الموضوع: استفسار واتمنى الرد في اسرع وقت

السلام عليكم ورحمة الله

لو سمحتو يا اهل الخبره محتاج منكم الاقتراحات

انا مسافر باكر السبت فاليل ان شاء الله الى ماليزيا والوصول يوم الاحد الساعه 2 الظهر بتوقيت كوالامبور ومدة الرحله 6 ايام وبقضيها في كوالامبور و اريد منكم الاقتراحات ..

مواضيع عشوائيه ممكن تكون تعجبك اخترناها لك:

• سفري يوم الاحد بإذن الله ابي شويه اجابات
• تكفون مابقي الا يومين على السفر
• ابي رأيكم في برنامجي وفي المكتب السياحي ضروووري
• القريه الفرنسيه واليابانيه وجنتنغ
• اسبوعين عن السفر ان شاءالله رأيكم الاخير
• ارجو ألمساعده رحلتي يوم الأحد لماليزيا
• هذا هو برنامجي الى ماليزيا هل هو مناسب ؟
• لاهل الخبره وامشرفينا المميزين
• رايكم بالفنادق tanjung sanctuary و somerset ampang
• الفزعه من جد الفزعه
• الوزن الزائدووقت دخول الفندق
• جدول ليله الله يوفقكم
• قريب من الباتوفرنجي
• هل تكفي للسفر لماليزيا ؟؟
• إستفسار ابغى اسافر ماليزيا
• استفسار عن ميزانية السفر لماليزيا مع الأطفال لمدة أسبوعين
• تمت جميع الحجوزات بفضل الله ناقصنا الجدول لشهر العسل
• حجزي عن طريق اقودا
• ارجوا المساعده ياشباب اول مره اسافر الي ماليزيا
• امور خفيفه مسببت لي لخبطه

هلا وغلا أخوي الحبيب

طالما الرحلة ( ستة أيام ) ... أجعلها كلها في كوالا

وتفضل أفضل برنامج لمدة ستة أيام :

اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب

وفي المساء التوجه إلى شارع العرب والعشاء هناك

اليوم الثاني في ( كوالالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )


التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )

عن طريق ( باصات ( قو جنتنغ )

الباصات مكتبهم في محطة ( كي أل سنترال ) بوسط كوالا ... وتحجزون من عندهم ..

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية


وفي المساء التوجه إلى مطل ( لوك آوت بوينت ) .... والعودة للفندق للراحة والنووووم


اليوم الخامس ( كوالا )

الأفطا رصباحا ... وعند العاشرة التوجه لشلال ( سونغي تواه ) الذي يبعد ( 30دقيقة ) عن كوالا


وتجلسون هناك إلى العصر ... وبعدها العودة للفندق والراحة ...

وقبل المغرب التوجه لحديقة البرجين ... ورؤية النوافير الراااائعة والمميزة ...وتعودن للراحة والعشاء والنوم

اليوم السادس ( كوالا )

يوم مفتوح للتسوق وشراء الهدايا ... بالأسواق في شارع العرب ...

http://img688.imageshack.us/i/38689616.png/

يعطيك العافيه يالغالي

بس بخصوص الفلوس افضل اشل كاش او اخليها فالفيزا واسحب من هناك ..؟

شيل 2000 كاش والباقي بالفيزا

حول المبلغ من السعوديه قبل السفر بيوم لازم يكون المية ريال يساوي 80 او 81 رنجت


لاتصرف من المطار لانه بيعطوك سعر 77

مساء الخير
انا حاليا في ماليزيا وصلت الحمدلله
بس عندي اسستفسار من وين اروح لشركة الباصات قو جنتينج
ووين بحصل باص الهوهو؟؟ وكيفية الوصول لوك ات بيونت ؟؟

وشكرا لكم

حياك الله وبياك ياحبيبي

* باص ( قو جنتنغ ) تحجزه من محطة ( كي أل سنترال ) وسط كوالا ... أطلب أي تاكسي يوصلك وتحجز

* الأفضل تحجز باص ( قو جنتنغ ) قبل الرحلة بيوم ... وأختار باص ( 9 ص ) ...

* باص ( الهوهو ) له أكثر من مكتب مبيعات ... أشهرها مكتب ( 6 ) بقلب شارع العرب أمام فندق بيكولو

* مطل ( لوك آوت بوينت ) مغلق من العام الماضي ... وإلى الأن مغلق .. وأعتذر كتبته بالخطأ في الجدول اليومي

http://img16.imageshack.us/i/50485604.png/

الله يحيك ويبقيك ..
يعطيك ماقصرت وياي ..

بس ابا اتخبرك كيف احجز قبلها بيوم يعني اروح لين المحطه واحجز او في طريقه بنت او طريقه اخرى لاني انا رايح لها يوم الاربعاء..؟ وبكم التذاكر ..؟

وبخصوص التوين تورز لو ابا احجز لها احجز قبلها ولا اروح وفي نفس الوقت ..؟

شاكر لك والسموحه كثرت ..

???

???

اتمنى الرد في اسرع وقت ..

حياك ياغلاهم ... وآسفين عالتأخير

* الباص تحجزه قبل الرحلة بيوم من المحطة ( ومن البكرة تروح عالموعد ) وسعر التذكرة للشخص 55 رنقت

* وتذاكر البرجين تحجزها في نفس الوقت ... وأفضل وقت للزيارة ( 5 م ) ...


http://img836.imageshack.us/i/33883051.png/

للاسف ماحجزت اليوم اقدر احجزها الصبح ..؟

باذن الله تقدر ... لكن حاول تكون عندهم من بدري

يعطيك العافيه

الحمدلله لحقت على رحلة11 واسمتعنا بجينتنق بس نسينا الجاكيت هههههــ

وطلعت التوين تورز وبكره اخر يوم لي افضل اني اقضيه فالمولات وقريب قريب والساعه 10 يوم الجمعه الاقلاع باذن الله

شكرا لك ياوافي وماقصرت .. ربي يجزاك خير ..

تستاهل كل خير ياغلاهم ... الله يسعدك دوم يارب

تستاهل الطيب .. ويسعدك يارب