المشاركة الأصلية كتبت بواسطة اسيرالدوحه
http://www.arabtravelersforum.com/tr...5/#post6764075

السلام عليكم سفير البدو ...

ماشاء الله عليك اخوي ... هذي اجابتك من غير تفاصيل ...

عيل شلون لو كانت مع التفاصيل ...

انا اتفق معك فيما قلته ... وازيد ...

من الافضل انك تشتري اغراضك على مراحل ... مثلا المرحلة الاولى .. تشتري ما يخص التشطيب ...وانارة وادوات صحية ...

المرحلة الثانية .. لما تخلص البيت .. وتصبغ ... وقبل السكن بحوالي 3 - 4 شهور ... تشتري الاثاث من الصين ...

وطبعا ... يجب عليك اختيار الوقت المناسب للسفر ... يعني ماتسافر وقت المعرض او الاجازة السنوية ...

او حتى قبلهم ... مثلا اذا الاجازه تبدي شهر فبراير .. ماتروح منتصف يناير .. اول شي ... الاسعار راح تطلع فوق ... هذا عدا انك راح تتعطل وقت الاجازة ...

بمعنى اخر .. انك لم تستفيد من سفرتك قبل الاجازة ... وكأنك سافرت بعد الاجازة .. الاختلاف هو فالسعر .. الاسعار قبل الاجازة اغلى من الاسعار بعد الاجازة ...

بالتوفيق اخوي ...



تسلم أخوي أسير الدوحة والله ضحكتني, والله حصلت نفسي أسترسل في الكلام وتولد عندي رغبة قويه في سرد بعض التفاصيل حرصاً على الفائده ورداً لجميل هذا المنتدى وأدين لك شخصياً بالفضل بعد الله في تسهيل جزء كبير من رحلتي. وأجد هذه فرصه مناسبة اني أشكرك من كل قلبي على كل نصايحك وكتاباتك.
مثل مانت تفضلت أشوف ان شراء جميع مايخص البيت من تشطيب وأثاث في سفرة واحده فكرة غير جيده لأسباب كثيره منها الوقت والأرهاق في الجمع بين أشياء مختلفه تماماً في مراحل بناء البيت, غير كذا لو أفترضنا ان الشخص ترك الأثاث لسفرة مستقله (مثل ما أنت سويت أخوي أسير) راح يكون أفضل في تلافي سلبيات الرحلة الأولى وحيكون الأختيار أفضل كون المشتري عارف ايش يبغى من ديكور او أثاث في كل زاويه من البيت غير لما يكون الموضوع إجتهادات. كمان تخزين الأثاث حتى يجهز البيت بيعرضه للبهذله ويفقد جزء من بريقه وفرحة كونه جديد. وغيرها كثير.
بالنسبه للإجازة انت صادق أخوي أسير. انا صادفتني آخر ثلاث أيام من الإجازة على إعتبار اني وصلت جوانزو يوم 28 يناير وضاعت أول يومين ولكن استغليناها في التمشيه والتعرف على المدينه ولو ان الجو كان بارد جداً ولكن الحمدلله بعدها مشت الأمور تمام وخلصت أموري في أسبوع تقريباً, والترتيب له دور كبير في نجاح أي مهمه او رحله.
من الأشياء اللي صادفتني وتنطبق على (رب ضارةً نافعة), انه كل ما أدخل محل بعد الإجازة الآقي إهتمام غير طبيعي ويعطوني أسعار حلوة بعد التخفيض, طبعاً قالوا لي انه عندهم إعتقاد بان الزبون اللي يجي بعد الإجازة يتفألون فيه فإذا أشترى منهم راح تكون السنة الجديدة حلوة.... عاد انا أستغليت الموضوع حبتين.