الموضوع: خبراء لندن مساعدتكم بخصوص بعض التفاصيل

السلام عليكم

عندي بعض الأستفسارت المهمة بالنسبة للندن

ما شاء الله مواضيعكم وتقاريركم حلوه ومفيده

لكن ما زالت لدي بعض الأستفسارات التي أحتاج أفادتكم فيها

1. سوق شارع بورتوبيللو (يوم سبت) :
أيش ممكن أحط معاها أماكن ازورها بنفس اليوم بحيث تكون قريبة منها؟

2. ايش هي الليستر سكوير وماهي الأنشطة المرتبطة بها وكيف أوصل لها؟

3. هل برنامج اليوم التالي مناسب (يوم أحد) : حديقة الريجنت - كوفنت غاردن - ليستر سكوير
وإذا كان مناسب فما هو الترتيب الأفضل في زيارتها ؟
وهل تكفي ليوم أو أضيف لها المزيد؟

4. بالنسبة للتنقل
عدد الأيام اللي راح نحتاج فيها اندرقراوند أو باصات بتكون اربع ايام
(السكن في الكمبرلاند يعني موقع قريب من أماكن كثير مشياً)
هل نستخدم تذاكر لكل رحله أو بطاقة اوستر؟

5. كيف الجو في لندن حالياً (هذا الشهر) ؟
خصوصاً بالنسبة للأطفال لأنهم حساسين أكثر

شكراً لكم مقدما
وبارك الله فيكم جميعاً

مواضيع عشوائيه ممكن تكون تعجبك اخترناها لك:

• تكفون ياخبراء لندن استفسار عن اوتيل وموقعه ؟؟
• الماسح الضوئي
• موقع تأجير سيارات في بريطانيا
• لو سمحتو انا رايحة امريكا وعندي ستوب ساعة في لندن
• ممكن استفسارات عن جنوب غرب بريطانيا
• الجو في يناير
• استفسار
• خدمات ترجمة لندن
• رايكم يهمني ضروري
• استفسارات
• مدةكشف حساب اللسفاره البريطانيه؟؟؟
• استفسار عن الخطوط البريطانيه
• ارجو المساعده
• استفسار عن مكاتب السياحيه
• الوصول إلى الفندق ،
• تنزيلات لندن
• حجوزات السكن للرحلة المرتقبة دعوة لخبراء مانشستر للاستفادة من اقتراحاتهم
• كوفنت قاردن
• بزور لندن في نهر التايمز و الهاردز البيكاديلي و الريجنت بارك و شارع الاكسفورد
• الاجواء في لندن وفندق ومحطه قطار باريس

وعليكم السلام ورحمة الله وبركاته

1- أقرب شي لشارع بورتبيللو هي الهايد بارك والكوينز واي اللي يتواجد فيه مجمع وايتلزي


2- الليستر سكوير هي منطقة فيها سينما وكافيهات ومطاعم ، وفيها مجمع ام اند امز ، وفي لها محطة عالخط الأزرق ، خط البيكادلي


3- كوفنت قاردن+ لستر سكوير قراب من بعضهم ، ووممكن تزورون اقرب مكان لهم هو حديقة جيمس ، والبق بن واللندن آي وتبديل حرس الملكة ، اما الريجنت تبعد شوي عنهم ، وانصح بزيارة مدام توسو مع حديقة الريجنت بارك


4- تاخذون بطاقة اسبوعية أفضل للمواصلات ، وبامكانكم تسترجعون المبلغ المتبقي ، لآن البطاقة اليومية ممكن تطلع عليكم بكلفة اكبر


وأخيرا الجو هذا الشهر جدا ممتاز ، واي استفسار آخر حاضرين

ماقصر عبدالله

ما شاء الله عليك أخوي عبدالله86 ما قصرت
بس ما زالت عندي بعض الأستفسارات
معلش أستحملوني
زوجي معتمد علي في كل شي للتخطيط للرحلة
ولازم أكون فاهمة كل شي
بفضل مساعدتكم طبعاً






المشاركة الأصلية كتبت بواسطة عبدالله86
http://www.arabtravelersforum.com/tr...5/#post7851377

وعليكم السلام ورحمة الله وبركاته

1- أقرب شي لشارع بورتبيللو هي الهايد بارك والكوينز واي اللي يتواجد فيه مجمع وايتلزي


2- الليستر سكوير هي منطقة فيها سينما وكافيهات ومطاعم ، وفيها مجمع ام اند امز ، وفي لها محطة عالخط الأزرق ، خط البيكادلي

يعني ينراح لها مشي من عند الماربل ارتش؟
أيش اسم اقرب محطة لها؟



3- كوفنت قاردن+ لستر سكوير قراب من بعضهم ، ووممكن تزورون اقرب مكان لهم هو حديقة جيمس ، والبق بن واللندن آي وتبديل حرس الملكة ، اما الريجنت تبعد شوي عنهم ، وانصح بزيارة مدام توسو مع حديقة الريجنت بارك


حنا رايحين لندن قبل كذا أكثر من مره
فما راح نروح كل الأماكن السياحية
ومتحف الشمع مش من ضمن برنامجنا هالمرة
بس ما أعرف حديقة جيمس؟ راح ابحث عنها

وحديقة الريجنت ما رحتها قبل
أيش ممكن أحط معاها ؟
هل ممكن يكون البرنامج حديقة الريجنت و جوله في شارع الريجنت وغدا هناك فقط؟


4- تاخذون بطاقة اسبوعية أفضل للمواصلات ، وبامكانكم تسترجعون المبلغ المتبقي ، لآن البطاقة اليومية ممكن تطلع عليكم بكلفة اكبر



طيب الأسبوعية يعني تنتهي بعد 7 أيام من نشتريها؟
ومن وين نشتريها؟
وكيف يحسب المبلغ المتبقي؟ وكيف نسترجعه

وأخيرا الجو هذا الشهر جدا ممتاز ، واي استفسار آخر حاضرين

المشاركة الأصلية كتبت بواسطة موادع1
http://www.arabtravelersforum.com/tr...5/#post7852859

ماقصر عبدالله



الله يبارك في الجميع

شكراً لكم

1- صعبة شوي تروحون للستر سكوير من الماربل ارش مشي ، الا اذا كنتوا تحبون المشي ، راح تمشون من الأكسفورد ستريت ، مرورا بالريجنت ستريت ، مرورا بالبيكادلي سيركس ، وتكون اللستر سكوير على بعد دقائق من البكادلي سركس
واذا حبيتوا تروحون لها بالاندرقراوند ، تستخدمون محطة الماربل ارش ، وتنزلون في محطة اكسفورد سيركس ، وتغيرون للخط البني لي محطة بيكادلي سيركس ، وتستخدمون الخط الأزرق باتجاه اللستر سكوير ، والمحطة اطلعكم على اللستر سكوير على طول




2- حديقة سانت جيمس ، تصير قرب ميدان قصر الملكة اللي يصير فيه تبديل الحرس ، ممكن بعد ما تشوفون تبديل الحرس تروحون للحديقة ، وبخصوص حديقة الريجنت بارك ، ممكن نفس ما تفضلتي تاخذون جولة في الريجنت ستريت ، وبعدها تطلعون للحديقة بالاندرقراوند ، لأنها مو قريبه من الريجنت ستريت ، يبي لها مشي شوي ، يمكن مدة 10 دقائق




3- بخصوص بطاقة الاويستر ، تقدرون تشترونها من أي محطة اندرقراوند ، وأسألوهم عن السعر اليومي والأسبوعي وهل في امكانية استرجاع وقارنوا بين السعر اليومي والاسبوعي واختاروا الأفضل ، والاسترجاع بعد يكون بأي محطة للأندرقراوند


وأي استفسار آخر حاضرين

من الممكن اضافة حديقة حيوان لندن(london zoo)
مع حديقة الريجنت فهي قريبة جدا منها

تحياتي من الموبايل

الف شكر لكم
وجزاكم الله كل خير

حنا رحنا وردينا ولله الحمد
وكل امورنا كانت طيبة
بفضل الله ثم بفضل مساعدتكم

شكراً لكم

الحمدلله عالسلامه
وانا مستعدة ومشمرة ذراعي برد عليك واثاريك رحتي ورديتي ههههههه