فديتكم يا اهل قطر

**ahmedgaper** · 01-22-2015, 08:57 PM

اهل قطر ..... فديتكم

عندي استفسار يمكن غريب شوي

انا عندي ترانزيت في مطار الدوحة ثمان ساعات

استفساري انا ودي اطلع ما اقعد بمطار الدوحة ودي اطلع واتمشى واروح سوق واقف واتعشى فيه وارجع للمطار

شلون الطريقة عادي ؟ او ممنوع اطلع بره المطار لاني قادم ترانزيت ؟

ادري سؤالي غريب بس ماعمري صادفت رحلة فيها ترانزيت ثمان ساعات

وانا معاي طفلة عمرها ثلاث سنين

وسلامتكم

مواضيع عشوائيه ممكن تكون تعجبك اخترناها لك:

**ahmed3** · 01-22-2015, 08:57 PM

اخي العزيز محمد ..

اول شي يامرحبا فيك , في هـ 8 ساعات واتمنى لك قضاء وقت ممتع في الدوحه .. p:

بخصوص الوقت ما شاء الله يكفي للخروج وزيادة .. لكن لا اعلم اذا كنت تستطيع الخروج او لا واتوقع هذا يكون حسب خطوط الطيران اللي حاجز فيها ..

لانك عندما تذهب وتدخل امتعتك فـ تستلم بوردين للدخول الى الطائره وليس واحد ..

اذا كنت حاجز عن طريق الخطوط القطريه فـ انصحك انك تتصل على الرقم المجاني وتستفسر بخصوص هذا الموضوع للتأكد ..

اما بخصوص جمارك الدوحه فـ ماتوقع هناك اشكاليه ..

اتمنى اني افدتك ولو بالقليل وان شاااء الله تكون سفره سعيده ..

واي استفسار انا حاضر ..

**ahmedali** · 01-22-2015, 08:57 PM

الله يعطيك العافية يالسويدي .

انا على الخطوط القطرية حاجز . وهذي مشكلة ثانية الحقائب هل راح انتظرها عند السير او راح استلمها بالكويت ؟

واذا ماراح استلم الحقائب في قطر ... مو مشكلة انا اخذ معاي هاند باك فيها ملابس مؤقتة حق ليلة بقطر وادخلها معاي للطائرة .

وبخصوص رقم القطرية عندي رقم مكتبهم بالكويت ( بس مايردون ) .

عموما كلامك فيه فايدة لي خصوصا انه جمارك الدوحة ماعندهم مشكلة وراح اعاود الاتصال على مكتب القطرية .

واشكر تفاعلك معاي

**ahmed2** · 01-22-2015, 08:57 PM

الله يعافيك ..

اذا كان معاك البوردنق للرحله الثانيه ماضن ان حقائبك بينزلونها في مطار قطر , بل على طول سيتم وضعها على الطيارة الاخرى ..

ونعم تستطيع حمل حقيبه سفر صغيره معك في الطائره واضن الوزن المسموح 7 - 12 كيلو على حسب المطار وتشديدهم ..

الرقم اخي تحصله على تذكره السفر وهو يكون رقم دولي مجاني تتصل وتطلب منهم الخدمه وهم يحولونك واضن انهم 24 ساعه مب متأكد من هـ النقطه ..

جرب هالرقم :

974+

44433999