الموضوع: أهل البحرين ممكن ؟؟

السلام عليكم ورحمة الله وبركاته

أنا بسافر البحرين - إن شاء الله - على أول ابريل ، وعندي كم استفسار لو تتكرمون وتجاوبوني عليهم :114:

س1: أريد أعرف شو أقرب شقق فندقية قريبه من فندق شيراتون البحرين بشرط تكون نظيفة وتتكون من
( غرفتين وصاله ومطبخ وحمامين ) مع الأسعار .؟

س2: بالنسبة لتأجير السيارات شو يطلبون كتأمين ؟ وبكم يكون الايجار إذا كانت سياره صغيره .؟

س3: كم يبعد مطار البحرين عن المنامة ؟

س4 : كيف الجو عندكم في أول ابريل ؟

س5 : وين اقدر احصل خريطه للبحرين توضح الاماكن السياحية فيها ؟

اسمحولي على كثرة استفساراتي فهذي اول مره اسافر فيها البحرين ولكم مني جزيل الشكر :113:

مواضيع عشوائيه ممكن تكون تعجبك اخترناها لك:

• جنة دلمون المفقودة حديقة مائية في مملكة البحرين
• حلوى شويطر
• ابي اسوي مكياج لبناني خفيف بالعيد عندكم يليت تدلوني وين ومين انتـــظركم ؟
• شكرا مجمع سيتي سنتر؟؟؟
• حسافر عن طريق البحرين وعندي سؤالين لاهنتوا
• شاليهات الدانة تتحرق تطلب النجدة
• فندق فينيسيا ابي شوركم
• ياهل البحرين اي هم افضل نوفوتيل او البندر
• شباب انا مسافر جـــــــديد للبحرين
• المحميات الطبيعية في البحرين
• كيف الأوضاع الامنيه في البحرين
• حالة الطقس على مملكة البحرين الشقيقة هذا الاسبوع بمشيئة الله تعالى
• ممكن تدلونا على شقق عائلية في البحرين
• أول مرة
• سؤال هل في البحرين مدينة ألعاب مائية للكبار كـ الويلد وادي ؟ عاجل بليييز
• اريد شقه في البحرين او ستديوا لسنه اجار
• بسألكم ياهل البحرين ممكن تساعدونا
• اوتكر الألمانية تنوي إنشاء فندق في البحرين
• تمتع بجمال البحرين من الجو صور مثبت في مواضيع رائعة
• بغيت شقق فندقية قريبه من الجامعه الخليجية

اختي انظف شقق في البحرين وهي الليت منتشرة في كل مناطق البحرين والمطار لايبعد سوى 5 دقائق فقط واسعاراها مناسبة كنت اخاذ الشقة 2 غرفة بحدود 165 دولار

مرحبا اختي... انا ماعندي اجوبه حقيقيه بس يمكن ردي يفيدك

س1: أريد أعرف شو أقرب شقق فندقية قريبه من فندق شيراتون البحرين بشرط تكون نظيفة وتتكون من
( غرفتين وصاله ومطبخ وحمامين ) مع الأسعار .؟
عندك الشقق في منطقة الجفير و ضاحية السيف ... والتنقل من و الى الشيراتون ما اتوقع ياخذ اكثر من 15 دقيقه. اما الاسعار من تنقص عن 300 ونادر ماتزيد فوق 500 ريال.


س2: بالنسبة لتأجير السيارات شو يطلبون كتأمين ؟ وبكم يكون الايجار إذا كانت سياره صغيره .؟

للاسف ما عندي خبر ... لكن اسهل مكان للتأجير هو المطار


س3: كم يبعد مطار البحرين عن المنامة ؟

قولي كم يبعد عن اخر البحرين ... الى المنامه تقريبا 10 دقايق اذا الشوارع فاضيه. لو صار ازدحام 20 دقيقه بالكثير.

س4 : كيف الجو عندكم في أول ابريل ؟

الجو ما زال زي العسل ... حار شوي الظهر لكن العصر والليل .... خياااااال

س5 : وين اقدر احصل خريطه للبحرين توضح الاماكن السياحية فيها ؟

يمكن تلاقينها متوفره في المطار

عموما في تقارير حلوه في البوابه ... ما بحدد عشان ما يزعل احد بامكانك تاخذين جوله سريعه و تستفيدين من المعلومات والاماكن اللي بتزورونها.

الأخ رحــــــال .... الأخ eyesmax
مشكورين على المعلومات :113:

بصراحه انا ماخليت تقرير في البوابه إلا وقريته .. وتحمست أكثر للزيارة من بعد ما شفت الصور والتقارير وخصوصا تقرير الأخت حتشبسوت :24:

وعليكم السلام،،

س1: أريد أعرف شو أقرب شقق فندقية قريبه من فندق شيراتون البحرين بشرط تكون نظيفة وتتكون من
( غرفتين وصاله ومطبخ وحمامين ) مع الأسعار .؟

- مثل ما قالوا الأخوان،، أفضل شقق هي شقق منطقة الجفير أو منطقة السيف بالقرب من مجمع السيف،، وبعض شقق منطقة شارع المعارض (الحورة) مع إني ما أنصح فيها بس بعضها زين،،


س2: بالنسبة لتأجير السيارات شو يطلبون كتأمين ؟ وبكم يكون الايجار إذا كانت سياره صغيره .؟

- أهم شي بالنسبة لتأجير السيارات هو وجود بطاقة إئتمانية (فيزا أو ماستر كارد أو داينرز كلوب) .. وفي بعض الشركات تأجر من غير بطاقات الإئتمان وذلك عن طريق ترك مبلغ كتأمين على السيارة،، وأسعار السيارات الصغيرة تبدأ من 13 دينار تقريبا ... ( 130 ريال)


س3: كم يبعد مطار البحرين عن المنامة ؟
10 - 15 دقيقة ... و أحياناً أقل

س4 : كيف الجو عندكم في أول ابريل ؟
دافئ بعض الشيء .... وحلو في المغرب والليل

س5 : وين اقدر احصل خريطه للبحرين توضح الاماكن السياحية فيها ؟
في المطار ... وعن طريق البحث في الإنترنت ..؛



تحياتي،، ورحلة موفقة ..؛

الأخ دكتور ماهر مشكور وما قصرت :113:


حبيت أسأل عن شقق فندقية اسمها " مريم بلازا " حد يعرفها ؟

في ناس نصحونا بها بس أنا ما شفت في المنتدى حد متكلم عنها :114:

الأخ دكتور ماهر مشكور وما قصرت :x1:

في ناس نصحونا بشقق فندقية اسمها " مريم بلازا " في حد يعرفها ؟ :114:

لأني دورت عنها في البوابه بس ما لقيت حد متكلم عنها :108:


.. .. .. .. .. .. ولكم جزيل الشكر .. .. .. .. .. .. ..

السلام عليكم ورحمة الله وبركاته

أنا بسافر البحرين - إن شاء الله - على أول ابريل ، وعندي كم استفسار لو تتكرمون وتجاوبوني عليهم

[س1: أريد أعرف شو أقرب شقق فندقية قريبه من فندق شيراتون البحرين بشرط تكون نظيفة وتتكون من
( غرفتين وصاله ومطبخ وحمامين ) مع الأسعار .

ج-1 اقرب الشقق لفندق الشيراتون والله مافي شقق قريبه مره بس ممكن اتحصلين لج في منطقه الحوره شقق وخاصه خلف شارع المعارض راح هناك تحصلين الكثير من الشقق النضيفه هذي اقرب الشقق لشيراتون 0 لمعلوماتك فندق الشيراتون يقع في المنطقه الدبلوماسيه والمنقطه هذي كلها بنايات وفنادق بنايات للشركات وفنادق مره غاليه اجار يومي يعني فمابنصح السكن فيها
الاسعار
الاسعار يعتمد على فتره اليي راح تكونين موجوده
بس اذا كانت شقه نضيفه وجديده الاجار اليومي لايقل عن 30 دينار ولازيد عن 60 دينار لحجرتين

س2: بالنسبة لتأجير السيارات شو يطلبون كتأمين ؟ وبكم يكون الايجار إذا كانت سياره صغيره .؟

تاجير السيارات يااختي يطلب نفس ماقالو الاخوان الفيزا انه رحت من قبل لمحلات السيارات خبروني لازم عمري يكون فوق 25 سنه ولازم تخلين تامين في حدود 50 دينار بحريني
بالنسبه للاسعار راح اخبرك تقريبا الاسعار
افضل شي اخذي سيارات تويوتا لانه اقتصاديه ورخيصه وقويه في نفس الوقت
عندش الايكو 9 دينار تقريبا
يارس 12 دينار
كامري 20 دينار هذي الاسعار يومي الاجار
س3: كم يبعد مطار البحرين عن المنامة ؟ مطار البحرين يبعد في حدود ربع ساعه
س4 : كيف الجو عندكم في أول ابريل ؟
اول ابريل بيكون الجو عجيب افضل شي

س5 : وين اقدر احصل خريطه للبحرين توضح الاماكن السياحية فيها ؟
تحصلينها في مطار البحرين وخاصه المكتبات اليي في المطار البحرين اهناك في مكتبه اتبيع الخريطه على دينارين تقريبا
اسمحولي على كثرة استفساراتي فهذي اول مره اسافر فيها البحرين ولكم مني جزيل الشكر