الموضوع: البحرين والخبر سوال مهـــــــــــــــــــــــم جدا؟ وبسيط

::101:
السلام عليكم

انا مسافر للبحرين بعد 5 ايام إنشاء الله
وناوي أقعد مع الأهل لمدة 4 أيام

ياتني فكرة إن نزور (الخبر) يعني نقضي فيها يوم كامل
يعني من الصبح لين المغرب مثلا

شرايكم بفكرتي؟
وهل ممكن تتحقق..؟
وهل المسافه بين البحرين والخبر بعيده؟ وكم تبلغ؟ الرجاء الإجابه

مع خالص الشكر:113:

مواضيع عشوائيه ممكن تكون تعجبك اخترناها لك:

• قرقعوون
• استفسار بخصوص افضل فندق اوشقق فندقية في شارع المعارض
• فندق ل ساعات فقط
• استفسار هن ماشتان
• طلب
• يومين في البحرين إحساس هاديء
• اهل البحرين الطيبين
• طيران الخليج البحرينيه ؟؟
• ارجو مساعدتي في رحلي للبحرين
• سوؤؤاآآال عن معرض التجميييييييل
• هل في البحرين زحمه هذه الايام
• التراث الأوروبي في البحرين
• استفسار السيارات الايجار منتهي بالتمليك لاهنتوا
• جامعات البحرين المعترف بها
• تقريري المصور عن فخار عالي حياكم الله
• الفزعه ياهل البحرين طلب بسيط
• اول مره في البحرين وابي مساعدتكم
• محتاجه لكم ضروري عن الشقق والمجمعات
• شكرا مجمع سيتي سنتر؟؟؟
• بدون مجاملة ، هل تستحق محمية العرين الزيارة ؟؟

مرحبا ،

ممكن وفكرتك حلوة والمسافة قريبة وعبور الجسرانت وحظك يمكن تاخذ فية 15 دقيقة ويمكن ساعة ويمكن 3 ساعات حسب اليوم والوقت ، بس بشكل عام المسافة قريبة وتقدر تقضي نهار وترجع

رحلة سعيدة

سلام

مثل ماتفضل الاخ Don354

قريبه جدا اذا مافي زحمه

واغلب ايام الزحمه تكون باجازة اخر الاسبوع .. يعني حاول تروح بيوم عادي عشان تتفاداها ..

وحياك الله

رحلة حلوة
بعد ما تخلص اجراءات الجسر وتمشي تاخذ لك تقريبا نصف ساعة وانت واصل الخبر
تجون وترجعون بالسلامة

يا إخوان توضيح
بعد ما تعدي من الجسر الخبر تبعد فقط 10 دقائق لاغير وبالعكس انا أفضل إنك تقضي يومين على الاقل بالخبر تراهي حلوة وعدد المجمعات والأماكن الترفيهية بالخبر مايكفيها يوم أبد

فعلا انا مع فهد الاحمد في رايه مجرد ماتنتهي من اجراءات الجسر شارع واحد والا انت في الخبر يعني بالكثير 10 دقايق

والخبر فيها مجمعات و مولات ومطاعم كثيره يعني يوم واحد مايكفيك ...

يا مراااااااااحب

الفكرة جميلة جداً

تبعد البحرين عن السعودية 25 كيلو عن طريق جسر الملك فهد - رحمه الله -

قضاء يوم في الخبر غير كافي ، وذلك بسبب كثرة الأماكن ( مجمعات-أماكن ترفيهية -شاليهات -واجهات بحرية-مطاعم راقية-مراكزعلمية . . . الخ )

أنا شخصياً مستعد أن أقدم مساعدة ،على طريقة المرشد السياحي مجاناً ، وأنا جاد في الموضوع .

المشاركة الأصلية كتبت بواسطة فهد الأحمد
http://www.arabtravelersforum.com/tr...8/#post1075448

يا إخوان توضيح
بعد ما تعدي من الجسر الخبر تبعد فقط 10 دقائق لاغير وبالعكس انا أفضل إنك تقضي يومين على الاقل بالخبر تراهي حلوة وعدد المجمعات والأماكن الترفيهية بالخبر مايكفيها يوم أبد



لا الظاهر انك تطوي الشارع وانت رايح :109:
احنا نمشي على السرعة المحددة ويصير لنا نصف ساعة :108:
يالله
الله يسلم الجميع

المشاركة الأصلية كتبت بواسطة بحرينية وافتخر
http://www.arabtravelersforum.com/tr...1/#post1076371

لا الظاهر انك تطوي الشارع وانت رايح :109:
احنا نمشي على السرعة المحددة ويصير لنا نصف ساعة :108:
يالله
الله يسلم الجميع



هاهاها :109:
أختي بحرينية المسافة من بداية الجسر إلى نهايته تقريبا 10 إلى 15 دقيقة ومن الجسر إلى وسط الخبر عن مجمع الراشد فقط 10 دقائق وبسرعة معقولة .

فهد الاحمد خل عنك شكلك زي ماقالت " بحرينية وافتخر" تكيم ............(يعني طبلون السياره)

الله يستر على الجميع........

لا والله حتى انا اخذ 10 دقايق بعد الجسر و نوصل للخبر !!
و بسرعة عادية و طبيعية لمثل هذا النوع من الشوارع . مثل ماقال اخوي فهد الاحمد .

و بالنسبة للموضوع فكرتك حلوة اخوي