مرااااااااااااااااحب
السفرة بعد يومين ولا سويت ولا شي
زوجي يقول انتي عليك كل البرنامج من طق طق الى السلام عليكم
احولت عيني من النت
ابي فزعتكم
كنا ناوين نروح باريس باليورو ستار لانا حنا ساكننين ببرطانيا زوجي عنده بعثة من عمله
بس قريت ان صدر قرار ان لازم الواحد يروح لدوله الي الصدر منها فيزته عاد انا خفت يرجعونا او يكنسلون علينا الفيزه اسبوعين وانا اظبط برنامج باريس
فحولت على طول ايطاليا لان فيزتنا من السفارة الايطاليةوباريس جنبنا نقدر ننزلها بالويك اند
فسويت برنامج الله بالخيرمن حيث
1- اختيياري لخطوط الطيران
2- طريقة توزيعي للمدن
3- برنامجي اليومي
4- ابي فنادق او شقه اهم شي الموقع والنظافه
اولا_ خطوط الطيران
بحكم اننا ساكنين بكاردف قررنا ننطلق من مطار بروستل اقرب لنا من مطار لندن وحصلت حجز في خطوطين
الاول ايزي جت ب 634باوند يعني 3804 ريال لاربع اشخاص اناوزجي وولدين صغار
كان اقلاعها من بريستول الى روما ثم روما بريستول مشكلتها بس روما مافيها ميلان او فننيسيا
الخطوط الثانيه من رايان ايرب 366 باوند 2196ريال ل4 اشخاص من بروستل الى ميلان ثم ميلان الى بروستل فيها مشكلتين بس ميلان تقلع مافيها روما والعودتها مافيها اثنين فيها الثلاثاء وزوجي يبدا دراسته الثلاثاء لازم نرجع الاثنين
عاد انا قلت بجمع الخطوطين الذهاب يكون من بريستول الى ميلان بالخطوط رايان اير والعوده من روما بريستول بالخطوط ايزي جت
سين سؤال
س1 فيه احد جرب احد هالخطوط ايش عيوبها اول مره نجربها
س2العفش كيف طريقه بالوزن او بالعدد يسحبونها
ثانيا- طريقة توزيعي للمدن
3 ايام ميلان من الثلاثا الى الجمعه
1 فلورنسيا من الجمعه الى السبت
2 روما من السبت الى الاثنين عوده الى بريطانيا
شرايكم بتوزيع الايام كل واحده ماخذه حقها
ثالثا- برنامجي اليومي
يوم الثلاثا مافيه شي لان طايرتنا بتوصل 11 بليل
الاربعاء نروح اوت لت صباحا ومساء نتمشى في الدومو
الخميس نروح لفننسيا من الصباح الى المساء بس السوال
كيف اروح لها اذا من محطة قطار
هل لازم احجز من الحين
وذا احد يعرف موقع قطارهم ياليت يقولي ودي اشوف جدولهم
او استاجر سياره افضل حنا معنا التوتوم اوروبي بس هل فيه مشكله بالمواقف
الجمعه بالقطار الى برج بيزا بس
هل اسكن بفلورنسيا يوم ولا نشوف البرج وندز لروما النا الزم ما علي شوفة البرج بس مشكلة العفش وين نوديه اذا قررنا ندز لرو ما على طول
السبت الى الاثنين روما تمشيه في معالمها
رابعا- فندق او شقه
ابي فنادق نظيفة او شقه استديو اسعارهم بين 100و150 يورو اهم شي موقعها قريبه من السنتر في ميلان وفلورنسيا وروما
وبيض الله وجه من يساعدني
ماله الا دعوة مني في هالعشر
بس فيه شي يضحك
جوازاتنا لسى بالسعوديه ان شاء الله بتطلع اليوم من السفارة وتاصلنا بعد بكره
تخيلوا ما تجينا بعد هاحوسه
مواضيع عشوائيه ممكن تكون تعجبك اخترناها لك:
- استرجاع الضريبة او التاكس فريمن ميلانو ؟؟
- مطلوب يأخوان خريطة المترو ميلانو الله يوفقكم
- افضل سكن في ايطاليا في روما وميلان والبندقية وكاربي
- شنو بعد الوصول الي ميلان
- ابي فزعتكم تكفون
- كم تبعد المسافه بالقطار بين ميلان ونيس
- اقرب مدينه من ميلانو الى فرنسا
- شقق فندقية قريبة من الدومو في ميلانو
- بنت الصقور و رحله إلى كومو
- كم تبعد سرميونا عن فلورنس
- مساعدة في ميلان فينيسيا
- الف مليـــ مبروك ـــــــون لخبراء ايطاليا التميز
- من زلامسي الى فينيسيا
- استفسار مهم جدا
- استفسار بخصوص طريق زيلامسي ال فنيسيا بالسيارة
- أخواني ما هو المكان الجيد للإقامة فيه وقريب من كل شي
- إستفسار عن روتشيي
- اريد برنامج سفر لايطاليا
- اول موضوع بليز تعالوا
- خبرا ايطاليا النجججده
رد مع اقتباس
المفضلات