هلا والله أختي
من ميلان لروما من غير الطياره إما : القطار (4 ساعات تقريباً ) أو اقل بشوي بالسيارة , و إذا كان معكم سيارة فالطريق له طعم آخر
وطبعاً إذا أخترتوا القطار أحرصوا تحجزون على القطار السريع
بالنسبة لموقع فندق جراند بلازا حلو للي يحبون التسوق لأنة قريب جداً من الساحة الإسبانية وهي ساحة سياحية وفيها معظم الماركات العالمية , و قريب أيضاً من نافورة تيرفي , و فيه أيضاً نقطة يمر فيها الباص السياحي OPEN 110 الي يمر على معظم معالم روما .
وطبعاً روما من أكثر المدن معالم تاريخية ولابد لزائر روما أن يزور هذي المعالم , وبما إنك تجلسين في روما 4 ايام فأنا أشوف إنها إن شاء الله كافية لزيارة هذي المعالم, و أهما كانت في موضوع خاص كتبه أخوي الهلالي و أنا أشوف إن موضوع حلو يستحق القراءة على هذا الرابط :
بالنسبة للذهاب إلى المطار من الفندق فأنتي مخيرة بين القطار أو التاكسي , ولكن القطار رايح يتعبكم نوعاً ما لأن محطة القطارات في روما تيرمني بعيدة عن الفندق, لو كانت المحطة قريبة قلت لك خيار القطار أفضل و يوفر عليك بس للأسف لا, علشان كذا خيار القطار محتاجة تاكسي يوصلك للمحطة ويمكن رايح ياخذ منك من 30 إلى 50 يورو وبعدين نزل عفش وشيل عفش ويالله دور القطار في محطة من أكبر محطات القطارات في أوروبا ونزل وشيل العفش إلى المطار ويالله قصه طويله مع العفش .
فلو كنت في مكانك أخذ تاكسي من الفندق إلى المطار مباشرة ويكلفك في حدود 100 يورو وتكسبين وقت وجهد و راحة بال , وفي إيطاليا كاسريهم في الأسعار وطبعاً في حدود المعقول وهم شعب طيب ويتقبلون وما يردونك
و على فكرة : شيل عفش ونزل عفش إن شاء الله تجربية إن أخترتي الذهاب من ميلان إلى روما بالقطار , وعلشان ما تتعبين من هذي النقطة أنصحك يكون عفشكم بسيط وفي شنط متوسطة الحجم ليسهل حملها
أتمنى إني أفدتك و أي خدمة أنا حاضر
وتقبلي خالص تحياتي
رد مع اقتباس
المفضلات