الموضوع: وين القى جلبياتاو اثياب القرنقعوة للاطفال

السلام عليكم ورحمة الله وبركاته
ابي ازور البحرين يوم 16_8_07
وودي لو احصل جلبية حلوة وشعبية او اي ملابس تصلح للقرنقعوه انشالله
لطفلتي اللي عمرها سنه وحدة او 17 سنه
يعني للكبار والصغار
تكون شعبية
واذا ممكن احصل ثوب للقرنقعوة او لبس شعبي يصلح لولدي 7 سنوات
شكرا

مواضيع عشوائيه ممكن تكون تعجبك اخترناها لك:

• التدخين ممنوع في مجمع السيف قرار رائع
• اخبار المدينة المائية
• ممكن فندق حلوو بحدودريال
• جزر حـــوار
• إلى سيدات وآنسات البحرين الشقيقه
• استفسار عن ستي سنتر
• ضروري يالبحرينين ابي معلومات عن جزيرة حواررررررررررر
• بروح البحرين لمدة ساعات
• أجود محلآت البخور
• الله يخليكم ساعدوني مسافر للبحرين يوم ذالحجه ولمدة أيام أنا والمدام والميزانيه
• استفسارين عن البحرين
• شلون اروح محل المروج؟؟؟
• مطاعم شعبية
• كوفي مايا بالستي سنتر ؟؟؟؟؟؟؟؟
• جنه دلمون وفنادق البحرين
• وين افضل الشقق العائلية في شارع المعارض
• سؤال لأهل الخبر في البحرين
• أحسن المقاهي
• مسافر جديد في البحرين استفسار عن فندق
• أرجو ترشيح فندق

راح أسأل وان شاء الله احصل لك الجواب .. أو ان شاء الله احد الأخوات تفيدك ..


علماً أن هذي المناسبة اسمها في البحرين ( قرقاعون ) وفي الكويت ( قريقيعان ) ،،، أما القرنقعوه فتسمى في قطر


..

بالضبط انا من دوحة الجميع
سمعت كثير عن جلبيات الشعبية في البحرين
وللي تصلح وبقوة وتكون ملفته عندنا في الدوحة

اخبر ما كنا نلبس جلابيات حق القرقاعون ؟

كنا نلبس بخنق !

بس جلابيات بشكل عام في شارع بكواره ،، بس لليهال ما عندي فكره

( انا اصغر وحده في البيت )

بس هم بسأل لج ..

أعتقد اذا بتحصلين مكان يبيع هالاشيه بيكون في سوق المحرق .. بس 16/8 تو الناس يمكن ماتحصلين عندهم .. لأن ينزلون في بداية شهر الصيام.

جلبيات او اي ملابس شعبية
سواء ولادي او بناتي

في سوق المحرق , محلات الجلابيات اللي في بداية السوق عقب محلات الحلوى
تلاقين جلابيات وبخانق و اكياس القرقاعون ، دشي كل المحلات ، يمين ويسار وشوفي ، لأن بعضهم عندهم اشياء مختلفه عن الباقي.
وحق الأولاد ، بعد في سوق المحرق ، نفس الموقع ، بس المحلات الرجاليه

وعليكم بالمكاسر في السعر :109:

بس الصراحه ما اعرف اذا نزلوهم من الحين !!! اذا تمكنت رحت هاليومين الجايين و سألت لكم :106:

تحياتي

شكرا لكل من تجاوب معانا
الاخ
iLDanah
للحين ما مريت وسالت
نازلين البحرين يوم الخميس 16_8
انشالله
ارجو الرد قبل هاي التاريخ
شكرا

شكرا لكل من تجاوب معانا
الاخ
للحين ما مريت وسالت
نازلين البحرين يوم الخميس 16_8
انشالله
ارجو الرد قبل هاي التاريخ
شكرا

انا الأخت مش الأخ :106:

وعذرا بس والله ما رحت المحرق ، لأني من الرفاع :109:

ان شاء الله اذا مريت سألت لكم ، بس انتوا ان شاء الله اذا جيتوا بتشوفون السوق و كل شي فيه ، و اعتقد ان المحلات بدت تجهز من الحين ، وحتى لو ما شفتوا سألوا اللي يبيعون ، يمكن عندهم و ما طلعوا البضاعه ليلحين و يطلعونها لكم تشوفونها :101:

تحياتي ،

أم سلطان

شكرا جزيلا يا اختي

المشاركة الأصلية كتبت بواسطة بحريني غير
http://www.arabtravelersforum.com/tr...9/#post1481779

راح أسأل وان شاء الله احصل لك الجواب .. أو ان شاء الله احد الأخوات تفيدك ..


علماً أن هذي المناسبة اسمها في البحرين ( قرقاعون ) وفي الكويت ( قريقيعان ) ،،، أما القرنقعوه فتسمى في قطر


..



حبيت بس اذكر اخوي بحريني غير ان عندنا بالكويت اسمه قرقيعان مو قريقيعان


وشكرا لكم

شكرا لكل من تجاوب معنا

أرجو ان تكونوا توفقتوا ولقيتوا اللي تبونه واستانستوا في البحرين

اختي كوني مالي بهذة السوالف ... سألت الاهل .. عن مطلبك .. لان لهم خبرة ..

في بعض المحلات الراقية جدااااااااااا .. تهتم في هذة المناسبة .. ومنها ..

بنت النوخذة .. في بوكوارة قرب مسجد النصف
أنمار .. في سوق بوكوارة
اليشمك .. في الرفاع الغربي على الشارع العام بالقرب من البريد

المحلات الي بالمحرق ...
بوتيك شيتيل ...وبوتيك سماهر

هذة المحلات تحصلين او تقدين تفصلين جلابيات حلوة وشعبية حق رمضان .

تلاقين محل "الحرز" بسوق واقف يبيع أشيا خاصة بالقرقاعون.. بس ما يبيع ثياب!

شكرا للجميع
وجزاكم الله خير

دورت بالمحرق لما كنت بالبحرين وما حصلت ولا شي

المشاركة الأصلية كتبت بواسطة ياقمرهم
http://www.arabtravelersforum.com/tr...3/#post1557003

دورت بالمحرق لما كنت بالبحرين وما حصلت ولا شي

ما أدري متى رحتي بالضبط ، بس هذي الأشياء ينزلونها قبل رمضان بوقت قصير ، أو انك تسألين أصحاب المحلات اذا عندهم جاهز للبيع ، أو انك توصين توصيه خاصة

تحياتي