الموضوع: عريس جديد ا محتاج مساعدتكم

السلام عليكم
ذي اول مشاركه ياشباب
حجزت ع الخطوط السعوديه من جده ترانزيت الى كوالامبور 29 مارس والعوده 12 ابريل
13يوم فقط

الجدول كتالي
1:سلنقور:يومين.. فندق بيرميد تاور
2:بينانج: ثلاثه ايام...فندق هوليدي ان ريزورت
3:لنكاوي ثلاثه ايام..فندق ويستن
4:كوالامبور خمسه ايام... فندق دورست..

مع وجبه الافطار لكل فندق...

س1:كيف اعطي خبر للفنادق عرسان جدد..؟
س2:تحويل العمله كيف يكون هل احول حاليا من البطحاء او انتظر لين اوصل ماليزيا واحول من المطار..وهل اذا تاخرت التحويل يزيد السعر ام ماذا..

س3:كم المبلغ اللي يكفيني للرحله ذي؟

واهم شي عندي ان الفندق يجهز شي مميز لنا كعرسان..

مبتدى داج هاج

مواضيع عشوائيه ممكن تكون تعجبك اخترناها لك:

• من سيلانجور نحييكم
• من سلانجور الى لانكاوي ،،، استفسار بسيط ،،،
• أجنحة انفيتو الفندقية
• تم الحجز ببطاقة فيزا تسوق ولم يتم الخصم للأن
• اي استفسار عن بينانغ الان موجد انا فيها
• مساعدتكم في اماكن السكن والفنادق في بينانغ ولنكاوي
• عاجل جدا
• مشكلتي مع طيران
• أسعار الطيران
• حجزت فنادقي ياليت تعلموني عن رأيكم جميع استفسارات بارود العمري
• الفزعة ايها المسافرون
• شهر عسل وخلال يومين لازم ادفع المبلغ للمكتب فزعتكم
• شهر عسل من عرعر الى جده الى كوالا لمبور اول مدينه سيلانجور
• كيف السفر إلى ماليزيا في شهر ؟
• أرجو المساعدة في الجدول اليومي
• استفسار بخصوص فندق أوانا بجنتن
• استفسار بسيط فندق صن واي لاجون ام امباير
• مساعدة في جدول لماليزيا
• جدول يومي لبيآننج وكوآلآ
• المساعدة في عمل رحلة لماليزيا و هونج كونج

يامرحبا ياعريسنا الغالي

أسأل الله ان يسعدك ويوفقك في الدنيا والآخرة


بصراحة الجدول راقي ومميز وتوزيعه حلو جداااا

اما العملة حولها من هنا افضل ...

حول 5000 ريال الى رنقت وخذها معك كااااشً

والباقي في البطاقة ... تسحب من هناك حسب الحاجة

اما تجهيزات العرسان تطلبها في الفندق عند الوصول

او ترسل للفندق من الان وتطلبها ... وعند الوصول تدفع لهم

وافي

شكرا وافي
لكن عندي مشكله بفندق
دورست ريجنسي
الناس مابين مدح وذم ولا ادري وش الحل؟

بالعربي ابي اسكن في فندق حلو ومريح حتى لو زاد معي السعر شي بسيط
اهم شي مابي مشاكل

الدورست ريجنسي حلو وانا جربته

بس اذا تريد احلى شو رايك بهذا الفندق ؟









ما راح اقول لك اسمه إلا بعد ما تقولي رايك بالصوره

تبي تقهرن

يحننن بس عندك صور ثانيه
..
المشكله ان اول مره اسافر ماليزيا ابي شي ع الكورنيش
مبتدى

او ترى الفنادق ذي تكفي لي

نسيت اسال شي مهم
كم المسافه بين كل مدينه ومدينه
للمدن التاليه:
1:سلنقور:يومين..
2:بينانج: ثلاثه ايام...
3:لنكاوي ثلاثه ايام
4:كوالامبور خمسه ايام

وكيف الذهاب من مدينه الى اخرى
التاكسي ام الباص او الطيران
ياليت بالتفصيل لاني اذكر كما قرات من بينانج الى لنكاوي عن طريق الباص

الفندق اسمه رويال شولان مميز وقريب من شارع العرب مافي كورنيش في كوالالمبور

التنقلات


من سلانجور لبينانج ( باص او طياره )
من بينانج الى لنكاوي طيران اير اسيا
من لنكاوي الى كوالا طيران اير اسيا


طريقة الحجز لطيران اير اسيا مشروحه بالفيديو في توقيعي لو حاب تحجز لوحدك بدون مكتب سياحي


تحياتي

حلو جداا يابطل
متى وقت الخروج من الفنادق بشكل عام
وكذلك متى احجز ؟
مثل موعد خروجي من الفندق السبت ولابد اذهب الى لينكاوي الاحد
متى الوقت اختاره للذهاب للمطار عشان المسسافه

هلا عزيزي

وقت الخروج الساعه 12 ظهرا


وقت حجزك السبت وتبيت لين الاحد تخرج الساعه 12 مثلا وتكون حاجز في لنكاوي الاحد


افضل وقت للسفر الى لنكاوي الساعه 12 - 1 - 2 لان المسافه 55 دقيقه


اعطينا تاريخ وصولك الى كوالالمبور كما هو بالتذكره و وقت الوصول علشان ارتبها لك بالتواريخ وتعرف كيف تحجز

هلا وغلا العدني
تاريخ حجزي بالتذكره
29mar ..jed..to kulalmpur 1:30 pm
12april kul to jed 8:18 45 pm

كم المده التي سأمكثها؟
وهنا تاريخ حجزي بالمناطق التاليه بالفندق:
سلانجور:30مارس_1 ابريل.مده الاقامه يومين
بينانج:1-4 ابريل..مده الاقامه 3 ايام
لنكاوي4-7 ابريل..مده الاقامه 3 ايام
كوالامبور:7-12 ابريل..مده الاقامه 5 ايام
-------------
بعدين يالغالي لاحظت انك تقول
من سلانجور لبينانج ( باص او طياره )
من بينانج الى لنكاوي طيران اير اسيا
من لنكاوي الى كوالا طيران اير اسيا


من سلانجور الى بينانج باص او طياره كانه اختياري ..
والمدن الاخرى كلها طياره وليه مافيها باص

وليش ما اجعل التنقلات كلها بالباص خاصه ان الباص يمدحونه

يعني الطياره فينا فينا.
وكم سعرها من بينانج الى لنكاوي وايضا من لنكاوي الى كوالامبور

ايضا باص نايس كما علمت ان الرحلاات من من بينانج إلى كوالالمبور
مرتين باليوم
وانا بالحجز بالفندق خليت بينانج قبل لنكاوي
وش رايكم اخلي لنكاوي وبعدها بينانج ويصير الجدول كاالتالي
سلانجور:30مارس_1 ابريل.مده الاقامه يومين
لنكاوي4-7 ابريل..مده الاقامه 3 ايام
بينانج:1-4 ابريل..مده الاقامه 3 ايام
كوالامبور:7-12 ابريل..مده الاقامه 5 ايام
عشان اريح راسي من الطياره ويصير اخر رحله بالباص من لنكاوي الى كوالامبور
وش رايكم

مبتدى

محد
جاوب ع اسئلتي

المشاركة الأصلية كتبت بواسطة majeed130
http://www.arabtravelersforum.com/tr...8/#post7559738

هلا وغلا العدني
تاريخ حجزي بالتذكره
29mar ..jed..to kulalmpur 1:30 pm
12april kul to jed 8:18 45 pm

كم المده التي سأمكثها؟
وهنا تاريخ حجزي بالمناطق التاليه بالفندق:
سلانجور:30مارس_1 ابريل.مده الاقامه يومين
بينانج:1-4 ابريل..مده الاقامه 3 ايام
لنكاوي4-7 ابريل..مده الاقامه 3 ايام
كوالامبور:7-12 ابريل..مده الاقامه 5 ايام
-------------
بعدين يالغالي لاحظت انك تقول
من سلانجور لبينانج ( باص او طياره )
من بينانج الى لنكاوي طيران اير اسيا
من لنكاوي الى كوالا طيران اير اسيا


من سلانجور الى بينانج باص او طياره كانه اختياري ..
والمدن الاخرى كلها طياره وليه مافيها باص

وليش ما اجعل التنقلات كلها بالباص خاصه ان الباص يمدحونه

يعني الطياره فينا فينا.
وكم سعرها من بينانج الى لنكاوي وايضا من لنكاوي الى كوالامبور

ايضا باص نايس كما علمت ان الرحلاات من من بينانج إلى كوالالمبور
مرتين باليوم
وانا بالحجز بالفندق خليت بينانج قبل لنكاوي
وش رايكم اخلي لنكاوي وبعدها بينانج ويصير الجدول كاالتالي
سلانجور:30مارس_1 ابريل.مده الاقامه يومين
لنكاوي4-7 ابريل..مده الاقامه 3 ايام
بينانج:1-4 ابريل..مده الاقامه 3 ايام
كوالامبور:7-12 ابريل..مده الاقامه 5 ايام
عشان اريح راسي من الطياره ويصير اخر رحله بالباص من لنكاوي الى كوالامبور
وش رايكم

مبتدى



أخي بارك الله فيك

فكرتك الاخيرة اويدك فيها
بأن يكون جدولك ترتيبه بالشكل الاتي


سلانجور:30مارس_1 ابريل.مده الاقامه يومين
الانتقال إلى لنكاوي طيران
لنكاوي4-7 ابريل..مده الاقامه 3 ايام
الانتقال لبينانج عن طريقين فقط
اما الطائرة اذا تبي الراحة
او عن طريق البحر بالفيري السريع لمدة تقارب 5 ساعات
وانت وحظك حسب حالة البحر
بينانج:1-4 ابريل..مده الاقامه 3 ايام
العودة لكوالا عن طريق الطائرة
كوالامبور:7-12 ابريل..مده الاقامه 5 ايام

بعدين تقول اخر الرحلة من لنكاوي لكوالا
بالنسبة مافي باص من لنكاوي على كوالا على حد علمي
وفي رايك الاخير بينانج لكوالا
راح تكون الرحلة عليك بالباص راح تكون اعتقد مالايقل عن 8 ساعات الى 9 ساعات
وش لك والتعب هذي كلها
احجز طيران ووفر جهدك هذا للتنقل بعائلتك في الاماكن السياحية داخل كل مدينة

بالتوفيق اخوي

اخوي شف بوضح لك عشان تكون بالصوره


انت خلها كذا وانا راح اسويها
اول شي


سيلانجور الى لنكاوي طياره
لنكاوي الى بينانغ انت مخير تبي فيري بالبحر او طياره
من بيبنانغ بعد انت مخير تبي طياره او باص او تكسي
انت حدد خيارك


انا الى بسويه بحجز كله طيران الا الرجعه من بينانق الى كوالالمبور راح تكون بالباص منه تغير روتين ومنه نشوف المناظر ولو تحسبها روحه للمطار قبلها اقل شي بساعه ونص ومده الرحله وو الخ تطلع تقريبا نفس مده الرحله بالسياره والامر راجع لك

حلو تقسيمك مره..احس تعددت وسائل النقل اكثر
لكن المشكله اذا كانت تبي تستغرق الرحله ع الباخره وقت طويل مشكله لنا
ااخليها طيران واريح راسي..
انا القصد تكون رحله الباص للاماكن القريبه وتكون حدود اربع ساعات بس يوم قلت ثمان ساعات كانها من الرياض الى مكه مشوار ههههه
ياليت تعطيني المسافات بين كل مدينه ومدينه عشان احسب الوقت صح وتكون امامي خيارات مطروحه.
بعدين انا قلت من بيننانج الى كوالا فيه رحلتين
وهذا موضوع الاخ وافي وكان يقول:
هناك رحلتين يوميآ من بينانج إلى كوالا :


الرحلة الأولى : الساعة ( 9 صباحآ )

الرحلة الثانية : الساعة ( 5 عصرآ )


أسعار التذاكر من بينانج إلى كوالا :

تفضل هذه الخريطة توضح لك بعد المسافات بين المدن
وشف البعد الواضح بين بينانغ وكوالا

اذا كان عن طريق البحر من بينانغ إلى لنكاوي مايقارب 5 ساعات
فالباص او التاكسي من كوالا بينانغ كم تستغرق!!

الحكم لكم في الاخير

انت أخوي رايح شهر عسل مع عروسك يعني حاول تختار الاريح لكما حتى تكون رحلة مميزة

ولاتشتت نفسك كثير

تحياتي لك

لقيت موضوع ممكن يفيدك للانتقال من بينانغ لكوالا بالباص

تقرير للاخ ماجد الفهد

تفضل

http://www.arabtravelersforum.com/travel603148/

تحياتي لك

القصد انا تجدد الوسائل المتاحه كتغيير جو
لكن دام المسافه طويله نحجز طياره ونرتاح
لكن سؤال اخونا العدني قال
من سلانجور لبينانج ( باص او طياره )
من بينانج الى لنكاوي طيران اير اسيا
من لنكاوي الى كوالا طيران اير اسيا


كم المسافه من سلانجور الى بيننانج بالكيلو
وايضا من بينانج الى لنكاوي
وايضا من لنكاوي الى كوالامبور

ابي المسافه بالضبط

نسيت اسال حجز طيران اير اسيا
متى احجز التاريخ والوقت مهم جدا
من بينانج الى لنكاوي طيران اير اسيا
من لنكاوي الى كوالا طيران اير اسيا

وايضا حجز من من سلانجور لبينانج ( باص او طياره ) هل احجز باص من هنا او كيف

اهم شي جاوبوني عى الاسئله السابقه من ناحيه المسافات الخ
وفقكم الله وييسر امركم

عيال وينكم
وراه سحبتوا علي

حياك حبيبي ...

* من سلانجور إلى بينانغ ( باص أربع ساعات )

* من بينانغ إلى لنكاوي ( طيران 35 دقيقة أو عبارة بحرية ساعتين ونصف )

* من لنكاوي إلى كوالا ( طيران 50 دقيقة فقط ) ...

* رحلات الطيران الداخلية أحجزها على الساعة ( 12 الظهر أو 1 الظهر أو 2 ) هذا أفضل وقت

* الباص من سلانجور إلى بينانغ ... تحجزه من مكتب ( إيرولاين ) أمام بوابة ألعاب الصن واي لاقون

* الأفضل تحجز باص ( إيرولاين ) أول ماتصل سلانجور ... عشان تضمن الحصول على مقعد

http://img4.imageshack.us/i/51408767.png/

يعطيك العافيه وافي
باقي 21 عشرين ع سفرتي
السؤال اللي ودي اطرحه
بالنسبه للخطوط كم يسمحون للعفش من ناحيه الوزن
وهل تنحصون تكون اغراضي واغراض زوجتي بشنطه واحده ام ماذا؟؟
ام كل شخص مستقل..

المشاركة الأصلية كتبت بواسطة majeed130
http://www.arabtravelersforum.com/tr...0/#post7611360

يعطيك العافيه وافي
باقي 21 عشرين ع سفرتي
السؤال اللي ودي اطرحه
بالنسبه للخطوط كم يسمحون للعفش من ناحيه الوزن
وهل تنحصون تكون اغراضي واغراض زوجتي بشنطه واحده ام ماذا؟؟
ام كل شخص مستقل..



للشحص الواحد على الخطوط السعودية لدرجة الضيافةحقيبة واحدة لاتتجاوز 32 كيلو
ولحاملي بطاقة الفرسان حقيبتان للشخص الواحد

http://www.saudiairlines.com/portal/...008c0f430aRCRD

قم بالتسجيل في عضوية الفرسان للاستفادة منها عن طريق هذا الرابط

https://alfursan.saudiairlines.com/?...=AR&country=SA

وحاول ان تأخذ حقيبة واحده لكما وماتكون كبيرة حتى ماتتعبك في الحمل

وحط في بالك عدم الاكثار من الملابس للاستفادة من العودة في حال انك اشتريت هدايا واشياء تعجبك من هناك

يعني ممكن لك انت 3 قطع تكفيك هناك

بالتوفيق

اشكرك بعنف
وهل بطاقه الفرسان عليها رسوم ام ماذا؟
وياليت شرح التسجيل...
او التسجيل مجاني..

هلا يالغلا ...

بطاقة الفرسان ... مجانية ... وطريقة التسجيل سهلة باللغة العربية في موقع الخطوط السعودية ...

أبحث في ( google ) عن طريقة التسجيل في ( فرسان ) ... وتجد شروحات كثيرة

http://img11.imageshack.us/i/62227491.png/

الحمد لله سجلت بس كيف اجيب العضويه ياشباب
او اطبعها

المشاركة الأصلية كتبت بواسطة majeed130
http://www.arabtravelersforum.com/tr...8/#post7612748

الحمد لله سجلت بس كيف اجيب العضويه ياشباب
او اطبعها




احتفظ برقم العضوية

وقم بالاتصال او الذهاب للمكتب وقولهم ابي اضيف بطاقة الفرسان لحجزي عشان تستفيد منه

وبالتوفيق

انا توقعت اني اخذ البطاقه منهم
لاني كلمتهم وقال مافيه بطاقه بس خل العضويه معك وتضيفها
مفهي

شباب ابي احول العمله باتسر بالبطحاء بس وين بالضبط البطحاء كبيره

وهل احول الحين او انتظر شوي لين ترتفع العمله
لان سعر الصرف
الريال السعودي = 0.83 رنجت ماليزي

وش رايككم

هلابك يالغالي ...

سعر الصرف حاليا ( أفضل شيء ) ... لأن السعر مستحيل يرتفع أكثر من كذا

حول من ( البطحاء ) عند صرافين العملات ... أسأل أصحاب المحلات ويدلونك

http://img22.imageshack.us/i/78442406.png/

يعطيك العافيه ياوافي
عز الله انك وافي ياتسبدي..
كم احول مبلغ من هنا
بصراحه ودي احول مبلغ كويس عشان ارتاح هناك ماضطر للسحب من البنك؟؟
ولا لابد هناك اسحب

بصراحه محتاج مشورتكم اول سفره وغلطتي اول شي يوم حجزت بالخطوط السعوديه ولقيت اقل منها..لان مالقيت احد يوجهني ..وتوبه بعدها
بس عدم الاطلاع وعدم المشوره سبب المشكله

الحي كم احول
وكم توقعون بيكفيني بماليزيا كل شي روحات وجيات وطلعات واكل؟؟

هلا والله بالغالي ...

أنصحك تحول من هنا ( 8000 ريال إلى رنقت ) ... لاتكثر فلوس كاش معك ...

وأعتقد يكفيك هذا المبلغ بأذن الله ...

http://img94.imageshack.us/i/29831790.png/

انا كفتني 7000 ريال حولتها الى رينقت
طبعا اكلي من الوجبات السريعه
والهدايه ب1000 وشويه
وماخليت على قلبي مكان الا ورحته
والحمدلله رجعت ومعايا كم رينقت كمان

يعطيك العافيه ياوافي يابعد قلبي انت

اليوم رحت البطحاء..حسيت اني بنقلاديش
وسحبت خمسه الاف وحولتها طلعت علي اربعه وواحد وثمانين رينقت
لاني وجدت 100 ريال ع النت 82 رينقت
لكن لما رحت الصرافين وجدت اغلبهم 100 ريال 80 رينقت
الا صرافه اسمه العقيل وجدته فرق عنهم بريال 81
عموما باتسر بحول ثلاثه الاف ريال عشان تصير ثمانيه
-----------
صقر يعطيك العافيه
وجبات سريعه ماحبها
عشقي الهنديه

ولي بااك باقي كم يوم واسافر
تحملوني

هلا بالغالي الحبيب ... الحمد لله أنك صرفت ... والسعر والله طيب وممتاز

وأنصحك لاتحول ( الثلاثة ألاف ريال ) الباقية معك ... شيلها معك وهناك حولها إذا أحتجت

الريال السعودي من أقوى العملات ... وسعره واحد هنا وهناك ( لاتشيل هم ) ...

http://img22.imageshack.us/i/98295787.png/

ابشر ابشر
ونصيحتك بالاعتبار

شباب المدام ماطلعت جواز
ولا تقدر تجي تطلع والمكان اللي ساكنه فيه مافيها الا قسم رجالي فقط
هل اقدراطلع لها جواز من الرياض
بالقسم الرجالي
ولا لابد حضورها؟

هلابك حبيب قلبي ...

تقدر تطلع جواز سفر لزوجتك بدون حضورها ...

خذ كرت العائلة + صورتين شخصية للزوجة + تعبئة نموذج الطلب ... وتستلم الجواز بنفس اليوم

http://img21.imageshack.us/i/44003817.png/

اشكرك بعنف
واحدن قال لي
تقدر تضيف المدام في الجواز حقك
هل اقدر او لا؟

هلا حبيبي ...

غير صحيح هذا الكلام ... لابد لزوجتك ( جواز سفر ) مستقل

الاطفال فقط يضافون لجواز الام او الاب ...

وافي

حلو حلو
يعطيك العافيه ياوافي
تحملن اولاه باقي اسبوعين واسافر

وين احصل هالشنطه ياشباب
بالرياض طبعا

وعندي سؤالن سادح نفسه بنفسه؟
وش رايكم بالمنتجعات هل ترون اخذ فيها يوم واحد وكم اسعارها غاليه؟
ثانيا
ابي مسبح خاص
وش رايكم بورت ديكسون
سمعت انه قريب من المطار
ابي رايكم ابي اروح مسابح خاصه اغير جو فيها

هلا بك اخوي ماجد

اتمنى لك رحلة سعيده

بخصوص الشنط اذا انت في الرياض بتحصلها في سوق المعيقلية او البطحاء

من ناحية المنتجعات اذا انت معزم وتبي مسبح خاص وميزانيتك كويسه انصحك اخر يوم خله بمنتجع لكزس في البورت ديكسون شاليه مع مسبح خاص


دمت في رعاية الله ،،،

كم يكلف سعره
ثانيا وين مكانه هل في كوالامبور ام ماذا؟

تفضل أخي معلومات عن منتجع ليكزس او مايسمى سابقا ليجند ووتر هومز

http://www.arabtravelersforum.com/travel582256/

طبعا منطقة بورت ديسكون خارج كوالا

تقريبا ساعة ونصف عن كوالا

بس ماتحس بالطريق من جمال المناظر

باك
مشكور يامجهول
عندي سؤال هل اقدر اقص البوردنق الحين قبل السفر باسبوع انا والمدام او لابد قبل الرحله.عشان اريح نفسي من الزحمه وقت السفر
وانا رحلتي من جده هل اقدر اسويها من الرياض من اي مكتب خطوط او لابد المطار
وهل اذا قصيته يطلبون مني الجواز او رقم الحجز
------------------------
وايضا كيف اتاكد من حجز الفنادق اللي استاجرتها في سلانجور وبينانغ الخ
هل مثلا اقدر اتصل ع الفندق لكل مدينه واتاكد بنفسي

وايضا كيف اتاكد من حجز الطيران الداخلي بماليزيا

داج

اب
وايضا ودي اسال
عن الاماكن التي سيتم زيارتها في كوالامبور

هلابك يالغالي ....

البوردنق للرحلات الدولية ... تقصه قبل الرحلة بأربع ساعات عن طريق المطار

ويطلبون الجواز طبعا + رقم الحجز ..

وتقدر تتأكد من حجوزات الفنادق .. بأحد هذه الطرق :

1) تدخل على صفحة ( حجوزاتي ) في موقع بوكينق

2) تتصل على الفنادق بنفسك ... وتسألهم برقم الحجز

أما الطيران ... تتأكد منه عن طريق مراسلتهم .. لكن طالما أرسلوا لك التذاكر وخصموا المبلغ ( حجزك أكيد )

وهذه أهم المعالم السياحية بكوالا :


1)زيارة البرجين ... يجب الحضور قبل الساعة ( 8 صباحآ ) للحصول على التذاكر المجانية وهي توزع لأول ( 1000 زائر فقط )

2) برج المنارة ... بجوار البرجين ومن خلاله تستطيعون رؤية ( كوالا ) من الأعلى في منظر بديع ورااااااااائع

3) شلالات كوالالمبور ... وهي تبعد عن العاصمة ( ساعة بالسيارة )

4) مجمع حدائق ( بردانه ) ... راااااااااائعة جدآ هذه الحدائق لاتفوتكم ...

5) عالم تحت البحار ( أكواريا ) ... كأنك في قاع البحر ... ترون سمك القرش على الطبيعة أمامك

6) زيارة المجمعات الكبرى مثل ( التايم اسكوير - البافليون - البي بي بلازا )

7) زيارة أفاموسا ... وتبعد عن العاصمة ( ساعتين ) وفيها عروض رائعة مثل الكاوبوي ومغامرات الحيوانات ( أعزكم الله )

8) زيارة المسجد الرائع ( نيجارا ) ... وهو مسجد جميل ومن أبرز المعالم في كوالالمبور


http://img27.imageshack.us/i/77057393.png/

يعطيك العافيه وافي
لقيت رقم لهم
9608884-4-60
كم مفتاح الخط عشان اتصل عليهم

شباب عندي مشكله
انا حجزت طيران داخلي من مكتب حجوزات
وارسلوا لي ع الايميل
كيف اعرف رقم الحجز

مدري مكتوب لي الاسم
ومكتوب تسذا

هلابك يالغالي ...

رقم الحجز تجده مكتوب في أعلى الصفحة باللون الأحمر ... بجوار الباركود

تحت ( BOOKING NOMBER ) ... وشوف الصورة هاذي ... شرحتها لك

http://img687.imageshack.us/i/555520000000000.png/

http://img515.imageshack.us/i/19070565.png/

ايه لقيته عباره عن حروف وارقام؟اليس كذلك
------------
ابي رايكم بالجدول التالي
سلانجور:ملاهلي ماينر وند لاند-حديقه بوتراجايا- الفراشات المضيئه- ششلالات تمبلر بارك......سلانجور المعلومات عنها قليل بما بحثت اتمنى الافاده اكثر
بيننانج:هضبه بينانج-الشلالانت-حديقه بيراك للحيوانات-- حديقه الفراشات-حديقه الفواكه--بوكيب ميرا-مصنع الاقمشه المزخرفه
لنكاوي: مزرعه تماسيح - عيون الماء السبعه- ميدان النسر- مقسم مهسوره- جزيره العذراء- رحله البحريه- الشلالات-التلفريك-القارب الزجاجي-قريه اير هنكت
كوالامبور:طبعا جدول مقترح لاخونا وافي
زيارة البرجين ... يجب الحضور قبل الساعة ( 8 صباحآ ) للحصول على التذاكر المجانية وهي توزع لأول ( 1000 زائر فقط )

2) برج المنارة ... بجوار البرجين ومن خلاله تستطيعون رؤية ( كوالا ) من الأعلى في منظر بديع ورااااااااائع

3) شلالات كوالالمبور ... وهي تبعد عن العاصمة ( ساعة بالسيارة )

4) مجمع حدائق ( بردانه ) ... راااااااااائعة جدآ هذه الحدائق لاتفوتكم ...

5) عالم تحت البحار ( أكواريا ) ... كأنك في قاع البحر ... ترون سمك القرش على الطبيعة أمامك

6) زيارة المجمعات الكبرى مثل ( التايم اسكوير - البافليون - البي بي بلازا )

7) زيارة أفاموسا ... وتبعد عن العاصمة ( ساعتين ) وفيها عروض رائعة مثل الكاوبوي ومغامرات الحيوانات ( أعزكم الله )

8) زيارة المسجد الرائع ( نيجارا ) ... وهو مسجد جميل ومن أبرز المعالم في كوالالمبور
----------------------
ياشباب انا وضعت اماكن ماعندي خلفيه فيها
مجرد بحث وتقصي ومدح لاكثر الزملاء فيها
اتمنـــــــــــــى التعديل ع الجدول
باقي ع رحلتي ثلاثــــــــه ايام

أيه نعم ياعمووو ... رقم الحجز عبارة عن حروف وأرقام باللون الأحمر

وجدولك والله ( متعب ) شوي ... عطني تقسيم الأيام وأبشر

http://img547.imageshack.us/i/21544151.png/

طيب ابشر
الذهاب
29 مارس والعوده 12 ابريل
يعني 13 يوم البرنامج فقط..واليومين ذهاب واياب فلاتحسب وانت ادرى وافهم مني
وهنا تقسيم الايام
1:سلنقور:يومين.. فندق بيرميد تاور
2:بينانج: ثلاثه ايام...فندق هوليدي ان ريزورت
3:لنكاوي ثلاثه ايام..فندق ويستن
4:كوالامبور خمسه ايام... فندق دورست..


ابي برنامج حلو
باقي 3 ايام ع رحلتي

تفضل ياقمر ... هذا الجدول المميز ... في ردي هنا

http://www.arabtravelersforum.com/travel753817/

http://img547.imageshack.us/i/21544151.png/

حلو حلو
بس كوالامبور برنامجك اربعه ايام
وانا خمسه ايام
كمل هاليوم
وايضا يالغالي في بيننانج وراه ماكتبت جيري جاك او الجبل الاحمر
والجدول حسيته مختصر جدا
وانا بجلس 13 يوم
اذا ممكن تضبط لي البرنامج بشكل اكثر دقه لاهنت
---------------
لكن الان انا حجزت من بينانج الى لنكاوي ومن لنكاوي الى كوالامبور طيران اير اسيا
صار عندنا مشكله من سلانجورالى بينانغ هل اقدر احجز باص وكم المسافه بالكيلوو والمسافه اظن 50 كيلو
وكم سعر الباص ابي مكان الحجز
او عطوني اقتراح ثاني

حياك ياغلانا ,...

* في كوالا أجعل اليوم الخامس مفتوح للتسوق أو زيارة ( شلال تمبلر بارك ) ...

* الجدول مناسب ... وأعتقد إنه مو مختصر ... بالعكس شامل لأجمل الأماكن

* منتزه ( الجبل الأحمر ) خارج بينانغ ... وبعيد عليك ... ومايستحق العنوة والله

* من سلانجور إلى بينانغ .. أحجز باص ( إيرولاين ) من مكتبهم أمام بوابة الصن واي لاقون

* المسافة من سلانجور إلى بينانغ ( 370 كيلو ) ... يعني أربع ساعات بالباص

http://img822.imageshack.us/i/61809799.png/