المشاركة الأصلية كتبت بواسطة المالديف حلمي
http://www.arabtravelersforum.com/tr...2/#post4878588
السلام عليكم ورحمة الله وبركاته
ممكن رايكم انا ناوي أطلع ميلان من تاريخ 19/05/2011 الى 24/05/2011 لاكن للأسف طلعولي معارضين من تحت الأرض يقولو انه كثير عليها ويقولو مافيها أماكن تروحها غير التسوق ابغى رايكم
وبصراحة حاولت ادور فنادق كلها ناااااااااااااااااااااااااااااااااار اقل فندق لقيته 180 يورو وقديم جدا
ايش رايكم ياخبراء؟؟؟
هلا .......
نصيحتى لك ليلتين ميلان
3 ليالي جاردا
في ميلان يوم لكومو ولوجانو ويوم للتسوق والتمشي في ميلان وممكن عندك بحيره ميجوري حلوه فيها 4 جزر .
في جاردا يوم الوصول تتمشى على البحيره وشبه جزيره سير ميوني - اليوم الثاني تروح فينيسيا قريبه حدود ساعه تروح الصباح وترد المساء - اليوم الثالث تروح مدينه الالعاب جاردا لاند والالعاب المائيه يفتحون في شهر مايو - وممكن تروحون فيرونا مدينه روميو وجولييت - وممكن حديقة الحيوان نتيورال فيفا بارك حديقه مقسمه على جزئين جزء تدخل الحديق بسيارتك والثاني مشي وفيها حديقه للديناصورات والعاب للاطفال اذا معك اطفال بينبسطون فيها .....
الفنادق نصيحه لوجه الله لاتركز بالفرعيات .....
انا اهم شي عندي الموقع النظافه السعر ابدا لاتهتم بشكل الفندق لانك بتتمشى وترجع دايخ ماتشوف الطريق تبي تنام وصدقني نادرا مافطر بالفندق اروح مطم برا وافطر لان بعض الفنادق الفطور للشخص 25يورو احسها حرام على كوفي وكم كروسان ....
وبالتوفيق
رد مع اقتباس
المشاركة الأصلية كتبت بواسطة المالديف حلمي
المفضلات