السلام عليكم و رحمة الله و بركاته
تحية طيبه... لكم يا اخواني
اعذروني الموضوع مافيه صور لكن القصه اللي فيه اعتقد انها عظه و عبرة للي يفكر يستخدم البطاقة الإئتمانيه في الفنادق
سافرت انا و والدتي اطال الله في عمرها بالصحه و العافيه إلى المدينه بتاريخ 18-02-2012
و كان الوصول في فندق دار التقوى بعد منتصف الليل مما اضطرني لحجز الغرفه من يوم 18 العصر
اخذت غرفين مطله على الحرم و كانت الإقامه 4 ايام و كان الحساب 4800 ريال
الفندق ما يحتاج اتكلم عنه كثير لأن المنتدى كفى و وفى بالصور موقعه جدا ممتاز و الخدمه جدا ممتازه لكن اللي خرب عليه كله اللي حصل معايا بعدها
لأن بتاريخ 08-03-2012 استخدموا بطاقتي الإئتمانيه من غير موافقتي و خصموا مبلغ 4040 ريال
طبعا وصلتني فور استخدام العمليه مسج على جوالي و تواصلت مع الفندق و وقفت البطاقة لضمان عدم تكرار الموقف. المدير المناوب اللي كان اغلب تعاملي معاه كان محترم و في البدايه قال لي اعطيه وقت ليتأكد من معاملات الفندق و بعدها كلمته بساعه و اعتذر عن الخطأ و طلب رقم حسابي البنكي عشان يحول المبلغ و هو ابلغني انه كان فيه حجز بإسمي و لما سألته كيف تم الحجز اللي انا ما عملته ما اعطاني اجابه واضحه
طبعا القضيه هذي ممكن تحصل في اي مكان لكن اللي ازعجني انها حصلت بعد 3 اسابيع من مغادرتي الفندق هذا شيء و الشيء الثاني انه لو ما كنت متيقظ و مسجل في خدمة الإشعارات كان ممكن انهم يخصمون المبلغ و تتوقعون لو اكتشفوا انهم غلطوا من غير ما اسأل رح يتواصلون معايا؟؟ ما اعتقد
انطباعي الشخصي عن الموقف.
يا انه تقصير من الموظف المسئول عن الحجوزات او انها كانت محاولة نصب و احتيال
لأن على كلام الفندق لما حجزت اول في فبراير و بلغتهم اني رح اوصل متأخر قال لي انه في حالة عدم وجودي على الساعه 4 العصر رح يتلغى الحجز مالم ارسل لهم صورة من البطاقه الإئتمانيه و موقع معاها بتفويض الفندق بخصم مبلغ الليله الأولى و هذا اللي عملته تفاديا لإلغاء الحجز اللي اعتقد انه تم استخدامه لهذا الحجز الوهمي
اتمنى انه التجربه تكون مفيدة أن حتى الفنادق في بلاد الحرمين قد لا تكون آمنه و الحذر واجب
مواضيع عشوائيه ممكن تكون تعجبك اخترناها لك:
رد مع اقتباس
المفضلات