الموضوع: شهركم مبااارك يارب وبغيت تنسيق شهر عسل

السلام عليكم ورحمة الله وبركاته

شهركم مبارك يارب وتقبل الله منا ومنكم ,,,,

الوكاد اني ابي استفسر عن الفنادق في ماليزيا لمدة 13 يوم وش رايكم وش تنصحوني فيه وابي شي مجرب لاني اول مره اسافر والشي الاهم انه شهر عسل يعني لازم انبسط وتنبسط اهي كمان وكم التكلفه المتوقعه وترتيب الايام ادري ثقلت عليكم بس في موازين حسناتكم ان شالله وبس لا هنتو ,,,

اهم شي انها تكون في كل مدينه اكثر من فندق وكم تكلفته تقريبا والله يسعدكم يارب على هالمنتدى الشامخ الي يسر للناس الكثير الله ييسر عليكم ,,,,

مواضيع عشوائيه ممكن تكون تعجبك اخترناها لك:

• الاستفسار عن ترتيب جدول لشهر عسل
• ارجو ترتيب جدول يومي لـ ايام لبينانغ وشكرا
• جهزت لرحلتي لماليزيا أبي رأيكم
• آرائكم ومشورتكم ونصائحكم في خطتي لسفري لماليزيا شهر العسل
• ما رايكم بهذا الجدول واعطوني رايكم
• استفسار عن اهم الاماكن في سلانقور لنكاويبياننجكوالالمبور
• لو سمحتم ممكن برنامج يومي
• ساعدوني بخصوص حجز طيران لماليزيا
• شهر عسل تقريبا يوم باقي لي الفنادق و الترتيب فزعتكم
• شوية أسئلة
• بيرجايا لنكاوي
• سياسة فنادق ماليزيا؟؟؟
• شهر عسلي قرب ياشباب واذا ماساعدتوني بزعل هاه
• المسافر الخيالي بين كرام
• ابغى فزعتكم السفر بعد اسبوعين
• ارجو افادتي عن صلاحيه الجواز؟
• محتاج رأيكم في الجولات السياحية
• زيارتي الاخيرة لماليزيا و المكتب السياحي
• ارجو مساعدة اهل الخبر ه فى شهر العسل سريعاً
• لآول مرة اسافر ماليزيا ، لشهر العسل وآحتاج مساعدتكم

هلابك ياعسل

بأذن الله إنك ( أسعد أهل الرياض ) ... ومنت ( أشقاهم )

عموما ياحلو ... عندك ( 13 يوم ) ... أنصحك بهذا التقسيم وهذه الفنادق

يومين سلانجور ... فندق البيراميد

أربعة أيام لنكاوي ... فندق البلانجي بيتش

ثلاثة أيام بينانغ ... فندق البارك رويال

أربعة أيام كوالا ... فندق الرويال شولان

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات

* هذه الفنادق هي الأجمل والأنسب ... وطبعا فيه أرخص وفيه أغلى

http://img40.imageshack.us/i/78141424.png/

طيب وافي حبيب قلبي يعطيك العافيه ,,,,,

بس ممكن حاجه ممكن اتعبك معي شوي وتقولي كم اسعار الفنادق هذي وتصنيفها خمس نجوم اربعه وكم بتكلف كلها تقريبا في بداية سبتمبر بعد شهر تقريبا ,,,

لاني ابي شي كويس وايش مزايا الفنادق الي قلتها وايش الخيارات الثانيه ,,,,,

من جد احس انك بتقولي وش رايك اسافر معك احسن ههههههههه ,,,,

لاني ابي اسوي تصويت على الفنادق واطلع مابي خيار واحد ,,,,

وايش نصايحك لاني عريس اكيد بتكون هناك فروقات غير اني سياحه فقط والا وش رايك ,,,

حياك ياغالي ...

الفنادق المعروضة هي الأنسب ... وسعرها بحدود ( 7000 ريال ) لمدة 13 يوم

فنادق نظيفة ورائعة ومميزة ومعروفة ... وكل من سكن فيها يمدحها

وتفضل الخيارات الأخرى

في سلانجور ( صن وا يلاقون - إمباير )

في لنكاوي ( ويستن - فوربوينت - لنكاوي لاقون )

في بينانغ ( قولدن ساندس - هوليدي إن )

في كوالا ( جراند ملينيوم - تريدرز - بارك رويال كوالا )

وأحب أضيف نقطة مهمة :

الميزانية هي من تحدد الفندق المناسب ... يعني الأمر بيدك

http://img40.imageshack.us/i/78141424.png/

طيب وش رايكم في هالفنادق يا وافي ,,,,
سلانجور يومين فندق صن وي ريسورت غرفة بريمير او غرفة سوبر يور وش رايك وايش تفرق ,,,,

ولنكاوي ثلاث ايام فندق ويستن لنكاوي غرفة ديلوكس او فندق فور بوينت غرفة ستاندر مطله على البحر او اطلالة جزئيه او فندق متيارا غرفة سوبر يور وش رايك من ناحية السعر طبعا تفرق كثير بس وش رايكم فيها كلها بالتفصيل يا ليت ,,,,

بينانج ثلاث ايام فندق قولدن ساندس غرفة ديلوكس مواجهه للبحر او بي فيو بيتش او فندق فلامينقو غرفة ديلوكس مطله على البحر ,,,,,

كوالا اربع ليالي منطقة البرجين فندق تردز او شارع العرب فندق رويال شولان او فندق دروست ريجنسي ,,,,

واخر يوم خلاص قررت باسكن منتجع قراند ليكزس فيلا بيريمر بمسبح داخلي فوق الماء ,,,,

قلي وش رايك من كل النواحي وما ابي الا شي كويس ينفع لعرسان وش ترشحلي في كل مدينه واكيد ابي الميزانيه تقل في السكن يعني من السبعه الثمانيه الاف هيك يعني ,,,,,,

في البداية تقسيم وافي مميز
بالنسبة لاختيار الفنادق يعتمد على الميزانية
الفنادق من الأغلى إلى الأرخص ،، وأرشح لك اللي باللون الأزرق
سيلانقور
فندق الصان وي لاقون (غرفة بريمير مطلة على الألعاب) أو فندق البيراميد
الفرق الصان وي لاقون 5 نجوم والبيراميد 4 نجوم (كلا الفندقين ملاصقين لبعض)

لنكاوي
فندق الوستن(غرفة ديلوكس مطلة على البحر) روووعة بس غالي تقريبا 1000 ريال لليلة
أو فندق بلانجي بيتش (غرفة ديلوكس مطلة على البحر)
أو فندق لنكاوي لاقون (كوخ) يعني فوف الماء ويصلح للعرسان رومااااااااانسية
فندق موتيارا ما يصلح للعرسان

بينانغ
أنصحك بفندق قولدن ساندس (غرفة ديلوكس مطلة على البحر) أو فندق الهوليدي إن (غرفة على بيتش وينق مطلة على البحر)

كوالا خلها مقسمة على فندقين
أول ليلتين في تريدرز (غرفة مطلة على البرجين)
والليلتين الثانية فندق البرنس

طيب أخوي وافي وزامل واطالب بتدخل المغادرون 2007 ,,,

الحين أنا ابي افضل الفنادق للعرسان ادري والله تعبتكم ,,,,

يعني بغيت عرضين لكل لسفريه يعني في سلانجور ولانكاوي وبيننانغ وكوالا ,,,,,

ابي الفنادق المميزه في كل المدن كم بتكلفني وتكون كلها لا يعلى عليها ومناسبه لشهر عسل ,,,,

الشي الثاني ابي عرض ثاني نفس الي فوق بس يكون اقل في الاسعار بس منااااسب جدا للعرسان مو مشكلة الله يعين نرفع الميزانيه وهل تقريبا 7000 او 8000 بتسكني في فنادق ممتازه جدا او لا ؟؟؟؟؟

خياراتي أرسلتها لك عالخاص ياغالي

الحين قررت يا شباب اسكن في كل من:
سلانقور صن وي بيرميد

لنكاوي ويستن لنكاوي

بينانج بارك رويال او قولدن ساندس وش الاحسن

كوالا رويال شولان

بورت ديكسون قراند لكزس

وش رايكم في اختياراتي اهي مو اختياراتي اختياراتي واحد الله يسعده دنيا واخره في مقام الوالد

وعطوني نصايحكم طبعا ترتيب الرحله يومين - ثلاث ايام - ثلاث ايام - اربع ايام - يوم واحد

وين الردود

حياك ياغالينا ..

ماشاء الله ... فنادق من أرقى الفنادق بماليزيا ... ذوق والله ياغلاهم

والتقسيم راااائع ... ومريح جدآ ... أعتمد طال عمرك ...

وفي بينانغ أرشح لك ( قولدن ساندس ) أفخم وأجمل وأرقى ...

http://img838.imageshack.us/i/29948229.png/

بعد تقريرك يكون الأفضل إن شاء الله تعالى
ليلتين سلانقور فندق الصن وي بيراميد

3 ليالي لنكاوي فندق ويستن لنكاوي

3 ليالي بينانج قولدن ساندس أفضل الخيارات

4 ليالي كوالا فندق رويال شولان

ليلة واحدة بورت ديكسون منتج قراند لكزس

هذا التقسيم المريح والأفضل إن شاء الله تعالى

تم اعتماد الفنادق ,,,
والطيران الداخلي متابعينه مع الغالي ابو انس ,,,,,

ودنا نبدأ بترتيب الجدول اليومي يا ليت يكون جدول يناسب شهر عسل وغير مرهق ,,,,,

وكم تقريبا التكلفة المتوقعه للمدة كاملة ,,,,

تعجبني ياحلووو ... وربي جدول روووعة

وبخصوص الجدول اليومي ... تجده هنا في ردي على أحد الأخوات

http://www.arabtravelersforum.com/travel657920/

http://img836.imageshack.us/i/98167303.png/

نصايحكم قبل السفر للي ما قد سافر هالديره وكيف التعامل في بعض الاشياء من تكاسي وغيره ,,,,,

المشاركة الأصلية كتبت بواسطة شقي الرياض
http://www.arabtravelersforum.com/tr...3/#post7130773

نصايحكم قبل السفر للي ما قد سافر هالديره وكيف التعامل في بعض الاشياء من تكاسي وغيره ,,,,,

تفضل ياغالي ... موضوعي هذا ... راح يفيدك بأذن الله

http://www.arabtravelersforum.com/travel637180/

http://img825.imageshack.us/i/98479656.png/

التذاكر الداخليه وش وضعها سجلت في ار اسيا بس باقي كيف احجز وهل اسعارهم ثابته او متغيره ؟؟؟؟

ومتوهق شوي لان الموقع كله انجليزي

هلا ...

تذاكر الطيران الداخلي في air asia غير ثابتة ...

كل ماقرب موعد الرحلة ... زاد السعر ... وكلما حجزت من بدري ... تحصل على سعر أرخص

وللعلم ... الحجز نوعين في air asia

1) برومو : وهو السعر الترويجي ... الأرخص ... وتعدل التاريخ فقط

2) ريقلور : وهو السعر العادي ... وميزته تعدل التاريخ + الأسم

وفيه نقاط مهمة لازم تعرفها قبل الحجز من air asia

* الأوزان بفلوس ... وأنت تختار الوزن المناسب لك

* لايمكن تعديل ( المسار والوجههة ) ... تقدر تغير التاريخ مقابل رسوم

* أختر ( البوردنق ) مع الحجز .... وسعره 10 رنقت لكل تذكرة

* فيه أشياء مالها داعي ( المخدة - غطاء العين - التأمين على الحياة - الباص ) ... كنسلها

وأخيرا تفضل هالموضوع المميز ... يشرح طريقة الحجز من air asia

http://www.arabtravelersforum.com/travel358639/

http://img860.imageshack.us/i/13618028.png/