الموضوع: استفسار من أربعة شباب لأهل البحرين

السلام عليكم يأهل البحرين استفسار من أربع شباب يرغبون في زيارة البحرين أول مرة

نرغب بمعرفة عامة عن أسعار الغرف في الفنادق الرخيصة و النظيفة والخالية من الخمر و الزمر
أربع أيام من السبت و المغادرة الأربعاء إنشاء الله 7\7---11\7
و هل نستطيع تأجير سيارة برخصة الإمارات و هل يتم رهن جواز السفر و هل تكون السيارة مؤمنة
من الحوادث و الخدوش و هل يتم تبديل السيارة المتضرر من دون دفع التصليح أو يحجز الجواز و دفع الأضرار بالكامة
ونريد أعرف أسعار أجار السيارة حتى لو تكون كورولا
وهل تنصحونا بأجار سيارة أو التكسي للوصول أسهل وأسرع للأماكن السياحية
شباب البحرين لا تقصرون علينا بالمعلومات و لا تحرمونا من زيارة بلادكم حتى لو كان الجو حامي
أهل الخليج متعودين على الحر

مواضيع عشوائيه ممكن تكون تعجبك اخترناها لك:

• ديوانية البحرين
• استفسار عن فندق سوفتيل الزلاق
• العديليه
• مدينة ملاهي في المنامنة
• حرب الألوان
• هل الذهاب الى البحرين للزوجة يشترط الهوية الجديدة للزوجة ام بالجواز يكفي
• افضل منتجع بالبحرين او شاليهات وهل مطلوب ورقه للشغاله
• هل مواقف مطار البحرين آمنه أو لا
• طالبه فزعتكم يا اهل البحرين لقضاء ليله خاصه فيها
• افيدوني بخصوص الفنادق التاليه
• جولة في سوق المقاصيص
• عيد زواجي بعد شهر وابي منكم خدمة
• أبي ادل مطعم لانترنس
• افيدوني عن حملة الحج
• يا اهل البحرين مساعده بسيطه الله يخليكم
• المشاركة الأولى لي في هذا المنتدى الأكثر من رائع
• طلب معلومات عن الشقق المفروشه في البحرين
• الى اهل البحرين ارجو المساعده
• لايجار شاليهات على البحر جزيرة امواج للعوائل فقط
• هل الدخول للبحرين بواسطه بطاقه الهويه الوطنيه

يا أهل البحرين معقولة و لا جواب واحد و أنا رافع راسي عند الجماعة و قايل لهم المعلومات في ظرف ساعة بتكون عدكم
ومعلومه لسبب الزيارة
زيارة صديق في الرفاع كان ساكن دبي مع عائلته مصاب بجلطةدماغية من خمس سنوات يقولون بسبب مباراة بكاس الملك أو الدوري البحريني لأنه متعصب جدا و هو بعد رجوعه إلي البحرين كانت له زيارات لدبي
لأنه عنده بنات متزوجات وأهل و أصدقاء
ودايم يزعل علينا يقول أنا الشايب و بعكازي أروح وأرجع و أنتم بصحتكم متكبرين علي .
البحرين من قربها للإمارات لو تفرون حصاه لتعور أحد في الشارع
و نحن نريد أن نقوم بزيارة مفاجئه له ونريد أن نسكن في فندق سعر الغرفة المزدوجة مايعدي 25دينار
ياجماعة بيضون وجهنا لا تكونون أنتم والزمن علينا الريال نقول له دوامات و ظروف يركب سيارته ويروح عنا بدون كلام ولا سلام

الغرف في فنادق البحرين غالية فوق المبلغ المذكور بس فيه شقق مفروشة في شارع المعارض اعتقد انها رخيصة ابعدكم الله عن المعاصي

اعتقد بالنسبة لتاجير السيارات ايضا يوجد محل في شارع المعارض وله شروطه اما بخصوص اتلاف السيارةالمستاجرة اعتقد انكم بتدفعون كل الاضرار وزيادة بعد ارجو الحذر

أختي الكريمة ازابيل مشكورة على المعلومات
وبخصوص شارع المعارض في شباب كفو و وفو لأن لهم تجارب ولهذا نريد أن نبعد عن المنطقة قدر المستطاع ويقول المثل الذي يريد الصلاة ما تفوته
وبخصوص أجار السيارة نخليها تكسي أحسن و أريح

هلا وغلا باخينا الزعابي والله اعذرنه لا تحط في خاطرك
مو مهم سبب الزياره المهم انك ضيف وعزيز وغالي
يعني لو كنت بس سايح بعد راح نخدمك
مشكله المواضيع والاسئله كثيره ووقت دخولنه للمنتدى ضيق
عموما يالحبيب انا انصحك بسياره اجار وحاسب في سياقتك لها علشان ما تدفع الاضرار طبعا
لان التاكسي راح يقصب ظهرك صحيح في عداد بس بعد راح يكلفك وايد يعني اكثر من لو اخذت سياره اجار
وسعر الفنادق انا بصراحه ما عندي خبره في الاسعار يعني الاخوان السعودين والزوار هم اكثر خبره
عموما البحرين صغيره تقدر تاخذ لك لفه على الشقق والفنادق وتسوم السعر او احد الاخوان يساعدك بهالخصوص لان ما عندي فكره الا بس في الفنادق 5 ستار لانها مشهوره
عندك استفسار عن المطاعم او الاماكن السياحيه سنما هالسوالف
حاظرين
:101:

تحيااتي

الاسعار خاصة بالاجازة ناااااار يعني لو تبي شقة غرفتين ونضيفة لاتقل عن 80 دينار وبعضها يصل الى 150 دينار

تحياتي ( مـــــســـــمـــــار )

تياندورا تسلم يمينك و بيضه الله وجوهكم الطيبه
والله ياخوي أنا موزعلان لكن في ناس يستهزون ويغلطون على ناس وهم مايعرفوهم لأن أصدقائي وللأسف بينهم شباب لما تأخر الرد راحو يتهمون المنتدى بالنفاق لأني رجل ودايم لما يشوفوني يطلبوني بأن أغير أسمي لحرمه وبصدقني ياخوي بأن واحد منهم لحد الأن يقولي خلا السعودي ينفعك ويقصد أخونا الباخص
و له كل الأحترام و التقدير وتعرف السبب لأن أبو الشباب مامعترف بسياحة الهند لأني كنت أفكر في سفرة
على طول الحبيب يعرض خدماته و معلوماته عن بانكوك ولما قلت أنا أفكرة في سفرة الهند زعل علي وتهم الريال بأنه زعيم عصابة لسرقة السواح.

المشاركة الأصلية كتبت بواسطة mss_mar
http://www.arabtravelersforum.com/tr...6/#post1323161

الاسعار خاصة بالاجازة ناااااار يعني لو تبي شقة غرفتين ونضيفة لاتقل عن 80 دينار وبعضها يصل الى 150 دينار

تحياتي ( مـــــســـــمـــــار )



تسلم يمينك أخي mss_mar فعلا الأسعار والحياة نار والله المستعان

المشاركة الأصلية كتبت بواسطة الزعابي 77
http://www.arabtravelersforum.com/tr...6/#post1327803

تياندورا تسلم يمينك و بيضه الله وجوهكم الطيبه
والله ياخوي أنا موزعلان لكن في ناس يستهزون ويغلطون على ناس وهم مايعرفوهم لأن أصدقائي وللأسف بينهم شباب لما تأخر الرد راحو يتهمون المنتدى بالنفاق لأني رجل ودايم لما يشوفوني يطلبوني بأن أغير أسمي لحرمه وبصدقني ياخوي بأن واحد منهم لحد الأن يقولي خلا السعودي ينفعك ويقصد أخونا الباخص
و له كل الأحترام و التقدير وتعرف السبب لأن أبو الشباب مامعترف بسياحة الهند لأني كنت أفكر في سفرة
على طول الحبيب يعرض خدماته و معلوماته عن بانكوك ولما قلت أنا أفكرة في سفرة الهند زعل علي وتهم الريال بأنه زعيم عصابة لسرقة السواح.



يالغالي خذ وخل وارضاء الناس غالية لا تدرك
اهم شي انك واثق من خطواتك ومن نفسك
وهاي الاشخاص اتركها عنك وسوء الظن بالناس ماهو زين
وخذ أخيك المؤمن على سبعين محمل
والناس ظروف و أشغال يعني مو قاعده على النت 24 ساعه ويمكن قراو الموضوع وما حصلو اجابه ورد وافي او قاعدين يبحثون لك او لغيرك عن اجابه عموما كل واحد وظروفه
وليش تبدل اسمك لحرمه يعني بنساعد المراة وبنخلي الرجل
تدري بشي انا لم ارد ارد على الاسم بس ولا احط في بالي هذي بنت والله ولد لاني قاعد اتعامل مع انسان عموما انا الحين شوي مشغول بحاول اساعدك في وقت لاحق
والله يعينك على هذي الاشكال
والله يوفقك عزيزي وتحصل اللي تبغيه

تحياتي