الموضوع: عادت اليكم غموض الغد بالتقرير من موريشيوس

السلام عليكم ورحمة الله وبركاته



هاذي اول مشاركة لي في هالقسم وحبيت ابدئها برحلتي لبلاد جميلة

الي مش معروفه للكل موريشيوس بصراحه تستاهل كل المدح الي جاها وانا لو مو نصايحكم

وتقاريركم الجميله والمعبره كان ماعرفتها فشكرا لكل من اتحفنا بتقريره.


اما الحين ببتدي بتفاصيل رحلتي طبعا عن طريق طيران الامارات اول يوم جلسنا في دبي والساعه 2 ونص تقريبا الفجر

موعد رحلتنا لموريشيوس جلسنا 5 ايام كانت على درجة رجال اعمال جيده بس القطرية احلى بكثير صراحه بس الاماراتيه التعامل

طبعا افضل وصلنا بالسلامه لموريشيوس الصبح اعتقد 8 ونص وعلى طول اخذنا تاكسي لفندقنا الي هو oberoi hotel

كانت المسافه بين الفندق والمطار ساعه وعشر دقايق المهم وصلنا وماشالله تعامل روعه الموظفه وصلتنا لغرفتنا على طول

وهناك سوت لنا check in تقول عشان ندري انكم تعبانين فحبينا نريحكم ماشالله على التفكير.:24:












زوايا متفرقه من الغرفه






الحمام اعزكم الله:kashkhah:






وهاذي غرفتنا وحوشنا :109:








وهاي المنظر المطل على غرفتنا



بعد مارتحنا تمشينا بالبلد بصراحه ك ان الجو روعه لاهو حر ولا برد يجنن ابد مافيه رطوبه

فذهبنا للحرفين الي يتفننون بالسفن ماشالله عليهم دقه في الشغل شوفو الصور احسن.












وان شالله نكمل لكم مره ثانيه بس عاد الله هالله بالردود تراني تعبت

مواضيع عشوائيه ممكن تكون تعجبك اخترناها لك:

• بوعزيز وبقية الأخوان فندق بيل مار بلاج
• استفسار عن موقع على الانترنت للسكن في موريشيوس
• اسعااار الفنادق بالمالديف
• ۔ اخر نصااائحكـم ۔ فديتكـم
• ذاهب الى المالديف ليومين عمل ماذا تنصحوني
• فندق السوفتيل والانتركونتننتال فى موريشيوس ؟
• استفسار من الاخوه وعلى رأسهم استادي ابو عزيز
• والله ياجماعة الخير محتار
• الحمدلله على السلامة توني جاي من بلد السكر والابتسامه
• الفنادق و المنتجعات المجرّبة في موريشيوس
• خبراء الجزر ساعدوني
• البحث عن الغموض في جزيرة كمران اليمنية
• ساعدوني يااهل الخبره
• شبه جزيرة في اخر الدنيا فيديو روووعة
• إستفسار عن سيشل
• الرجاء المساعدة برنامج سياحي لموريشيوس
• جزر الكناريلاتفكر فيهامضيعة فلوس ووقت
• استفسارات كثيره عن جزيرة موريشيوس
• أنا بالمالديف حاليا واحتاج مشورتكم العاجله
• الاخ ابو عزيز لو سمحت

ماشاء الله تبارك الله

بداية رائعه وموفقه بحول الله تعالى

الحمدلله على السلامه

وياليت تكملي التقرير بلهجتك القطرية:114:
تراها محببه لدى الكثيرين

ربي يسعدك

حمدا لله على السلامه اختى غموض

وماشاء الله الصور روعه ...بس حبيت أسال هالحوش المطل على البحر خاص بكم فقط والامشترك مع نزلاء اخرين ..وهل ممكن النزول للبحر والسباحه

انا الان افكر اسافر باجازة الحج ومحتارة بين موريشيوس والمالديف . لانى نفسي بالاثنين...ولو اخترت موريشيوس كم يكفيه من ايام ؟؟.؟؟:114:

وش تنصحينن اختى الكريمه

والف شكر لك

الحمدلله على السلامه
http://www.alsayad4smile.com

روووووووووووعة ، واااااااااااااااااااصصصصصصلي

رائـــع رائـــع رائــــع

:113::113::113:

متاااابعة وبقوة أختي غموض الغد :11ight:

والحمد لله على سلامتكم ..

في انتظارك بفارغ الصبر :106:.

حمدا لله على سلامتكم

ومتابعين

بكل إشتياق

بداية جميلة وصور أجمل

،،،، متابع

الف الحمد لله على السلامه

بدايه رائعه ومشوقه , فى انتظار التكمله .

تحياتى ,,,,,,

ألف حمدلله على سلامتكم ..

بداية موفقة تبارك الله ..

أسجل نفسي مع المتابعين لموضوعك

تحياتي ..

الحمدلله على السلامة ..

وبداية حلوة للتقرير ..

والبحر عجييييييييب شكله روووووووعة ..



وبانتظار باقي التفاصيل :101: ...

ياهلا فيكم جميعا

اسعدني تفاعلكم وان شالله ماخيب ظنكم


الاخت ورد طائفي

هذا الحوش خاص بنا بس يمرون علينا النزلاء من بعيد بس انا حسيت بالخصوصيه

لانه كنا اخر غرفه بس من جهه وحده الي ربطنا بالغرفه المجاوره بس بينا حائط صغيرون

وممكن ننزل ونسبح عادي

اما بالنسبه اي بلد افضل ماقدر افيدج لاني مازرت المالديف انا اخترت موريشيوس لانه فيها

رحلات سياحيه اكثر والمده اعتقد اسبوع كفايه وممكن تمددين

غموض الغد


اهلا بك ..


ما شاء الله .. صور خيالية رائعة .. وموضوع مشوق وجذاب .. وخاصة انو لموريشوس .. الجزيرة الجميلة الحالمة ..



اتمنى اروح لها .. وان شاء الله يصير عن قريب ..





:smile001:

الحمدلله على السلامة

الحمدلله على السلامه

المشاركة الأصلية كتبت بواسطة غموض الغد
http://www.arabtravelersforum.com/tr...1/#post1693971

ياهلا فيكم جميعا

اسعدني تفاعلكم وان شالله ماخيب ظنكم


الاخت ورد طائفي

هذا الحوش خاص بنا بس يمرون علينا النزلاء من بعيد بس انا حسيت بالخصوصيه

لانه كنا اخر غرفه بس من جهه وحده الي ربطنا بالغرفه المجاوره بس بينا حائط صغيرون

وممكن ننزل ونسبح عادي

اما بالنسبه اي بلد افضل ماقدر افيدج لاني مازرت المالديف انا اخترت موريشيوس لانه فيها

رحلات سياحيه اكثر والمده اعتقد اسبوع كفايه وممكن تمددين




مشكورة والله ماقصرتي يالغاليه

شدى حيلتس بالتقرير .......لان عندى نية ازورها قريب ....وودى استفيد من تقريرتس

كيف الجو ؟؟ استوائي والا شئ ثانى .....:109:

وهل الديرة تصلح للمنقبات يعنى مافيه مضايقه ولا استغراب مثلا

اكرر شكرى ......وتحملين يمكن اثقل شوى عليتس بالاسئله

هلا بكم الله يسلمكم من الشر


ورد طائفي

ان شالله بشد حيلي زان شالله تروحين وتستانسين


اما عن الجو يجنن بس الحين جايهم الصيف يمكن تزيد الحراره

وعن النقاب انا اتحجب بس عادي محترمين ومالهم شغل بحد

وحيالله فيج باي وقت

:x1::x1::x1::x1::x1:

مشاء الله تبارك الرحمن

بدايه حلوووووووووة ,, ومتابعين معاج لين اخر التقرير :101:

والحمدالله على سلامتكم

الحمد لله على سلامتكم

صور راااائعه اختي

سجليني من المتابعين لهالتقرير البحري

:101:

((التكملة))





:smile002:







يا هلا فيكم مساء الخير عليكم


اشكركم على التشجيع الحلو وان شالله ماخيب ظنكم

اما اليوم الصور بتكون خارج الفندق و عن طبيعة موريشيوس الحلوه

اخذنا تكسي وتمشينا في بعض المناطق المهمه وهي البركان النايم ان شالله على طول

والبحيره المقدسه عندهم طبعا للديانه الهندوسيه وتمثال كبير مادري شسمه

وصادف في ذاك اليوم انه كان عندهم حفل ديني اسمه divaliخاص بالهندوس

وبعدها تمشينا في بعض المحلات وحديقه عامه خصوصا انه الجو كان يساعد شوفو

معاي الصور احسن .






من قمة البركان المكان رااااااايق




هاذي فوهة البركان





وهذا الي يسلمون عليه حمدالله والشكر








البحيره المقدسة والمعبد


















لقطات من الحديقة وان شالله اكمل التقرير في وقت ثاني :106:

ماشــــــــــــــــــاء الله تبـــــــــــــــارك الرحمــــــــن

روووووووووعه اختى غيوض :24:

الله يعطيتس العافيه

ومشكورة على ردتس على استفساراتى:101:

روعه يعطيك العافيه

تقديرين تفيديني .. كم سعره التذكره للشخص ؟؟ و من وين أقلعتو ؟

ننتظر الباقي

ماشاء الله ..

أذكر إني ماقدرت أقرب من فوه البركان .. بس صورته من بعيد " خايفه بعيد عنج لايفور علي ":110:

مستمتعة معاج ومع الصور ..

تحياتي ..

روووووعة اختي....بانتظار باقي تقريرج..

يعطيج العااااااااافية

غموض الغد




التكلمة تحتوي على صور رائعة .. في انتظارك اختي تكملي الباقي ..


:smile001:

ماشاء الله تبارك الله اخيتي الكريمة

لكن لي طلب بسيك انه تذكرين الاسعار بالتفصيل لكل شئ سويتوه االله يسعدك

صور جميله والحمدالله على السلامه

غموض الغد

حمد لله على السلامة أختي

بإنتظار بقية التقرير بلهفة

وفضلا ياليت ايضاح التكلفة والمدة


دمتي بود

مساء الخير

اختي غموض الحمدالله ع السلامه ... وان شاء الله تكون اجازه ممتعه لكم جميع

أتحفتينا بالمقدمه الحلوه ... والصور الاحلى ... متميـــــزه منذ البدايه ..... بأنتظار الأروع

!

!

هلا الشوق

يعطيك ألف عافية

أكملي فنحن بشوق لمتابعة باقي الرحلة

يعطيك العافية والله يااختي غموض الغد ..

صور رائعة للغاية ماشاء الله تبارك الله ، فالجزر جميلة للغاية :106:

و أكيد متابعين للأخير :24:

تحياتي ..

يعطيج العــــــــافيـــــــــه عالتقرير

السلام عليكم




اعتذر عن التاخير لكن اعرفكم بتصبرون علي

ان شالله اليوم بتكون صور للطبيعه وكل صوه تحتها الشرح


الي اسالو عن الاسعار:


كانت الرحله على طيران الامارات درجة رجال اعمال مجموعهم 17890ريال


والليله في فندق اوبراي 2700ريال اما الرحلات البريه والبحريه


كله يدخل مع حساب الفندق ونتحاسب عليه مع الجيك اوت اتمنى افدتكم من ناحية الاسعار.


والجو روعه براد واحيانا شمس بس ابد مافي رطوبه كان البحر شةي بارد بس بعد حلو:24:

















مزارع الاناناس





الشلال




طبعا الارض الملونه








هاذي من قمه جبل المنظر صج خيالي ويستاهل العنوه






بعد هالمشاوير رجعنا الفندق وقعدنا نستمتع بالغروب





وبعدها لازم شويه كوفي وبنانا سبليت عشان نعدل المزاج


وانطرونييييييييي لاتنسوني

نكمل معاكم الصور:101:








بعض الصور لمحلاتهم





صوره واحنا في الطريق الى السوق








هذا السوق حلو للتمشيه وفي مطاعم معروفه اسمهwater front



بعدها رحنا للبوناتيك قاردن حلوه للتمشيه بعد وفيها شويه حيوانات.











بعد هاليوم المتعب رجعنا الفندق

متابعين بكل شوق

تصوير رائع

وعشنا معاكم كل لحظة في الجزيرة

الله يعطيكم العافيه تسلمون على هالردود الحلوه


ورد طائفي

تسلمين حبيبتي كلج ذوق وانا مستانسه انها عجبتج


aboaziz

كفايه وجودك في الموضوع وياهلا فيك

السلام عليكم

مرااااحب بنت الديار ..

الصراحه كنت ناوي أكون أول قطري يكتب عنها ولكنج سبقتيني في الموضوع ..

وعندي كم أستفسار ياليت أتفيدينا فيها ..

1- هل فيه ناس عراه على الشاطىء !! لأاني أذكلا أني قريت لأحد الأعضاء كان يشتكي من هالشي !!

2- هل تنصحين الي أيحب الجو البارد أنه ايروح لها !! لأنه فيه ناس ايحبون البروده وخصوصاً لما أتكون الحراره اقل من 18 ؟؟

3- من الواضح أن الجزيره ماتصلح للأطفال ..صحيح ؟

وسامحينا على المداخله ..

والحمدالله على السلامه ..

يعطيج العافيه حبوبه على هالصور الرائعه

:x1::x1::x1::x1:

وعليكم السلام ياهلا باول قطري يرد على الموضوع


واسفه اني خربت عليك المفاجاه:109:


من ناحية العراة لازم لانها جزيره والاجانب مايقصرون بس في الرحلات


البريه لاعادي عموما انا رايحه مع زوجي لكن اعرف وحده اخذت عيالها كلهم واستانسو


تدري ليش راحو شهر تسعه كان الجو بارد يعني العري اقل بس تصلح حق اليهال


الي يحب يستحملهم :106:


ولكن لمه يكون برد راح يكون البحر بارد فما ادري يمكن تكون السباحه صعبه فيه احنا رحنا


اول شهر11 كان الجو نص و نص اتمنى اكون افدتك:101:

يعطيك العافية والله يااغموض الغد على الصووور الجميلة للغاية :24:

وأكيد متابعين لهذه الجزيرة الساحرة :106:..

بارك الله فيك وجزاك الله كل خير ..

وتقبلي تحياتي ..

ماشاء الله ..

تبارك الرحمن ..

صور رائعة وجميــــــلة جدا ..




وايد عجبتني ..

الله يعطيج العافية ..




ونحن في الإنتظار ..

ماشاء الله عالتقرير بس حبيت أعرف أي كاميرا استخدمتي

ابدعتي

اكملي

حمدالله ع السلامة
تقرير رائع تسلم الايادي...........

تقرير راااااااااااااااائع الله يعطيك الف عافية

وااااااااو روعه تسلمين عالصور الحلوه
لفت نظري هالاوتيل بكتيب الامارات للعطلات مره شكله فخم ومرتب
بس بسألك ياقمر هاذي غرفه ولا سويت؟
ثانكس

روووووووووووعة الله يعطيك العافية

هلا اختي غموض الغد
مشاء الله تقرير ولا اروع خصوصا الصور الخياليه والدقة بالتصوير مشاء الله
ياريت تذكري لنا اين موقع الفندق ومن اي الفئات هو وكم سعر الليله الواحده فيه واين بنسبة للجزيره

بنتظار ردك تحياتي

السلام عليم ورحمة الله وبركاته



اعتذر للتاخير وان شالله معوضين


بالنسبة للكاميرا الي صورت فيها هي







نكمل اليوم الصور بتكون كلها زرقا اكيد عرفتو ليش :114:


لانها رحلة بحريه اسم الرحلة كريستال ايلاند يورنا اصفا بحر في الجزيره


فعلا انه كريستالي بس قبلها سلمنا على الدلافين من بعيد


نشوف الصور احسن










حلوين صح:101:




هاذي منارة العاصمة قراند باي




هذا شلال صيغرون حاشرينا فيه








شوفو البحر وشلون صافي يجنن وبااااارد




صخره زينت البحر سبحان الله




وهذا البوت مالنا





استراحه الغدا


وبس رجعنا الفندق تعبانييييييييييييييييييييييييين

هلا فيكم

missy

الغرفه الي اخذناها عاديه مو سويت وحياج الله


المهاجر 11

سعر الغرفه 2700 ريال والفندق قريب من العاصمة قراند باي

والفندق من فئة 6 نجوم



غلا امها

اولا الصيف عند برد يكون الجو شتوي وفي فنادق غاليه وفيه زينه


وطبعا شهر واااااااااايد عليها هي جزيرة حدها اسبوعين بس من نظري

والعفو حبيبتي حاظرين

غموض الغد

الحمد الله على السلامة

صور رائعة

ذكرتيني بشهر العسل :114:

زرت جميع الاماكن اللي مصورة فيهم و تقدري تزوري موضوعي و بتشوفي تقريبا نفس الصور

اختياركم للفندق رائع :24:

يعتبر فندق 6 نجوم و غالي جدا

ننتظر التكملة شدي حيلش

مااااااشاءالله

تبارك الرحمن على المناظر الحلوووووة

بس الي غثني صورة (صنم الهندوس) ذكرني بالهند

تقرير راائع وجميل جدا

واصلي اختي غموض .. استمتعت من البدايه حتى النهايه

مازلت متابع

غموض الغد


في هذا الجو البارد الذي يحيطني .. اشعر بالدفئ الجميل .. عندما اقرأ وأنظر لهذا الجمال والروعة القيت بها علينا ..



لا عدمنا دفئكم الجميل ..





..

ياعيني على الصور المتميزة اكيد اخذت منك جهد ووقت لذلك جزاك الله خيراً

[align=center]
ما شاء الله

روعهـ والله

تشدني الجزر وخصوصاً موريشيوس ..

يعطيك العافية
[/align]

ماشاء الله تبارك الله
رحله رائعه ومميزه
أثرتني شجوني وذكريات زيارتي لهذه الجزيره الرائعه فعلاً
دمتي بكل الود

ماشاء الله تقرير رااااااااااااااائع اشكرج عليه

وتسلم يمناج على هالتصوير الفنان

بلد تجنن
تسلم ايديك على تقريرك

تقرير رائع وفى انتظار البقية على احر من الجمر