب " لايفوتك لازم تسكن في جنتنق بما ان المده عندك طويله خذلك يومين او 3 ويوم بدايته روح للقريه الفرنسيه " بوكيت تانجي " فيها عروض الساعه 3 وروح الفندق بالليل واليوم الي بعده للملاهي والفندق ممتع مره
احنا كنا ماخذين 3 غرررف ل 7 اشخاص كلهم بدور واحد لان الكلوب ب الدور 20
وفي بينانغ خذ فلامينقو احلى احنا ماخذين هايدرو بس ماعجبني مررره مع انه ارخص خذو شقه غرفتين في فلامنقو كافيه ..
وفي لنكاوي كنا ماخذين في الفوربوينت شيرتون غرفتين كفمرت متصلات وكانت كافيه لنا ..
وفي كوالالمبور ماخذين استانا جناح غرفتين وصاله ومن مميزات هالجناح ان لكم صاله فطور خاصه بالدور 20 وفيه نت وفيه 3 وجبات باليوم مجانيه " ووجبه الفطور - شاي الظهيره ( مشروبات وحلويات ) - ومشروب المساء بعد مشروبات وحلويات واكل خفيف " وكل وجبه لها وقت معين صراحه اشوف انه كان دلع هالفندق ..

اما الكميرون مارحنا له ولا اعرف فيه شي

انا اشوف الانجليزي ضروري انا رحت والله توهقت لو المدام ماهي الطقطق على خفيف كل شي هناك بالنجليزي موظفين الفندق المطاعم التكسي حظك بعضهو يتكلم شوي عربي اهم شي تحفظ بعض الكلمات حتى الاساسيه والله يعينك اعزم وتوكل بس شارع العرب اكثره عرب بس نصيحه قرا التقارير بكثره حتى تعرف الاماكن وسياحه فيها والاقرب