السلام عليكم ورحمة الله وبركاته

اخواني الافاضل

رحلتي الاولى لمالزيا كانت قبل سنة وكانت ناجحة بنسبة 100% بعد فضل الله بفضلكم

ساعدوتني حتى ليلة رحلتي وانا اسأل وأطلب وكنتم لي خير معين

والله العظيم اني افتكرتكم في الطيارة ودعيتلكم من قلبي

وكنت واعدتكم بتقرير بس بصراحة لو نزلت تقرير ماكان راح يكون مميز

ففضلت اني ما أنزله لانه مالي خبرة بالتقارير

الآن انا قررت اسافر للمرة الثانية

حجزنا عالخطوط السعودية من 1 فبراير الى 22 فبراير طبعا الوصول راح يكون 2 فبراير

المسافرون زوجي وانا

وبما انه الايام عندي 20 يوم قلت خليني اجدد

المرة الاولى كانت رحلتي

سلانجور - لنكاوي - بينانق - كوالالمبور - جنتنق - كوالالمبور

وبصراحة كلها زوجي يبغانا نعيدها مرة ثانية بس لاني زرت تقريبا اكثر الاماكن فيها

قلت اقلل الايام في كل مدينة وازيد مدن وكوالا بقلل الايام فيها ممكن 3 ليالي تكفي فيها

مثلا ملقا .. ماعندي اي خلفية عنها ابغاكم تعطوني ارائكم فيها

وبضيف دوله لمدة 5 ايام ومحتارة بين سنغافورة وهونج كونج

ابغى اقتراحاتكم وابغى اعرف طريقة الوصول لكل منها

اعتقد هونج كونج طيران وسنغافورة في عدة طرق منها الباص والقطار هذا حسب ماقرأت

ابغى اعرف تجاربكم وكم الوقت بينهم وكل دولة منهم راح تكون من اي مدينة

واسعار الفنادق الاقتصادية في كل منها عشان اقرر اختار اي دولة فيهم

وجزاكم الله عني كل خير

واتمنى مرور الاخ وافي اللي ما انسى وقفته وتعاونه معايا في رحلتي الاولى

واحب اشكره انه نصحني بالمبيت بجنتنق لاني فعلا اكثر مكان استمتعت فيه

وكان احلى جو واحلى يومين في حياتي

مواضيع عشوائيه ممكن تكون تعجبك اخترناها لك: