الموضوع: صور شقق ماكس ميليان ميونخ بعدسة وحصريا للعرب المسافرين

يامرحبا مليار





شحالكم ياربكم بخير؟


قبل لانسافر لميونخ شتا2007 شهر3 سويت بحث عن شقق في ميونخ ووحصلت وايد شقق ونصحوني بوايد شقق لكن ماكنت واثقه من الشقق واذا كنا بنرتاح فيهن؟؟

لين اخر شي استقرينا على شقق رزيدنس المدينه وطبعا بعد مانصحتنا فيه وحده من اهلنا ورحنا ونحن واثقين ان الشقق بتكون اوكيه لكن للاسف كان اكبر مقلب!!!!:112:

تخيلو سفر وتعب واخر شي شقق خرطي لا نظافه ولاشي ..صراحه الشقق هب مريحات وضيقه وازعاااااااااااااااااااااج غير طبيعي ..والحمدالله اني كنت حافظه عنوان شقق ماكس ميليان في دفتر العناوين اللي اكتب فيه العناوين المهمه والمعلومات اللي انقلهن من منتدى العرب المسافرين يزاكم الله الف خير..

وشقق الماكس ميليان حصلتهن بالصدفه وانا اسوي سيرج في النت والحمدالله على طول طلعت العنوان وعطيته اخويه وراح وشاف الشقق والحمدالله انه حصل حجز في ذيك الليله وحجز ورد علينا وطلعنا من رزيدنس المدينه في نفس اليوم وطبعا ماطلع اخويه الا مدفعينه ادارة ريزيدنس المدينه ليله عن الشقق اللي كنا حاجزينهن وطبعا دهن سير التوانسه اللي فيه لانهم كانو ناوين يغرمونه ويدفعونه اسبوع كامل!!:112:


المهم اننا افتكينا منهن ومن شققهم اللي تلوع بالجبد..:108:

وفلينا على طول للماكس ميليان

وحبيت انقلكم تجربتي لهالشقق الرائعه :24:..لانكم ماقصرتو وفرتولنا وايد معلومات فادتني في هالسفره ..:101:






[IMG][/IMG]

بصراحه شقق ممتاااااااااااااااااااااااازه من كل النواحي

نظافه وموقع ممتاز قريبه من الماكس ميليان سوق الماركات 5 دقايق مشي ومن المارين 10 دقايق مشي وفي سوبرماركت قريب وصيدليه ومطاعم

وفيهن تنظيف يومي..


خذنا شقتين كل شقه غرفتين نوم وفيهن الله يعزكم حمامين كل غرفه بحمامها وفيهن صاله ومطبخ صغير وغرفة طعام

سعر الليله 320يورو وعقب الخصم لاننا خذناهن شهر 270 يورو


تعالو الحين احوطكم في شقتنا (توين سويت)


هذا تخطيط الشقه وتقسيمها عشان توضح لكم الصوره



الصاله وفيها تي في بس نسيت اصوره:101:


وفي نفس الصاله غرفة طعام ومطبخ عند مدخل الشقه مثل ماشفتو في الصوره عاليمين غرفة الطعام وعاليسار المطبخ ..


هذي طاولة الطعام





المطبخ











غرفة النوم الاولى











حمام الغرفه الله يعزكم









الغرفه الثانيه








الله يعزكم حمام الغرفه





وشقتنا كانت تطل عالشارع وهذي لقطه ايام الثلج






وبعض الصور لحديقة الفندق من شقة واحد من اخواني كان ماخذ جاردن ستوديو ومطل عالحديقه

واسمحولي ماصورته بس هذا مخطط الاستوديو




وهذي صور الحديقه من بلكونته

[IMG][/IMG]




هذي البلكونه وفيه طاوله وقعده روعه








رابط الشقق


http://www.maximilian-munich.com/home.php?lang=en


العنوان

MAXIMILIAN MUNICH

Hochbrückenstraße 18
80331 München
Deutschland

T +49 (89) 24 25 8-0
F +49 (89) 24 25 8-199
mailto:[email protected]


واخيرا اهديكم هالورده ..الله يذكره بالخير كان الهاوس كيبينج سوداني مسلم دوم عقب التنظيف يحطلنا في الغرف منها ..









تحياتي العطره

اختكم

الامارات:101:

مواضيع عشوائيه ممكن تكون تعجبك اخترناها لك:

• تقييمكم للفنادق المختارة
• ساعدوني كيف اقدم على تأشيرة زيارة إلى ألمانيا
• انا ف المانيا مع اختي و الوالده ساعدوني بسرعه
• كيف يمول الطلبة العرب دراستهم في ألمانيا؟
• الحمد لله اليوم طلعت الفيزا من السفارة الالمانيه
• استفسار بخصوص التأمين ليوروب كار
• مسافر ميونخ رحلة علاج وعندي استفسارات
• ارجو المساعدة مع الشكر والتقدير
• استفسار بخصوص المرأه السعوديه
• بسافر هامبورغ وبعدها برلين ولأول مره احس اني ضايعه ساعدوني
• اخواني القطريه او الامارتيه الى مونخ
• تقرير عن بادن بادن و فرانكفورت بالصور اقوى تقرير سياحي
• مساعدة بخصوص بعض متطلبات التأشيرة
• كل خبير بالسفر للدول الاوربيه يساعدني تكفووون
• عاجل عاجل ابغى الرد
• الأخت دموع الوجد طالبتك
• مسافر الى المانيا
• لخبراء ميونخمساعدة بسيطة
• إخواني أصحاب الخبرة أنا مسافر بإذن الله الإثنين إلى ميونيخ غارميش فوسن
• من فراكفورت الى نيوربرغ تنصحون و لا لا ؟؟؟ ضروري مسافر يوم ها الشهر

يعطيج العافيه

كالعاده مبدعه (:

اختي uae123

تسلم ايدينك على هالصور والتقرير

والشقق فعلا مبين انها حلوه ومتميزه

كل الشكر لك

شكرااااااااااااا اختي الامارات ...بس وين موقعها و شو الاماكن القريبه منها مثل مطاعم ,محطة القطار

ما قصرتي إختي الله يابج بالوقت المناسب ...و مثل ما خبرتج قبل سوالف الشقق النظيفه عباله .. الواحد ابرك له ييلس في فندق و لا يصدع عمره بس تدرين الكباريه ما يصبرون ع المطبخ ...
أنا أكدت الحجز عندهم و إن شاء الله سايره بعد إسبوع و يوم ربي يوصلني بالسلامة بنزل تقريري .. أدري أن الصور بتكون قليله لأن السفره علاجيه و بقول لكم تجربتي و يا الفندق ^__^

يسلموااا

المشاركة الأصلية كتبت بواسطة AL QANA9
http://www.arabtravelersforum.com/tr...8/#post1761138

اختنا الكريمة uae123 يعطيك العافية على هذا الموضوع المميز

مشكورة على التقرير الحصري لمنتدانا الحبيب

بارك الله فيك على ماقدمتي ... تحياتى لك



الله يعافيك ياخويه

والعفو لاشكر على واجب هذا نقطه في بحر ماتقدمونه من جهود عظيمه :106:

شاكره لك هالتواجد اللي اسعدني:101:


وياهلا وغلا

المشاركة الأصلية كتبت بواسطة تويتى75
http://www.arabtravelersforum.com/tr...0/#post1761280

يعطيج العافيه

كالعاده مبدعه (:



الله يعافيج غناتي

وتستاهلون كل خير والله

ويامرحبا

المشاركة الأصلية كتبت بواسطة Boby
http://www.arabtravelersforum.com/tr...5/#post1761825

اختي uae123

تسلم ايدينك على هالصور والتقرير

والشقق فعلا مبين انها حلوه ومتميزه

كل الشكر لك




الله يسلمك من الشر

والعفو لاشكر على واجب هذا شي بسيط وانتو تستاهلون كل خير :101:

وياهلا وغلا

المشاركة الأصلية كتبت بواسطة Al-Mustabsher
http://www.arabtravelersforum.com/tr...3/#post1762463

شكرااااااااااااا اختي الامارات ...بس وين موقعها و شو الاماكن القريبه منها مثل مطاعم ,محطة القطار



العفووو ولاشكر على واجب

موقعها ..شفت شارع الماركات الماكس ميليان الجهه اللي مجابله فندق كومبينسكي هوه في المباني اللي ورا هالشارع ..وقريب على شقق شتول برغ اذا تدلهن؟؟

يعني مشي 5 دقايق لشارع الماكس ميليان الماركات ..و10 دقايق للمارين مشي..ومشي 10 دقايق مطاعم ماكدونالدز وبرجر كنج ومطعم بيتزا مااذكر اسمه يعني لاتشل هم كله قريب عليك وفي سوبرماركت بعد قريب وصيدليه واذا مادليت اول ماتوصل اسأل الرسبشين وبيدلونك ..موقعهن رائع ..

واي استفسار انا حاضره :101:

وياهلا وغلا

المشاركة الأصلية كتبت بواسطة deech
http://www.arabtravelersforum.com/tr...4/#post1763234

ما قصرتي إختي الله يابج بالوقت المناسب ...و مثل ما خبرتج قبل سوالف الشقق النظيفه عباله .. الواحد ابرك له ييلس في فندق و لا يصدع عمره بس تدرين الكباريه ما يصبرون ع المطبخ ...
أنا أكدت الحجز عندهم و إن شاء الله سايره بعد إسبوع و يوم ربي يوصلني بالسلامة بنزل تقريري .. أدري أن الصور بتكون قليله لأن السفره علاجيه و بقول لكم تجربتي و يا الفندق ^__^

يسلموااا




بالفعل الشقق احسن عن الفنادق خصوصا للعوايل وللاقامه الطويله واوفر بعد ..خصوصا اذا كانت شقق نظيفه وفي موقع حلو ..

وصدقيني مابتندمين على حجزج فيهن لانهن احسن شقق في ميونخ في رايي ..مااظن تلاقين احسن ..خصوصا من ناحية النظافه ..وهذا اهم شي عندنا..والواحد اذا ماارتاح في السكن ماارتاح في سفرته كلها عندنا اهم شي السكن يكون مريح ونظيف ..

يالله موفقه وتوصلون بالسلامه ولاتنسينا بالتقارير المباشره ..ولاتنسين تعطينا رايج بعد في السكن بعد تجربته ..

وسلميلنا على ميووووووووونخ صدق تولهنا عليها ..حلاتها في الشتا..الله يهنيكم ويشفى مرضاكم..

واي استفسار انا حاضره :101:

موضوع متكامل ماشاء الله عليج

بالنسبة لعدد الاشخاص , فيه اي مشكلة اذا مثلا وصل العدد الى 8 او 9 اشخاص من ضمنهم الاطفال في الشقة الواحدة؟



مشكورة اختى ويعطيك الف عافيه :24:

موضوع مميز من اخت مميزه دايم تتحفينا بهالمواضيع المفيده بس شهر على ميونخ مب وايد ؟ تحياتي لج

المشاركة الأصلية كتبت بواسطة بوعبدالعزيز
http://www.arabtravelersforum.com/tr...7/#post1769187

موضوع متكامل ماشاء الله عليج

بالنسبة لعدد الاشخاص , فيه اي مشكلة اذا مثلا وصل العدد الى 8 او 9 اشخاص من ضمنهم الاطفال في الشقة الواحدة؟



مشكورة اختى ويعطيك الف عافيه :24:




هلا


العفو ولاشكر على واجب

مادري نحن خذنا شقتين كل شقه غرفتين نوم وفي كل شقه 4 اشخاص ..

فأحسن تتصلبهم وتتأكد

واي استفسار انا حاضره

المشاركة الأصلية كتبت بواسطة هيمان سفر
http://www.arabtravelersforum.com/tr...6/#post1769576

موضوع مميز من اخت مميزه دايم تتحفينا بهالمواضيع المفيده بس شهر على ميونخ مب وايد ؟ تحياتي لج



اشكرك على كلامك الطيب وهالمرور اللي اسعدني

وبخصوص شهر على المانيا صح وايد لكن كانت رحله علاجيه عشان جذيه قعدنا شهر:101:

وياهلا :101:

كل الصور رائعة

شكراً جزيلاً من جد تقرير رائع ومفيد
بس عندي سؤال لو تكرمتي هل يوجد في هذي الشقق شقة مكونة من غرفة نوم وصالة ومرفقاتها من مطبخ وغيره وكم سعرها ؟

تقرير حلو وصور رائعة اختي الحبيبة الإمارات وموفقة دائما يارب

مرحبا مليوووون

ويعطيــــــــــج 1000000000000000000000 عافية

أحييج على المعلومة المفيدة للجميع

تحياتـــــــــــــــي أخوج sad22090 ............

الاخت / uae123
السلام عليكم ورحمة الله وبركاته/// واسعدالله اوقاتك بكل خير وعافية/ اولا اسال الله عز وجل ان يشفي مرضاكم وجميع مرضى المسلمين / امين
وان يجعل عملك هذا خالصا لوجه الله ويوفقك دنيا واخرة .

الاخت / uae123 / مجهود تشكر عليه /// ولدي استفسار ببخصوص اسعار الاستديو في مثل هذا الشهر شهر مارس
وشكرا للجميع

مرحباا بالاخت الامارات ويعطيكى العافيه على التقرير .. بس انتى ذكرتى بالنسبه للشقق سعر اليله 320 يورو .. اعتقد انه السعر غالى جدا خصوصا بالوقت اللى انتى رايحين فيه .. ومتابع التقرير

المشاركة الأصلية كتبت بواسطة uae123
http://www.arabtravelersforum.com/tr...1/#post1763341


الله يسلمك من الشر

والعفو لاشكر على واجب هذا شي بسيط وانتو تستاهلون كل خير :101:

وياهلا وغلا





السلام عليكم

يالغاليه انا جاي من الكويت لميونخ الاحد الجاي 27/1/2008

اتهقين احصل هاشقق بأسعار اقل من جذي

اتمنى الرد السريع

السلام عليكم / الامارات 123
يعطيك العافية ********* كم سعر الاستديو / والشقة من غرفة وحدة في ماكس ميليان وهل السعر ثابت طول السنة يعني في الصيف سعر والشتاء سعر ؟
تحياتي

مشكووووووووووووره صارلي اسبوع ادور على شقق عدله انشاالله بتصل وبشوف يتي بوقت يا اختuae123 luhمعاج ام مريم

يعطيك العااااافيه والله خوش شقق

شكرا بس احس الغرفة ضيقة؟
مب كانه السرير لاصق ف الجدار؟؟

حلووووه الشقه

مشكوووره ع الصور ^_^

مشكووووووووووووووره يالغلا وماقصرتي

:24:

شغل مرتب والموقع يهبل

يسلمو

يعطيكم العافيه

جزاج الله خير اختي على الشقق وللاسف مالقيت حجز لنا في شهر 8

اختي الحين نحن مثلا
3 كبار و3 صغار
مايصير ناخذ شقه وحده ام غرفتين ؟
والا يحسبون بالشخص ولازم على العدد

موضوع مميز وافادني كثيرا الله يعطيج العافية

الله يعطيك العافيه اسعار حلة اكيد تغيرت اللحين

يعطيك العافيه على الصور

يعطيج العافية افدتينا واااايد الحين حترت بين 2 وانشاءالله جربهم ال2

اختي بغيت استفسر

الشقه الوحده كم سعرها بالليله خذتوها