الموضوع: الى مشرفينا الاعزاء

السلام عليكم ورحمة الله وبركاته
اخواني المشرفين على هالبوابه الرائعه اتمنى منكم المساعده بخصوص التخطيط لرحلتنا لإيطاليا انشالله اللي بتكون ب10جولاي ولمدة 21يوم بإذن الله علما اني اول مره ازور ايطاليا واحنا 6 اشخاص 2 كبار و4اطفال 13و10و8و5سنوات والاماكن اللي ناويين نزورها والتخطيط المبدئي هو ليلتين ميلان واسبوع سيرميوني ومنها اطلع لفينسيا وارجع بنفس اليوم واسبوع ريميني ثم العوده الى ميلان للشوبنق طبعا سؤالي هو هل هذا التقسيم مناسب ؟علما اني مااحب كثرة التنقلات لوجود الاطفال والشنط طبعا وماهي افضل وسيله للتنقل بين هذي المدن وماهي طريقتها يعني لو قطار او باص من وين يتحرك ووين ينزل ؟والاهم ماهي افضل الاماكن للسكن وايش اسم افضل المناطق للسكن فيها؟؟؟ادري اني طولتها وكثرت الاسئله بس الله يجزى كل واحد يساعدني الف خير ويجعله في ميزان حسناته انشالله

مواضيع عشوائيه ممكن تكون تعجبك اخترناها لك:

• نداء عاجل جدا
• كم المسافة بين ميلانو وباريس؟
• مساعدة في تخطيط رحلة روما ميلان
• منتجعات تابعة للماريوت كلوب
• ارجو المساعدة من فضلكم
• خبراء أيطاليا لو سمحتوا
• فزعتكم ياهل ايطاليا
• عاجل للخبراء في ميلان ولوقانو
• استفسار عن مطعم بيتزا ؟؟؟
• استفسارات خفيفة
• سيرمني او سيرموني
• كيف الاجواء بشهر فبراير بايطاليا ؟؟ ؟
• من فينيسيا الى زيملاسي هل يوجد قطار مباشر
• اسفسار عن المواصلات في روما
• الرحلة الايطالية م تقرير مصور إرشادي
• مخطــط مبــدئـي ، أرجـو المسـاعدة
• استفسار عن مخطط الرحله ارجو المساعده
• بالله شرايكم بالفندقين ذولا في ميلان
• أيام بلياليهن في إيطاليا كيف واين وبكم اقضيها؟ أرجو المساعدة
• استفسار للخبراء

:anhep:طيب اي احد يعبرني

مساء الخير

انا اشوف انك لازم تدخل روما في البرنامج , واتوقع ان اسبوع في سيرموني كثيره جدا

انا كنت في ايطاليا قبل اسبوع وجلست في سيرموني 5 ايام وحسيتها كفايه .الغريب في

الموضوع ان اجواء ايطاليا كانت جميله في روما وفينيسيا وميلان غيم وامطار خفيفه باستثناء

سيرموني كان الجو حاااار ومكتوم .

الملاحظه الثانيه تحتاج سياره في سيرموني للتنقلات والا راح تتعب كثير

للفائده انا طلعت من روما لفينيسيا بالقطار وجلست يومين واستاجرت سياره من فينيسيا

واتجهة الى سيرموني تقريبا ساعه ونص .لو عندك جهاو ملاحه مستعد اعطيك بعض الاحداثيات

بالنسبه للسكن في سيرموني كنت ساكن انا في فندق edenكان حليل نوعا ما

في فندق ثاني مقابل لفندقي شكله حلو اسمه فندق سيروني . ولك الاختيار

في ميلان ارشح فندف spadari في السنتر

ريميني لا املك معلومات تحياتي............

السلام عليكم

أخوي القنصل 1981
شكلي بدخل عرض عليكم

أنا أحتاج للاحداثيات الخاصة بسيرميوني و اللي حولها لأن بكون هناك تقريبا لمدة 6 أيام

و العذر و السموحة يا عزيزي mmbl بالعامية ( خطمنا عليك )



والله يجزيكم خير

اهلا فيك اخوي Mohsin122

هذي الاحداثيات بس اهم شي تاكد ان الجهاز مضبوط على نفس الصيغه حقت الاحداثي

مدينة سيرموني : n 45 29,251
e10 36,616


فندق eden تلقاه داخل المدينه القديمه : n 45 29,542
e10 36,397


ملاهي movie studios park n 45 28,636
e 10 43,632


ملاهي gardaland : n 45 27,279
e 10 42,883


مدينة فيرونا 30 كلم عن سيرموني :n 45 26,301
e 10 59,505


اوت لوت franciacorta village يبعد 54كلم عن سيرموني
n 45 34,594
e 10 07,061

اخي القنصل الف شكر عالمعلومات المفيده بس الصراحه ما تحمست ادخل روما في البرنامج لان زي ماذكر اغلب الاعضاء مافيها شي يسوى غير الاثار وحرها مب طبيعي وانا معاي اطفال يعني ماراح ينبسطون فيها
واشي الثاني ابي اسئلك اذا فيه شركات تأجير سيارات في سيرميوني؟
ومن خلال بحثي عن شي جديد وممتع لقيت كروز يطلع من فينيسيا ويرجع لفينيسيا لمدة 7 ايام اسمه ncl ماحد سمع عنه؟لان اذاهو زين اكنسل ريميني واروح للكروز عالاقل اكون جربت شي جديد!!!!!

mohsin اخذ راحتك ولا تعتذر ولا شي المهم انك لقيت اللي تبيه وبالتوفيق للجميع انشالله

للاسف مااذكر اني شفت اي شركة تاجير في سيرموني

لكن الاكيد انه فيه في مدينة فيرونا , واذا انك بتجي سيرموني

من ميلان استاجر السياره من هناك واطلع بها الى سيرموني

المسافه تقريبا 130 كلم

للاسف ماعندي اي خلفيه عن الكروز

تحياتي................

القنصل يعطيك الف عافيه على سرعة تجاوبك والله لا يحرمك الاجر انشالله
وياليت اذا فيه احد سمع عن الكروز يعطينا خبر عشان الكل يستفيد

أخوي mmbl
شكرا لك والله يوفق الجميع

الغالي القنصل1981
الله يعطيك العافية على المعلومات و ما قصرت

أخوي القنصل
القطار من ميلان إلى لوقانو هل يجب الحجز مسبقاً عن طريق النت أو أروح للمحطة بنفس الوقت و أحصل حجز
يا ليت تفيدني
وجزاك الله خير

مساء الخير

اكيد اذا رحت بتحصل حجز لكن انا انصح انك تقصها من هنا عن طريق النت او وكالة

الزومان خصوصا انه كل ماقصيت بدري كانت ارخص

للملاحظه : لوقانو تحتاج سياره عشان تستمتع فيها اكثر

المسافه بالسياره من ميلان الى لوقانو بحدود الساعه

ومن سيرموني بحدود الساعتين ونص

تحياتي.........

هل يكفي اروح لوقانو وارجع نفس اليوم او لازم اجلس فيها كم يوم؟؟

أخوي القنصل 1981
السلام عليكم
أجل لازم آخذ تذاكر القطار من النت أسهل و أفضل من وكالة الزومان أو غيره
أكيد لازم يكون معي سيارة ، أنا بروح لوقانو عشان أستلم السيارة من هناك و العودة إلى سيرميوني لأنه حصلت إيجار السيارة من لوقانو أرخص و أفضل و خيارات كثيرة وبيكون التسليم في مطار فينا بإذن الله تعالى
و شكراً على المعلومات القيمة
و مرة ثانية أكرر اعتذاري يا أخوي mmbl الموضوع لك و أنا داخل عرض
الله يجزيكم خير جميعاً

مساء الخير

لوقانو تقريبا حدها ليلتين للناس الي تبغى تستمتع وتروق ,يمديك تروح وترجع بنفس اليوم

بس اتوقع اذا شفت اجوائهم الجميله راح تتمنى لو انك مددت فيها شوي . رأي شخصي .

انا انصح انك تشوف تقارير بعض الاعضاء عن لوقانو وتقرر بنفسك .


تحياتي..................

مشكور اخوي القنصل وشكلي باخذ برايك واجلس كم يوم في لوقانو شكلها حلوه,,وهذا اخر تخطيط للرحله وابي رايكم لان رحلتي الاسبوع الجاي وانا ماحجزت اوتيلات للحين,,
اولا:الوصول لميلان والتوجه مباشرة الى سيرميوني راح نجلس فيها 8 ليال لان بطلع منها يوم الى فينيسيا والرجوع بنفس اليوم,,السؤال:وشي احسن الاوتيلات لاني احترت والقيت شقق كلها فل!اللي حصلتهم 3 اوتيلات alexandra و hotel flaminia و baia blu hotel ياليت اللس عنده علم عن هالاوتيلات او غيرها يفيدنا بسرعه لان الحجوزات قاعه تطييير
السؤال الثاني: هل تنصحوني اسكن بالاتيل حق الملاهي garda land hotel ؟شكل الاوتيل حلو شرايكم نجلس فيه ليلتين عشان الاطفال ينبسطون!لاني مالقيت احد تكلم عن هالاوتيل في المنتدى!!!!!
بعد سيرميوني نروح 4 ليال ريميني وبعدها 5 ليال لوقانو وبعدها 5 ليال لوقانو واخر شي ميلانو للشوبينق ومن ثم العوده لارض الوطن,,اذ فيه اي تعليق عالبرنامج ياليت احد يفيدني ولو فيه برامج مقترحه لهالاماكن او اوتيلات اكون شاكر جدا جدا جدا,,علما ان تنقلاتنا كلها بتكون بالقطار

ونسيت اسأل هل ممكن القى سياره فان مع سائق تكون معي فترة اقامتي بسرميوني؟؟؟؟؟

?????????????????????????????????????????????????? ????????

للاسف لم اجد حجز في اوتيلات في لوقانو شرايكم اجلس في كومو واروح اتمشى في لوقانو وارجع نفس اليوم؟؟؟؟؟؟؟