السلام علكيم ورحمة الله وبركاته
وتحياتي للجميع؛؛؛
اولاً : اشكر جميع الاخوان بدون استثناء على مساعدتهم لي في رحلتي الى سيرلانكا شهر العسل لمدة 16 يوم وفرت الكثير عن طريق موقعكم المميز والحمدلله احس انها نجحت 100% بدون مشاكل او عوائق تذكر صحيح صورت حدود 600 صوره واكثر 100 مقطع فديو بس ماعندي وقت انزل واشاركم فيها ماعندي وقت الصراحه مابين عملي وبين عملي الخاص والنادي ومسؤليات البيت ومتابعة الاسهماحمر اليوم الظاهر المشاركه تنفيس
المهم يا اخون انا ناوي اسافر الى لندن مع صديقي صاحب الخبره وتجربة سابقة الى لندن
طبعاً عبيت الابلكيشن بالانترنت وجهزت جميع الاوراق والمتطلبات بس اخطأت في البيانات المرة الاولى والغيته ثم اخطأت بالبيانات والغيته للمره الثانيه وغير كذا راهاق الانترنت متعب للنظر والوقت المتوفر قليل والمره الثالثة بعد ماعبيت كل شي وبغيت اسدد الفيزا بالانترنت عن طريق بطاقة الماستر كارد تبين انها لا تعمل او فيها مشكله وكلمت البنك واستفسرت عن المشكله ولا فايده والوقت عندي ثمين ويمشي وصديقي مستعجل يبي يطمن
توكلت على الله وتوجهت لاحد المكاتب بالخبر برج الخليج بالكورنيش وعمل لي الطلب بالانترنت وجهز كل شي ودفعت له مبلغ 630 شامل قيمة الفيزا واتعابه ودورت موعد التقديم لكن للاسف شهر ابريل زحمة جداً وفل واقترح علي VIP قلت عليها ياشيخ وفعلاً بنفس اليوم طلعت لهم بس كان بريك غدا الساعه 1 الظهر مستأذن من العمل ووبعد ماكلمت الحارس يقول احمد ربك انهم اسمحوا باعادة خدمة ال VIP لانها كانت موقفة قبل فترة المهم سجلت اسمي ورجعت للدوام
وبعدها رجعت لهم الساعه 2:40 ظهراً والزحمة كلها في الVIP العالم كلها مسجلة VIP والعوايل الله يهديم ورانا ورانا وين مانروحجاي لحالي بدون المدام بس لاحظت حاجه حلوه اي طفل يعطونه عصير وحلويات ماشاء الله عليهم فرق بين وبينهم بالتعامل المهم وانتظرت ساعه واربعين دقيقه لين خلصت طبعاً اجراءاتهم سهله ومنظمة ومحترفة بس زحمة الناس اخرتنا شوي بعد ماطلعت من عندهم جاتني رسالة على المغرب تفيد بان المعاملة تحت الاجراء
مازلنا بالانتظار
طبعاً قدمت لهم التالي : الفورما للابلكيشن والجواز الاصلي والصور الشخصيه وصورة من حجز الطيران الخطوط السعودية وصورة من حجز الفندق بوكينق وتعريف من العمل بالانجليزي وكشف حساب من البنك لازم يكون مختم انتبهوا وايضاً الصور لازم جديده......
ثانياً : الاستفسار يالربع الحين لو حجزت للندن وعندي ترانزيت فرنسا يوم واحد اقدر انزل فيها ولا ممنوع او فيها اجراءات معينه الشنغن وايها اسهل بالسعودية ولا باريس خصوصاً بالشرقيه لا توجد الشنغن سوا لدوليتن فقط المانيا والنمسا والباقي ادعس للرياض لاهنت
وبالاخير تقبلوا فائق تقديري واحترامي لكم؛؛؛
واسف على الاطالةمواضيع عشوائيه ممكن تكون تعجبك اخترناها لك:
- راي خبرائنا في فنادق
- كم سعر شريحة الجوال بلندن ؟
- افضل وسيلة من لندن الى مانشستر؟؟
- مساعدة في مترو لندن
- البحيرات جلاسكو لندن مانشستر
- مساعده في تنظيم جدول
- رحلة الي لندن تسعة ايام
- استفسااارات مهمه للجميع
- مساعده لفنادق لندن
- طريقة حجز قطار يوروستار من لندن الى باريس مساعدة
- جاوبوا على سؤال اخوي الله يجزاكم خير
- اول سفرة لاوروبا مساعدتكم يالطيبين
- استفسار عن ؟
- خبرائنا الاعزاء اعتمادي بعد الله عليكم
- بعدستي زياره ملعب تشلسي وأرسنال
- ارجو المساعدة ،، انا متوهقة
- ابي فندق او شقه اهم شي الموقع
- كيفية الحجز عبر الانترنت؟؟؟
- استفسارات لسفرة لندن
- الخطوط الفرنسية
رد مع اقتباس
المفضلات