الموضوع: ايش رايكم في هذا الفندق عاااااجل جدا

اسعدالله صباحكم - مساؤكم بكل خير
انا ناوي اسافر على لندن وحجزت في فندق شخصين انا وزوجتي
اسم الفندق====Quality Maida Vale

ابغى رايكم في الفندق والنصيحه لوجه الله تعالى
هل هو مناسب قريب منه المطاعم والخدمات
وبالنسبه لمطار هيثرو اقدر استخدم هيثرو اكسبرس للوصول للفندق
يعني اعطوني معلومات عنه
واللي يساعدني له دعوه في ظهر الغيب

مواضيع عشوائيه ممكن تكون تعجبك اخترناها لك:

• مدينة مانشستر manchester city
• الفزعة يا خبراء لندن
• استشارة عاجله جدا للمشرفين فقط اتمنى منهم التعاون وعمل اللازم
• استفسار عاجل كيف أحجز لمسريحة لاين كينق بالانتر نت ؟
• هل ممكن ادخال عربانه الاطفال في الاندر قراوند؟
• تذاكر السفر والفنادق
• شقة مفروشة لمدة ثلاثة اشهر في لندن
• مين يساعدني واكون له من الشاكرين
• لأهل الخبرة شراء شقة في لندن
• ايهما تنصحوني ؟
• مترو يوروستار موضوع للأستفسارات حول المترو
• لاحرمناكم عاااجل جدا فزعتكم
• رحلة العمر عندما زار ابو يوسف معشوقته لندن
• جدول سفره
• استفسار عن تاجيل فيزا
• ابرتمنتس سؤال عن الافضليه للذهاب لهالفندق بأيش
• خريطة سياحية لندن مع خريطة الاندرجراوند
• استفسار بخصوص سفري الى بريطانيا قبل انتهاء الفيزا ب ايام
• لندنــ أتعـلمين أي عشقٍ يبعـثـني إليـكـ
• استفسار بخصوص اسعار التذاكر الخطوط السعودية و الفنادق بلندن؟؟

وعليكم السلام ورحمة الله

الفندق نوعا ما بعيد عن وسط لندن وانا ما جربته عشان احكم عليه

لكن فيه خدمات قريبة ، كألسوبر ماركت وغيرها

تقدر توصل لوسط لندن من خلال محطة الاندرقراوند kilburn park وهي تبعد عن الفندق مسافة 5الى 10 دقايق ، وتوصل من خلالها للاكسفورد سيركس والبيكاديلي سيركس

اخوي عبدالله شكرا على الرد وجعل الجنة دارك يارب بس عندي استفسار هل الفندق يقع في زون 1و2 من اجل شراء التذاكر ترفل كارد واللي فهمته منك ان الفندق قريب من هايد بارك والاكسفورد وهاردوز يعني بالمترو قريب وبعدين وش الفرق بين الاندر قراوند والمترو وش اسهل واسف اخوي على كثرة الاسئله وننتظر الناس اللي تعرف الفندق يعطونا رايهم فيه من الموبايل

موقعه يكون ضمن زون 1و 2 ، وبطاقة الاويستر هي الافضل وتقدر تاخذها من اي محطة اندرقراوند وقيمتها حوالي 35 باوند

والأندرقراوند هو نفسه الميترو

الفندق مو قريب من الهايد بارك ، يبعد شوي لكن ممكن توصل بكل بساطة للهايد بارك والاكسفورد ستريت وهو عن طريق المحطة اللي ذكرتها لك وتنزل في محطة أكسفورد سيركس ويكون على اللاين البني

واذا حبيت تروح للهارودز تستخدم المحطة اللي عند الفندق لي محطة بيكادلي سيركس وتبدل اللاين وتأخذ الأزرق باتجاه النايتسبريدج

اللهم في هذه الساعة الفضيله من يومك الكريم ان تحفظ اخي عبدالله بحفظك الكريم
شكر اخوي عبدالله
بس ماخفيك اني متخوف من الفندق واتمنى احد من الاعضاء يعطيني رايه فيه
مع انه في التصنيف اربع نجوم حيرني الفندق صراحه
وانا بجلس في لندن 10 ايام
حسب ماقريت ان الاويستر ماتعطيك تخفيض على الاماكن السياحيه
اما الترفل كارد تعطيك اهم شي تشتري تذكره قطار وتشتري الترفل كارد 2في1
الكلام هذا موجود في المنتدى

السلام عليكم بالنسبة للفندق مااعرف عنه شي بس من موقعه احس انه بعيد لك عن المواقع فيه شقق في منطقة ماربل ارش واعتقد بنفس سعر هذا الفندق ، اسمها great cumberland place جرب اسأل عنها لان موقعها ممتاز بين الاجوردرود والاكسفورد رود من الموبايل

الله يجزاك كل خير أخوي على دعائك

ماعندي خلفية عن الفندق لكن تراه بعيد ومثل ماقلت لك الاندرقراوند يقرب لك البعيد

ولو انك سائل قبل الحجز كان افضل

بس دامك حجزت توكل على الله ولاتحاتي بس اعرف المناطق اللي تبي تروح لها والمحطات اللي عندها عشان تستخدم الاندرقراوند صح

وفي موضوع مثبت بالمنتدى للاخت هداوه فيه الأماكن السياحية والمحطات القريبة ممكن انك تستعين فيه واي استفسار آخر انا حاضر لك