الموضوع: السكن في بورمث و مانشستر احتاج مساعدتكم

السلام عليكم

ارجو المساعدة ضروري حالياً انا في لندن و نفكر اننا نطلع لمدن ثانيه ناس اقترحت مانشستر و ناس بورمث و ناس تقول برمنغهام لازم تختلف الاراء دام الرحله لعائلة


ابي اعرف وش الافضل من هالمدن و اذا هم بالقرب من بعضهم و اللي يقدر يفيدني كمان بالنسبه للسكن وش افضل منطقه آو فندق ـ شقق يكون مناسب

مواضيع عشوائيه ممكن تكون تعجبك اخترناها لك:

• تغير موقع الفيزا
• استفسار رحلة الى لندن و ادنبرة لمدة اسبوع مسافر لوحدي
• سلام ممكن تساعدوني في البحث عن شركات تكاسي
• زيارتي الاولى لمدينة لندن، نصائحكم
• التأمين وكشف الحساب
• استفسار واماكن جديده في لندن
• سوال عن شحن اغراض شخصية الى بريطانيا
• تعبأة أبلكيشن فيزا بريطانيا اونلاين احتاج مساعدتكم
• كنسنغتون بالاس استفسار عنه
• الفيزا وحجز الفندق
• استفسار عاجل كيف أحجز لمسريحة لاين كينق بالانتر نت ؟
• طلب المساعد تكفوون ساعدوني
• افضل كروت للباصات فيها توفير
• مساعده في جدول الرحله
• بخصوص كشوف حساب البنك المطلوب لاصدار التأشيره
• بليزززز برايتون او ليفربول؟
• نظام باصات النقل العام في بريطانيا
• اول سفرية الى لندن ارجوا المساعده للاهمية
• هذا تخطيط لسفرة لندن وقسمتة فقولولي وش رايكم؟
• استفسار عن تذاكر القطار بين لندن وباريس

المشاركة الأصلية كتبت بواسطة القطري
http://www.arabtravelersforum.com/tr...1/#post8010445

وعليكم السلام ورحمة الله وبركاته

هلا وغلا لبنى

اعتقد مانشستر أفضلهم كسياحه لانه تقريبا كل شي متوفر فيها

واي خدمه احنا في الخدمه






هلا بك اخوي و مشكور ع الرد


طيب ابي اعرف افضل منطقة للسكن في مانشستر عشان اعرف وين احجز

افضل الفنادق للسكن الي حوالين البيكاديلي قاردنز مثل ثيستل بورتلاند او ميركيور او بريتانيا ..

كموقع هذولا الافضل

واي خدمه احنا في الخدمه

لبنى ..

انا ساكنة في مانشستر
اقدر اقول لك انها تحتاج يومين
يوم الماركت ستريت والاولد ترافود والترافود سنتر
ويوم تطلعون فيه من مانشستر للالتون تاورز بما انكم عائلة راح تعجبكم كثير ..


واذا عندكم ايام زيادة اطلعوا من مانشستر لمنطقة البحيرات (الريف الانقليزي) وتحديدا وندرمير شوفي تقريري عنها


لندن جميلة جدا ومن احب المدن الى قلبي بس استغرب صراحة من اللي يجي بريطانيا ويرجع ما تحرك من لندن : )

اذا كان على المده الكافيه لمانشستر اعتقد والله اعلم 7 ايام وهي كالتالي :

جدول مانشستر كالتالي :

يوم 1 : حق مانشستر تتمشون فيها في شارع ماركت ستريت Market street وهذا شارع المشاه الي في مانشستر وعلى نفس الشارع فيه محلات يمين ويسار وفيه مجمع ارندال ومجمع السلفرج وبين مجمع ارندال والسلفرج وصله.. وفيه ساحه مشهوره اسمها ساحة البيكاديلي الي اتوقف فيها الترامات ..ونفس اليوم ممكن اتروحون الميديا ستي الي فيها البي بي سي ونظامها نفس اللؤلؤه الي في قطر بمعنى مباني صديقه للبيئه وبينهم نهر حلو وفيه اوت لت صغير ومطاعم وكافيهاات والقعده هناك للامانه تشرح الخاطر ..اذا عندكم وقت روحوا لترافورد سنتر واذا ماعندكم وقت ممكن اتخلونه وقت ثاني بس لازم اتروحون له ..

يوم 2 : حق التون تاور
يوم 3 : ليفربول
يوم 4 : بلاك بول
يوم 5 : سفاري بارك
يوم 6 : اوت لت ديزاينر
يوم 7 : زيارات احد الملاعب + ترافورد سنتر

واي خدمه احنا في الخدمه

احسن مكان للسكن عن تجربة لجميغ ضيوفي
كان شقق مفروشة
اسمها ماكس سيرفيس ابارتمن
3 دقايق مشي الى محطة بيكاديلي استيشن

مشكورين ع الرد الله يسعدكم

الترتيب للرحلة بيكون ( ليلتين مانشستر - ليلتين بلاك بول ـ 3 ليالي كارديف ) عطوني رآيكم


السكن في مانشستر لقيت Prk Inn ـ staycity - فيه فندق ثالث نسيت اسمه


دانيا


مشكورة عزيزتي ع الرد انا العام الماضي جيت للندن هالمره معنا اخوي و عياله اول مره يجون لندن اعطيناهم هالاسبوع مشيناهم فيها و الان قررنا نشوف مناطق ثانيه مثل ما قلتي لندن حلوه بس كمان التغيير حلو لما نتعرف على مناطق ثانية


القطري


مشكور بسجل الجدول اللي قلته حلو ع الاقل اعرف وين اقول لاهلي نطلع آنا قائد الرحلة *ـ*


Dr Haz


شفت موقع للشقق اللي قلت عنها حلو شكلها بس للآسف مافيه حجز كلها فل

بلاك بول قريبه من مانشستر ..

تقدرون اتروحون الصباح واتردون العصر ..