الموضوع: خبراء لندن محتاجة مساعدتكم اول زيارة

السلام عليكم ورحمة الله وبركاتة
اتمنى من كل شخص مساعدتي في زيارتي للندن عندي استفسارات لي الراس ومحتاجة افادتكم
اول شيء موضوع الشقق احنا مدة الاقامة بأذن الله 20 يوم ابي شقة نظيفة قريبة حيل من الهايدبارك بحيث اقدر اروح لها مشيا على الاقدام واذا فيه شقق تكون مطلة عليها احسن بعد وابي سعرها يكون معقول لان المدة 20 يوم يعني بحدود 800 دينار للاسبوع ؟
ابي ناس مجربة شخصيا وب أمانة ارجوكم مابي روابط وحجز ابي ارقام اصحاب الشقق واتصل لاني ماعرف حق المراسلة والحجز بالنت

الموضوع الثاني التنقل في لندن قريت وايد عنه حسيته صعب وراح اضيع بالمحطات ابي احد يشرحلي الطريقة بالخطوات وكل محطة وين تودي وياليت تقولون لي شنو افضل واسهل الاندرقرواند او الباص ؟
وبالاخير حبيت اسأل عن المصرف هناك كل مرة اسمع من الناس ان لندن نار وكل شيء غالي يعني ميزانية الاكل الكافيهات والمطاعم واذا باخذلي سوفينيرات بحدود جم تكون ؟

الله يوفق كل من يرد علي ويفيدني ولكم جزيل الشكر مقدما

مواضيع عشوائيه ممكن تكون تعجبك اخترناها لك:

• مدينة سؤال بليز
• فندق في لندن
• المعونه يا جماعة الخير نبغي شقق في لندن لعائلة يكون امن و بسعر معقول
• القهوة والتمر ابي الحل
• فزعتكم الله يوفقكم
• محتاجه ترتيبكم للرحله
• مساعدة أريد برنامج لمانشستر يوم ولندن يومين يوم
• موعد تخفيضات الصيف في لندن ؟
• استفسار بخصوص بطاقة الصراف والبطاقة مسبقة الدفع البنك الاهلي
• دبلن شهر أبريل
• أسئلة أتمنى لها أجابة بأسرع وقت عن لندن
• هل ممكن استرجاع رسوم الفيزا
• أرجوكم ساعدوني بخصوص منطقة البحيرات وحجز القطار
• تأخرت في سداد التأشيره البريطانيه
• استفسار وطلب لو تكرمتوا اخواني واخواتي الأعزاء
• مساعدة عاجلة يا اهل الخير
• احتاج رائي الجميع بليز الكل يدخل ويشارك
• شقق
• المبالغ المالية المسموح بحملهاكاش في مطارات بريطانيا وخاصه هيثرو
• اكسبو فيني اجر وساعدوني ابي نصايحكم يا اهل لندن

اختي الفاضله للامانه عن تجربتي في لندن لا تثقين باصحاب المكاتب العقاريه للشقق بعض الشقق خايسه الافضل اخذو فندق اول يومين وبعدين تشفون الشقق بعيونكم

وعلى فكره الشقق بعد العيد الاسعار نار جدا. انا حجزت فندق بقعد 24 يوم

اما بخصوص المحطات في تقرير ام عيسى تبارك الرحمن مواضيعها كله ممتازه جداً ولها بصمه ومفيده

السعر الحين نازل جدا الباوند

اختي توني من يومين راجع من لندن ,,سكنت بشقه جدا جدا ممتازه والموقع خرافي
بجوار محطة الكوينز واي,,بينك وبين حديقة الكنجقستون والهايد بارك شارع اطفالي كانوا يروحوا لها مشي لوحدهم
ما اعرف عددكم بس شقتنا 4 غرف و3حمامات وايجارها كان 3200 باوند بالاسبوع
ولا اعرف سياسة المنتدى في وضع ارقام الهاتف
والتنقل يعتمد على عددكم ووجود اطفال ,,ولكن افضل الباصات

اخ عادي11 حاولت ارسلك على الخاص لكن مشاركاتي قليله لاتسمحياليت اذا تقدر تفيدني الشقه اللي تتكلم عنها كم تبعد عن الهارودز وياليت اي طريقة تواصل معاهم سواء ايميل او رقم تعطيه حق واحد من الاداره ويرسله حقنا
شاكره

والله حتى انا مايحق لي ارسال خاص
عموما انتي طلبتي بجنب الهايد بارك,,اما الهارودز,مش بعيد جدا بس لازم باص او مترو
علما اني مرة كنت اتمشى بحديقة الكنجكستون والهايد بارك مشيا ,المهم دخلت مع بوابة وخرجت مع بوابة ثانية
واذا بي خارج من جهة الهارودز ,كيف ما ادري
انا ابحط رقم مسؤول الشقة واسمه فؤاد قولوا مرسولين من ابو هاشم اللي كان ساكن قبل اسبوع
******** يمنع وضع الارقام الهاتفية
ما اعرف اذا كان ممنوع وضع الارقام,فإذا كان ممنوع ارجوا ان ينقله احد ويرسله لك خاص

الله يجزاك الجنه قل آمين

برائي
يوجد فنادق من 4 الى 5 نجوم بسعر ممتاز افضل من الشقق الي يتم تاجيرها من قبل الجالية العراقية
و اذا راح تحسبونها راح يطلع الفندق زيادة من 200 الى 500 باوند
لكن اضيف عليها خدمات الفندق النظيفة