الموضوع: سفره للصين للتجارة شراء أثاث لبيتي ، أبي مشورتكم

السلام عليكم

انا عندي محل اكسسوارات جوال وغالب بضاعتي او اكثر اشتريه من المرسلات في الرياض

قارنت أسعارهم مع علي بابا وشفت فررق كبير يوصل ل100% وأكثر ، هذا ربحهم طبعا للجملة

وييني وبينكم احس انها غبنه .. اذا فكرت فيها اني اروح بنفسي وانقي البضايع اللي اشوف عليها طلب عندي واجيب منها بالكميات في المستودع اوفر واحسن

واللي حمسني اكثر اني طلبت اغراض من ابوي كان مسافر الصين وكلفتني مبلغ وقدره مع الشحن بس مع حسبتها طلعت بجيب ربحها بالراحه

طبعا الخطوة هذي حسيتها صعبه يمكن لاني بنت
بس مدري ليش تحمست انفذها .. ولو اني احس يبي لي مبلغ محترم للبضاعة

بحثت قبل شوي عن اسعار التذاكر ولقيتها ع الاماراتية بألفين وميتين سياحيه ترانزيت 11:45ساعة
شرايكم السعر ؟ احس مايتفووت
وعلى خطوط كاثي باسفيك درجة Premium Economy ب 4000 وشوي
والبزنس 5500 ريال وترانزين طبعا

تاريخ الرحلة في يناير

المهم انا حبيت اخذ رايكم مبدئيا عشان افكر في الموضوع صح واقول لزوجي

وبحكم خبرتكم ماشاء الله راح استفيد واخذ برايكم ومشورتكم

- حسب ماقريت ان الالكترونيات بمدينة شنزن ، وش راح يكون خطة السير ؟
طبعا انا بطلع من الرياض لمطار هونق كونق تمام كذا ؟
- شهر يناير مناسب ؟
- خوي ابوي صيني وكان معه خلال سفرته وساعده بأشياء كثير من ناحية الشراء لين وصلت الاغراض لنا .. هل أكتفي فيه او اشوف لي مكتب ؟ مع اني اتوقع انه صاحب مكتب والله اعلم
- من ناحية الأثاث انا ودي اشتري كنب للصالة واريكة لغرفة النوم وشغلات زينة للبيت ( يعني أشياء بسيطة ) يستاهل اني اشتريها واشحنها ؟ او اشتريها من الرياض احسن
اقصد هل راح اطلع بسعر رخيص وانا شاريه قطاعي مع تكلفة الشحن ؟
ووين مكان بيع الاثاث ؟ كم يبعد عن شنزن ؟
- الفيزا الغير مستعجلة كم تاخذ وقت ؟
- مدينة شنزن كلها تجارية او فيها سياحة ؟ ودي اجمع بين الاثنين الصراحة لو بشي بسيط
او لو اجلس بهونق كونق ليلتين مثلا !
انتم اهلها وسنعوها لي عاد :$
ة
أعتذر لكثرة الأسئلة .. بس بحثت في استفسارات الناس لقيت الكل يحكي عن كوانزو! من الموبايل

مواضيع عشوائيه ممكن تكون تعجبك اخترناها لك:

• من لديه معرفة تامة عن الفيري من مطار هونج كونج إلى كوانزو
• استفسار بخصوص تذاكر الصين
• حاليا انا بهونغ كونغ مشكله الوتس اب ما يشغل معن الانترنت يشتغل
• نأمل المساعدة في التخطيط للسفر لهونج كونغ
• أعطوني رأيكم
• فيز لهوتغ كونغ و مكاو
• عاااااااااااااااااااجل جدا لاهل الخبره
• ساعدوني ببرنامج سياحي للصين ضروري
• السلام عليكم
• وين القى سوق الاواني بجوانزوا؟
• الخطوط الصينيه
• استفسارات للي راح لهونج كونج
• عاجل أسأله بخصوص الفيزا و التجارة
• رشحوا لي وش افضل الصين او ماليزيا
• الى اهل الكويت
• الى كل من سافر الى الصين استغاثة افيدونى
• طلبتكم يا زوار الصين
• أفضل شريحة جوال في وهونغ كونغ والصين عاجـــل
• طلب مشووره الله لايهينكم
• ابغى أأثث البيت وناوي اشتري من الصين تجاربكم ونصايحكم

أهلا بك و نورت البوابة بسؤالك
رح جاوب على قد معرفتي
حسب ماقريت ان الالكترونيات بمدينة شنزن ، وش راح يكون خطة السير ؟
طبعا انا بطلع من الرياض لمطار هونق كونق تمام كذا ؟
- شهر يناير مناسب ؟
ليس كثيرا مناسبا لآن الجو بارد و من المحتمل وجود عاصفة زمن تواجدكم
- خوي ابوي صيني وكان معه خلال سفرته وساعده بأشياء كثير من ناحية الشراء لين وصلت الاغراض لنا .. هل أكتفي فيه او اشوف لي مكتب ؟ مع اني اتوقع انه صاحب مكتب والله اعلم
اذا كان هو متواجد في كوانزو او في شنزن ربما يساعدكم أما اذا في مناطق اخر الافضل تشوفوا غيره و لكن في شنزن اغلب الناس تتكلم الانكليزية
- من ناحية الأثاث انا ودي اشتري كنب للصالة واريكة لغرفة النوم وشغلات زينة للبيت ( يعني أشياء بسيطة ) يستاهل اني اشتريها واشحنها ؟ او اشتريها من الرياض احسن
اقصد هل راح اطلع بسعر رخيص وانا شاريه قطاعي مع تكلفة الشحن ؟
اذا كانت كميتك تعبئ حاوية فا ممكن تستفيد من فارق السعر و لكن يجب ان تبحثوا عن الجودة
ووين مكان بيع الاثاث ؟ كم يبعد عن شنزن ؟
مكان المفروشات في فوشان تبعد عن شنزن بالباص حوالي ساعتين
- الفيزا الغير مستعجلة كم تاخذ وقت ؟
اسبوع
- مدينة شنزن كلها تجارية او فيها سياحة ؟ ودي اجمع بين الاثنين الصراحة لو بشي بسيط
مدينة شنزن فيها مناطق سياحيه كمثل النافذه على العالم و معرض البحري
او لو اجلس بهونق كونق ليلتين مثلا !
إن شاء الله بالتوفيق