الموضوع: تكفوووون شوفو لي برنامج عن البندقية

السلام عليكم ورحمة الله وبركاته :

اخواني الاعزاء اردت منكم برنامج لمدينة البندقية حيث سأكون فيها لمدة ثلاثة ايام وتكفون اردت معرفة كيف التعامل هناك من اول ما انزل من الطائرة من مطار Venice (VCE), Italy - Marco Polo الى ان اذهب الفندق من حيث كيف اخذ تاكسي الى ان اص الى الفندق واهم شي يكون عندي لمعرفة المكان .

وكيفية اخذ الطراد المائي واخذ رحلة بحرية

ابي الله يعطيكم العافية اهم الاشياء المهمه زيارتها .

وتراه شهر عسل

مواضيع عشوائيه ممكن تكون تعجبك اخترناها لك:

• التنقل في ايطاليا للعائلة
• الخوف من المجهول
• اللى سافر ايطاليا يحكى تجربته كامله
• ايام في ايطاليااستفسارات لأصحاب الخبره
• ايطاليا واي استفسار انا جاهز ان شاء الله
• لاهل الخبرهاخترت ثلاث باقي رابعه ؟
• ذكرياتي اليومية لرحلتي الايطالية
• حديقة المنضاد
• ما رأيكم في الخطوط المصرية ؟
• الى خبراء طيران ايطاليا الاقتصادي مع التحية
• استشاره لمخطط رحله اوروبيه
• مساعدة لرحلة لاوروبا
• السؤال عن تورينو
• طالع شهر العسل واتورطت
• بسرعه الى خبراء ايطاليا ضروري جدا
• رايكم في الفنادق هذي؟؟؟
• ممكن مساعده الله يخليكم
• كاااارثة قبل يوم من السفر
• خطه رحله لاطاليا
• لأهل الخبره والاختصاص في ايطاليا

بسم الله والصلاة والسلام على رسول الله..

الاخ العزيز بو علوان .. أولا بارك الله لك وعليك وجمع بينكنا على خير .. ثانياً 3 أيام كثيرة مرة على فينيسيا .. على العموم أنا ما جربت المطار ..لكن المطار يبعد عن فينيسيا 10 كيلو تقريبا .. فيه باصات توصلك أو تكاسي ..
اهتم انك تعرف اسم المنطقة والرقم الي فيه الفندق الي أنت حاجز فيه .. كل فندق عنده خريطة لفينيسيا .. يعني ما يبيلها دلوله ..

هذا ما لدي والله يوفقك ويبارك لكما ..

ولك تحياتي ،،

السلام عليكم ورحمة الله وبركاته

اخوي الله يعطيك العافية على النصيحة والحمد لله غيرت مدة الفترة من 3 ايام الى يومين بس الان عرفت من جماعه ان لابد انك تحجز لك قارب بعد مايوصلني التأكسي من المطار الى المكان اللي تمشي فيه القوارب السؤال كيف وهل في رحلات وكم السعر

واخيرا اردت ان اعرف وين اروح في هالمدينة وماهي الاشياء التي تستحق ان تعملها .

ألف مبروك

أول ما تطلع من المطار فيه ممر على اليسار نهايته محطة التكاسي المائيه والتكلفه في حدود 100 يورو تزيد او تنقص قليلاً ، وما يحتاج حجز تاخذه من هناك واذا تبي ارخص في باصات مائيه

بالتوفيق

السلام عليكم

أولا:
أخوي أنا جربت فنيسيا 3 أيام كثيره مره والله راح تطفش منها أنا رحت لمها يوم واحد وطفشة منها مافيها شي ابد
ثانيا:
البندقيه غاليه مره مره علما بأني أتذكر رحت مع مكتب بالباص وقاعد يقولنا إرشادات منها إنه فيه مطعم من أغلى المطاعم بالعالم إسمه (سنيك) أغلى مطعم بالعالم يقول إنتبهو منه سعر المويه الصغير 30 يورو وبالفعل رحت للمطعم هذا وسالتهم وقالي 30 يورو بغيت أنتحر وش المويه هاذي اللي 30 يورو والله لو اهي مويه ذهب
ثالثا:
مدينه فنيسيا حلوه بس اليه مره وزي ما قتلك اللي بتدفعه المصاريف في الثلاثه ايام ورفها بشي ثاني أحسلك

السلام عليكم
الف مبروك والله يبارك لكم ويبارك عليكم ويجمع بينكم بكل خير.

فينيسيا مدينه حالمه واجواءها رومانسية ومحطه هامه في شهر العسل واعتبره خيار موفق.
المدينه لا تحتاج الى جدول يكفيك المشي في مماراتها وازقتها الخيالية ولا تنسى تركب الجندوله وانصحك بها قبل غروب الشمس يعتبر افضل وقت والله الله بالمكاسر وعادة اسعارهم مابين 70 الى 100 يورو.

بالنسبة للمطار اول ماتطلع من الصالة الداخليه وقبل الخروج كليا من المطار يوجد كاونتر للتاكسي المائي الخاص وسعره اعتقد 90 يورو هذا اذا حبيت تكون لك خصوصية في الانتقال من المطار الى الفندق وما انصح فيه بصراحه لانه غالي.

يوجد الباص المائي العام كنك راكب باص يعني رخيص وغير مكلف وممتع تمر على عدة محطات .
فاذا كان فندقك في السان ماركو فهي اخر محطة للباص المائي.
واذا كنت خايف تضيع المخطة اول ماتركب الباص قل للسواق اسم المحطه وان كنت لا تعرف اسم المحطه خله يشوف عنوان الفندق وهو بيقولك اسم المحطه.

اتمنى لك رحلة سعيده وسامحنا على القصور

جزاكم الله الف خير على ما قدمتوه لي من النصح والارشاد