الموضوع: استفسار بخصوص اسعار التذاكر الخطوط السعودية و الفنادق بلندن؟؟

السلام عليكم

من خلال تقارير الموقع و الاستفسارات وجدت البعض مخالف للواقع !!

لاني جيت احجز و ما حددت ميزانية لكن وجدت التذاكر غالية

ع الخطوط السعودية
من جدة ل لندن
15600 خمسة عشر الف و ستمائة
لشخصين و طفلين

و الفنادق فوق الف ريال الغرفة !!

سؤالي هذي اسعار معقولة ؟؟

و الا ادور خطوط ثانية و فنادق ثانية

احتاج رأيكم و اقتراحاتكم

رحلتي بنهاية يونيو

مواضيع عشوائيه ممكن تكون تعجبك اخترناها لك:

• كيفية الذهاب من مطار هيثرو الى منطقة البحيرات
• اختيار مقعد في القطار
• مخطط السفر الى لندن وباريس في العيد
• من سكن في ال
• زيارة لندن أول مرة
• أستفسار بخصوص الفنادق لندن
• ما رأيكم في جدول رحلتنا لمدة ليلة ؟؟
• اهم الاسواق في لندن
• اريد السفر الي لندن لدراسة ماستر في مختبرات طبية
• استفسار ضروري عن رحله اغسطس
• كم سعر شريحة الجوال بلندن ؟
• استفسار عن مانشستر
• برنامج سياحي 10 أيام داخل بريطانيا
• رايكم وتجاربكم مع موقع هوم اوي
• رحلة الى لندن لمدة ١٢ يوم
• مساعدة
• ايرلندا دراسة لغة سياحة
• لي يومين ماحد رد علي
• صور من ويلز
• كيف الاندرجراوند في لندن من ناحية الامان؟

اخوي يمكن تذاكرك درجة اولى ؟
استفسر عن تذاكر الفي كلاس V class والافضل تتصل عليهم عشان تتكلم مع الموظف بمرونة اكثر من الموقع ..
بالنسبة للفنادق جرب تبحث عن شقق تكون ارخص من الفنادق خصوصا للعائلة اريح وجرب موقع البوكينق بتلاقي ارخص من اللي قلته

بالتوفيق

اول خطوه استبعدناها بالحجز هي الخطوط السعوديه غاليه ع قل سنع .. دااايم طيروا للطيران الاماراتي او طيران الديره الي انت طالع لها
خلو السعوديه بين ربوع بلادنا

السعر زين وماراح تلقى ارخص منه غير طيران التركي او الكي ال ام جرب او المصرية

السعودية معقول 15600 واحسن لك لانها دايركت


الاماراتية انا شاريها ب 16400 نفس العدد 2 كبار وطفلين


الاتحاد والقطرية تقريبا ب 16000


وشيك على المواقع بس انا اقولك اذا ماعندك مشكلة قصها من الحين ولا بتزيد اكثر واكثر وبتتفاجأ بمبالغ خيالية توصل السعودية 20 الف بالراحة


مابي اضيق صدرك لكن هذا الواقع وانا اخوك والله يعين

المشاركة الأصلية كتبت بواسطة مسافرة عبرالزمن
http://www.arabtravelersforum.com/tr...2/#post7671642

اخوي يمكن تذاكرك درجة اولى ؟
استفسر عن تذاكر الفي كلاس V class والافضل تتصل عليهم عشان تتكلم مع الموظف بمرونة اكثر من الموقع ..
بالنسبة للفنادق جرب تبحث عن شقق تكون ارخص من الفنادق خصوصا للعائلة اريح وجرب موقع البوكينق بتلاقي ارخص من اللي قلته

بالتوفيق

ياسلام عليج خبييرتنا الغاليه على رد المعرف الف الف مبروك

اشكر تفاعلكم و ردكم السريع

تاكدت منها ماهي درجة اولى و لا شي متميز الا ارخص شي
و اليوم اكدت الحجز بسعر أعلى 15992


ما حبيت الامارات و الاتحاد لانها لازم ترانزيت

تستاهل خطوط السعودية يكفي انها دايركت

المشاركة الأصلية كتبت بواسطة أبــوعبدالله
http://www.arabtravelersforum.com/tr...0/#post7672630

ياسلام عليج خبييرتنا الغاليه على رد المعرف الف الف مبروك

الله يبااارك فيييك بو عبدالله والشكر موصول لك ماقصرت تسلم

خير ماعملت والله يوفقك

تدري البزنس كلاس بكم !!


اقل شي يمكن 40 الف

طيب جربت تخلي الوصول لمطار جيتويك مثلاً اعتقد ممكن تلقى ارخص

او الوصول مانشيستر مثلا ( اذا لك نية على مانشيستر ) والعودة لندن
ارخص شوي بالسعر

او الوصول لندن والعودة من باريس ( اذا انت حاط نية باريس )
تلقاها ارخص


لكن هيثرو والعودة من نفس المطار هنا تكون نار الاسعار خاصة لندن

عسى ربي يوفقكم ويسمح دربكم




اتمنى لك سفره سعيدة وموفقة بأذن الله

السعودية ماتروح مانشسر حسب علمي واختلاف مطار العودة تصير الذكرة اغلى الا اذا لندن تختلف ما عندي خبرة بهالموضوع

شكرا اختي مسافره للتوضيح

مو متأكد اذا تروح مانشستر او لا


وبالنسبة لأختلاف نقطة العودة عن نقطة الوصول ليست على كل حال اغلى بالغالب تكون ارخص


جربي حطي الوصول مثلا لندن والعودة باريس بتلقينها ارخص




الله يعطيك العافيه على جهودك اختي واسأل الله لنا ولكم كل توفيق

تفضلي اختي وش سؤالك عن الفنادق من اي ناحية يعني

ومانقصر وياك بأذن الله

للأسف أتوقع انزرفت في قيمه التذاكر ..

انا حجزت لنسيبي شخصين وطفلين رايح جاي بـ 9400 ريال ورحلتهم يوم 29 ابريل


وشيكت على الموقع قبل شوي برضوا نفس السعر ..


اذا لسى ماقصيتها تأكد زين


موفق ..

السلام عليكم

اخوي ناصر انت تقصد اي خطوط طيران ؟؟ ومن وين المغادرة من الدمام ؟

انا اتكلم عنم شهر جون هاي سيزن وكنت متابع الموقع بشكل يومي من بداية السنة كانت بسعر 13400 ريال لعدد 2 كبار وطفلين وهي بارتفاع الى ان وصل سعرها اليوم 17300 ريال والاماراتية كل سنة كذا تبدا بسعر يتراوح من 11000 الى ان تاصل في بعض الايام ل 20 الف وطيران السعودية يوصل سعرها في الصيف ل 25 الف


هذا والله المستعان

السلام عليكم
انا قصيت التذاكر اربعه اشخاص 10970ريال على klm دمام مانشستر العوده كاردف دمام فى شهر جون

انا كنت مشيك على الخطوط السعوديه بشهر اغسطس 14 تقريبا وشيكت ع البريطانيه وحصلت سعر رائع 4 اشخاص بالغين 10 الاف ريال سعودي وحجزتها
ماشفت غيرها لان يهمني تكون دايركت

المشاركة الأصلية كتبت بواسطة Princess Nagham
http://www.arabtravelersforum.com/tr...4/#post7673744

عندي استفسار بخصوص الفنادق و ما قدرت اضيف موضوع مستقل



وش نوع اللي تبون يعني فنادق 5 نجوم و4 ؟هذي شوفيها في بوكنق ..اذا شقق عندك موقع هوم اوي اعجبني - اذا تبون شقق افضل من بوكنق بالنسبه لي لان شفت خيارات كثيره فيه -
وبالتوفيق