السلام عليكم ورحمه الله وبركاته
اول ماطقت الدراسه بهالدميجه فكرت بنيوزلندا وجلست ابحث واسال ويوم طبحت عندكم وقمت تجولت بالاقسام
دخلت على قسم كندا وجزمت على كندا وجلس ابحث وونويت فانكوفر.
لاكن دخلت على بريطانيا وغيرت الراي تقل جازت لي .
وابحث عن ايرلندا وتضيع علمومي .
وبالصدفه قابلت موظف بالسفاره السعوديه من اللي بكندا وقام يمدح كندا لين رجعت ونويت اروح له
وبعد فتره من البحث تكونت عندي فكره كامله عن كندا وعن المعاهد واسعاره .واكتشفتت انه غاليه ماتصلح
وبيني وبينكم الدراهم سلف:kashkhah:
وتطق براسي مره ثانيه ايرلندا لاكن اشوى ماطولت قطع الاتصال قبل ما ادخل على القسم ونسيته :12:
وبعد بساعه شريت اشتراك من زجول ابو عشره :24: والله ياهو شي بعشره يجلس اسبوع المهم طلعت براسي مالطا لاكن مالقيت معلومات بسرعه وطابت نفسي
واجلس اكا الليله مواصل لاني ناوي اشطف الدوام وادخل على موضوع المايسترو والاخ شواصي
وادير الدفه الى نيوزلندا من زين كلامهم وخصوصا انهم طقو صدورهم وانا ادخل على لوحه التحكم
ابي ارسل رساله خاصه لشواصي ولا احصل الخاصيه وطبعن مادخلت على المايستر لان هالفكره توي اتذكره وابي اسويه انشالله بس ارجع من الدوام .
وانا الحين اعيش حاله نفسيه سيئه بسبب اني ودي ادرس وضعت مادري وين وانا اكتب هالكلام واحد من العيال قال فيه مدينه لاتخافون بنيوزلندا اسمه Queenstown ويمدحه بالحيل .
رحت الى المكاتب وكلهم يعرفونن من كثر ما اتردد عليهم وتخانقت مع ثلاثه منهم يقولون الدراسه ست شهور من 40 الى 48 الف ونا لاقي بـ30 الف وخصوصا عقب توصياكم بان اخذ معهد لمده اسبوع واجرب وضعهم .
والحين يا اخواني انا محتار والقلب ميال لنيوزلندا لاكن وش رايكم وين اروح
فكرت اروح ادرس بقريه يكون افضل ولا بمدينه ولا مادري وش اسوي
وخصوصا احب الهدو والطبيعه لوهي صحاري قاحله فما بالكم بهالربيع والانهار يالله من فضلك
برايفت لهل الكيف
وشلون المهيله وبرااد شاهي على مالبور احمر وتكوه على جال النهر وتفكر بهدوء طبعا تفكر بالانجليزي:24: وفجاء يقمز عليك تمساح ويلقط البريق والدله ويقول من ابن مهيد عندنا
العذر على الاطاله والله من الفظاوه والحيره فلا احد يشره علي
وماخاب من استشارمواضيع عشوائيه ممكن تكون تعجبك اخترناها لك:
- عندي سؤال لاهل الخبرة عن البلد الجميل نيوزيلاندا
- استفسار بسيط
- استفساااار عن مدينة دنيدن
- حصلت مكتب
- متوسط تكاليف الدراسة مع السكن
- اتمنى نصاايحكم
- حجز باص من اوكلاند
- تطوير بلد الأسبوع في ويكبيديا نيوزيلاندا شاركونا
- طلب مساعدة الذهاب للقطب الجنوبي من نيوزيلندا
- عندي استفسارين افيدوني
- استفســار عن دراسة الجامعة في نيوزلندا
- الحجز عن طريق الخطوط السنغافورية الى نيوزيلاندا
- روتوروا نيوزيلندا
- لا أحد يفكر يجي أوكلاند
- رمضان في كرايست شيرش ؟؟
- ساعدونا الله يساعدكم برنامج لمدة يوم
- نيوزلندا بين زيارتين شاهدوا الفرق
- ابي اعرف سعر الصرف بنيوزلاندا
- نيوزلندا تفضلو يأهل الخبره
- ممنوع من السفر
رد مع اقتباس
المفضلات