الموضوع: السفر بطيران الامارات ام البريطانية افضل ؟

السلام عليكم
باذن الله رح نسافر الى لندن في اول يونيو
بس عندي سؤال مين جرب طيران الامارات وكيف تكون طياراتهم المتجة الى لندن؟ انا جربتها بس لبلدان ثانية قريبة وماكانت ابدا في المستوى....الكراسي جدا ضيقة وغير مريحة

وجربت البريطانية الى لندن مرة واذكر انها كانت روعة مريحة وواسعة

بس اللي اعرفه ان الطيارات تختلف حسب وجهتها ..يعني ممكن الاماراتية تكون طيارتها المتجهة الى اوروبا والدول البعيدة احسن مستوى؟

حد جرب الاثنين يفيدني لاني شفت الاسعار تقريبا نفسها

,وبالنسبة للمطار و الزحمة ..لاني معاي الوالدة الله يحفظها مانبغى ننزل في مطار مزدحم...فاعتقد سمعت ان البريطانية مطارها اخف من اللي تنزل فيه الاماراتية صح هالكلام ولا قديم؟
افيدوني الله يخليكم لاني بحجز اليوم ان شاء الله

ومشكورين

مواضيع عشوائيه ممكن تكون تعجبك اخترناها لك:

• انسب خطوط طيران من جدة الى لندن؟
• شقه في تشيلسي لمدة اشهر
• غيرت السكن وأزددت حيرهأقتراح للباحثين عن سكن
• استفسار بخصوص محطات الاندرقراوند في لندن ؟؟؟
• استفسار يحتاج لاجابه شامله
• ضروري يااهل الخبرة
• زيارة سريعة لـ لندن وآمل مساعدتكم
• مشكله في التشيك اوت
• استفسار عن تعبئة البيانات في حجز الموعد
• معلومات عن السفر الي ايرلاندا من بولندا مع زوجتي البولنديه و يوجد معي اقامة عامين
• بطاقة أويستر ترافل كارد
• من مانشستر لايرلندا بالسيارة
• آبحث عنشقة او ستديو مناسب في لندن؟
• افضل خط وخدمة للبلاك بيري والايفون والسامسونج
• مطلوب برنامج لمدة شهر في بريطانيا ضروري جدا
• هل يجب حضور عائلتي للمقابلة لاستخراج تأشيرة ؟ وكيف أحجز لعائلة ؟
• خطة سفر لايـرلـنـدا وسكوتلندا و
• فندق في نبوكاسل
• تقرير رحلتى للندن المتواضع جدا
• السفر غدا انشاء الله سؤال اخير

الله يخليكم حد يرد بسرعة....المطار فعلا مخصص للبريطانية بس؟
ومطار الاماراتية هو المزدحم؟

نعم صحيح تنزل الاماراتية في تيرمنال 3 بينما البريطانية يوجد لها تيرمنال 5 خاص في طيرانهم

الزحمة على حسب وقت الوصول وجدول الطائرات لكن بالعادة ماتتأخرون كثير نص ساعه وانت خالص في هالحدود




الحين بقولك انا تجربتي مع الامارتية وهو طيراني الرسمي المعتمد لدي لاي جهة كانت لكسب نقاط الاميال وعدم بعثرتها مع طيران اخر


اغلب الطائرات التي تذهب لبريطانية هي الطائرة الضخمة 380 لها سلبيات وايجابيات السلبيات كبر الطائرة وكثرة الركاب فيها مما قد يسبب لك بعض التأخير في اجرائات الجوازات حين وصول عدد 400 راكب دفعة واحدة وكذلك في الخدمة المقدمة من طاقم المظيفين بيكون بطيء شوي
وايجابياتها وسائل الترفية وسعة المقعد شوي وسيع




كذلك خذ في بالك انك بتسافر عبر ازحم مطارين في العالم الي هي دبي وهيثرو




البريطانية ميزتها دايركت


والله يوفقك

بالنسبة لي كطيران الاماراتي افضل بكثير،،،،

ولكن المطار افضل مع البريطانية

انا جربت الاماراتيه مرتين مرة لتركيا ومرة لالمانيا كانت جدااا سيىة الكراسي قسم بالله تكسر الظهر وماتقدر تحرك رجولك والله الطيرانات الاقتصادية افضل واريح بمليون مرة في الرجعة كنا رادين من باريس لاكن طيران الاتحاد كان افضلل وخيرات اكثر حتى كان معاي رضيع جابولي اكل اطفال رضع المعلبات


والحين رايحة لندن وفكرت احجز في البريطانيه بس خفت اني اول مرة بستخدمه وماعرف كيف تعاملهم مع العرب واخاف مايكون فيها عرب وهاذا لحاله رعب خخ
عشان كذا حجزت ع الاتحاد


وصح بالنسبة لمطار دبي يوم يقولون زحمة طيران الامارات له مبنى خااص

انا افضل الاماراتيه
اولا : السعر ممتاز
ثانيا : خدمات الترفية
ثالثا : المقاعد مريحة ( الدرجة الاولى ) لكن رجال الاعمال ما حبيت > و الاقتصادي مقارنة مع البريطانية احسن ( كلامي عن طائره 380 اير باص )
رابعا : دايركت بدون توقف
خامسا : الوزن المسموح بالاماراتية 30 كيلو و البريطانية 23 كيلو

مشكورييينعلى الاجابة
خلاص انا حجزت على البريطانية لعدة اسباب:

1- المطار المخصص لها وهذا اهم شي لان معاي الوالدة الله يحفظها واخاف تيرمنال 3 يكون جدا مزدحم
2- البريطانية فيها عروض هالفترة وحصلت سعر اقل بكثير من الاماراتية
3- انا اصلا مقيمة في دبي و جربت الاماراتية اكثر من مرة...وفعلا الكراسي ابدااا غير مريحة...بس فكرتانه سفرياتها الى اوروبا تكون افضل..
4- جربت البريطانية مرة وحدة قبل 6 سنين الى لندن ...وكانت فعلا مريحة جدا جدا جدا....بس قلت يمكن المطار اتغير او طياراتهم نفسها اتغيرت...ما ادري

في الاخر الشي اللي حكم هو الفارق الكبير في السعر..فالاماراتية 3900 درهم والبريطانية 2600!!

ومشكورينماقصرتوا...دعواتكم لنا برحلة سعيدة وموفقة ان شاء الله

بالتوفيق ان شاء الله

الامارات افضل بكثير وخاصة وسائل الترفية