الموضوع: لكل من قدم على الفيزا البريطانية السياحية

بداية أود أن أشكر القائمين على المنتدى ومدى استفادتنا من شروحات الأعضاء لذا أود أن أشارك بموضوع عام يقلق الكثيرين وهو كم تأخذ الفيزا البريطانية من وقت حتى تطلع

فأتمنى من الجميع ذكر تاريخ التقديم ومتى أخذها أو وضع حالة الطلب لكي يتسنى للجميع معرفة الوقت اللازم لإصدار الفيزا في أوقات الازدحام

طبعا سأبدأ من نفسي

تاريخ التقديم 8/6/2013 يوم السبت

النوع: سياحية

الوضع لا زال: under assesment at visa section

أرجو من الجميع التفاعل وشكرا

مواضيع عشوائيه ممكن تكون تعجبك اخترناها لك:

• استفسار عن شقق
• عضوه جديده انضمت اليكم وتحتاجمساعدتكم
• استفسار بخصوص عروض الاماكن السياحية
• الي درسو لغة ببريطانيا او عندهم خبرة ساعدوني ضروري
• مانشستر في ايام
• استفسار عن السفر لإيرلندا بعد شهر تقريبا
• وين محلات لنج شامب
• طلب مشوره بخصوص السكن
• استفسار عن السفر الي برشلونة عن طريق لندن
• السفر لـ بريطانيا في الشتاء
• مدن تنصح بزيارتها غير لندن
• خبراء لندن استرجاع التاكس على الفيزا ولم يصل الى الان
• لنــدن وبــاريـــس رأيـــك ؟
• اول سفره لى لبريطانيا ساعدونى ؟؟؟؟
• ساعدوني اعرف درجه الحراره جزاكم الله خير
• بكج تذاكر مدام تيسو و لندن اي
• استفسار عن شكل افياش الكهربا
• بلييييييييييييييز مساعدتكم يالنشامى ؟
• استخراج فيزا زيارة الى بريطانيا
• استفسار عن فنادق ومواقعها في لندن

وضع تقديم التاشيره يختلف من بلد الى بلد اخر
ااكتب مكان التقديم من فضلك

وعلليكم السﻻم

نفس ما قال اخونا هاز تختلف من بلد ﻻخر وتختلف حسب زحمة السفر

انا قدمتها مرة بالصيف ومرة بالشتا وبالمرتين اخذت فترة اسبوع جهزت ، من البحرين طبعا من الموبايل

السلام عليكم
انا من السعوديه متأكدين لازم حضور لكل صاحب جواز للسفارة البريطانيه
حتى لو كان في شخص واحد مسؤل عننا؟؟؟؟؟؟

غريبه ولامرة رحت للسفارة ؟؟؟؟؟

التاشيرة تاخذه لها اسبوع وان شاء الله تطلعام محمد لابد من حضور جميع المسافرين لعمل البصمة
ابومعن

مرحباً

انا قدمة 4 جوازات
تاريخ 1-6 لنا الحين16 يوم
السعودية مكتب الخبر
السفر كان 14 جون وراحت علي من الموبايل

المشاركة الأصلية كتبت بواسطة miss.london
http://www.arabtravelersforum.com/tr...5/#post7854535

مرحباً

انا قدمة 4 جوازات
تاريخ 1-6 لنا الحين16 يوم
السعودية مكتب الخبر
السفر كان 14 جون وراحت علي من الموبايل



كان يفترض تقدمون من وقت ، لأن بالصيف تصير زحمة

قدمت من مدينه الخبر

تاريخ 26-5 .. وللحين تحت الاجراءات وسفرتي في اوقست

المشاركة الأصلية كتبت بواسطة ROSE232323
http://www.arabtravelersforum.com/tr...9/#post7854829

قدمت من مدينه الخبر

تاريخ 26-5 .. وللحين تحت الاجراءات وسفرتي في اوقست



.المدة كافية بأذن الله وهو أفضل لكم التقديم من وقت ، عشان لو واجهتوا أي مشكلة وانرفضت لا سمح الله ، يكون عندكم وقت تقدمون من جديد

غريب امر الرفض لديكم ؟؟ الي اعرفة دول الخليج تقدم و تاخذها بدون رفض

تاريخ التقديم 22/5/2013 يوم الاربعاء
قدمت من مكتب مدينة الخبر

النوع: سياحية

الوضع لا زال: under assesment at visa section

التقديم كان من الرياض

المشاركة الأصلية كتبت بواسطة محمد 56
http://www.arabtravelersforum.com/tr...3/#post7856823

الوضع ماله دخل فالصيف ولا الزحمة الوضع انهم يبونك تدفع وخصوصا الي فالسعودية
تبي موعد من النت ؟ يحطه لك بعد عشرين يوم عشان تدفع حق vip 280 ريال
والي راح مكتب التأشيرات يشوف ان مكان تقديم الطلبات الي بموعد فاضي ماعندهم احد والزحمة في vip
واذا دخلت في vip قالولك تطلع الفيزا بعد 21 يوم الى شهر اذا تبي بسرعة ادفع 581 ريال
هذا غير الي انت دفعته حق الفيزا 495 6 شهور




بالضبط نفس كلام الأخ
المسألة ربحية 100%
مو أول صيف يمر عليهم ولا أول زحمة
طول عمرنا نستلمها ب 4 أيام و أقصاها أسبوع
لكن يبون يجبرون الناس الي مضايقها الوقت يدفعون لهم ال 500
على كل حال حنا قدمنا بمكتب الخبر اليوم
و سألتني الموظفة إذا مستعجلين عليها ولا لأ ، سألتها كم أقصاكم في التأخير ؟
قالت شهر .. قلت أجل مو مستعجلين
لأن سفرنا بأوقست ..


و الآن ما يطلبون تذاكر سفر زي قبل ولا ورقة سكن
تقدر تحط سكن افتراضي في الابلكيشن و التذاكر تكتب الوقت المتوقع لسفرك احتياطاً
ف ما يحتاج تأجلون الفيزا بحجة أنكم ما بعد حجزتوا تذاكر و سكن .


بالتوفيق للجميع

في الأوقات العادية كانت تأخذ 4 أيام وبعض الأحيان اقل
قدمت في شهر مايو 2013
وجلست 14 يوم
في مكتب الرياض

السلام عليكم ...

أود أن أسأل ن حالة التأشيرة وما الفرق بين الجملتين التاليتين:
1- your visa nder process
2- your visa under assesment at visa section




هل هناك من أهل الخبرة إفادتنا ... جزيتم خيرا
أنا مقدم 8-6 سياحية - مركز الرياض ... وإ"لى الآن أنتظر

اذا كانت اول مرتاخد الفيزا مده 14 يوم .. لكن في المرة التانيه اخدت بالظبط يومين

قدمت من مكتب الرياض وضع عادي تاريخ 8 جولاي والى الان ما طلعت سفرتي بعد 12 يوم!!!

المشاركة الأصلية كتبت بواسطة ملك الحرية
http://www.arabtravelersforum.com/tr...9/#post7947289

قدمت من مكتب الرياض وضع عادي تاريخ 8 جولاي والى الان ما طلعت سفرتي بعد 12 يوم!!!



ان شاء الله تطلع لك قريب


نادرا جدا يتم رفض السفاره للفيزا السياحية لمواطني مجلس التعاون الخليجي وفي حالات خاصه فقط انا بصراحه على كثر اللي اعرفهم ماقد احد انرفضت فيزته تتأخر قليل اي نعم لكن رفض ماصادفت ابدا
تفائل بالخير ان شاء الله واصبر شوي ولو تراجعهم وتسألهم يمكن يفيدونك لاتعتمد على الرساله من الجوال او حالة الفيزا اون لاين لانها غير دقيقه يمكن تراجعهم تلقاها جاهزة وهي حالتها تحت الدراسة مازالت يعني مو شرط تعتمد على رسالتهم انت بنفسك ارسلهم ايميل او روح لهم مباشرة


والله يوفقكم

ياجماعه الخير ابي مكتب يسوي الفيزا في الرياض او بريده دورت كثير ودقيت على مكاتب سياحه وكلهم يقولوا مانسوي فيز ايش الحل من الموبايل

شباب من فيكم يعرف احد يسوي فيزا شينغن و فيزا حق بريطانيا يخدمنا في هالمسألة الله يوفقكم

المشاركة الأصلية كتبت بواسطة DoDochanel
http://www.arabtravelersforum.com/tr...5/#post8007095

شباب من فيكم يعرف احد يسوي فيزا شينغن و فيزا حق بريطانيا يخدمنا في هالمسألة الله يوفقكم



اذا في الخبر قدام مكتب التأشيرة بعمارة الخليج يوجد مكتب لتخليص الفيز

تم التقديم اليوم مكتب جده 21-8-2013
سياحه
عادي
الاشتراك في الرسائل
واليوم ارسلوا ارساله انها تحت الدراسه

المشاركة الأصلية كتبت بواسطة المسافر الخبيررررر
http://www.arabtravelersforum.com/tr...3/#post8023753

تم التقديم اليوم مكتب جده 21-8-2013
سياحه
عادي
الاشتراك في الرسائل
واليوم ارسلوا ارساله انها تحت الدراسه





انا قدمت يوم 29 / 8


وماجاتني اي رساله ؟؟

المشاركة الأصلية كتبت بواسطة محمد 56
http://www.arabtravelersforum.com/tr...3/#post7856823

الوضع ماله دخل فالصيف ولا الزحمة الوضع انهم يبونك تدفع وخصوصا الي فالسعودية
تبي موعد من النت ؟ يحطه لك بعد عشرين يوم عشان تدفع حق vip 280 ريال
والي راح مكتب التأشيرات يشوف ان مكان تقديم الطلبات الي بموعد فاضي ماعندهم احد والزحمة في vip
واذا دخلت في vip قالولك تطلع الفيزا بعد 21 يوم الى شهر اذا تبي بسرعة ادفع 581 ريال
هذا غير الي انت دفعته حق الفيزا 495 6 شهور





فعلا نفس الي صار معي بالضبط
تحس الموضوع طمع ومبالغ فيه
متى طلعت فيزتك ؟؟
بس انا خايفه قدمت يوم 29 اغسطس ورحلتي 3 اكتوبر
وباقي الفيزا الشنغن ماسويتها
مررره شايله هم

بالتوفيق اخوي

مرحبا يااخوان الموضوع قديم لكن ماحبيت افتح موضوع جديد بالنسبه لي موعدي غدا 6/1/2014 بالسفاره بالخبر وسفرتي بتكون تاريخ 23/1/2014 طبعا لظروف تاخرت عموما تتوقعون تطلع الفيزا قبل السفره ولا لازم ادفع لهم حق الvip مو مشكله اذا يضمنونها بدفع وبالنسبه للي راح مكتب الخبر هالايام في زحمه ولا أخف من الصيف

وشاكر لكم يااخوان

المكتب الي بعمارة الخليج بالخبر قالوا استخراج الفيزا لشخص بالف والشنقن بالفين ؟؟؟؟؟؟؟؟؟؟؟؟؟ والاطفال حتى لو صغير بالف نفس اللسعر هل السعر هذا صحيح ولا نصب

انتظر ردكم