الموضوع: خلاص في الخطوات الاخيرة اطلب رايكم في هذه الفنادق

السلام عليكم و رحمة الله و بركاته ..

اولاً اشكركم جزيل الشكر على ما تقدمونه من خدمات و معلومات
جداً قيمة و مفيدة .. اشكر الاخوان جميعاً و بالاخص llvlloto و ابو طلال
و لـ يعذروني تعبتهم كثير معي و بالاخص الاستاذ llvlloto
حبيت آخذ رايكم في هذه الفنادق ..

روما /

- hotel imperiale
- intercontinental

فلورنسا /

- Ambasciatori B&H Hotels

فينيسيا

- bonvecchiati
- Hotel Principe
- Hotel Metropole

لوجانو /

- Holiday Inn Lugano Centre
- Hotel de la Paix

ميلانو /

- Ambasciatori B&H Hotels


/

ارائكم تهمني ,, بإنتظاركم ..
لأني بآخ رايكم و بحجز بعدها ..

تحية لكم ..

مواضيع عشوائيه ممكن تكون تعجبك اخترناها لك:

• وش افضل مكان للسكن في ميلان غير الدومو
• اللي سبق له زيارة روما وميلان يدخل جزاكم الله خير
• هل الموقع هذا مضمون
• المسافة الى مدريد ؟؟
• يا خبراء روما وميلان افيدوني الله يوفقكم
• شباب بنات أبي مساعدة
• بلييز ساعدوني جزاكم الله خيرا
• اريد السفر الى ايطاليا باى طريقه
• حديقة المنضاد
• فلورانس تحت السؤال
• رحلة العمر الاوروبية ايطاليا
• لندن او باريس او ايطاليا؟؟؟؟
• ارجو المساعدة بأفضل خطوط طيران إلى إيطاليا
• الصلاة في مطار ميلان او محطة القطار
• لخبراء ايطاليا
• إستفسار عن معشوقتي إيطاليا
• وش رايكم بشهر العسل ايطاليا واسبانيا في اكتوبر
• ماهي الاماكن السياحيه في رافينا الايطاليه
• ماافضل منطقه للسكن في فلورنس
• شهر العسل

فزعتكم يا اخوان ؟!

اخوي عاشق ايطاليا توكل على الله فنادقك حلوه ، وترا فندقك اللي بفلورنس موقعه استراتيجي يمك كافي روبيرتو كفالي وايضا محل ارماني ويمه لاري ناتشينته ، يعني حق الشوبنق زين لايطوفك. حتى الفنادق الثانيه زينه

يعطيك العافية فواز ..
و لو اني كنت اتمنى تشاركوني اكثر بالمعلومات عنه
و تفاضلون بينها ,, و يتداخلون معي البقية ..

بس اشكرك ع التفاعل اخوي فواز ..

بإنتظاركم يا خبراء ..

عاشق ايطاليا ودي اساعدك بس ما احب انصح احد بالفنادق ، لان اللي يعجبني يمكن مايعجبك

رايتك بيضاء يا فواز ,,
و صحيح كلامك بس بعض الاحيان في اشياء واضحة ..
يعني اللي اقصده بعض الاحيان الفندق يكون فعلاً مقلب او المقابل المادي غير موازي للفندق
و في فنادق تعطي افضل من قيمتها و هذا اللي اقصده ..

اشكرك يا فواز ..

بإنتظار الخبراء ..

صج ماني خبير بس لازم اجاوبك ، فندق روما ماعرفه بس المنطقة اللي حوله حلوهواحلى شي فيها شارع كوندتي يعني انواع الشوبنق شوف صور الشارع




يعني هني حط ببالك انك بتصرف وايد الا اذا انت ودك تأجل التسوق لاخر الايام بميلانو عندك المونتينابوليونه اضخم واوسع من كوندتي، طيب نجي لفندق فلورنس ليش ماتخذ قراند باقليونه ؟ خصوصا انهم كلهم بالسانتا ماريا ؟ على شان تغير نفس الفندق بميلان ؟ فينيس خذ بالبونفيتشياتي لان منطقته حلوه بالسان ماركو، لوقانو الهولدي ان الله يعينك على الخليجيين فيه ، ميلانو خذنفس الفندق اللي محدده لانه يم شارع فيتوريو امانويل وهالشارع فيه محلات كثيره مثل h&m وهالطقه واذا تبي الماركات العالميه روح ورا هالشارع من شمال بتحصل المونتينابوليونه واذا طلعت من فندقك ووصلت للشارع ورحت يسار بتلقى الدوامو واللاري ناتشينته ، شنو بعد تامر فيه انا حاضر

عاشق ايطاليا الفندق بيعجبك والمنطقه اللي هو فيه زينه توكل على الله

السلام عليكم
بالنسبه لفينيسيا انصحك بالهوتيل هذا:
Hotel Monaco & Grand Canal

اما هوليدي ان لوجانو لا تعليق
وانصحك بفندق Dante

اتمنى لك رحلة سعيدة

يعطيك العافية فواز ..
اخوي خالد .. لا الحمدلله ما اخذته هوليدي ان في لوجانو ..
اخذت واحد ثاني اسمه ديلابي ..

مشكورين