السلام عليكم ورحمة الله وبركاته صباحكم سعاده يالغالين :
لدي كم استفسار اتمنى فزعتكم لاهنتم ..
اولا : انا سبق ان زرت لندن 7 مرات ولله الحمد وكله سياحه ومرتين دراسه لغه .
طبعا مرتين مع العائله والباقي لحالي .
وفي تاريخ ان شاءالله 22 راح اكون في فرانكفورت الالمانيه عندي شغل هناك ابو يومين , وبصراحه حجزت عوده لسعوديه عن طريق لندن ,, هبلت فيني هالديره ههههههه
الزبده انا بصراحه مسافر لحالي وبطب لندن في 24 وبجلس فيها 6 ايام . وابي اجي من فرانكفورت بسهل طريقه وارخص ؟
دخلت على موقع القطارات الوربيه لقيت غالي تقريبا 450 باوند ذهاب .
ثم حاولت ادخل موقع طيران الاقتصادي اسمه eseyjet بس للاسف ماتطلع فرانكفورت الي لندن مدري ليش!
ثم دخلت موقع اخر طيران اسمه ryunair ولقيت رحله رخيصه ب 138 باوند بس الوقت غبي 6 الصبح ولا 9 بليل .
ومحتار مدري كيف اجي من فرانكفورت الي لندن ,,, ماتعرفون حل لي ؟
سوالي الثاني : بصراحه بيني وبينكم انا جاي لندن يعني مثل ماتقول استجمام مافي راسي ولا جدول ولا خطه ولاشي يعني طاب كذا ,بس منقهر اني ماله داعي بس اقوم وانام ويروح وقتي لف في شارع العرب والهايدبارك وبريمارك وراجع ماليت من هالروتين
يعني بالعربي مافي احد يفزع لي يعطيني برنامج رايق اروق فيه وانا لحالي اروح واجي وانبسط ولا مستحيل
عالما باني اكرررررررررررره شي اسمه متاحف يعني لاحد يطريه لي .
فايليت كرما واحد الي عنده خبره يعطيني برنامج فله ووناسه انبسط حتى لو لحالي انا اتاقلم مع نفسي عادي متعود بس ابي جدول انظم وقتي .لاهنتم
الشي الاخير : ودي بفندق اسكن فيه ومايكون غالي بصراحه في موقع بوكنق كثير بس متردد احجز 6 ايام مره واحد ويطلع خايس واتوهق
وشايل هم اني احجز ليله وكل يوم اغير فندق
تصدقون طاري على بالي فكره مدري تنصحوني في هالفكره ولاغبيه اني اسكن كل ليله بفندق منها تغير وهجوله واستمتع ولا فكره غبيه ومتعبه ويبيلها مصروف اكثر من حجز 6 ليالي في فندق ؟ وش رايكم
بنتظاركم ياملوك
مواضيع عشوائيه ممكن تكون تعجبك اخترناها لك:
- الماسح الضوئي
- من قلب طبيعة اسكتلندا لوخ لوموند
- اول مرة بمانشستر وعندي اسألة بخصوص الفنادق وغيره
- منطقة البحيرات وجمال الريف الانقليزي
- استفسار عن الفيزا البريطانية
- ممكن اسماء محطات القطارات
- ارجو مساعدتي الاسبوع القادم مسافر
- كل عــــــــــــــــــــــــام وأنتــــــــــــــــــــــم بخيـــــــــــــــر
- بخصوص الفيزا لجميع الدول الاوربيه
- استفسارات حول الفيزا البريطانية بالسعودية
- مشورة لاهل الخبرة في لندن بخصوص السكن طويل الاجل
- كيف الاندرجراوند في لندن من ناحية الامان؟
- استفسارات عن لندن سفرتي الاسبوع الجاي
- ساعدوني مشكورين في ترتيب رحلتي
- ممكن استفسارات عن جنوب غرب بريطانيا
- تقرير رحلتى للندن المتواضع جدا
- ابي مساعده للتاكسي
- استفسار بخصوص عروض الاماكن السياحية
- فيزا لأمي وخطيبي
- مساعده ضروري
رد مع اقتباس
المفضلات