الموضوع: القطارات وما أدراك ماالقطارات أرجو المساعده

السلام عليكم ورحمة الله وبركاته

أخواني أعضاء هذا المنتدى الرائع

أنا عندي سفرة في شهر 6 الجاي أنا وزوجتي لمدة 15 يوم وخط سير الرحله كالاتي

روما - فلورنس+بيزا - فينيس+فيرونا - ميلان - كان - باريس

أدري المدينتين الأخيرة مالها دخل بإيطاليا بس عشان يكون عندكم فكرة بالمشكلة

حاولت أستأجر سيارة لكن للأسف الأسعار نار وراح تكلفني 5000 ريال سعودي غير البنزين أو الديزل غير التعب الي بيكون مع العلم أنها أول رحلة لي لأوروبا

فقلت ياولد مالك الا القطارات مالك ومال الشحططه

بحثت عن مواقع أحجز فيها و أعرف منها أسعار التنقلات بين هالمدن بالقطار لكن للاسف ماحصلت

وطحت على موقع اسمه يوريل Eurail
وهذا موقعهم
http://www.eurail.com/eurail-france-...s?currency=eur

وحاولت أقرا فيه وفهمت أنها شركة متعاونه مع القطارات بأوروبا ومخصصه للسواح الغير أوربيين

تحدد دول رحلتك وعدد الأيام وتشتري تذكره منهم تسمح لك أنك تركب القطارات وتتنقل بين الدول والمدن على حسب طلباتك وعدد الأيام الي أن طالبها

سعرها جدا رائع لك للأسف حسب الي فهمته أن هالشركه مالها دخل بالحجوزات يعني لازم تحجز بنفسك

أنا أدري طولت عليكم بس ودي تكونون فاهمين وضعي

أذا احد قد جرب هالموقع يعلمني كيف الطريقة
وكيف أحجز القطارات
وهل ممكن ما احجز الا وأنا في المحطه لأني ما أعرف في أوروبا ولا ادري وش ظروفي لما اوصل هناك

اسف على الأطاله وأنتظر ردكم

والي عنده أي أقتراح أو معلومات عن السكن أو الأماكن السياحية أو تقسيم الأيام على هالمدن ياريت كمان يفيدني وأكون لكم شاكر

تحياتي
llvlloto

مواضيع عشوائيه ممكن تكون تعجبك اخترناها لك:

• فيرونا الايطاليه مدينة روميو وجوليت
• رحلات سيايحه بأفضل الأسعار مع أقوي شركه سياحه في ايطاليا
• يا خبراء ايطاليا فزعتكم معي
• رحلة الأحلام روما البندقية باريس سويسرا النمسا بكاميرا احترافية
• كيف اعيش بايطاليا؟؟
• القادمون من اوروبا وخصوصا من ايطاليا
• شكر وتقدير خاص لاختي الزعيمه
• استفسارات عاجلة بخصوص الشنجن من مكتب التأشيرات
• ارجوكم اريد المساعده
• مساعدة
• هل توجد قطارات للتنقل بين مدن ايطاليا غير يورو ستار؟
• رحلة الى ميلانو في فبراير احتاج الى المساعدة
• لماذا سميــت فينيســــــيا البندقيـــــــة ؟؟؟؟؟؟؟؟؟؟؟
• فزعتكم
• بولونيا نصائحكم مهم
• وشلون اروح من لوقانو لميلانو
• لخبراء تاجير السيارات بميلانو يتفضلو
• ضروري ابي رايكم في هالفنادق
• افضل سكن في ايطاليا في روما وميلان والبندقية وكاربي
• استفسار عن سرقة السيارات في ايطاليا؟

اخوي انا الصيف الى فات حجزت تذكره قطارات اوروبا من مكتب الزومان بالرياض سعرها حلوه مره
تحدد 5 دول تبيها وعندك نظام 5 ايام مده شهرين وعندك 10 ايام مده شهرين وحنا اخذنا ابو 10 ايام كان سعرها ب 500 يورو تقدر تركب فيها القطارات بالدوله الواحده اي مدينه بنفس التذكره
يعني حنا كان خط سيرنا ايطاليا فنيسيا النمسا زيلاميسي سالزبورغ فينا المانيا موينخ فرانكفورت هولندا امستردام فرنسا باريس وكلها بنفس التذكره بس فعلناها في فنيسيا وحنا رايحين زيلاميسي ب 20 يورو على ما اعتقد للتذكره الواحده وبعد كذا تمشى زي ما تبغى والتذكره بعد درجه اولى
اتمنا اكون افدتك يالغالي

حياك اخوي
على العموم هي نفس القيمه سواءا اخذتها من المكتب او من الموقع لان الزومان اصلا وكيل لهم في السعوديه .
وبالنسبه للسفر من مدينه لمدينه عادي فعلها من روما واطلع اي وقت تبي بدون حجز
حنا كنا نجي على طول لمحطه القطار ونشوف اقرب رحله ونطلع عليها
اما بالنسبه لباريس تاكد منهم احيانا يحتاج حجز واحيانا ما يحتاج وحنا لمان طلعنا لباريس كان من بروكسل وخيرونا قالولنا اذا تبون قطار دايركت تدفع فرق واذا ما تبون تدفعون فرق عادي ممكن تطلع بنفس التذكره بس تغير كذا محطه من قطار لقطار والوقت طبعا اطول
اتمنا اكون افدتك
واي استفسار ثاني انا تحت امرك

عليكم السلام و رحمة الله و بركاته ,,,

كنت موجود في إيطاليا في عام 2009 و من خلال البحث في التقارير حصلت موقع لحجوزات القطارات و الأسعار و هو

http://www.ferroviedellostato.it/homepage_en.html

كان خط رحلتي مشابه لك بشكل كبير ( روما - فلورنس - بيزا - فيرونا - فينيسيا - ميلان ) و كنت في أغلب الرحلات أستخدم هالموقع لمعرفة سعر التذكرة و وقت الرحلة ( لكن ماني متذكر ,,, هل اني استخدمت الفيزا للدفع عن طريق الموقع و لا لا حاول تتأكد من الشباب لو فيه أحد استخدمه للدفع ,,,, لكن على الأقل تستفيد منه لمعرفة وقت الرحلة و سعر التذكرة ),,,, و إن شاء الله يفيدك.

بالنسبة لفرنسا ماعندي خبرة ,,, و إن شاء الله باقي الإخوان مهم مقصرين ,,,,

أتمنى لك رحلة سعيدة ,,,, و الله الله بالتقارير السنعة بعد ما ترجعون بالسلامة إن شاء الله

مرحبااخوي..........
السياره خذها بس في ايطاليا يعني من روما وسلمها في ميلان لقيت لك ...سياره مع gbs
362يورو.......مده 9 ايام ..
تسلمها في ميلان وبالقطار تكمل لكان وباريس.......اشوفها كذا اريحلك....
القطار حطيت لك محطه ريل ايتالي نفس موقعك تسلم السياره هناك...

يعطيك العافيه أخوي قلقان أفدتني وريحتني
والله كنت شايل هم
------
يعطيك العافيه أخويhttp://www.arabtravelersforum.com/user269323/
بس أنا ما ابي أعرف الأسعار أنا أبي أعرف هل بهاليوريل أقدر أركب أي قطار بدون ما أحجز ولا أوقف سرا أقص التكت ولا لا
مشكور وما قصرت
-------
هلا بك أخوي اطليانو
مشكور على جهدك والله خجلتني واسف اذا أتعبتك
المشكلة أن هالسعر مايشمل التأمين الي ممكن يوصل الى 300 يورو حسب بحثي غير البنزين الي سعره ناااار غير المواقف الي بفلوس غير ضرائب الطرق
طيب أنا بسألك أنت وش تنصحني فيه؟؟
أنا وزوجتي أفضل لنا القطارات ولا السيارة؟؟
من الناحية المادية ومن النواحي الاخرئ الي هي الراحه والمتعه وغيرها
وشكرا جزيلا

المشاركة الأصلية كتبت بواسطة llvlloto
http://www.arabtravelersforum.com/tr...2/#post4501732

يعطيك العافيه أخوي قلقان أفدتني وريحتني
والله كنت شايل هم
------
يعطيك العافيه أخويhttp://www.arabtravelersforum.com/user269323/
بس أنا ما ابي أعرف الأسعار أنا أبي أعرف هل بهاليوريل أقدر أركب أي قطار بدون ما أحجز ولا أوقف سرا أقص التكت ولا لا
مشكور وما قصرت
-------
هلا بك أخوي اطليانو
مشكور على جهدك والله خجلتني واسف اذا أتعبتك
المشكلة أن هالسعر مايشمل التأمين الي ممكن يوصل الى 300 يورو حسب بحثي غير البنزين الي سعره ناااار غير المواقف الي بفلوس غير ضرائب الطرق
طيب أنا بسألك أنت وش تنصحني فيه؟؟
أنا وزوجتي أفضل لنا القطارات ولا السيارة؟؟
من الناحية المادية ومن النواحي الاخرئ الي هي الراحه والمتعه وغيرها
وشكرا جزيلا



شوف اخوي انا بالنسبه لي افضل السياره دائما الا المشاوير الطويله يعني مثلا اكثر من 6 ساعات القطار .......
السياره متعتها غير وتاخذ راحتك متى ماعجبك منظر توقف وتتفرج وتحس بمتعه خاصه مع الطبيعه وغيره
بس من الناحيه الماديه انت احسب جميه تنقلاتك بالقطار كللل التنقلات زين .......
وقارن مع سهر السياره واختر اللي يناسبك وبعدين ابعد عن السياره البانزيننن خذ ديزل ارخص واطول وقت
معروف البانزين في اوربا نااااااااااااار .......المواقف حسب عندك الفندق او المواقف العامه اللي الساعه بيورو او ساعتين
ظرايب الطرق حسب الطريق تختلف مابين 3 يورو الى تقريبا 16 يورو ويمكن اكثر شي .....
بس مانصحك بفرنسا السياره الطريق طويل لباريس غير كذا ظريبه التسليم توصل 200 يورو او اكثر ......
انت اهم شي قارن الاسعار وبعدين خذ الاوفر ......

هلا بك أخوي أيطليانو
أنا معاك السيارة أفضل وأريح ولا عندك وقت محدد تمشي فيه وتوقف وين ماتبي توقف
المشكلة أولا كيف أحجزها؟؟
وهل السعر الي عطيتني هو السعر الكامل ولا فيه ضرايب وتأمين؟؟
ولو كان فيه تأمين هل يسترد بعد ما أسلم السيارة؟؟
وحسب علمي أفضل مكتب تأجير سيارات هو يوروب كار والمشكلة في إيطاليا ما يضمنون لك ديزل أنت وحظك
هل تعرف محل يضمن لي أخذ سيارة ديزل؟؟؟

وبما أنك خبير وأعلم مني في اوروبا
أحتاج منك يا أخوي خدمة
أنا عندي 15 يوم أبي أقسمها
وصولي في 2/6/2011 لروما على الساعة 3 العصر
كيف أقسم سفرتي؟؟
انا قسمتها كذا
2-5روما /5-7فلورنس+بيزا / 7-9 فينيسيا+فيرونا / 9-11 ميلان(أحسها كثير على ميلان) / 11-13 ماأدري وين أروح(ودي بمدينة حلوه وتكون بالقطار قريبة لباريس ولا رايك أزيد يوم في روما وباريس واطلع من ميلان بالطيار لباريس؟؟ مع العلم أن ودي أمر أنترلاكن لكن قالوا لي مافيها قطارات من ميلان لأنترلاكن ولا فيه من أنترلاكن لباريس) /13-16 باريس وطيارتي يوم 16 الساعه3 العصر

وشرايك أنت؟
وهل فيه أماكن مهمه لازم ما افوتها في أي مدينة من هالمدن؟

أدري كثرت الطلبات
ومشكور أخوي واسف على الأطاله

هلا بك أخوي أيطليانو
أنا معاك السيارة أفضل وأريح ولا عندك وقت محدد تمشي فيه وتوقف وين ماتبي توقف
المشكلة أولا كيف أحجزها؟؟
لازميكون عندك فيزا تريها صغنونه على قدكم ....
https://www.europcar.com/DotcarClient/step3.action

وهل السعر الي عطيتني هو السعر الكامل ولا فيه ضرايب وتأمين؟؟
شوف المعلومات اللي يشمله السعر بالرابط
ولو كان فيه تأمين هل يسترد بعد ما أسلم السيارة؟؟
لا لان التامين على الحوادث لاقدر الله ماتسترجعه ......
وحسب علمي أفضل مكتب تأجير سيارات هو يوروب كار والمشكلة في إيطاليا ما يضمنون لك ديزل أنت وحظك
هل تعرف محل يضمن لي أخذ سيارة ديزل؟؟؟
معليك اكثر السيارات الايطاليه ديزل اضمن لك .......خخخخخخخ

وبما أنك خبير وأعلم مني في اوروبا
أحتاج منك يا أخوي خدمة
أنا عندي 15 يوم أبي أقسمها
وصولي في 2/6/2011 لروما على الساعة 3 العصر
كيف أقسم سفرتي؟؟
انا قسمتها كذا
2-5روما /5-7فلورنس+بيزا / 7-9 فينيسيا+فيرونا / 9-11 ميلان(أحسها كثير على ميلان) / 11-13 ماأدري وين أروح(ودي بمدينة حلوه وتكون بالقطار قريبة لباريس ولا رايك أزيد يوم في روما وباريس واطلع من ميلان بالطيار لباريس؟؟ مع العلم أن ودي أمر أنترلاكن لكن قالوا لي مافيها قطارات من ميلان لأنترلاكن ولا فيه من أنترلاكن لباريس) /13-16 باريس وطيارتي يوم 16 الساعه3 العصر

وشرايك أنت؟
وهل فيه أماكن مهمه لازم ما افوتها في أي مدينة من هالمدن؟
2-5 روما ..5-7 فلورنس.. 7-9 فينيسيا ..9-11 جاردا(بحيره جاردا وسير ميوني وقريب لها فيرونا اقرب من فينيسيا وجاردا لاند وموفي لاند كلهم مدن العاب كبيره وممكن سفاري نتيورل فيفا حديقه حيوان تدخلها بسيارتك اذا حاب شوي مغامره ....خخخ)11-13 ميلان يوم الوصول 11 الدومو يوم 12 كومو مع لوجانو يوم 13 تطلع من ميلان وتسلم السياره وطيران على باريس وتكمل في باريس لين ترجع للوطن بالسلامه .......

أدري كثرت الطلبات
ومشكور أخوي واسف على الأطاله

العفو وحنا بالخدمه

هلا بك أخوي أيطليانو
أنا معاك السيارة أفضل وأريح ولا عندك وقت محدد تمشي فيه وتوقف وين ماتبي توقف
المشكلة أولا كيف أحجزها؟؟
لازميكون عندك فيزا تريها صغنونه على قدكم ....
https://www.europcar.com/DotcarClient/step3.action
عندي فيزه وحجم السيارة ما يهمني
حبيت أقولك أنك شجعتني أخذ السيارة بس بكم فل الديزل وكم يمشي من كيلو؟؟
يعني على حسب خط سيري كم بعبي من مرة حسب توقعك؟؟
مشكور


وهل السعر الي عطيتني هو السعر الكامل ولا فيه ضرايب وتأمين؟؟
شوف المعلومات اللي يشمله السعر بالرابط
شفت الرابط بس فيه أكواد تعطيك تخفيض
أخذت السيارة من 2 الى 13 والتسليم في مطار ميلان البعيد عشان رحلتي من هناك كلفتني 2500 تقريبا بدون أضافات

ولو كان فيه تأمين هل يسترد بعد ما أسلم السيارة؟؟
لا لان التامين على الحوادث لاقدر الله ماتسترجعه ......
هل التأمين الي ماخذينه يشمل لا قدر الله الحوادث الي ممكن تصير بالسيارة؟؟

وحسب علمي أفضل مكتب تأجير سيارات هو يوروب كار والمشكلة في إيطاليا ما يضمنون لك ديزل أنت وحظك
هل تعرف محل يضمن لي أخذ سيارة ديزل؟؟؟
معليك اكثر السيارات الايطاليه ديزل اضمن لك .......خخخخخخخ
أنا أعرف ناس أستأجروا وقالهم المكتب الي بالرياض مانضمن لكم ولما راحوا عطوهم بنزين وخذوها وأكتشوفوا عطل ورجعوها وغيروا لهم السيارة بديزل وأخاف يصير لي زيهم ويعطوني بنزين


وبما أنك خبير وأعلم مني في اوروبا
أحتاج منك يا أخوي خدمة
أنا عندي 15 يوم أبي أقسمها
وصولي في 2/6/2011 لروما على الساعة 3 العصر
كيف أقسم سفرتي؟؟
انا قسمتها كذا
2-5روما /5-7فلورنس+بيزا / 7-9 فينيسيا+فيرونا / 9-11 ميلان(أحسها كثير على ميلان) / 11-13 ماأدري وين أروح(ودي بمدينة حلوه وتكون بالقطار قريبة لباريس ولا رايك أزيد يوم في روما وباريس واطلع من ميلان بالطيار لباريس؟؟ مع العلم أن ودي أمر أنترلاكن لكن قالوا لي مافيها قطارات من ميلان لأنترلاكن ولا فيه من أنترلاكن لباريس) /13-16 باريس وطيارتي يوم 16 الساعه3 العصر

وشرايك أنت؟
وهل فيه أماكن مهمه لازم ما افوتها في أي مدينة من هالمدن؟
2-5 روما ..5-7 فلورنس.. 7-9 فينيسيا ..9-11 جاردا(بحيره جاردا وسير ميوني وقريب لها فيرونا اقرب من فينيسيا وجاردا لاند وموفي لاند كلهم مدن العاب كبيره وممكن سفاري نتيورل فيفا حديقه حيوان تدخلها بسيارتك اذا حاب شوي مغامره ....خخخ)11-13 ميلان يوم الوصول 11 الدومو يوم 12 كومو مع لوجانو يوم 13 تطلع من ميلان وتسلم السياره وطيران على باريس وتكمل في باريس لين ترجع للوطن بالسلامه .......
الله يعطيك العافيه حبيبي بمشي على خطتك تمام والتغيير ممكن يكون في اليوم ال12 بكمل لأنترلاكن أزورها وأرجع لكومو ولوجانو

أدري كثرت الطلبات
ومشكور أخوي واسف على الأطاله

العفو وحنا بالخدمه
الله يعطيك العافيه أخوي أيطليانو ماقصرت
والله لا يخلينا منكم ومن تعاونكم
ولو أحتجت شي ترا برجع أسألك
تحياتي لك

هلا اخوي انا مافهمت شي هذا رد والا استفسار
مع العلم ان الاخ اطليانو اجاب عليك
اذا فية استفسار حطة بلحالة انا
ابي افهم شي عجزت ههههههههههههههه

امر اخوي احنا بالخدمة

شوف سؤالي بالأسود رد علي أيطليانو بالاحمر وأنا رجعت سألته بالأخضر

أدري عقدتكم بس شفت أيطاليانو يسوي هالطريقة وقلدته

وكان عندي بعد زيادة سؤال
كيف أحصل مواقف في ايطاليا؟؟
في كل مدينة وكم سعرها لأن هالشي راح من بالي
ومشكور يا أبو طلال أنت وأيطليانو

عندي فيزه وحجم السيارة ما يهمني
حبيت أقولك أنك شجعتني أخذ السيارة بس بكم فل الديزل وكم يمشي من كيلو؟؟
يعني على حسب خط سيري كم بعبي من مرة حسب توقعك؟؟
مشكور

شكلك اول مره تسوق سياره,,,تعبية فل تختلف من سياره لسيارة,,,تقريبا 50 الى 60 يورو,,,و صرفك على حسب سرعتك و الاماكن الي تسوق فيها,,داخل المدينه او خرجها

سعر اللتر 1.2 يورو و يمشيك 40% اكثر من البنزين,,,يعني اذا سيارتك بنزين بتمشك 100 كم و اذا ديزل بتمشي 140 كمر


شفت الرابط بس فيه أكواد تعطيك تخفيض
بعض الشركات لها كود و تعطي تخفيض,,,,بس حتى لو عرفت الكود اذا جيت تستاجر السياره يطلبون بطاقة الشركه الي لها الكود

هل التأمين الي ماخذينه يشمل لا قدر الله الحوادث الي ممكن تصير بالسيارة؟؟

انت و الي تدفعه,,,تقدر تدفع تامين ضد الغير بس,,,تقدر تدفع تامين و اذا صار حادث تدفع الى 1000 يورو و اكثر من كذا شركة التاجير تتكفل فيه و تقدر تدفع تامين و اذا صار حادث او انسرقت السياره تقول لهم ...الو بسرعه جيبو لي سياره ثانيه ,,,,سيارتكم انسرقت او تكسرت



أنا أعرف ناس أستأجروا وقالهم المكتب الي بالرياض مانضمن لكم ولما راحوا عطوهم بنزين وخذوها وأكتشوفوا عطل ورجعوها وغيروا لهم السيارة بديزل وأخاف يصير لي زيهم ويعطوني بنزين

اشتر راحتك و استاجر فل انشورنس,,



الله يعطيك العافيه حبيبي بمشي على خطتك تمام والتغيير ممكن يكون في اليوم ال12 بكمل لأنترلاكن أزورها وأرجع لكومو ولوجانو

ممكن.....

الله يعطيك العافيه أخوي أيطليانو ماقصرت
والله لا يخلينا منكم ومن تعاونكم
ولو أحتجت شي ترا برجع أسألك
تحياتي لك

ههههههههههههههههههههه
والله ما عمري سقت سيارة ديزل ولا ادري كيف صرفها ولا أدري كم تمشي من كيلو

لكن الله يعطيك العافيه ماقصرت يالغالي

بس باقي سؤال محيرني
المواقف كيف نظامها هناك؟؟؟

يعني لو كان الفندق مايضمن لك موقف وهذا أتوقع أغلب فنادق أيطاليا كيذا
وين أوقف؟؟؟
وبكم ؟؟؟

المشاركة الأصلية كتبت بواسطة llvlloto
http://www.arabtravelersforum.com/tr...0/#post4515190

ههههههههههههههههههههه
والله ما عمري سقت سيارة ديزل ولا ادري كيف صرفها ولا أدري كم تمشي من كيلو

لكن الله يعطيك العافيه ماقصرت يالغالي

بس باقي سؤال محيرني
المواقف كيف نظامها هناك؟؟؟

يعني لو كان الفندق مايضمن لك موقف وهذا أتوقع أغلب فنادق أيطاليا كيذا
وين أوقف؟؟؟
وبكم ؟؟؟



المواقف في الفنادق تختلف فيه فنادق مواقفها باليوم مابين 15-40 يورو .......
وفيه الباركنج داخل المدينه المواقف العامه مابين 20-15 يورو مدة يوم .....طبعا الساعه يورو
وفيه المواقف اللي بالشارع الخط الاصفر ممنوع توقف فيه خاص.....
الخط الابيض بلاش
الخط الازرق بفلوس الساعه يبورو واحد وسنتين و4 ساعات ب3 يورو
ممكن تشتري بطاقه المواقف من محلات كشك الجرايد والبار ....فيها التاريخ واليوم والشهر والسنه والساعه انت حك المعلومات وحطها بالسياره من داخل على الزجاج الامامي ......وفيه في تقرير اختى الزعيمه تفصيل اكثر يوضح لك....
وممكن تشتريها من مكينات المواقف بس مو في كل مكان المكينه .......
احسن اشتر كروت اللي تحس انك تحتاجها اسهل لك ......

و

الله يعطيك العافيه أخوي أيطليانو
أتعبتك معاي
بروح أدور موضوع الزعيمه ونشوف وش مكتوب


تحياتي لك
وأتمنى أرجع وأكتب لكم تقريري عن الرحلة

هلا

انا اتفق مع كلام مشرفنا اطليانو

السيارة افضل بكثير ووافر من القطارات.......

اولا السيارة فيها انك تقدرتنزل اي وقت اذا مليت......وعندك اغلبية سيارات ايطاليا بالديزل

اذا اخذت سيارة اقتصادية لازم تكون ديزل.....

اخر سيارة استأجرناها كانت بي ام دبليو وكانت لمدة 21 يوم ب 4600 ريال وكانت ديزل

وكانت رائعة....وقبلها كانت فورد فوكس وايضا..فولكس فاجن كانت كلهم رائعات وايضا كلهم ديزل

ان افضل ان تكون تنقلاتك اللي بايطاليا بالسيارة والمدن اللي خارج ايطاليا ممكن تأخذ القطار

بس نصيحة ترا القطارات متعبة من ناحية الوقت يعني لازم تركب بسرعة وتنزل بسرعة لان القطار يفتح لمدة دقيقة واحدة

بس.....وبعدين مشكلة الشنط مشكله.....لازم تكون معك مافي مكان شحن

اذا كنت بتطلع من ميلان الى كان كلها ثلاث ساعات وانت فيها وتطلع لها بالقطار ومنا الى باريس

وبالتوفيق برحلة سعيدة

هلا بك أختي الزعيمة
والله تقاريرك أنتي والأخوان أفادتني ولا نستغني عن مشورتكم

أنا ادري ان السيارة أفضل من القطار بكثير
أولا بتكون حر نفسك متى تبغى تمشي تمشي ومتى ماتبغى توقف توقف
ثانيا تشوف طبيعة ايطاليا براحتك وبدون قيود
ثالثا الخصوصية وهي أجمل شي في الموضوع

بس مناحيه التكلفة السيارة أغلى من القطار خصوصا لو كنتوا شخصين فقط
لأن الواحد لو يحسب إيجار السيارة على قيمة الديزل وقيمة المواقف تطلع اغلى
وأنا الي مخوفني من السيارة هي المواقف
وين بوقف؟؟؟
وهل الموقف امن؟؟؟
وهل وقفتي بتكون قريبة من الفندق أو بعيده؟؟؟
وهل كل المواقف راح تكلفني 25 يورو في اليوم حسب ماقريت وبحثت؟؟؟
وأنا أدري حطيتي موضوع كافي ووافي
بس هل هالطريقة أقدر أسويها في كل المدن الي بزورها؟؟
ولا بس في ميلان؟؟
واذا موجودة في كل المدن كم بيكون تكلفة اليوم الواحد؟؟؟؟

ادري كثرة عليك الأسأله
أنا اسف
بس والله مالي الا الله ثم أنتم

تحياتي لك

هلا اخوي النظام واحد بكل المدن
بالنسبة للمواقف اللى انت بتوقف فيها
هذى عاد حسب حظك وحسب الفندق اللى بتسكنة
يمكن يكون فية مواقف وتريح راسك ولو مافية ان شاء الله
بتلاقى قريبة منة وتوقف وانت مرتاح والامان موجود
والسعر يتفاوت بس انت حط الاحتمال الاغلى والاعلا
دمت بود

أنا بحط الأحتمال الأغلى والأعلى
بس أنا ما عرفت القيمه
يعني واحد يقول 6 يورو باليوم
وواحد يقول 6 يورو بالساعه
ولا يقولك 50 يورو باليوم
فما أدري من الصح ومين الغلط
مين الي عنده سالفه ومين الي ماعنده
ومشكور أبو طلال تعبتك معاي

عشان ترتاح انا أشوف انك تستاجر بفندق فيةباركنق
والاخوان قصدهم انك لو طلعت تمشى ووقفت سيارتك
بالمواقف اللى بالشوارع عنك لها اكثر من تكت
بعضها بالساعة
وفية باليوم ايضا"
بس أنت الله يهديك تحملهم شوي الموضوع بسيط ياحبيبي

وش فيك عصبت استرخييييييييييييييي نسيت اقولك المواقف بعد الساعه 8 بالليل بلاشششششششششششش الى الساعه6 الصباح وبعدها تحسب عليك اوكيه وليش مافهمت قلنالك المواقف اللي بالشاررررع تختلف حسب الساعه كم ساعه ومن منطقه لاخرى تختلف فيه بيورو وفيه يورو ونص .....طبها اذا موقف بالخط الازرق
الخط الابيض بلاششششششششششششش وصلت ؟؟؟؟وخذها مني انا عايش بيطاليا .....

ياحبيلك يا أبو طلال أنت وأيطليانو
والله ما عصبت ولا شي
بس شايل هم
ولولا الله ثم تقاريركم أنتم وأعضاء هالمنتدى كان ما سفرت اصلا

استفدت كل شي منكم
السكن +والتنقل+والمعالم السياحية

وأنا الي قاهرني أني حجزت طيران لمدة 15 يوم
وأنا طماع أبي اشوف كل شي
لكن أنتم ما قصرتوا
وان شالله أني أول ما ارجع أكتب لكم تقريري عن الرحلة كاملة
ولا راح انساكم في أول الموضوع

واسف على اسلوبي
أدري غبي شوي
ههههههههههههه

تحياتي لكم

هلا اخوي والله مايحتاج الموضوع كل هالخوف
حتلاقي السالفة ابسط من ماتتوقع
انت لاتشيل هم مواقف وان شاء الله
15 يوم بتشوف كل اللى نفسك فية
بالتوفيق حبيبنا

الله يعطيك العافية
والله يسهل الأمور أن شاالله
ومشكورين وما قصرتوا