الموضوع: جدول لشهر العسل

مرحبا اشكر جهودكم لمساعده الجميع ارجو منكم مساعدتي في شهر عسل اتاجل 3 اسابيع
ابغى رايكم في توزيع الايام وبعض الاستفسارات
الرحله في 14 فبراير الخميس الوصول هناك تسع بالليل والرجعه في 23 فبراير السبت الاقلاع 11 صباح
فيه ناس تقول سلانغور ما تستاهل تاخذ يومين لاحظ انه الباقي 8 ايام يعني نوصل بالليل ننام ولما نصحى نكون حاجزين لنكاوي فتكون ابتدا من الجمعه 2 لنكاوي +2جنتنق+4 كوالا فيها روحه اسلانغور
الكاميرون قريت انه مايروحها الا الي اجازته 12 يعني مافيها حياه ولا اشيل جنتنق واخلي مكانها بينانغ لاحظوا اني ابغى ايام ملياااااانه حياه وحركه وفعاليات خصوصا انها شهر عسل مختصر
يعني ايش رايكم اثبت ميييين =سلانغور =جنتنق =بينانغ=كاميرون مع ضمان وجود كوالا طبعا
باقي على السفره 9 ايام تكفون ساعدوني عشان احجز الفنادق ماتفشلوني مع العريس

مواضيع عشوائيه ممكن تكون تعجبك اخترناها لك:

• رايكم في
• استفسار عن باص الهوب هوب السياحي في كوالالمبور
• رحلتي لماليزيا لاول مره شهر عسل
• ساعدوني في تخطيط رحلة ماليزيا
• استفسار حول السفر من عدن الى كوالالمبور على الخطوط السعودية
• الفزعه ياجماعه الفزعه تكفون
• الجولة في العاصمة الادارية بماليزيا
• هلموا جميعا ابشركم رتبت جدولي والفنادق بس رايكم محتاجته
• باص يونيتني وين احجزه
• عروض سياحة بماليزيا :: 15 يوم شهر عسل 2017 فنادق 4 نجوم
• مسافره جديده
• ايهم أفضل في لنكاوي برجايا،ريباك اسلاند،بلانجي بيتش
• استفسار بخصوص جزيرة بينانج
• تم تعديل الجدول آرآئكم الله يسعدكم ؟؟؟؟
• عدت بحمد الله من ماليزيا الرائعة انطباعي ودروسي المستفادة من الرحلة
• الفترة من اكتوبر الى اكتوبر
• افامووساتنصحووني فيها
• مساعدتكم في اختيار الفنادق ياهل الخبره
• ضايع في كوالا
• حبيت استفسر عن الفنادق الي اخترتها

أهلاً بك ..حقيقة تأخرتي كثير جداً مابقي على رحلكتكم سوى 9 أيام ولسا ماقررتوا البرنامج ولاحجزتوا فنادق ولا طيران داخلي
خاصة وأن فترة سفراكم توافق رأس السنة الماليزية
توزيعك جيد لكن للأسف فنادق جنتنق الكويسة كلها فل
أيضاً فترتك صيرة كان المفترض أقل شيء 11 ليلة علشان يكون عندك مجال توزعيها كويس
على العموم أقترح عليك البرنامج التالي:
1 سلانقور : فندق صن وي بيرميد غرفة سوبريور
2 لنكاوي : فندق ويستن لنكاوي غرفة ديلوكس مطلة علبحر
2 بينانج : فندق قولدن ساندس غرفة ديلوكس مطلة على البحر
4 كوالا : فندق رويال شولان غرفة ديلوكس (منها زيارة مرتفعات جنتنق)


طبعاً يومين يومين هذي أنا ما أؤيدها لكن مكرهاً أخاط لابطل لأن فترتك قصيرة جداً


النقلات:
من المطار إلى سلانقور : تاكسي
من سلانقور إلى بنكاوي إلى بينانج : طيران إيرأسيا
من بينانج إلى كوالا : باص


رحلة سعيدة إن شاء الله

أتفق مع ماقاله أخي المغادرون .. المده قصيره وتأخرتي كثير في الحجز .. توكلي على الله وأعتمدي جدول أخي المغادرون .. في لنكاوي إذا الويستن سعره مايناسبكم احجزوا في البيلانجي بيتش ..

الله يعطيكم العافيه ماقصرتوا بس بغيت اسالكم ماهو راس السنه الماليزيه انا بحثت عن الاسم مالقيت لقيت السنه الصينيه وهل لها فعاليات وانشطه واحتفالات تكفووون فرحوني
وهل هالفتره فتره مدرسه عندهم ولا اجازات

اتوقع هو الي ذكرتي لان احتفالات الماليزيين واجد واهمها بداية السنة الميلادية وهذا الصينيين مسوينه لهم
المهم اذا كنتي في كوالا وكان فيه مهرجان خليك جنب البرجين

هلا أختي الكريمة ...

أولآ : أسأل الله العظيم أن يوفقك أختي الغالية في حياتك القادمة ... ويرزقك الذرية الصالحة يارب العالمين ...

ثانيا : بخصوص الأجازات في ماليزيا خلال سفركم ... هي فقط يومي ( 10 + 11 فبراير ) رأس السنة الصينية

أنا كل رحلاتي لماليزيا في شهر فبراير ( مثل توقيت سفركم ) ... وكنت أشوف الأحتفالات الصينية

بصراحة شيء يفتح النفس ... في كل الشوارع أحتفالات وألعاب نارية وعروض فلكورية محترمة ...

بجد : الجو في هاذي اليومين يكون ( ممتع للغاية ) ... كنت أنبسط كثير بأحتفالاتهم وعروضهم

http://img594.imageshack.us/i/66764716.png/

نسيت اقولك اختي تكفين تشيلين الكميرون من بالك نهائيا الا اذا كنتي من عشاق الهدوء القاتل خخخخ
تحياتي

مرحبا الله يعطيكم العافيه ماقصرتوا اخواني( المغادرون وخالد الناعم وابوهذال والنجم وااااافي )اتمنى انكم تتحملوني شوي بغيت اسال الحيبن احنا رحلتنا ب14 بتكون احتفالات السنه الصينيه قائمه ولا قضت
وسؤال ثاني مطار دبي سمعت ان فيه سوق اسمه السوق السوداء او الحره كيف اوصل له ووش افضل مافيه ؟؟
وهل فيه في ماليزيا سوق لللاواني المنزليه وادوات الضيافه الغريبه والفخمه
اعذروني ع كثره الاسئله بس ياااااليت تخليكم معي هاليومين لحد مااخلص استفساراتي ع الجدول عشان السفره مابقى عليها الا خمسه ايام

هلا أختي الكريمة ...

ولايهمكٍ ... كلنا هنا أخوانكٍ ... وراح نكون معكم لأخر المشوار

وتفضلي الرد على الأستفسارات :

* الأحتفالات ( الصينية ) يومي 10 + 11 ... يعني قبل وصولكم بثلاثة أيام

* السوق الحرة في وسط مطار دبي ... تحديدا في ( المبنى رقم 1 + المبنى رقم 3 ) واللوحات توضح المكان ...

* والله ماعندي فكرة عن محلات الأواني المنزلية في ماليزيا ... أسألوا أصحاب التكاسي وراح يدلونكم بأذن الله

http://img69.imageshack.us/i/48621089.png/

ياليت تعطوني التواريخ الي احجز فيها لاني مااعرف لحسبه الفنادق
الرحله 14 فبراير يعني فجر الخميس ونوصلهم تسع وثلث بالليل يعني احجز الخميس كله صح علي ولالا ؟؟؟؟
انا استقريت ع يومين سلانغور
يومين لنكاوي
واربعه كوالا فيها يوم لجنتنق
ورحله العوده صباح السبت 23 فبراير
سااااعدوني تكفووووووون
انا ع حسب فهمي انه احجز ف سلانغور امباير 14-15 ونطلع نهار 16 رحله ع اير اسيا للنكاوي واحجز ف هوليدي فيلا ويصير الحجز 16-17 ونطلع نهار 18 على اير اسيا لكوالا واحجز فيها 18 -19-29-20-21-22-ورحلتنا صباح 23 الساعه11
يوه طلعت خمس ايام في كوالا ؟؟؟؟؟طيب امدد فلنكاوي يوم زياده انقلب راسي ساااااعدوني لاتقولوا تاخرتي ف الحجز عااااارفه والله عارفه بس زوجي عسكري مايعطونه الاجازه الا بنفس الاسبوع

هلا أختي الكريمة ...

طبعا صحيح ... وصولك الخميس ( 14 فبراير ) ... ومن هذا التاريخ تبدأين الحجز

يعني كذا التواريخ :

14 - 16 فبراير ( يومين سلانجور )

16 - 19 فبراير ( ثلاثة أيام لنكاوي )

19 - 23 فبراير ( أربعة أيام كوالا )

ملاحظات تهمك :

* من سلانجور إلى لنكاوي .. تختارين الأقلاع من كوالا ( kul ) لأن المطار فيها

* رحلة ( كوالا - لنكاوي ) تحجزينها يوم ( 16 فبراير ) وأختاري رحلة في الظهر

* رحلة ( لنكاوي - كوالا ) تحجزينها يوم ( 19 فبراير ) وأختري رحلة الظهر برضو

* أحجزي الفنادق بنفس التواريخ اللي كتبتها لك ...

* أنتبهي أنتبهي أنتبهي عند الحجز للتواريخ ... لأن الكثير يخطون في هذا الشيء

http://img69.imageshack.us/i/48621089.png/

الله يسهل لك كل امر عسير مثل ماانت قاعد تساعد وتسهل علي وعلى الناس
طيب الحين انا بطلع من الفندق يوم 16 الظهر او قبل الظهر ليش احسبه ف الحجز ---حتى اخر يوم يحسب ف حجز الفندق لانه الرحله 11صباح

الله يجزاكِ الجنة اختي الكريمة عالدعوات الطيبة

كلنا هنا اخوانك ... وبالخدمة دوم وابدا

بالنسبة لتوقيت الخروج من الفنادق ... تفضلي التفصيل :

حساب الليلة في الفندق يبدأ من 2 الظهر وينتهي 12 الظهر في اليوم التالي وهكذا ... بشكل اوضح : احسبي كل نومة في الفندق بليلة ... وزي كذا ... ودائما وقت خروجك من الفندق الاول هو وقت دخولك في الفندق الثاني وهكذا

مثلا ... خروجكم من الفندق يوم ( 23 ) ماتدفعون هذا اليوم لانكم دافعين ليلة ( 22 ) وخروجكم صباح ( 23 ) حسب نظام الفنادق
اتمنى تكون الصورة واضحة ... واذا ماوضحت راح اعيدها اختي الكريمة


وافي

واااضح ياابو هلا واصلح الله لك النيه والذريه يارب بعض الاستفهامات لو سمحت :
-ابغى اصرف من الرياض كم اصرف ووين افضل محلات صرف؟
-وين موقع مصنع القصدير بكوالالاني شفت باحد التقارير ماخذين منه كاسات حفظ الحراره والبروده ؟ومصنع الشوكولاته الي يبيعون به القهوه النكهات؟
-الموضوع المثبت لارقام السواقين محدث ؟لاني اشوف تواريخ المشاركات قديمه وين القى ارقام فعاله ؟
-متى تفتح الاسواق والمولات بلنكاوي وكوالا؟
-اين يقع الجسر المعلق بلنكاوي ؟
-هل طباعه خريطه للمدن مهم ف الرحله ولالا؟
-ايش اقرب محطه المونوريل الي عند فندق فورما بحيث توصلنا لكل كوالا ؟
-هل السكن ع شارع العرب ازعاج وصخب ؟
-مطعم رووووووومانسي بكوالا غير لوك اوف بوينت ؟
-هل الفنادق فيها اشارات القبله؟
-هل تعلم وين القى الكماده الحراريه ؟
ورحم الله والديك واعذرني كلفت عليك بس تحملنا باقي 72ساعه
ومن استطاع الرد من زوار زيزا وخبراءها

أهلا أختي ( ليمونة ) ...

وهذه الإجابات على الإستفسارات :

* من الرياض أصرفوا من ( البطحاء ) أو فروع البلاد ( إنجاز )

* الأفضل تحولون من هنا 5000 ريال إلى رنقت ... والباقي عملة سعودية تحولونها هناك

* مصنع القصدسر في ( بينانغ ) لكن بصراحة عادي جدآ ... ومافيه زود والله

* أفضل مصنع للشوكلاته والقهوة هو ( كوفي تري ) في بينانغ ... روووووعة بمعنى الكلمة

* أنصحك بالأتفاق مع سائقين من هناك أفضل ... وخصوصا الماليزيين الأصليين لأنهم الأطيب

* كل الأسواق في ماليزيا تعمل من ( 9 ص - 10م )

* الجسر المعلق في لنكاوي هو ( التلفريك ) ... وهو أبرز معالم لنكاوي ... ولابد من زيارته

* خريطة المدن تأخذينها من الفنادق هناك ... وراح تفيدك كثير في التنقلات

* أقرب محطة مونوريل لفندق ( فيوراما ) هي محطة ( إمبي ) أمام مجمع التايم سكوير

* فعلا ... شارع العرب إزعاج وصخب ... ومافيه هدوء أبدآ

* في كوالا أفخم مطعم هو ( مطعم المتحف الأسلامي ) في برج المنارة .. ولابد من الحجز المسبق

* أغلب الفنادق فيها ( وجهة القبلة ) ... وإذا مافيها أسألوا العمال المسلمين ويدلونكم بأذن الله ...

* والله ماعندي فكرة عن الكمادات الحرارية ... بأذن الله الأخوان يفيدونا إذا عندهم خبر

http://img18.imageshack.us/i/94553632.png/

إذا تقصدين بالكمادات الحراريه اللي تسخنينها في المايكرويف موجوده في الصيدليه ..

المشاركة الأصلية كتبت بواسطة ليمونه موف
http://www.arabtravelersforum.com/tr...0/#post7560020

[SIZE=4][COLOR=#4b0082]
-
-هل طباعه خريطه للمدن مهم ف الرحله ولالا؟

-




خذ نسخة من هنا وأدعي لي
http://www.arabtravelersforum.com/travel778977/

جزاكم الله خيييير الجزاء لقيت فندق كاسا فيينا بس الموقع المسوق له late Roomes مدري هالموقع موثوق فيه اقدر احجز منه وهل احد قد جربه وعجبني لانه اقتصادي مره

أول مرة أسمع به .. نصيحتي لاتحجزي إلا من موقع مجرب ومعروف لأن النصابين مالين النتوقبل كذا واحد من المشرفين هنا إنصب عليه بمبلغ 8000 ريال تبخرت في لحظة ولالقي حجز ولاغيره !
فكوني على حذر

فعلا ... أتفق مع أستاذي الحبيب ( المغادرون )

ماأنصح أبدآ بالتعامل مع مواقع ( مغمورة ) وغير معروفة

الأسلم والأفضل ... هو الحجز من مواقع معروفة ... لو تدفعين زيادة بسيطة

وتفضلي ( رابط ) الفندق من بوكينق ...

http://www.booking.com/hotel/my/casa...ml?aid=1329869?aid=358324

يااارب تعطيهم اياااام زي العسل مثل نواياااااهم العسل ياااااارب تم وبحمد الله حجز الفنادق بعد تردد فضيع اخذت في سلانغور امباير وانا مغمضه على شهاده ابو هلا يومين وفي لنكاوي فور بوينت شيراتون يومين وفي كوالالمبور فيورما خمس ليالي
* بس العجيب اني حجزت على اساس بكامل الرسوم من هوتيل كومبايند على البوكنق كل الحجز فطلع حاسبين بس 6% و10%توهم ماضافوها قهروووني بهالحركه وكيف احسبها ؟؟؟؟؟
*الفيري او العباره توصلني للنكاوي ولالا حبيت اجرب شي مابعد جربته وكيف اسعارها؟؟؟؟؟؟ وانا خذت راحتي بالطيران لانه موجود رحلات كثيره
*قرات في تقارير من زمان اني لازم اخذ محول او بمسمى اخر فيش كهرب دولي بس نسيت شكله الي يقدر يفيدني بصوره اخذت اليوم من ساكو واحد وشاكه فيه؟
*وياريت تسعفوني بجدول يومي خصوصا سلانغور لاني ابغى ادور كل شي بيوم الجمعه- الخميس اوصل متاخر والسبت اذا الله سهل حجزت اليوم ياطيران او فيري على حسب ردكم
ولنكاوي لها يومين الوصول السبت والمغادره الاثنين وكوالالمبور من الاثنين الى المغادره نهار السبت
*ومتى افضل احط جنتنق في اول الايام او اخرها ؟؟
باااقي 24 ساعه على الرحله ردواعلي تكفووووون بسررررررعه احس ماعاد فيه وقت

هلا أختنا الكريمة .. تستاهلون كل خير والله .. وماسوينا إلا الواجب

وتفضلي الرد السررررررررريع :

* الفنادق المختارة ( مميزة ) وبأذن الله تعجبكم بأذن الله

* لحساب الضريبة ( أضربي سعر الليلة × 1,10 ) ويطلع الناتج مباشرة ...

* أنصحك بعدم أستخدام ( الفيري ) ... لأنه متعب ... جربي الطيران أو الباص أفضل والله

* الأفياش في ماليزيا ( متوفرة ) بكل الفنادق ... لاتشيلي هم أبد من هذه الناحية

الجدول اليومي الأجمل للرحلة :

اليوم الأول ( سلانجور )

الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك

اليوم الثاني ( سلانجور )

جولة على بوتراجايا لمدة أربع ساعات من ( 9 ص - 1 ظهرآ )

وبعدها زيارة ألعاب ( الصن واي لاقون ) إلى 6 مساء ..

وفي المساء التوجه إلى ( الماينز وندر لاند ) أو الراحة في الفندق ....

اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

جولة خاصة لمدة أربع ساعات ( 9 ص - 1 م ) تزرون فيها ( التلفريك - حديقة الفواكه - الشلالات )

وعند الساعة ( 3 عصرا ) رحلة المانغروف لمدة ثلاث ساعات .. والعودو بعدها للفندق للراحة


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب

وفي المساء التوجه إلى شارع العرب والعشاء هناك

اليوم الثاني في ( كوالالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )


التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )

عن طريق ( باصات ( قو جنتنغ )

الباصات مكتبهم في محطة ( كي أل سنترال ) بوسط كوالا ... وتحجزون من عندهم ..

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية


وفي المساء التوجه إلى ( مجمع تايك سكوير ) للتسوق .... والعودة للفندق للراحة والنووووم


اليوم الخامس ( كوالا )

الأفطا رصباحا ... وعند العاشرة التوجه لشلال ( سونغي تواه ) الذي يبعد ( 30دقيقة ) عن كوالا


وتجلسون هناك إلى العصر ... وبعدها العودة للفندق والراحة ...

وقبل المغرب التوجه لحديقة البرجين ... ورؤية النوافير الراااائعة والمميزة ...وتعودن للراحة والعشاء والنوم



http://img825.imageshack.us/i/59509711.png/

ابو هلا شلون الباص للنكاوي-- لنكاوي جزيره على حسب معلوماتي

هلا أختي ...

أيه طبعا ( لنكاوي ) جزيرة ... لاتصلها إلا الطائرات أو الفيري ...

بس أقولك من باب تعدد الخيارات في ماليزيا ... فيه الطيران والباصات

لكن ( سلانجور - لنكاوي ) طيران عن طريق كوالا .. لأن المطار فيها ...

ولنكاوي - كوالا ... طيران 50 دقيقة ...

http://img189.imageshack.us/i/92369016.png/

رحم الله والديك عن النار طيب طيران fair fly موثوق الحجز منه نفس اير اسيا

الله يجزاكِ خير عالدعوة الطيبة والله ...

طيران الفاير فلاي ( معروف وثقة ) لكن مواعيده متأخرة ...

أنصحك بالحجز عن طريق الماليزية أو air asia رحلاتهم متوفرة وأسعارهم مناسبة

http://img189.imageshack.us/i/92369016.png/

عاااااااااااجل قاعده احجز طيران اسيا عبيت كل الصفحااااات واخر وحده الي هي معلومات البطاقه الائتمانيه لما ضغطت استمرار الي بعد يعطيني جدول الرحله كامل واطبع يطلع لي مربع مكتوب فيه
Invalid BIG (visa) loyalty card number
تكفووووووون وش تبي هالجمله انقذوني

هم عندهم أكثر من طريقة للدفع
أنت يبدو أنك ما أخترتي الدفع ببطاقة إئتمانية
ارجعي وحطي الخيار على الدفع بواسطة بطاقة إئتمانية ثم أختاري visa
تابعي شرح العدني بالفيديو ونفذيه خطوة بخطوة

الله يسخر لك الارض ومن عليها ياالاخو بس والله دخلت كل المعلومات صحيحه ومتاكده منها بس مدري وش الدبره
طيب انا بقعد اعيد لاخر لحظه الى قبل طلعتي للمطار
بس اجهز حل بديل عشان ماانصدم اقدر احجز من مطار كوالالمبور اذا وصلت هناك

بعدين الي معي بطاقه تسوق الراحجي مكتوب عليها visaفكتبت ف الحجز فيزا حتى بحجوزاتي حقت الفنادق ولا قالوا شي بالعكس كان الحجز على البوكنق سلس مره
ولا وش رايكم ؟؟؟؟؟؟؟؟؟؟؟؟؟؟؟؟؟؟؟

الو الو الو احد معي تكفون ردوا علي اقدر احجز من مطار كوالالمبور رحلتي حقت اير اسيا ؟؟؟؟؟؟؟؟؟؟؟؟؟؟؟؟؟؟؟؟؟؟؟
شوفوا لي حل
لقيت الاخو العدني بشرحه الفديو يقول مكان اختيار نوع البطاقه الائتمانيه من ضمن الخيارات BIG VISAوVISA عادي فهو اختار الفيزا العاديه بس الحين مافيه بالخيارات الا البق فيزا وش اسوي؟؟؟؟؟؟؟؟؟؟؟؟؟؟؟؟؟؟؟؟

هلا أختي الكريمة ...

هاذي مشكلة موقع air asia ... أحيان يرفض البطاقة بدون أي سبب

كثير كثير تحصل معي لما أحجز لأحد أقاربي ... فأظطر أحجز لهم ببطاقة أخرى

عندهم ( سيستم ) غريب .. إذا رفض البطاقة مرة ... ماعاد يقبلها مرة أخرى

الحل من وجهة نظري :

تحجزون على الخطوط الماليزية ... من نفس المطار الدولي أول ماتوصولون ..

أو إذا وصلتوا الفندق وأرتحتوا ... وقفوا تاكسي يوصلكم مكتب air asia وتحجزون

http://img4.imageshack.us/i/94269579.png/

أهلا أختي ..بطاقة الراجحي تسوق فيزا كلنا نحجز بها
طبعاً الحجز من بوكنق سهل وميسر ليس مثل الحجز على إيرأسيا وتعقدياتهم
كرري المحاولة وإن شاء الله تنجح معك هذه المرة
نعم يوجد طرق أخري بديلة منها الحجز من هنا عن طريق مكتب حجز في جدة
ويمكنك الحجز من مكتبهم في مطار كوالا لكن مشكلة الحجز من المكتب غالي كثير عن الإنترنت


تمنياتي لكم بالتوفيق

الحين طيران فاير فلاي بنفس المطار حق كوالالمبور ولو احجز لهم من هناك القالهم مكتب بالمطار ؟؟؟؟؟

هلا اختنا الكريمة ...

طبعا الفاير فلاي تقلع من كذا مطار ...

تقلع من مطار كوالا الدولي .. وتقلع من مطار صوبانجszb

على حسب الوجهة طبعا ...

وللعلم : الفاير فاي تابع للخطوط الماليزية

وافي

الاخوان ابو هلا والمغادرون وابوهذال والبقيه الي ردوا علي مع الاعتذار لهم اني ماتحضرني اسمائهم اسال الله العظيم رب العرش العظيم ان يسخر لكم الارض ومن عليها ويفتح لكم ابواب الرزق من حيث لاتحتسبون
ويحفظ لكم من تحبون ويمتعكم واياهم بالعافيه ---والله ماعندي شي يوفي وقفتكم معي ومع غيري من الاعضاء
بس ابشروا بالدعوه الملحه بحول الله وقوته في ظهر الغيب
الحين اعتذر منكم باقي ع الرحله 4 ساعات ولو وجد عندي اي استفسار وانا هناك ماراح اذكر الا اخوان ينشد بهم الظهر
استودعكم الله

اللهم آمين ..جزاك الله خير على هذه الدعوات الطيبة
ونحن ماعملنا إلا الواجب
نسأل الله العلي العظيم أن يحفظكم ويرعاكم في حلكم وترحالكم وفي بره وبحره وجوه
وأن يسهل طريقكم ويطوي عنكم بعده ويبلغكم مبتغاكم سالمين غانمين
في حفظ الله ورعايته نستودعكم الله الذي لاتضيع ودائعه

الله يجزاكِ خير أختي الكريمة ... على الدعوات الطيبة

أسأل الله أن يوفقكم ويحفظكم في ( حلكم وترحالكم ) ...

وأوصيك بأذكار الصباح والمساء والصدقة ... فهي من أهم أسباب الحفظ بعد حفظ الله تعالى

وأي خدمة أو أستفسار ... كلنا أخوانكِ هنا ... وماراح نقصر بأذن الله

http://img163.imageshack.us/i/20526214.png/