الموضوع: انا مسافر انا وعروستي بعد يوم وفزعولي

[olist][*]السلام ياشباب انا مسافر لماليزيا انا والمدام بعد 12يوم هل يوجد في مطار كوالاللمبور مكتب بوكينق عشان احجز عنده الفنادق ورحلات الداخليه ومشكلتي ماعندي خلفيه على الحجز عن طريق النت افزعووووووووووووووووولي[/olist]

مواضيع عشوائيه ممكن تكون تعجبك اخترناها لك:

• ما رأيكم بهذا الفندق
• اصبحت مترددا بعدما كنت متفائلا
• ابي فزعتكم يا اخوان في برنامج لشهر العسل تكفون
• باقي كم يوم ونرجع للسعوديه سؤالي بخصوص الوزن على الخطوط السعوديه
• ضروري وعاااجل جدا
• سلانجور
• انتظرت أزماان في ظل الوعد
• ابي فزعتكم مابي اطيح باغلاطي الاولى في زيارة ماليزيا
• طريقة الحجز في آسيا اير عن طريق النت
• مساعدة مع فندق ماريوت لنكاوي رفض يرجع المبلغ
• ياغالين ابي استشيركم
• فنادق كوالالمبور الرد السريع
• استفسار بخصوص مرتفعات كاميرون من بيننغ
• خبراء ماليزيا مشورتكم لرحلة سعيده
• طلب جدول تفصيلي لرحلتي القادمة بين ماليزيا وأندونيسيا
• طيران ارسلو لي هذا الايميل
• سلانجور مطار
• حجزت على رحلة من كوالالمبور إلى لنكاوي
• استفسار بعد السلام عليكم
• ياناس انا حجزت وابي اتاكد من حجزي عاى طيران اسيا

[olist][*]على العموم شكرا على من رد علي ونا اول مره في حياتي اشترك في منتدى ولاتواخذوني على كثر الاسئله المتكرره لاني ماعندي خبره في النت يعني بدوي بكرتونه ومشكووووووووورين[/olist]

الله يعينك يا ابو سعود..بس وانا اخوك تعلم زي ما تعلمت تسجل بالمنتدى..وكلنا كنا كذه..
عموماً يا الغلا..انت ما تعرف للحجوزات من النت شوف حد حولك يساعدك في الموضوع..
بالنسبة لبوكينغ عندهم رقم تلفون بالسعودية ويردون عليك بالعربي وانا تعاملت معهم في تعديل حجوزات واستفسارات لكن مدري هم ممكن يعملوا الحجوزات بالتلفون ولا لا..هذا رقمهم:
8008110146

[olist][*][olist][*]تسهل انشالله ماتضيق الا تنفرج بروح لماليزيا وعلى الله ولياوصلت حجزت كل شي هناك لو ياخذو دبل علي[/olist][/olist]

اخوي ابو سعود مادام وضعك كذا
صعبه جدا جدا انك تروح انت وزوجتك وتجلس هناك تتمرمط بين الفنادق وين اللي فيه حجز ووين اللي مافيه ياخوي والله صعبه
وهنا بالقسم اخوانا شقرديه ونشاما مايقصرون بيشرحون لك شرح كامل خطوه بخطوه
واذا ماكنت حاب كذا وعلى حسب كلامك ماعندك مشكله تدفع
فنصيحتي لك
تروح لأقرب لمكتب الطيار للسفر والسياحه وفروعه بجميع مناطق المملكه وتقول ابي اروح ماليزيا 14 يوم وابيك تسوي لك باكيج
والمكتب راح يسوي لك كل شي كل شي صغير وكبير من تطلع من مطار السعوديه لحد ماترجع وجميع حجوزاتك مرتبه ومضبطه
باقي تمشياتك والاماكن اللي تزورها راح يحطونها لك هنا الاخوان
----
ميزة انك تحجز لنفسك راح توفر عليك من المكتب ولكن اللي مثل وضعك انصحك بالمكتب

وسلامتك

السلام عليكم

نصيحه يابو سعود دامك تبي تدفع دبل ماعندك مشكله

و لا تعرف تحجز عن طريق النت فمايحتاج تروح هناك و تدفع دبل

ممكن هنا تروح لاي مكتب سياحي معروف و مشهور و يرتبون لك كل شي

مالك الا تاخذ التذاكر و الفاوتشرات و تروح للفنادق و تسلمهم اياها

و ان عندك وقت وودك تتعلم فتراها خطوات بسيطه جدا الجميع بيساعدك

وبيكون معك في كل خطوه او اذا تعرف لك زميل عنده فيزا و يعرف للحجز عن

طريق النت يحجز لك و ادفع له كاش

لان بوكنق ماله شغل في حجز الطيران الداخلي و لا تحصله في المطار لانه موقع نت

و اذا مره ناوي من المطار ففيه مكاتب ممكن تكون ارخص من مكاتبنا شوي بس

والله يستغلون عدم معرفتك و لكن مثل ماقلت مصمم من هناك فخذ التوزيع و اسماء الفنادق

من هنا و بس تروح للمكتب هناك و قله ابي الفندق الفلاني و تروح لمكتب الماليزيه في المطار

او مكتب اير اسيا و تحجز الطيران الداخلي و مكاتبهم غير مكاتب اللي يحجزون الفنادق

و ان طعت شوري بدل الشحططه و البهذله لو ماتعرف للنت شوف لك مكتب هنا وريح راسك