الموضوع: شهر العسل في ماليزيا، سنغافوره، اليابان

السلام عليكم ورحمة الله وبركاته

محتاج مساعدة من اهل الخبره للتخطيط لشهر عسل رومانسي ومليء بالمرح


الوقت: شهر فبراير


الدول: ماليزيا، سنغافورة، اليابان


ما ودي اتعمق في مدن ماليزيا لأن سبق لي زيارة ماليزيا وسنغافورة بس ودي في اختيار فنادق راقية لشهر العسل


نبدأ بالاستفسارات:


أول محطة هي كوالالمبور راح اتوجه لها وارجع منها للبحرين


والتذكرة حصلتها بـ 2150 ريال سعودي على القطرية.. ممتاز ولا عندكم اقتراح افضل؟


كبداية ودي بفندق رايق لليلتين، في رايكم اتوجه على طول للنكاوي وقضاء ليلتين بالوستن؟ او الغي فكرة لنكاوي لأني خايف من زيادة المحطات اللي راح ترهقنا واقضي ليلتين في بترجايا مثلاً؟


بعدها ودي اطلع ع اليابان لزيارة ديزني لاند وطوكيو ويمكن ينيفرسال ستديو


والطيران اير اسيا بـ 1300 ريال تقريباً، ينفع ولا هل من اقتراح اخر؟ وكم ليلة اجلس باليابان؟


بعدها ودي ازور سنغافورة


وودي ازور جوهور لزيارة ليقو لاند ومفكر اجلس فيها ليلتين


بعدها ارجع لكوالامبور واجلس كم ليلة للتسوق


باختصار الجدول محتاج لترتيب بشددددة ولكن اتمنى اغطي المناطق اللي ذكرتها والترتيب بعدد الليالي يبقى عليكم


المدة: من 14-18 ليلة




استفسارات اخرى:
- اقتراحكم لفندق رايق بكوالالمبور كآخر محطة للتسوق ويفضل يكون بالقرب من البافليون
- كيف الجو في اليابان وماليزيا وسنغافورة في فبراير؟




اشكركم جزيل الشكر على سعة صدركم واتمنى تستحملون جدولي الغريب
يعطيكم العافية

مواضيع عشوائيه ممكن تكون تعجبك اخترناها لك:

• زيارتي الاخيرة لماليزيا و المكتب السياحي
• أحلى الأمنيات
• ماليزيا استفسار سكن ، سائق ، اماكن
• عندي سوؤال قبل حجز الفنادق
• في الكاميرون دي لافيرانس أو سنتشري باينز ؟؟ ضروري الله يسعدكم
• ما هي مميزات وعيوب السفر للسياحه في ماليزيا ؟ وهل هي غاليه ام رخيصه ؟
• رحلتي لماليزيا ارائكم اقتراحاتكم وخاصة قصة حب تايلندية ولاهانوا باقي الاعضاء
• مسافر بعد شهر فزعتكم الله يفرجها لكم
• برنامج شهر عسل لمدة يوم ماليزيا لو تكرمتوا
• استفسار بخصوص مواقع حجوزات الفنادق
• أفضل فنادق نجمتان في ملقا
• أريد رأيكم في برنامج رحلتي الى ماليزيا
• الأجواء الماليزية للأطفال
• مساعده عاجلهقررنا فجأه السفر بعد اسبوعين
• جدول رحلتي شهر مايو مع جميع السعار والخطط المدروسه
• استفسار عن فنادق بينانج
• شاكر لكم
• استفسار بخصوص الطيران المتعدد
• بكج سياحي بماليزيا 10 ايام لعائلة 5 افراد 4 نجوم 2017
• رحلتي يوم السبت القادم ولا عارف كيف أنظمها شهر عسل

اخي هذا شهر بصل حرام عليك راح تتعب عرووووسك اختار دوله وحده اخي ولا تتنقل كثير لازم ريلاكسينج

:-) من الموبايل

ههههههههههههه والله ما ودنا نخلي شي بخاطرنا والمدام نفس الراي

بس للحين محتار في التخطيط

والله ياخوي نصيحه اخويه اختار دوله كل سنه وروح لها وغطيها تماما من الشرق للغرب كذا بتحس انك استمتعت بدون تعب

الله يوفقك بالجدول

الفكرة جدا رائعة
يارجل اعقلها وتوكل
استانس انتم اثنين وكلها قريبة من بعض
حاول قدر الامكان ماترجع لنفس المطار
حاول مثلا خط الرحلة يكون من البحرين الى سنغافورة ومن سنغافورة الى اليابان ومن اليابان الى كوالا والرجعة الى البحرين (لو كانت ارخص )
خطط وقارن بين مميزات كل دولة
سنغافورة و اليابان مثلا يونفرسل موجودة في سنغافورة ودزني في اليابان ليقو لاند في جوهور اظن وحده او اثنين تكفيك حتى عن جنتيق عشان توفر وقت ودراهم وغيرها ينطبق على حديقة الحيوانات والفراشات وغيرها
حاول
تدمج بين الطبيعة والحضارة
موفق ان شاء الله