الموضوع: الفزعه يا خبراء ايطاليا

[SIZE="3"][CENTER][B]

السلام عليكم ...
مبارك عليكم الشهر و كل عام و أنتو بخير و عساكم من عواده أنشاله ...
اول شي أتشرف بالانضمام الي هذا المنتدي و يشرفني اكثر التواصل و الانضمام الي اعضاء المنتدي ....

ياجماعة الخير أنا أنشاله و بعون الله مسافر ايطاليا تاريخ 29-8 و راح اقعد لين 7-9 للفتره مناسبه لي وراح اكون بايجازه فقررت أسافر و اخترت ايطاليا لأني و لا مره زرتها و من كثر ما تتكلمون عنها قلت بروح اشوفهاا و بشووف ايطاليا الي الكل يسولف عنها ...
فالحمد لله حجزت علي الخطوط القطريه كويت دوحه ميلان و للعوده من روما دوحه كويت
و تقسيما الرحله كانت اربع ليالي ميلان و ليلتين فينيس و اربع ليالي روما و أنا الي راد الكويت أنشاله

الي مخوفني يأجماعة الخير سالفة التنقل و أنا بيني وبينكم حجزت تذاكر طيران من غير الداخلي يعني بروح ايطاليا و الله بسهلها .. وخصوصاا أني راح اكون مع زوجتي و اول سفره مع المره راح تكون فخايف شويه من أني أتوهق بس دام انتو موجودين أنشاله بتساعدوني

اول سؤال ؟ اقدر أخذ جناطي وبأي اذا ركبت المترو مالهم او القطار بالتنقل و أنا رائح من المطار لين ميلان و من ميلان لين فينيس و فينيس لروما ؟؟؟

ثانيااا :
حجزت بفندق سان روزا بميلان
و رويال سان ماركو بفينيس
و انتركونتينينتال بروما
شرايكم بالفنادق واماكنها ؟


ثالثا : محتاج فزعتكم لاخوكم أنكم تشوورون علي بأحسن الطرق الي أتنقل فيها من مطار ميلان لين الفندق بالدوومو و من ميلان الي فينيسيا و من فينيسيا الي روما مع شرح بسيط ماعليكم امر و راح اكون شاكرلكم ؟


رابعا: ودي احد يساعدني باني شلون اقدر استقل الأربع ايام بميلان بحيث أني اقدر ازور المعالم و اروح السانسييرو و كومو غير القز بالدوووموو و اروح الأوت ليت مالهم ؟؟

خامسا : بيزا الأحسن اروحلها من ميلان و لا من روماا ؟؟

سادساا : كابري من وين اروحلها ؟؟؟
وشاكرلكم
و أنشاله أنا بأنتظار الخبراء و مساعدتكم ...

مواضيع عشوائيه ممكن تكون تعجبك اخترناها لك:

• أتمنـا مساعدتي وتحقيق حـلـمي لقضاء شهر العسل في أيطاليا والنمسا لشهر
• اول مشاركه وعدة اسئله عن ايطاليا وروما تحديدا
• كم تبعد عن باريس
• ما لقيت اسعار لاستئجار السيارات مثل اسعاركم ؟ ياريت تساعدوني
• جنون الكرنفال يصيب إيطاليا
• حالـــــــــــــــــــه الطقس
• مساعدة لعشاق و زوار ميلان
• فندق بسيط يناسب اجواء فلورنس والبندقيهرجاء
• رومافينسيا
• مشكلة في تاريخ الفيزا
• تنزيلات بإيطاليا
• طرق ايطاليا السريعة
• استفسارات اخيره
• شقراوي في ايطاليا
• مخطط رحلة ليالي ايطاليا و ليالي سويسرا
• استفسار عن روما
• ابغى اعرف كيف نروح من مطار ميلان للوقانو بالقطار
• دراسة الطب فى ايطاليا
• تخطيط رحلة سياحة الي ايطاليا
• ساعدونى الله يفتح عليكم الابواب المقفولة

هلا بن خالد
احنا بعد بنروح روما و فينيس هالفترة
بصراحة ما فهمت أول سؤال
بس احسن وسيلة للتنقل الداخلي اهي القطار
من روما لي فينيس تقريبا 3 ساعات و 40 دقيقة
بس اذا تحسها بعيدة تقدر تاخذ طيران داخلي بس أغلى يطلع عليك
محطة القطار الرئيسية بروما اسمها تيرمني

ما اعرف حق ميلان ان شالله احد يفيدك

بيزا تروحلها من روما اقرب , تروح فلورنس و منها لي بيزا

و هم كابري تطلعلها من روما و روح معاها امالفي كوست (بوسيتانو و سورينتو) روعة
تطلع من روما لي نابولي بالقطار ساعتين و بعدين تروح ميناء اسمه Molo Beverello و منه تاخذ عباره لي كابري 45 دقيقة
او من نابولي تاخذ قطار لي سورينتو و منها لي كابري
بخصوص الفنادق .. طول ما انت ساكن في السنتر اوكي
بس اذا بعيد ما راح تستانس
بروما احسن شي السبانش ستبس

ان شالله اكون فدتك و لو بشي بسيط

بالنسبة للتوصيل من المطار الى السنتر في عدة طرق

تاكسي و السعر حوالي 110 يورو
ميترو و 7 يورو للشخص
و باص 7 ونص يورو للشخص

ممكن عن طري الاوتيل تكلمهم وتشوف اذا يستقبلونك و السعر

وفي عندي رقم شركات عندهم خدمة توصيل من والى المطار و ايضا للاماكن السيلحية اذا تحب

Como Limo - Via Leopardi 7 - 22031 Albavilla (Como) Italy - Tel: 0039 3482201286 - P.Iva 02738540133 - mailto[email protected]


هذي من احد المواضيع
**
نجي لاحسن احد تعاملنا معه وكان جدا ممتاز وبجد ريحنا كثيييييييييير*
شركة ابو الوليد للخدمات السياحيه في ايطاليا هذولا شركه عندهم سيارات سواقين*
يسوون لك رحلات يأجرون لك يخوت بكل ايطاليا طبعا هالخدمات احنا اخذنا*
سياره بمرافق سياحي وطبعا هو اللي يسوق وهو اللي يسوي كلش يعني حتى بالمحلات*
بالاماكن هو يتلكم واخذنا رحله للوغانو جدا جدا ممتاز الله يعطيه العافيه وبالنسبه اسعاره*
من وجهة نظري السعر مناسب للخدمه اللي يقدمها*

بكتب ارقامهم لانهم شركة مو شخص وان شاء الله مايكون ممنوع ..*
شركة ابو الوليد للخدمات السياحيه .. 00393398799990
00393279577957
mailto:[email protected]
http://www.limousineinitaly.com

اتمنى اكون افدتك

سيتم غلق الموضوع لعدم طرحة بقسم الاستفسارات

ارجو تفهم الوضع